بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

فورماشىلدىقتىڭ جاڭا تۇرلەرىنەن باتىل ساقتانۋ كەرەك

  − كادرلاردىڭ ۋاقىتى مەن زەيىن - زەردەسىنىڭ كوبىن ساياساتتى تياناقتاندىرۋعا جۇمساۋىنا وراي جاراتۋ كەرەك

گازەتىمىزدىڭ شولۋ ءبولىمى

2020.05.12 15:42     كەلۋ قاينارى : حالىق تورابى

  پارتيا ورتالىق كوميتەتى 2019 – جىلدى «نەگىزگى ساتىداعىلاردىڭ اۋىرتپالىعىن جەڭىلدەتۋ جىلى» دەپ بەلگىلەپ، نەگىزگى ساتىداعىلاردى مازالاعان فورماشىلدىق ماسەلەلەرىن كۇش سالا شەشىم ەتىپ، نەگىزگى ساتىداعىلاردى قاجەتسىز قىسىمداردان ارىلتۋعا وراي جاراتىپ، كورنەكتى ونىمدىلىكتەرگە قول جەتكىزگەن بولاتىن. جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ جانە ەكونوميكا مەن قوعامدى دامىتۋ قىزمەتىن ءبىرتۇتاس جوسپارلاپ ىلگەرىلەتۋ بارىسىندا، ءار دارەجەلى پارتيا ۇيىمدارى مەن قالىڭ پارتيالى كادرلار جاڭا داۋىردەگى كوممۋنيستەردىڭ ساياسي قاسيەتىن تولىق ايگىلەدى. فورماشىلدىق پەن تورەشىلدىك − وڭايلىقپەن ايىقپايتىن اۋرۋ، بۇل شايقاستىڭ جەڭىسىنە ءبىر جولدا قول جەتكىزۋ مۇمكىن ەمەس ەكەنىن دە ءبىز ايقىن كورە ءبىلۋىمىز كەرەك.

  نەگىزگى ساتىداعىلاردى مازالاعان كەيبىر فورماشىلدىق ماسەلەلەرى ءالى دە ساقتالىپ وتىر، ونىڭ ۇستىنە، كەيبىر جاڭا اۋقىم، جاڭا بەينە دە بايقاتۋدا. مىسالى، كەي جەرلەر قۇجات تۇسىرگەندە قىزىل تەمەلى قۇجاتتى اق تەمەلى قۇجاتقا اينالدىرىپ، رەسمي قۇجاتتى قاتىناس قاعازىنا وزگەرتتى، ءىس جۇزىندە، قۇجات سانى ازايعاننىڭ ورنىنا ارتا ءتۇستى؛ كەي جەرلەر «جيىنسىز اي» قيمىلىن ورىستەتكەنىمەن، وسى ايداعى جيىننىڭ ءبارىن كەلەسى ايدا اشۋ سىندى قارا ءدۇرسىن ءتاسىلدى قولداندى.

  جۋىردا ورتالىق كوميتەت كەڭسەسى «نەگىزگى ساتىداعىلاردى مازالاعان فورماشىلدىق ماسەلەلەرىن جالعاستى شەشىم ەتىپ، جاپپاي دوڭگەلەك داۋلەتتى قوعام قۇرۋعا ستيلدىك جاقتان پارمەندى تۇردە كەپىلدىك ەتۋ جونىندەگى ۇقتىرۋدى» باسىپ تاراتتى، قۇجاتتىڭ قىسقاشا تۇسىنىگىندە بىلاي دەپ جازىلعان: «نەگىزگى ساتىلارداعى قالىڭ كادرلاردى ولاردىڭ جۇمىس تىندىرۋىنا، كاسىپ كوزىن اشۋىنا تۇساۋ بولعان فورماشىلدىق ماسەلەلەرىنەن ىشكەرىلەي قۇتىلدىرىپ، جاپپاي دوڭگەلەك داۋلەتتى قوعام قۇرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدى ستيلدىك جاقتان پارمەندى تۇردە كەپىلدىك ەتۋ كەرەك».

  «ۇقتىرۋدا» «كوپ جاقتاردىڭ نەگىزگى ساتىعا قايتا – قايتا ۇقساس مىندەت بەرۋى جانە ۇقساس كەستە تولتىرۋدى قايتالاي تالاپ ەتۋى، ساياساتتى اتقارۋدا <ءبارىن ءبىر تاياقپەن ايداۋى>» قاتارلى فورماشىلدىقتىڭ كونە ماسەلەلەرى مەن كونە بەينەلەرىنە باعىتتاي وتىرىپ، «ساندى مالىمەت جۇزىندە كەدەيلىكتەن ارىلتۋ، كەدەيلىكتەن جالعاننان ارىلتۋ» قاتارلى جاڭا اۋقىم، جاڭا بەينەلەرىنە نايزا ۇشىن كەزەي وتىرىپ، «توقىراماۋ، ەگجەي – تەگجەيلى تياناقتاندىرۋ» رۋحىن ايگىلەپ، «جالپى بەتتىك باقىلاۋ - تەكسەرۋ، جاعدايعا قاراي ىستەۋ» تالابىن دايەكتىلەندىرىپ، ءتۇرلى – تۇستەگى فورماشىلدىق ماسەلەلەرىنە قارسى تۇردى، باعىتتامالىلىعى مەن جەتەكشىلىك سيپاتى ءبىرشاما كۇشتى بولدى.

  فورماشىلدىققا قارسى تۇرۋ بارىسىندا، فورماشىلدىقتىڭ كونە تۇرلەرىن تۇبەگەيلى الاستاۋدان سىرت، فورماشىلدىقتىڭ جاڭا تۇرلەرىنەن باتىل ساقتانۋ كەرەك. قىزمەتتە بەلگى قالدىرىپ وتىرۋدى مىسالعا الساق، بۇل ءاسىلى فورماشىلدىققا قارسى تۇراتىن، قىزمەتتى تياناقتاندىرۋ جاعدايىنا باقىلاۋ جۇرگىزۋدى كۇشەيتۋ ءۇشىن ورتاعا قويىلعان شارا بولاتىن، الايدا، ءاماليات بارىسىندا، ءىشىنارا جەرلەر «بەلگى قالدىرۋعا» ارتىقشا ءمان بەرىپ جانە تالاپ ەتىپ، فورماشىلدىقتىڭ جاڭا ءتۇرىن قالىپتاستىرۋعا سەبەپ بولدى. جۇرتشىلىقتىڭ كەيبىرەۋى مىنانى اڭىس ەتتى: «وزەنباسى تۇزىمىندەگى» ناق مايدانعا مەرزىم بويىنشا بارىپ تەكسەرۋ جۇرگىزۋ تالابىن تياناقتاندىرۋ ءۇشىن، كەيبىر نەگىزگى ساتىداعى كادرلار ءبىر جولدا بىرنەشە پار كيىم اپارىپ، ناق مايداندا اۋىستىرىپ كيىپ، سۋرەتكە ءتۇسىپ ۋيچاتقا جولداۋ ارقىلى ءوزىنىڭ مىندەتىن اتقارىپ جاتقانىنا ىسپات ەتەدى.

  ءىشىنارا جەرلەر كەدەيلەردى سۇيەمەلدەۋ قىزمەتى بارىسىندا، سۇيەمەلدەنەتىن ورىنعا جىبەرىلگەن ءبىرىنشى شۋجي مەن كومەكتەسۋگە جىبەرىلگەن قىزمەت اترەتىنە كەستە تولتىرۋ ارقىلى جوقتاما جاساپ وتىراتىن، ءبىراق، باسقارۋ بوساڭسىعاندىقتان، كەيبىرەۋلەر ءبىر رەتتە ءبىر اپتالىق جوقتاما كەستەسىن تۇگەل تولتىرىپ كەتەتىن بولعان، وسىنداي فورماشىلدىقتان ساقتانۋ ءۇشىن، ءبىرىنشى شۋجي مەن كومەكتەسۋگە جىبەرىلگەن قىزمەت اترەتىنىڭ مۇشەلەرىنەن ءار كۇنى تاڭەرتەڭ، ءسوزسىز، ءوزى كەلىپ قول قويۋدى تالاپ ەتەتىن بولعان، الايدا، ءبىرىنشى شۋجي مەن كومەككە بارعان قىزمەت اترەتى ۇنەمى قىستاقتا بولادى، كۇنىنە اۋىل قالاشىعىنا كەلىپ - كەتۋ بارىسىندا ۋاقىتتارى مەن كۇش – قايراتتارىن جوقتاماعا قاتىناسىپ، قول قويۋعا جۇمسايدى، بۇل دا فورماشىلدىق ەكەنى ايدان ايقىن.

  مەيلى، فورماشىلدىقتىڭ قانداي ءتۇرى بولسىن، ناتيجەسىنەن قاراعاندا، مۇنىڭ بارلىعى دا سىرتقى كورىنىسىن ساندەپ، قۇر ساۋلەتكە بوي ۇرۋ بولىپ تابىلادى؛ شىن ءمانىن قۋالاپ كەلگەندە، بارلىعى دا ءىس جۇزىندىكتەن الشاقتاپ، ءامالياتتان قاشقاقتاۋدان باسقا تۇك ەمەس. بىلايشا ايتقاندا، فورماشىلدىقتىڭ باستى ەرەكشەلىگىنىڭ ءبىرى − ءىس جۇزىندىك ماسەلەنى شەشىم ەتپەۋ، فورماشىلدىقتى توڭىرەكتەپ اينالسوقتاۋ. شىنىن ايتقاندا، مەيلى، قۇجات سانىن ازايتۋ بولسىن، الدە، جيىندى قاراپايىمداستىرۋ بولسىن؛ مەيلى، قىزمەتتە بەلگى قالدىرۋ بولسىن، الدە، تياناقتاندىرۋدى باقىلاۋ بولسىن، بارلىعى دا ناقتى ماسەلەلەردى شەشۋ ءۇشىن، جۇرتشىلىققا شىنايى تيىمدىلىك جەتكىزۋ ءۇشىن ورتاعا قويىلعان شارالار. وسى ماعىنادان ايتقاندا، شىندىققا جۇگىنىپ، ناقتى ءىس تىندىرۋ − فورماشىلدىقتىڭ قاس جاۋى، «ناقتى ءىس تىندىرۋ» جاعىنا كۇش سالىپ، ناقتى تۇيىندەرگە كوز تاستاپ، ناقتى جۇمىستاردى باعالاپ، ناقتى ناتيجەلەردى ايتساق، سوندا عانا فورماشىلدىقتىڭ تامىر تارتىپ، ءوربىپ - كوكتەيتىن «توپىراعىن» الاستاي الامىز، سوندا عانا فورماشىلدىق ماسەلەسىن دەر كەزىندە جونگە سالا الامىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار