جاپالى دا عالامات قۇلشىنىس، وڭاي - وسپاق قولعا كەلمەگەن ناتيجە
«حالىق گازەتىنىڭ» شولۋشىسى
2020.05.18 16:29 كەلۋ قاينارى : حالىق تورابى
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كەزىندە قاھارمانداردىڭ ىزگى ىستەرى سانسىز ادامدى اسەرلەندىردى. قازىر ىندەتتەن ساقتانۋ - تىزگىندەۋ بارىسىنداعى قاراپايىم دا ۇلى قاھارماندارعا قۇرمەت ءبىلدىرۋ تۇتاس قوعامنىڭ سالتىنا اينالدى. ادىلەت جولىندا ەشتەڭەدەن تايىنباي، ۋاقىتپەن تالاسا جورىققا اتتانعان وسى شۇعىلا ەلشىلەرى، ءۇمىت ەلشىلەرى جۇڭگو حالقىنىڭ ۆيرۋسقا توتەپ بەرۋدەگى قاھارماندىعىن، جۇڭگونىڭ ىندەتكە قارسى اتتانۋداعى باتىلدىعىن ايگىلەدى.
بۇل ــ ىس - تۇتەكسىز، ءبىراق قۇرباندىعى بار حالىقتىق شايقاس، بۇل ــ زەڭبىرەك وعىنىڭ ءۇنى ەستىلمەگەنىمەن، اتويشىلاردىڭ قايسارلىعى اڭعارىلعان توسقاۋىل شايقاسى. تەڭىز جاعالاۋىنان ىشكى قۇرلىققا دەيىن جۇڭحۋا ۇلاندارى كارى – جاس دەمەي كەۋدە كەرە العا شىعىپ جۇڭگونىڭ بايتاق دالاسىندا جاڭا قۇرىش قورعان تۇرعىزىپ، ىندەتكە قارسى جان قيارلىقپەن كۇرەس جۇرگىزىپ، جان تەبىرەنتەرلىك ءداۋىر داستانىن جازدى. «اسا جاپالى قۇلشىنىس ارقىلى ۋحاندى قورعاۋ شايقاسى، حۋبەيدى قورعاۋ شايقاسى شەشۋشى تابىسقا قول جەتكىزدى، ىندەتتەن ساقتانۋ - تىزگىندەۋ توسقاۋىل شايقاسى ەلەۋلى ستراتەگيالىق تابىسقا قول جەتكىزدى، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ بەلسەندى ونىمدىلىككە قول جەتكىزدى». باس شۋجي شي جينپيڭنىڭ پارتيا ورتالىق كوميتەتى اشقان پارتيا سىرتىنداعى قايراتكەرلەردىڭ اڭگىمە ماجىلىسىندە سويلەگەن ماڭىزدى ءسوزى كۇشتى تىلەۋلەستىك تۋدىردى.
«اسا جاپالى قۇلشىنىس» دەگەن ءسوزدى ءوز باسىنان وتكىزگەندەر ءتىپتى دە ىشكەرىلەي سەزىنە الادى. كوكتەم مەرەكەسى ــ اسىلىندە تۋىس - تۋعان، دوس - جارانداردى ارالايتىن، ساياحاتقا شىعاتىن تاماشا مەرەكە، كوكتەم مەرەكەسىنىڭ ءمانىن جۇڭگولىقتاردان ارتىق تۇسىنەتىن ەشكىم جوق، ءبىراق، ادامدار ماسكى تاعىڭدار دەگەندە ماسكى تاقتى، ۇيدەن شىقپاڭدار دەگەندە ۇيدەن شىقپاي وتىردى. 1 - ايدىڭ 23 – كۇنىنەن 4 - ايدىڭ 8 - كۇنىنە دەيىنگى 76 سوتكەدە ۋحان حالقى ويعا دا كىرىپ شىقپايتىن ءتۇرلى قيىنشىلىقتى جەڭىپ، ىندەتتەن ساقتانۋ - تىزگىندەۋ كۇرەسىنە ەرلىكپەن ات سالىستى. ونە بويى مۇزداپ تۇرۋ اۋرۋىنا شالدىققان ۋحان قالاسى جينيىنتان شيپاحاناسىنىڭ باستىعى جاڭ ديڭيۇي بىلاي دەدى: «مەن باسقالاردان تەز قيمىلداۋىم كەرەك، سوندا عانا ءتىپتى دە كوپ ناۋقاستى ۆيرۋستىڭ شەڭگەلىنەن قۇتقارىپ قالۋعا بولادى». «95 - جىلداردىڭ» تۇلەگى، سەسترا لي حۇي اسقان ەرلىك جىگەرمەن: «ەگەر مەن باقىتسىزدىققا تاپ بولسام، ۆيرۋستى جەڭۋ ءۇشىن مۇردەمدى زەرتتەۋدە پايدالانىڭىزدار» دەگەن وسيەت قالدىرادى. «بولات - تەمىر شۋجيى» اتانعان ۋاڭ چيۇڭ ءبىر بولات تاق ورناتىلىپ، 3 تال بولات شەگە قاعىلعان وڭ اياعىن سىلتي باسىپ وتباسىلاردى ءبىر - بىرلەپ تەكسەرۋگە قاتىناستى، ءبىر كۇن سارپالداڭعا تۇسكەندە تىزەسىنەن قىزىل اسىعىنا دەيىن ءىسىنىپ كەتەتىن. قيىن - قىستاۋ جاعدايدا پارتيالى كادرلار الدا ءجۇردى، اق حالاتتى پەرىشتەلەر كۇندىز - ءتۇنى شايقاس جاسادى، ازاتتىق ارميانىڭ قولباسشىلارى مەن جاۋىنگەرلەرى اۋىر مىندەت ارقالادى، الەۋمەتتىك اۋماق قىزمەتكەرلەرى ءبىرىنشى شەپتە تۇردى، قوعام حاۋىپسىزدىگى كادرلارى مەن ساقشىلارى قىزمەت ورنىنان تاپجىلمادى، ورتا تازالىعى جۇمىسشىلارى حاۋىپ - قاتەردەن تايساقتاماي بەل شەشىپ ىستەدى، تاسىمال قىزمەتكەرلەرى كۇندىز - ءتۇنى ادام جانە زات تاسۋمەن بولدى، تاماق تاسۋشى جىگىتتەر جان - جاققا شاپقىلادى، ەرىكتىلەر بار كۇشىن سالىپ قىزمەت وتەدى... ەشكىم قول قۋسىرىپ قاراپ تۇرمادى، بارلىق ادام ايانباي كۇشىن سالىپ، ايانباي ۇلەس قوستى، كەيبىرەۋلەر ءتىپتى قاستەرلى ومىرلەرىن ارنادى. ءبىز 4 مىڭ 600 دەن استام باۋىرلاستىڭ باقىتقا قارسى قازا بولعانىن، ەمدەۋ قىزمەتكەرلەرىنەن، كادرلاردان، جۇمىسشى - قىزمەتكەرلەردەن، الەۋمەتتىك اۋماق قىزمەتكەرلەرىنەن ءبىر توپ ادامنىڭ قىزمەت ۇستىندە قازا بولعانىن ماڭگى ۇمىتپايمىز. دۇنيە جۇزىلىك دەنساۋلىق ساقتاۋ ۇيىمىنىڭ جۇڭگودا تۇراتىن ۋاكىلى ۋحانداعى ورتا مەكتەپ وقۋشىلارىنا جازعان جاۋاپ حاتىندا بىلاي دەپ جازدى: ىندەت بىزگە جۇڭگولىقتاردىڭ ءتىپتى دە كوپ قىرىن كورسەتتى، بۇلار سىزدەردىڭ قايسارلىق، باۋىرمالدىق جانە باسقالارعا كومەكتەسكىش رۋحتارىڭىزدى قامتيدى. «ءاربىر قاراپايىم جۇڭگولىققا راقىمەت»، مىنە، بۇل دۇنيە ءجۇزى حالقىنىڭ جۇرەك ءۇنى ەدى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
