جاڭا جاعداي جاراتىپ، باتىس بولەكتى قاۋىرت اشۋ كەلەلى ساياساتىن تياناقتاندىرايىق
«ءبىر بەلدەۋ، ءبىر جول» باتىس بولەكتىڭ قاقپا اشۋ سەرپىنىن ارتتىرۋىنا جەتەكشىلىك ەتىپ، تىكەلەي قارجى قۇراۋ سالىستىرماسىن جوعارىلاتتى
2020.05.18 16:33 كەلۋ قاينارى : حالىق تورابى
ج ك پ ورتالىق كوميتەتى، مەملەكەتتىك كەڭەس تاياۋدا «جاڭا داۋىردە باتىس بولەكتى قاۋىرت اشۋدى ىلگەرىلەتۋدە جاڭا جاعداي قالىپتاستىرۋ جونىندەگى جەتەكشى پىكىردى» باسىپ تاراتتى. پىكىردە مىنالار العا قويىلدى: شارالاردى كۇشەيتىپ، ءتۇيىندى يگەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، بارىنشا قورعاۋ، بارىنشا اشۋ، ساپالى دامۋ جاڭا جاعدايىن قالىپتاستىرىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، باتىس بولەك رايوندارىنىڭ ەكونوميكالىق دامۋىنىڭ حالىق سانىمەن، بايلىقپەن جانە ورتامەن سايكەستىلىگىن ىلگەرىلەتىپ، ءتىپتى دە ساپالى، ءتىپتى دە ءونىمدى، ءتىپتى دە ءادىل، ءتىپتى دە باياندى دامۋدى جۇزەگە اسىرىپ، 2020 - جىلعا بارعاندا باتىس بولەك رايوندارىنىڭ ەكولوگيالىق ورتاسىنىڭ، ساۋدا ورتاسىنىڭ، اشۋ ورتاسىنىڭ، جاڭالىق جاراتۋ ورتاسىنىڭ كورنەكتى جاقسارۋىن شىنايى كەپىلدەندىرىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋ؛ 2035 - جىلعا بارعاندا باتىس بولەك رايوندارىندا سوتسياليستىك وسىزامانداندىرۋدى نەگىزىنەن جۇزەگە اسىرۋ، نەگىزگى الەۋمەتتىك قىزمەت وتەۋدى، نەگىزدىك قۇرىلعىلاردىڭ جالپىلاسۋ دارەجەسىن، حالىقتىڭ تۇرمىس دەڭگەيىن شىعىس بولەكتەگى رايونداردىكىمەن قارايلاس ورەگە جەتكىزۋ، تۇرلىشە تيپتەگى رايونداردىڭ ءبىرىن - ءبىرى تولىقتىرىپ دامۋىن، شىعىس پەن باتىستىڭ قوس باعىتتا قاقپا اشىپ، سايكەستى ىلگەرىلەۋىن، ۇلتتىق شەكارا رايونداردىڭ گۇلدەنىپ - كوركەيۋى مەن حاۋىپسىزدىگىن، ادام مەن تابيعاتتىڭ جاراسىمدىلىعىن قۇلشىنا جۇزەگە اسىرۋ كەرەك.
باتىس بولەك رايوندارىنىڭ ساپالى دامۋىن قالاي ىلگەرىلەتۋ جونىنەن پىكىردە مىنالار ورتاعا قويىلدى: جاڭالىق اشا دامۋ قۋاتىن، جۇيەدەن جاڭالىق جاراتۋ قۋاتى قۇرىلىسىن وزەك ەتىپ، جاڭالىق جاراتۋ، قاقپا اشۋ سەلبەستىگىن كۇشەيتىپ، وڭىرلىك جاڭالىق جاراتۋدىڭ بيىك تۇعىرىن قالىپتاستىرۋ؛ مەملەكەتتىڭ كەلەلى عىلمي زەرتتەۋ نەگىزدىك قۇرىلعىلارىنىڭ ورنالاسۋىن كەمەلدەندىرىپ، باتىس بولەك رايوندارىنىڭ ەرەكشە ابزالدىققا يە سالالاردا مەملەكەت دارەجەلى جاڭالىق جاراتۋ تەكشەسى مەن ءىرى عىلىم قوندىرعىسىن الدىمەن قۇرۋىنا قولداۋ كورسەتۋ؛ باتىس بولەكتە شارت - جاعداي ازىرلەگەن رايونداردا مەملەكەتتىك دەربەس جاڭالىق جاراتۋدان ۇلگى كورسەتۋ رايونى، عىلىم - تەحنيكا تابىسىن وندىرگىش كۇشكە اينالدىرۋدان ۇلگى كورسەتۋ رايونى سياقتى جاڭالىق جاراتۋ دانەكەرىن قۇرۋدى تەزدەتۋ؛ شىعىس پەن باتىس بولەكتىڭ عىلىم - تەحنيكادا جاڭالىق جاراتۋ سەلبەستىگىن اناعۇرلىم تەرەڭدەتىپ، سەلبەسىپ جاڭالىق جاراتۋدىڭ ورتاق تۇلعاسىن قالىپتاستىرۋ كەرەك. سونىمەن بىرگە، وسىزاماندانعان كاسىپ جۇيەسىن قالىپتاستىرۋدى ىلگەرىلەتىپ، باتىس بولەك رايوندارىنىڭ سالىستىرمالى ابزالدىعىن تولىق ساۋلەلەندىرۋ كەرەك. شارت - جاعداي ازىرلەگەن كاسىپتەردىڭ دامۋىن ىلگەرىلەتىپ، جاڭا قوزعاۋشى كۇش پەن ءداستۇرلى قوزعاۋشى كۇشتى جەتىلدىرۋ جاعىندا اناعۇرلىم زور قادام تاستاپ، ينفورماتسيا تەحنيكاسىنىڭ ىشكەرىلەي توعىسۋىن جەبەپ، باسەكەلىك قۋاتقا باي وسىزاماندانعان كاسىپ جۇيەسىن قۇرۋ كەرەك.
پىكىردە مىنالار ورتاعا قويىلدى: «ءبىر بەلدەۋ، ءبىر جولدى» بىرگە قۇرۋدى جەتەكشى ەتىپ، باتىس بولەكتىڭ قاقپا اشۋ تەبىنىن ارتتىرۋ كەرەك. مۇنىڭ ىشىندە «ءبىر بەلدەۋ، ءبىر جول» قۇرىلىسىنا بەلسەنە ات سالىسۋ جانە ونىمەن توعىسۋ جاعىندا پىكىردە مىنالار العا قويىلدى: شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتۋىن قولداپ، باتىسقا باعىتتالعان قاتىناس تورابى مەن ساۋدا، زات اينالىمى، مادەنيەت، ەمدەۋ قىزمەت وتەۋ ورتالىعىن قالىپتاستىرۋ كەرەك. چۇڭچيڭ، سىچۋان، شانشيدىڭ جالپىلىق ابزالدىعىن ساۋلەلەندىرۋىن قولداپ، ىشكى قۇرلىقتى اشۋدىڭ بيىك تۇعىرىن جانە اشۋ تورابىن قۇرۋ كەرەك. گانسۋ مەن شانشيدىڭ تاريحي مادەنيەت ابزالدىعىن تولىق اشىپ، جىبەك جولى ەكونوميكالىق بەلدەۋىنىڭ ماڭىزدى ارناسى مەن ءتۇيىندى رولىن ساۋلەلەندىرۋىن قولداۋ كەرەك. گۇيجوۋ مەن چيڭحايدىڭ ەل ءىشى - سىرتىنداعى ەكولوگيالىق سەلبەستىكتى تەرەڭدەتۋىنە قولداۋ كورسەتىپ، جاسىل جىبەك جولى قۇرىلىسىن ىلگەرىلەتۋ كەرەك. ىشكى موڭعۇلدىڭ جۇڭگو – موڭعۇليا - رەسەي ەكونوميكالىق ءدالىز قۇرىلىسىنا ىشكەرىلەي ات سالىسۋىن قولداۋ كەرەك. يۇننان ولكەسىنىڭ لانساڭجياڭ وزەنى - مەكونگ وزەنى وڭىرىمەن اشىق سەلبەستىك جاساۋ دەڭگەيىن جوعارىلاتۋ كەرەك. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
