حالىقتى بارىنەن جوعارى قويۋعا تاباندى بولىپ، حالىقتى ۇزدىكسىز باقىتقا كەنەلتەيىك
− باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى رايونىمىزداعى ۋاكىلدەر، مۇشەلەر جانە كادرلار مەن بۇقارا اراسىندا قىزۋ اڭىس قوزعادى
□ گازەتىمىزدىڭ جالپىلىق اقپارات قۇرالدارى تىلشىلەرى
2020.05.25 15:00 كەلۋ قاينارى : شينجياڭ گازەتى
”ءسوزسىز، حالىقتى بارىنەن جوعارى قويۋعا تاباندى بولىپ، حالىققا تىعىز سۇيەنىپ، حالىقتى ۇزدىكسىز باقىتقا كەنەلتىپ، حالىققا بەرىك تامىر تارتۋ ءارى ءتۇرلى شەشىمدەردە، ورنالاستىرۋلاردا جانە ءىس جۇزىندىك قىزمەت بارىسىندا تياناقتاندىرۋ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ بارىسىندا تياناقتاندىرۋ كەرەك“.
باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى حالىققا دەگەن تەرەڭ سۇيىسپەنشىلىككە تولى بولىپ، مەملەكەتتىك ەكى ماجىلىسكە قاتىناسقان رايونىمىزدىڭ مەملەكەتتىك حالىق قۇرىلتايىنىڭ ۋاكىلدەرى، شينجياڭدا تۇراتىن مەملەكەتتىك ساياسي كەڭەس مۇشەلەرى جانە تۇتاس رايونىمىزداعى ءار ۇلت كادرلارى مەن بۇقاراسى ايرىقشا مەيىرگە بولەنىپ، تەرەڭ شابىت الدى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىقتى بارىنەن جوعارى قوياتىن بيلىك جۇرگىزۋ ۇستانىمىن ءىس جۇزىندىك قىزمەت بارىسىندا تياناقتاندىرىپ، بۇقارا كوڭىل ءبولىپ وتىرعان ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا ويداعىداي شەشىپ، ءبىر - بىردەن تياناقتاندىرۋدى مىقتى يگەرىپ، جىلدى جىلعا جالعاپ ىستەپ، حالىقتى ۇزدىكسىز باقىتقا كەنەلتۋ كەرەك.حالىقتى بارىنەن جوعارى قويۋ، ءومىردى بارىنەن جوعارى قويۋ
”باس شۋجي شي جينپيڭ سوزىندە حالىقتى بارىنەن جوعارى قويۋدى، ءومىردى بارىنەن جوعارى قويۋدى قايتا - قايتا اۋىزعا الدى، مەن مۇنان تەرەڭ اسەرلەندىم. جۇڭگو كوممۋنيستىك پارتياسى سياقتى، جوعارى - تومەن ءبىر نيەتكە كەلىپ، قيىندىقتى بىلەك بىرىكتىرە جەڭىپ، سان رەتكى مۇمكىن ەمەستى مۇمكىندىككە اينالدىرا الاتىن ساياسي پارتيا جوق“، - دەدى شينجياڭدا تۇراتىن مەملەكەتتىك ساياسي كەڭەس مۇشەسى، ءۇرىمجى قالالىق جۇڭگوشا ەمدەۋ شيپاحاناسى نانمىن بولىمشە شيپاحاناسىنىڭ باستىعى يۇي مەي ايرىقشا اسەرلەنىپ.
ىندەتتەن ساقتانۋ - تىزگىندەۋ كەزىندە، يۇي مەي قىزمەت ورنىنان باستان - اياق تاپجىلمادى. ول بىلاي دەدى: ”ەمدەۋ قىزمەتكەرى رەتىندە، شيپاحانا ءبىزدىڭ شەبىمىز، مەن تەرەڭ سۇيىسپەنشىلىكپەن شيپاگەرلىك بورىشىمدى اتقارىپ، حالىق بۇقاراسىنىڭ دەنساۋلىعى مەن ءومىرىنىڭ حاۋىپسىزدىگىن قاي - قاشان دا ءبىرىنشى ورىنعا قويىپ، بار كۇشىممەن اجالعا اراشاشى، جارالىعا مەدەت بولامىن“.
”توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، باس شۋجي شي جينپيڭ ءوزى قولباسىشىلىق ەتىپ، ءوزى ورنالاستىرۋ جاساپ، ەڭ زور مۇمكىندىكپەن اناعۇرلىم كوپ ناۋقاستىڭ ءومىرىن قۇتقارىپ قالۋدى الدىمەن ويلاستىرىپ، حالىقتى بارىنەن جوعارى قويۋ ۇستانىمىن تۇتاس بارىسپەن ساباقتاستىردى“، - دەدى شينجياڭدا تۇراتىن مەملەكەتتىك ساياسي كەڭەس مۇشەسى، شينجياڭ چىڭحىچىڭ ادۆوكاتتار ورنىنىڭ مەڭگەرۋشىسى پان شياۋيان.
”پارتيامىزدىڭ وزىندىك ەرەكشە مۇددەسى بولمايدى، پارتيا ءارقانداي جاعدايدا بۇقارانىڭ مۇددەسىن ءبىرىنشى ورىنعا قويادى“، ”حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋدا بارلىق بوداۋ بەرۋدەن تايىنباۋعا بولادى“... باس شۋجي شي جينپيڭنىڭ قۋاتتى ءسوزى مەملەكەتتىك حالىق قۇرىلتايىنىڭ ۋاكىلى، شينجياڭ مەديتسينا داشۋەسى پارتكومىنىڭ ورىنباسار شۋجيى، مەكتەپ باستىعى قايسار ابدۇكەرىمدى تەرەڭ اسەرلەندىردى: ” شينجياڭ مەديتسينا داشۋەسىندەگى ءار ۇلت وقىتۋشىلار مەن وقۋشىلار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن مىقتاپ يگەرىپ، پارتيا ءۇشىن ادام تاربيەلەۋ، وتان ءۇشىن دارىندى جەتىلدىرۋدى بورىش ەتىپ، وقۋشىلارعا حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن بەرىك ورناتۋعا تاربيەلەۋ كەرەك“.حالىققا تىعىز سۇيەنىپ، اقىل - پاراساتى مەن كۇش - قۋاتىن ۇيىستىرۋ
ىندەت − داعدارىس ءارى ۇلكەن سىناق. تەك حالىققا سۇيەنگەندە عانا، اقىل - پاراساتتى، كۇش - قۋاتتى ۇيىستىرۋعا بولادى.
5 - ايدىڭ 23 - كۇنى جۇندۇڭ ەكونوميكالىق - تەحنيكالىق اشۋ رايونى شينجياڭ تيانچى ەنەرگيا شەكتى جاۋاپكەرشىلىك سەرىكتەستىگىنىڭ (وڭتۇستىك اشىق كومىركەن) كەن قازۋ شۇڭقىرىنان قاربالاس بولىپ جاتقان جاعدايدى كورەسىز، اۆتوماتتانعان جابدىقتار كومىردى تولاسسىز تاسىپ شىعارۋدا. جىل باسىنان بەرى، تيانچى ەنەرگيا سەرىكتەستىگىنىڭ كومىر ءوندىرۋ مولشەرىندە كەرى ارتۋ جاعدايى جارىققا شىقتى. تيانچى ەنەرگيا شەكتى جاۋاپكەرشىلىك سەرىكتەستىگىنىڭ كەن باستىعى ۋاڭ پيڭلياڭ كامىل سەنىممەن بىلاي دەدى: ”ءبىز باس شۋجيدىڭ ماڭىزدى ءسوزىنىڭ رۋحىن ويداعىداي تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا حاۋىپسىز ءوندىرىستى مىقتى، ناقتى يگەرىپ، بەلسەندى، ىرىقتى تۇردە ىسكەرلىك كورسەتىپ، تۇتاس جىلدا ءتىپتى دە جوعارى كومىر ءوندىرۋ مولشەرىن جۇزەگە اسىرۋعا قۇلشىنامىز“.
”باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا ۇلتتار ىنتىماعىن كۇشەيتۋ جونىندە جاڭا تالاپتار قويدى. مەملەكەتتىك ۇلتتار ىنتىماعى، العا باسارلىعى ۇلگىسى رەتىندە، ارقالاعان جاۋاپكەرشىلىگىمنىڭ ءتىپتى دە زور ەكەنىن سەزىندىم، الداعى جەردە ۇلتتار ىنتىماعى قىزمەتىن ءتىپتى دە جاقسى ىستەيمىن“، - دەدى مەملەكەتتىك حالىق قۇرىلتايىنىڭ ۋاكىلى، بيڭتۋان 1 - شىسى 13 - تۋان 11 - لياننىڭ جۇمىسشىسى يوۋ لياڭيىڭ. بيىل 3 - ايدا يوۋ لياڭيىڭ اۋىلعا قايتقان ستۋدەنت سياقتىلاردى ينتەرنەت تۇعىرى ارقىلى ونىمدەردى ساتۋعا ۇيىمداستىرعان، ول ءوزى دە جۇرگىزۋشى بولىپ، زاتتاردى تىكە تاراتۋ ارقىلى ساتقان، مۇنىڭ ناتيجەسى وتە جاقسى بولعان. يوۋ لياڭيىڭ بىلاي دەدى: ”مەن باس شۋجيدىڭ ماڭىزدى ءسوزىنىڭ رۋحىن ارەكەتىمدە تياناقتاندىرىپ، سەلبەستىك كووپەراتيۆتى ۇلكەيتىپ، كۇشەيتىپ، شينجياڭنىڭ ەرەكشە اۋىل شارۋاشىلىق ونىمدەرىن سىرتقا تانىستىرىپ، اناعۇرلىم كوپ ءار ۇلت اعا - باۋىر، اپەكە - سىڭلىلەردى كەدەيلىكتەن ارىلىپ، اۋقاتتانۋعا باستايمىن“.بۇقارا كوڭىل ءبولىپ وتىرعان ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشۋ
”باس شۋجي بىلاي دەپ باسا دارىپتەدى: باستان - اياق حالىقتىڭ تىنىش ءومىر، شات - شادىمان تىرشىلىك كەشىرۋىن، حال - جاعدايىن كوكەيدە ساقتاپ، بۇقارا كوڭىل ءبولىپ وتىرعان جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، قوعام اماندىعى سياقتى ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ءبىر - بىردەن تياناقتاندىرۋدى مىقتى يگەرىپ، جىلدى جىلعا جالعاپ ىستەپ، بۇقاراعا وزگەرىستى كورسەتۋگە، تيىمدىلىككە كەنەلدىرۋگە قۇلشىنۋ كەرەك. بۇل ءبىز سياقتى نەگىزگى ساتى كادرلارىنىڭ قىزمەتتى جاقسى ىستەۋىنە ايقىن باعىت كورسەتتى“. حوتان قالاسى گۇلباق ءمالىسى كايشۋان الەۋمەتتىك اۋماعى پارتيا ياچەيكاسىنىڭ شۋجيى جيا جىچياڭ مىنالاردى ءبىلدىردى: بۇقارانى مازالاعان، باسىن قاتىرعان، ابىرجىتقان ىستەردىڭ بارلىعى الەۋمەتتىك اۋماقتىڭ ماڭىزدى شارۋاسى، الەۋمەتتىك اۋماقتاعى كادرلار بار كۇشپەن قاراستى اۋماقتاعى تۇرعىنداردىڭ، ساۋداگەرلەردىڭ قيىنشىلىعىن شەشىپ، بۇقارانى تيىمدىلىككە كەنەلدىرۋگە قۇلشىنۋ كەرەك.
قاعىلىق اۋدانى زۇڭلاڭ اۋىلىنا ات باسىن بۇرساڭىز، كەڭ اسفالت جولدار، قاز - قاتار سالىنعان بەيقۇت ۇيلەر كوزگە ءتۇسىپ، شارۋالاردىڭ جۇزىنەن شاتتىققا شومعان باقىت كۇلكىسىن اڭعاراسىز. وسى بىرنەشە جىلدا، زۇڭلاڭ اۋىلى باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، بۇقارانىڭ حال - جاعدايىن كوكەيدە ساقتاپ، كەدەيلەردى دالمە - ءدال سۇيەمەلدەدى، بۇقارانىڭ ءوندىرىس - تۇرمىس شارت - جاعدايى اناعۇرلىم جاقسارىپ، اۋىل - قىستاق شىت جاڭا بەينەگە ەندى. زۇڭلاڭ اۋىلدىق پارتكومنىڭ شۋجيى جاڭ حايفىڭ بىلاي دەدى: ”بيىل ءبىز جۇمىستاندىرۋ ارقىلى كەدەيلىكتەن ارىلتۋدى جەبەۋ، كاسىپ ارقىلى دامۋدى جەبەۋ جاقتارىندا ۇزدىكسىز كۇش سالامىز. ءبىر - بىردەن تياناقتاندىرۋدى مىقتى يگەرىپ، جىلدى جىلعا جالعاپ ىستەسەك عانا، شارۋا قاۋىمى، ءسوز جوق، كىرىستەرىن ۇزدىكسىز ارتتىرادى“.
”ءار دارەجەلى باسشى كادرلار دۇرىس بيلىك كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، جالعان اتاق - ابىرويعا قۇمارتپاي، جالعان ەڭبەككە ۇرىنباي، قۇر اتاققا ۇمتىلماۋ كەرەك. باس شۋجيدىڭ سويلەگەن ماڭىزدى ءسوزى، باسشى كادرلارعا ايقىن تالاپ قويدى“، - دەدى مەملەكەتتىك حالىق قۇرىلتايىنىڭ ۋاكىلى، اقسۋ ايماقتىق پارتكومىنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز ءاشىم، - ”ءبىز باس شۋجيدىڭ تاپسىرماسىن ەستە بەرىك ساقتاپ، حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، بۇقارا كورە الاتىن، ۇستاي الاتىن، ناقتى يگىلىككە كەنەلەتىن ناقتى ءىس ىستەۋىمىز ءارى كەيىنگىلەر ءۇشىن جول سالاتىن، نەگىز قالايتىن، ۇزاق بولاشاقتى كوزدەيتىن يگى ءىس ىستەپ، ءمانساپتى بولعان ەكەن، ولارعا باقىت جاراتۋدى شىن مانىندە ورىنداۋى كەرەك“.(ءتىلشى جاڭ يانفاڭ، قاتىناسقان تىلشىلەر لي ياڭ، يۋان لەي، رىن جياڭ، رايدا، ءپاريزات ابدۋ، ما ينيڭ، ەرىكتى ءتىلشى ۋاڭ چيانشي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
