بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

حالىق تورابىنىڭ شولۋى: وسىلاردى بىلگەندە عانا، حالىق قۇرىلتايىنىڭ 30 مينۋتتىق قىزمەت بايانداماسىن وقىپ تۇسىنۋگە بولادى

جۇڭ تيان

2020.05.26 14:26     كەلۋ قاينارى : حالىق تورابى

  ءبىر نيەتپەن دەموكراتيانى ىلگەرىلەتىپ، مەملەكەت ءىسىن بىرگە اقىلداسىپ، بولاشاقتى بىرگە جوسپارلاۋ.

  5 – ايدىڭ 25 – كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسىنىڭ 2 - جالپى جيىنى اشىلدى، كوميتەت باستىعى لي جانشۋ ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. بۇل ءارى وتكەن ءبىر مەزگىلدەگى قىزمەتتەر جونىندەگى قورىتىندى، ءارى الداعى ءبىر مەزگىلدەگى قىزمەتتەر جونىندەگى ورنالاستىرۋ. مەيلى قول جەتكىزگەن ناتيجەلەر بولسىن، الدە ءدوپ كەلگەن سايىستار بولسىن، 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باستان - اياق دايەكتى تياناقتاندىرىپ، حالىق كوڭىل ءبولىپ وتىرعان ماسەلەلەرگە بەلسەنە جاۋاپ قايتاردى، اسىرەسە، ىندەتتەن ساقتانۋ جانە ونى تىزگىندەۋ مەزگىلىندە مەملەكەتتىك حالىق قۇرىلتايىنىڭ تۇراقتى كوميتەتى زاڭ بويىنشا مىندەت اتقارىپ، ىندەتتەن ساقتانۋ جانە ونى تىزگىندەۋ مەن ەكونوميكالىق، قوعامدىق دامۋعا پارمەندى زاڭدىق قولداۋ كورسەتتى. پارتيا باسشىلىعىنىڭ، حالىقتىڭ وزىنە ـ ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، جاڭا داۋىردەگى حالىق قۇرىلتايى قىزمەتىندە ۇزدىكسىز جاڭا جاعداي جاراتتى.

  نازار اۋدارۋعا تاتيتىنى، مەملەكەتتىك حالىق قۇرىلتايى تۇراقتى كوميتەتىنىڭ وسى رەتكى قىزمەت بايانداماسىنىڭ فورماسى ەرەكشە بولدى. باياندامانىڭ تولىق ءماتىنى حالىق قۇرىلتايى ۋاكىلدەرىنە باسىپ تاراتىلدى، كوميتەت باستىعى لي جانشۋ 30 مينۋت اينالاسىندا قىسقا بايانداما جاسادى. وسىنداي ەرەكشە ءتاسىل قولدانۋ ىندەتتەن ساقتانۋ جانە ونى تىزگىندەۋدىڭ قاجەتىنە قاراي ىستەلگەن توتەنشە شارا. ءىس ءبىتىرۋ، جيىن اشۋدا شىندىقتى ءىس جۇزىنەن ىزدەۋ، زاڭدىلىققا قۇرمەت ەتۋ ستيلى كوز الدىمىزدا تۇر. ىندەتتىڭ ىقپالىنان بيىلعى ەكى ءماجىلىستىڭ ۋاقىتى كەشەۋىلدەدى، سوندىقتان بۇل جولعى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ قامتيتىن مازمۇنى وتكەن ءبىر جىلداعى عانا ەمەس، ونىڭ ۇستىنە بيىلعى ءبىر ءبولىم قىزمەت مازمۇنىن دا قامتيدى. اسىرەسە، مەملەكەتتىك حالىق قۇرىلتايى تۇراقتى كوميتەتى مەن حالىق قۇرىلتايى ۋاكىلدەرىنىڭ ىندەتتەن ساقتانۋ جانە ونى تىزگىندەۋ مەن ەكونوميكالىق، قوعامدىق دامۋ جولىندا ىستەگەن قىزمەتتەرىن ايگىلەدى. وتكەن 15 ايدا، مەملەكەتتىك حالىق قۇرىلتايى تۇراقتى كوميتەتى ءوز جاۋاپكەرشىلىگىن ۇستىنە الىپ، ءوز مىندەتىن اتقاردى، مەملەكەتتىڭ زاڭ شىعارۋ ورگانىندىق فۋنكتسيالىق رولىن تولىق ساۋلەلەندىردى.

  جاقسى ءتۇزىم بولماسا، جاقسى ناتيجە بولمايدى. جابايى حايۋاناتتاردى زاڭسىز ساۋدالاۋعا جاپپاي تيىم سالۋ، جابايى حايۋاناتتاردى بەتالدى جەۋدەي ناشار ادەتتەردى جويۋ، حالىق بۇقاراسىنىڭ ءومىرى مەن دەنساۋلىق حاۋىپسىزدىگىن شىنايى قامتاماسىزداندىرۋ جونىندە قاۋلى شىعاردى. حايۋاناتتاردا بولاتىن جۇقپالى اۋرۋلاردان ساقتانۋ زاڭىنا وزگەرىس ەنگىزۋ جوباسىن قارادى، ۆاكسينا باسقارۋ زاڭىن، نەگىزگى ەمدەۋ، دەنساۋلىق ساقتاۋ جانە دەنساۋلىقتى جەبەۋ زاڭىن جاسادى، بيولوگيالىق حاۋىپسىزدىك زاڭى جوباسىن قارادى . . . ءبىر جىلدان استام ۋاقىتتان بەرى، مەملەكەتتىك حالىق قۇرىلتايى تۇراقتى كوميتەتى الەۋمەتتىك دەنساۋلىق ساقتاۋدى زاڭمەن باسقارۋ ارقىلى قامتاماسىزداندىرۋ جونىندە زاڭ شىعارۋ، زاڭعا وزگەرىس ەنگىزۋ قىزمەتىن كۇشەيتۋدى ماڭداي الدى ورىنعا قويىپ، ءداۋىر مەن رەفورمانىڭ زاڭمەن جونگە سالۋ قاجەتىنە، قوعام نازار اۋدارىپ وتىرعان ماسەلەلەرگە جاۋاپ قايتارىپ، زاڭ قارۋى، زاڭمەن جونگە سالۋ كۇشى ارقىلى بۇقارانىڭ ءومىرى مەن دەنساۋلىعىنا، حاۋىپسىزدىگىنە كەپىلدىك ەتتى. جۇڭگوشا سوتسياليستىك ءتۇزىمنىڭ ماڭىزدى قۇرامداس بولىگى بولعان حالىق قۇرىلتايى ءتۇزىمى − مەملەكەتتى باسقارۋ جۇيەسى مەن باسقارۋ قابىلەتىنە تىرەك بولاتىن ءتۇبىرلى ساياسي ءتۇزىم. وسى شايقاس ارقىلى حالىق قۇرىلتايى ءتۇزىمىنىڭ امالياتتىق ەرەكشەلىگى، داۋىرلىك ەرەكشەلىگى شىن مانىندە مەملەكەتتى باسقارۋ ونىمدىلىگىنە اينالدى.

  بۇل ادامدى ويلاندىرادى: زاڭدى كىم ءۇشىن شىعارادى؟ كىم ءۇشىن جونگە سالۋ كەرەك؟ كىم ءۇشىن مىندەت وتەيدى؟ ۋاكىل كىم ءۇشىن ىستەيدى؟ مۇنىڭ جاۋابى بىرەۋ عانا، ول حالىق ءۇشىن، «حالىقتى وزەك ەتۋگە» تاباندى بولۋ. مەيلى ىندەت جاعدايىن توڭىرەكتەي وتىرىپ زاڭ شىعارۋ قىزمەتىن ىلگەرىلەتۋ بولسىن، نەمەسە حالىق قۇرىلتايى ءتۇزىمىن ساۋلەلەندىرىپ ىندەت جاعدايىنا ۇلەس قوسۋ بولسىن، نەمەسە حالىق قۇرىلتايى ۋاكىلدەرىنىڭ ىندەت جاعدايىنا بەلسەنە ات سالىسۋ قىزمەتى بولسىن، حالىق بۇقاراسىن باستان - اياق ەڭ ماڭىزدى ورىنعا قويدى . الداعى ءبىر مەزگىلدە، ىندەتتەن ساقتانۋ جانە ونى تىزگىندەۋدى ۇدايىلاندىرىپ، جالعاستى بوساڭسىتپاي، ەكونوميكالىق، قوعامدىق دامۋدىڭ ءتۇرلى قىزمەتتەرىن ءبىرتۇتاس جوسپارلاپ، كەدەيلىكتەن ارىلتۋدان قامال الۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدە، حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ تۇرعىسىن ويداعىداي ساقتاپ، سوتسياليستىك دەموكراتيالىق ساياسيدىڭ حالىقتىڭ ەركىن شىن مانىندە ايگىلەۋىنە، حالىقتىڭ ۇقىق - مۇددەسىن قامتاماسىزداندىرۋىنا، حالىقتىڭ جاسامپازدىق قۋاتىن تاسقىنداتۋىنا مۇمكىندىك جاساۋ ءتىپتى دە قاجەت. تەك حالىققا ۋاكىلدىك ەتۋ، حالىق ءۇشىن قىزمەت ىستەۋ كەرەك، سوندا عانا تولقىن جارا العا ۇمتىلۋدان تايسالماي، تار جول، تايعاق كەشۋلەردەن قورىقپاي، قيىنشىلىقتى بىرگە جەڭەتىن كۇش ۇيىستىرۋعا بولادى.

  جاپا - ماشاقاتتا ەسەيىپ - ەرجەتەدى. وتكەن ءبىر جىلدان استام ۋاقىت وڭاي بولمادى، وزگەشە بولدى. وسىلاي بولعان سايىن، جۇڭگوشا سوتسياليستىك ءتۇزىمنىڭ كورنەكتى باسىمدىلىعىن ساۋلەلەندىرۋگە، جۇڭحۋا پەرزەنتتەرىنىڭ تالىقپاي تالپىناتىن رۋحاني بەت - بەينەسىن سولعۇرلىم قاجەت ەتەدى. جاڭا جاعداي، جاڭا مىندەتتەردە ءتۇرلى جاڭا ماسەلەلەر، جاڭا سىناقتار تۋىلماي قويمايدى. تيتتەي دە بوساڭسۋعا، بويكۇيەزدىككە سالىنۋعا بولمايدى. جاپپاي دوڭگەلەك داۋلەتتى قوعام قۇرىپ شىعۋ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار