«شياڭگاڭ تاۋەلسىزدىگىن»، قارا كۇشتەردىڭ بۇلىگىن زاڭ بويىنشا جازالاۋ − حالىقتىڭ تىلەگى
«حالىق گازەتىنىڭ» شولۋشىسى
2020.06.01 16:45 كەلۋ قاينارى : حالىق تورابى
5 - ايدىڭ 28 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى « مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلىسىن» داۋىسقا سالىپ ماقۇلداعاندا، حالىق سارايىندا ۇزاققا سوزىلعان قىزۋ قول شاپالاق ءۇنى تولاستامادى. وسى شاپالاق ءۇنى مەملەكەت حاۋىپسىزدىگىن باتىل قورعاۋ ورتاق ەركىن بەينەلەدى، «شياڭگاڭ تاۋەلسىزدىگىن»، قارا كۇشتەردىڭ بۇلىگىن زاڭ بويىنشا جازالاۋداعى قۇدىرەتتى حالىق تىلەگى − جۇڭگونىڭ يەلىك ۇقىعىن بەينەلەدى، وعان سوقتىعۋعا بولمايدى؛ مەملەكەت حاۋىپسىزدىگىن تاباندىلىقپەن قورعاۋ كەرەك. شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ ءىسىن، ءسوزسىز ورىنداۋ، رەالدىققا اينالدىرۋ كەرەك.
شياڭگاڭ وتان قۇشاعىنا ورالعاننان بەرى «ءبىر ەل، ەكى ءتۇزىم» امالياتى دۇنيە ءجۇزى مويىنداعان تابىستارعا قول جەتكىزدى. ءبىراق شياڭگاڭنىڭ ءىشى - سىرتىنداعى بۇلدىرگى كۇشتەر «ءبىر ەل، ەكى تۇزىمگە» كيلىگۋىن جانە ونى ءبۇلدىرۋىن توقتاتپادى، «شياڭگاڭ تاۋەلسىزدىگى» ۇيىمى مەن جەرگىلىكتى راديكال بولشەكتەۋشى ۇشقارى كۇشتەردىڭ قيمىلى كۇن سايىن ءورشىدى. وتە - موتە بىلتىر «ەرەجەگە تۇزەتۋ ەنگىزۋگە قارسىلىق ءبىلدىرۋ دۇربەلەڭى» تۋىلعاننان بەرى «شياڭگاڭ تاۋەلسىزدىگى» ۇيىمى مەن راديكال بولشەكتەۋشى ۇشقارى كۇشتەر شەتەلدىڭ جانە «تايۋان تاۋەلسىزدىگى» كۇشتەرىنىڭ قولداۋىندا «شياڭگاڭ تاۋەلسىزدىگى» سياقتى ۇرانداردى داۋرىعا كوتەرىپ، تومەنگى شەگى جوق «جالداپتىققا» جەلىكتىردى، ادامدى تۇرشىكتىرەتىن، ءتىپتى لاڭكەستىك سيپات الاتىن زورلىقتى كۇش قىلمىستارىن جۇرگىزدى، شەتەلدىڭ جانە «تايۋان تاۋەلسىزدىگى» كۇشتەرىنىڭ شياڭگاڭ ىسىنە اشىقتان – اشىق كيلىگۋىنە جالبارىندى ءارى ولارمەن استاستى... زاڭعا قايشى وسى ارەكەتتەر «ءبىر ەل، ەكى ءتۇزىم» پرينسيبىنىڭ تومەنگى شەگىنە اۋىر سايىس جاريالادى. شياڭگاڭنىڭ زاڭمەن باسقارىلۋى مەن قوعام تارتىبىنە اۋىر سوققى بەرىپ، شياڭگاڭ تۇرعىندارىنىڭ ۇقىعىنا، بوستاندىعىنا جانە شياڭگاڭنىڭ گۇلدەنۋى مەن ورنىقتىلىعىنا اۋىر حاۋىپ ءتوندىردى.
بۇل كۇندە شياڭگاڭ «شياڭگاڭ تاۋەلسىزدىگىنىڭ»، قارا كۇشتەردىڭ بۇلىگىنىڭ سوققىسىنا ۇشىراۋدا، ۇرۋ، شاعۋ، توناۋ، ورتەۋ وقيعالارى كوپتەپ تۋىلۋدا، تيجارات - ساۋدا ورتاسى ۇزدىكسىز ناشارلادى، شياڭگاڭ ەكونوميكاسى 10 جىلدان بەرى تۇڭعىش رەت قۇلدىراپ، تۇتىنۋشىلاردىڭ سەنىم كورسەتكىشى 2008 - جىلعى حالىقارالىق فينانس داعدارىسىنان بەرگى ەڭ تومەنگى ءماندى جاراتتى. وسى عانا ەمەس، شياڭگاڭنىڭ دەربەس نەمەسە جارتىلاي دەربەس ساياسي تۇلعاعا اينالۋىن ىلگەرىلەتۋ ءۇشىن، شياڭگاڭداعى قارسى توپ زاڭ شىعارۋ كەڭەسىندە «ساياسي جالداپتىقتى»، قوعامدا «ەكونوميكالىق جالداپتىقتى»، كوشەدە «زورلىقتى كۇش جالداپتىعىن» جوسپارلاۋدا، ءتىپتى ايتىلمىش «شىنايى مەڭگەرىپ الۋ جالداپتىعىن» ۋاعىزداپ، شياڭگاڭدى ءتۇپسىز شىڭىراۋعا باتىرۋعا ۇرىنۋدا. بار زەيىنمەن جوسپارلانعان، حالىقپەن جاۋلاساتىن، تومەنگى شەكتى تيتتەي دە ەلەڭ قۇرلى كورمەگەن وسى قىلمىستىق ارەكەتتەر شياڭگاڭنىڭ بولاشاعىن كۇيرەتۋدە. «شياڭگاڭ تاۋەلسىزدىگى» كۇشتەرى، قارا كۇشتەردىڭ بۇلىگى ءبىر كۇن جالعاسادى ەكەن، شياڭگاڭ دا ءبىر كۇن تىنىش بولا المايدى.ر «شياڭگاڭ تاۋەلسىزدىگىنە» قارسى تۇرۋ، قارا كۇشتەردىڭ بۇلىگىنە قارسى تۇرۋ − قازىرگى شياڭگاڭ قوعامىنىڭ ەڭ ۇلكەن ورتاق تانىمى ءارى شياڭگاڭدىق باۋىرلاستاردى قامتىعان بۇكىل جۇڭگو حالقىنىڭ ورتاق مۇددەسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
