حالىق تورابىنىڭ شولۋى: حاينان ەركىن ساۋدا پورتى «جالپى جوبانى» «ناقتى كورىنىس كارتاسىنا» اينالدىردى
چيۋ ميان
2020.06.03 14:11 كەلۋ قاينارى : حالىق تورابى
ۋاقىت دامۋدىڭ وزگەرىسىنە كۋا بولدى، حاينان وسىنداي زور وزگەرىس بارىسىندا ەرەكشە شۇعىلا شاشتى.
«تۇزىمدە شوعىرلى جاڭالىق اشۋدى ماڭداي الدى ورىنعا قويىپ، يدەيانى ازات ەتىپ، جۇرەكتىلىكپەن جاڭالىق اشىپ، ءبىر نىسان پىسىپ جەتىلسە ءبىر نىساندى اتقارىپ، ورنىقتى قاداممەن الىسقا ساپار شەگىپ، ۇزاق ۋاقىت ەڭبەك ءسىڭىرۋ كەرەك.» تاياۋدا باس شۋجي شي جينپيڭ حاينان ەركىن ساۋدا پورتى قۇرىلىسى جونىندە ماڭىزدى نۇسقاۋ بەردى، بۇل حاينان ەركىن ساۋدا پورتى قۇرىلىسىن ىلگەرىلەتۋدىڭ ماڭىزدى ۇستانىمى. حايناندا ەركىن ساۋدا پورتىن قۇرۋ دەگەن پارتيا ورتالىق كوميتەتىنىڭ ەل ءىشى، حالىقارا سىندى ەكى ۇلكەن جاعدايدى كوزدە ۇستاپ، جۇڭگوشا سوتسياليزمنىڭ جاڭالىق اشا دامۋىن ىلگەرىلەتۋ ءۇشىن جاساعان كەلەلى ستراتەگيالىق شەشىمى، ەلىمىزدىڭ جاڭا داۋىردەگى رەفورما جاساۋ، ەسىك اشۋ بارىسىنداعى ءىرى ءىس. ەركىن ساۋدا پورتتارىن جوعارى ساپالى، جوعارى ولشەمدى ەتىپ قۇرىپ شىعۋ ءۇشىن، ءسوز جوق، بەتالىستى دۇرىس يگەرىپ، جاۋاپكەرشىلىكتى باتىل ارقالاپ، ىرىقتىلىقپەن ءىس تىندىرىپ، شىنايى يگەرىپ، ويداعىداي قۇرىپ، ۇزدىكسىز تىڭ تابىستارعا قول جەتكىزۋ كەرەك.
حاينان تەڭىزگە سۇيەنىپ ءومىر سۇرەدى، تەڭىز ارقىلى گۇلدەنەدى. 32 جىلدىڭ الدىندا پارتيا ورتالىق كوميتەتى حاينان ارالىن ەكونوميكالىق ەرەكشە رايون ەتىپ بەلگىلەۋدى ۇيعاردى. وتانىمىزدىڭ وسى ءبىر كوركەم تەڭىز ارالى بۇرىن - سوڭدى بولماعان دامۋ ورايىنا يە بولدى، ەلىمىز دە رەفورمانى تەرەڭدەتۋدىڭ، ەسىكتى ايقارا اشۋدىڭ شىت جاڭا بەتىن اشتى. 2018 ـ جىلى پارتيا ورتالىق كوميتەتى حايناننىڭ تۇتاس ارالىندا ەركىن ساۋدا سىناق رايونىن قۇرۋىن قولداۋدى ۇيعاردى. تاياۋدا ج ك پ ورتالىق كوميتەتى، مەملەكەتتىك كەڭەس «حاينان ەركىن ساۋدا پورتى قۇرىلىسىنىڭ جالپى تۇلعالىق جوباسىن» باسىپ تاراتتى. ەكونوميكالىق ەرەكشە رايوننان ەركىن ساۋدا سىناق رايونىنا، ونان ەركىن ساۋدا پورتىنا دەيىن، حاينان دامۋ وزگەرىسى ارقىلى جۇڭگونىڭ وزگەرىسىنە كۋا بولدى، جۇڭگونىڭ سىرتقا ەسىك اشۋدى كەڭەيتۋ، ەكونوميكانىڭ جاھاندانۋىن بەلسەنە ىلگەرىلەتۋ بەكىمىن اناعۇرلىم ايگىلەدى. جۇڭگونىڭ اشىق ەسىگى جابىلمايدى، بارعان سايىن ايقارا اشىلادى دەۋگە بولادى.
ەركىن ساۋدا پورتى قازىرگى دۇنيە جۇزىندەگى ەڭ جوعارى ورەدەگى ەسىك اشۋ فورماسى. حاينان ەركىن ساۋدا پورتىنىڭ اتقارىلۋ كولەمى حاينان ارالىنىڭ تۇتاس ارالى بولىپ، باسقىشقا، ساتىعا ءبولىپ اتقارىلادى. 2025 - جىلعا بارعاندا ساۋدا ەركىندىگى تيىمدىلىگى مەن قارجى قوسۋ ەركىندىگى تيىمدىلىگىن ءتۇيىن ەتكەن ەركىن ساۋدا پورتىنىڭ ساياساتتىق ءتۇزىم جۇيەسى العاشقى ادىمدا قۇرىلادى. 2035 - جىلعا بارعاندا ەلىمىزدىڭ اشىق ەكونوميكاسىنىڭ تىڭ بيىگىنە اينالىپ، وسى عاسىردىڭ ورتا شەنىنە بارعاندا حالىقارالىق ىقپالى ءبىرشاما كۇشتى جوعارى دەڭگەيدەگى ەركىن ساۋدا پورتىن جاپپاي قۇرىپ شىعادى. ۋاقىت ادامدى توسىپ تۇرمايدى، ۋاقىت ادامدى جەبەيدى، حاينان ەركىن ساۋدا پورتىن جوعارى ساپامەن، جوعارى ولشەممەن قۇرۋ ءۇشىن ءارى تىڭعىلىقتى، ورنىقتى بولۋ، ءارى ۋاقىتپەن جارىسۋ كەرەك، ءارى حايناننىڭ دامۋ تۇرعىسىنا ۇيلەسۋ، ءارى جۇڭگوشا ەرەكشەلىكتى ايگىلەۋ كەرەك، ءارى حالىقارالىق ەركىن ساۋدا پورتتارىنىڭ وزىق تاجىريبەلەرىن اينا ەتۋ، ءارى جۇڭگونىڭ مەملەكەت جاعدايىنا ۇيلەسۋ كەرەك. تەك جۇڭگونى تياناق ەتىپ، دۇنيە جۇزىنە بەت العاندا عانا، جاھاندانۋ بارىسىندا جاڭا داۋىردە رەفورما جاساپ، ەسىك اشۋدى جاپپاي تەرەڭدەتۋدىڭ جاڭا جولىن اشۋعا بولادى.
حايناندا ەركىن ساۋدا پورتىن قۇرۋ __ءىرى ءىس ءارى جاڭا ءىس، ەجەلدەن بولىپ كورمەگەن ستراتەگيالىق شارا، دامۋ امالياتى. ەگەر ەكى جىلدىڭ الدىندا حايناننىڭ تۇتاس ارالىندا ەركىن ساۋدا سىناق رايونىن قۇرۋ فينانس، قارجى قوسۋ، دارىندى سياقتى فاكتورلاردىڭ اناعۇرلىم كەڭ كولەمدە، اناعۇرلىم ەركىن اعىلۋىن جۇزەگە اسىرماق بولسا، وندا ەكى جىلدان كەيىن حايناندا ەركىن ساۋدا پورتىن قۇرۋ ۇستىندە ىزدەنىس جاساۋ ءۇشىن تۇزىمدە شوعىرلى جاڭالىق اشۋ سىندى ءتۇبىرلى كۇش سالۋ ءتۇيىنىن مىقتى يگەرۋ، جونگە سالۋ ءتاسىلى، زاڭمەن جونگە سالۋ شاراسى، عىلىم ـ تەحنيكادا جاڭالىق اشۋ سياقتى جاقتاردان كۇش سالىپ، جوعارى دەڭگەيدەگى ەركىن ساۋدا پورتىنا ۇيلەسەتىن ساياسات، ءتۇزىم جۇيەسىن ورناتۋ كەرەك. مىسالى، «ەرەكشە قاراپايىم تەكسەرىپ بەكىتۋ» ءتارتىبىن جالپى بەتتىك جولعا قويىپ، ءادىل باسەكە ءتۇزىمىن ورناتۋ جانە اقاۋسىزداندىرۋ، مال - مۇلىك ۇقىعىن قورعاۋ ءتۇزىمىن كەمەلدەندىرىپ، ساۋدا، قارجى قوسۋ سالاسىندا «نولدىك كەدەن باجىسى»، بازارعا كىرۋ ۋادەسى ياعني كىرۋ ءتۇزىمى سياقتى تۇزىمدەردى اتقارۋ . . . جاڭالىق اشۋدى قولداۋ، جاڭالىق اشۋعا باتىل بولۋ، جاڭالىق اشۋعا شەبەر بولۋ، تەك «تۇزىمدە جاڭالىق اشۋ + تيىمدىلىك ساياساتى + زاڭمەن باسقارۋ ەرەجەسى» سىندى ماڭىزدى ورنالاستىرۋدى ويداعىداي يگەرىپ، ساياساتتىق شارالاردى ناقتىلاندىرعاندا عانا، «باس جوبانى» «ناقتى كورىنىس كارتاسى» ەتىپ قۇرىپ شىعۋعا بولادى.
حايناننىڭ حالىق ءانى، « كەزدەسپەدىك كوپ زامان، جۇزدەسەيىك كەل ماعان، سۋىتپاساق ات ءىزىن، دوس بولارمىز اڭساعان» دەپ شىرقايدى. كەدەي، مەشەۋ، تۇيىق ارالدان اشىق، كەڭ، ەركىن ساۋدا پورتىنا اينالدى. حاينان رەفورما جاساپ، ەسىك اشقاننان بەرى ەلىمىز جۇزەگە اسىرعان تاريحي وزگەرىستەرگە، قول جەتكىزگەن تاريحي تابىستارعا كۋا بولدى. قازىر حايناندى كوركەيتۋدىڭ تىڭ ساپارى تاعى دا باستالىپ، جۇڭگونىڭ ەسىك اشۋى تاعى دا جەلكەن جايدى، حاينان ەركىن ساۋدا پورتىن ەلىمىزدىڭ جاڭا داۋىردەگى سىرتقا ەسىك اشۋعا جەتەكشىلىك ەتەتىن ايقىن تۋى جانە ماڭىزدى ەسىك اشۋ قاقپاسى ەتىپ قۇرىپ شىقساق، ءسوز جوق، «قوس 100 جىلدىق» كۇرەس نىساناسىن ىسكە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا ءداۋىردىڭ تالابىنان شىعاتىن جاڭا تابىستار جاراتا الامىز .
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
