حالىق شولۋى: ساتتىلىك دەگەنىمىز ءبىر ءتۇرلى حال - جاي، ءبىر ءتۇرلى كوڭىل كۇي
شيڭ يۋان
2020.06.10 13:33 كەلۋ قاينارى : حالىق تورابى
«ايەل ادامنىڭ ەڭ ۇلكەن ساتسىزدىگى — پەرزەنتتى بولماۋى» دەگەن كوزقاراس جۋىردان بەرى تالاس – تارتىسقا مۇرىندىق بولدى. «ياڭ ليپيڭ ءوز كاسىبىندە قانشالىق زور تابىسقا جەتكەنىمەن، پەرزەنت سۇيمەگەندىكتەن، ءبارى ءبىر ساتسىزدىككە ۇشىراعان ەسەپتەلەدى» دەگەن پىكىر الەۋمەتتىك جەلىدە 15 مىڭنان استام لايك جيناعان، قولداۋشىلارى مول دەۋگە بولادى؛ ال، ياڭ ليپيڭدى جاقتاپ، ايەلدەر تۋىت قۇرالى ەمەس، ۇيلەنۋ مەن ۇرپاق ءسۇيۋ جەكەنىڭ ەركىندىگى دەپ قاراعانداردىڭ دا سانى مول بولدى.
جۋىرداعى جىلداردان بەرى، وسىنداي پىكىرلەر ءجيى كەزدەسىپ ءجۇر. ايەلدەر قاۋىمى ءوز تۇرمىسىن قالاي ورنالاستىرۋى كەرەك، قانداي ايەلدەر تابىسقا جەتكەن ايەل ەسەپتەلەدى دەگەن تاقىرىپتاردى توڭىرەكتەي وتىرىپ، ءتۇرلى كوزقاراستاعىلار ءبىر – بىرىنە ىرىق بەرمەي كەلەدى. بەلگىلى تۇرعىدان ايتقاندا، مۇنداي تالاس – تارتىستى شابىتتاندىرۋعا تاتيدى. قوعام جونىنەن العاندا، ايەلدەر جايلى الەۋمەتتىك جەلىلەردە تالقى ورىستەتۋ كوبەيگەن سايىن، ءبىر – بىرىمەن تەكە تىرەسكە تۇسەتىن كوزقاراستار مەن ءتۇرلى دەڭگەيدەگى وي - تولعامدار بارعان سايىن مولىعا تۇسەدى، بۇل قوعامنىڭ وركەنيەت دەڭگەيىنىڭ ۇزدىكسىز جوعارىلاپ كەلە جاتقانىنىڭ ايعاعى ەسەپتەلەدى.
جاڭا داۋىردەگى ايەلدەر جونىنەن ايتقاندا، الەۋمەتتىك تانىمنىڭ ۇزدىكسىز وزگەرۋىنە، وركەنيەت دەڭگەيىنىڭ ۇزدىكسىز جوعارىلاۋىنا، دارالىق تانىمنىڭ ۇزدىكسىز ويانۋىنا بايلانىستى، ءاربىر ادامنىڭ تالعام جاساۋىنا بولاتىن تۇرمىس ءتاسىلى بارعان سايىن كوپ ۇيەكتەنىپ كەلەدى. بىرەۋ انا بولىپ، تىرشىلىك يەسىن ومىرگە اكەلۋدى ارماندايدى؛ بىرەۋ جاقسى جار، ونەگەلى اتا – انا بولىپ، تاماق جاساپ، وتباسىلىق تۇرمىستان ءلاززاتتانۋدى تاڭدايدى؛ بىرەۋ ءوز كاسىبىنە بۇكىل ىنتاسىمەن بەرىلىپ، قىزمەت سيلاعان شاتتىقپەن شالقۋدى قالايدى؛ بىرەۋ ۇيلەنۋدەن اۋلاق بولىپ، وتباسىلىق تۇرمىستىڭ تۇساۋىنا تۇسپەۋدى اڭسايدى ...
مەيلى، «ءداستۇر»دەگەنىمىز بولسىن، الدە، «مودى» دەگەنىمىز بولسىن، ءارقانداي تۇرمىس ءتاسىلى قاتە ەمەس، ءارقانداي تالعامعا قۇرمەت ەتۋ جانە ىزگى نيەتپەن تىلەك ءبىلدىرۋ كەرەك. ۇقساس، ءارتۇرلى تۇرمىس ءتاسىلى دە جەڭىستىك اسەم گۇلىن اشۋعا قاۋقارلى، ۇيتكەنى، جەڭىس جايلى ۇعىم دا ەشقاشان جالقى بولماعان.
61 جاستاعى ياڭ ليپيڭ ءبي ونەرىمەن اتى الىس – جاقىنعا تانىمالى بولعان، 49 جاستاعى يۇي فەيحۇڭنىڭ اكتەرلىك ونەرى ەلدەن ەرەك، رۋحاني جاقتا دارالىق ەرەكشەلىگى بار، 43 جاستاعى چيڭحۋا داشۋەسىنىڭ دوكتورلىق جەتەكشىسى يان نيڭنىڭ عىلىمي زەرتتەۋ قابىلەتى وزگەلەردەن وزىق، ولار بىرتە - بىرتە تالايلاعان بويجەتكەندەردىڭ قۇرمەتپەن قارايتىن جانە ۇيرەنەتىن وبيەكتىلەرىنە اينالىپ كەلەدى. ىزگى تىلەكپەن تالقى ورىستەتۋدى جۇرت قابىلدايدى جانە تۇسىنىستىك بىلدىرەدى، الايدا، بۇل جات نيەتپەن ءتىل تيگىزەتىن دارەجەدە بولماۋى كەرەك، «ماعان ۇقسامايتىنداردىڭ ءبارى تەرىس جولدا» دەيتىن ۇشقارى كوزقاراسقا اينالىپ كەتۋىنە تىپتەن بولمايدى.
سوناۋ ەرتەدە، 1500 جىلدىڭ الدىندا – اق، شىعىستىڭ عۇلاماسى كۇڭزى «اسىلزادا شىعىسىمدى بولعانىمەن، ەلگە ۇقسامايدى» دەگەن ەكەن. بۇل كوزقاراس قازىرگى قوعامعا دا ساي كەلەدى، ەشكىمنىڭ دە ءوزىنىڭ كوزقاراسى مەن تۇرمىس ءتاسىلىن وزگەلەرگە تاڭۋىنا بولمايدى، سول سياقتى، ەشكىمنىڭ دە وزگەلەردىڭ تۇرمىستا تابىسقا جەتكەن – جەتپەگەنىنە انىقتاما بەرۋىنە بولمايدى . تابىسقا جەتۋ — ءبىر ءتۇرلى حال - جاي، ءبىر ءتۇرلى كوڭىل كۇي، ءار ادام ءوزى سۇيەتىن تۇرمىس تاسىلىمەن ءومىر ءسۇرىپ، تۇرمىس نىساناسىن ايقىنداسا، ءوزىنىڭ بەلگىلەگەن نىساناسىنا قاراي قۇلشىنا العا ىلگەرىلەسە، ءوزىنىڭ قالاۋىنا ساي ءومىر سۇرسە، ەڭ زور جەتىستىك دەگەن، مىنە، وسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
