حالىق تورابىنىڭ شولۋى: ناقتى ىستەۋدى شىنايى يگەرىپ، تياناقتاندىرۋدى مىقتى ۇستاپ، كوركەم، جاڭا نيڭشيا قۇرايىق
جىن چي
2020.06.11 14:41 كەلۋ قاينارى : حالىق تورابى
«وسىزامانعى اۋىل شارۋاشىلىق كاسىپ جۇيەسىن، ءوندىرىس جۇيەسىن، تيجارات جۇيەسىن جەدەل ورناتىپ، نيڭشيانىڭ ءتىپتى دە كوپ ەرەكشە اۋىل شارۋاشىلىق ونىمدەرىنىڭ بازارعا بەت الۋىنا مۇمكىندىك جاساۋ كەرەك»، «ماسەلەنى نىشان ەتۋدەن جازباي، نىسانالى تۇردە رەفورمانى ىلگەرىلەتۋ كەرەك»، «<ەكىدەن تارىقتىرماۋ، ءۇشتى قامتاماسىز ەتۋ> ولشەمىنە تۋرالاپ، كورنەكتى ماسەلەلەر مەن ءالسىز بۋىنداردى كوزدەپ، جىگەرلەنە ءتۇسىپ، ايانباي شايقاسىپ، كەدەيلىكتەن ارىلتۋ نىساناسىن ۋاعىندا جۇزەگە اسىرۋعا شىنايى كەپىلدىك ەتۋ كەرەك»... جۋىردا باس شۋجي شي جينپيڭ نيڭشيادا تەكسەرۋ جۇرگىزىپ، اۋىل ـ قىستاق، الەۋمەتتىك اۋماق، تاسقىننان ساقتانۋ ينجەنەرياسى، اۋىل شارۋاشىلىق كاسىپ باقشاسى سياقتىلارعا ىشكەرىلەي تەكسەرۋ ـ زەرتتەۋ جۇرگىزدى. باس شۋجي تەكسەرۋ بارىسىندا نيڭشيانىڭ دامۋى جونىندە اناعۇرلىم جوعارى تالاپتار قويىپ، نيڭشيانىڭ، ءتىپتى، بۇكىل ەلدىڭ ۇدايىلانعان جۇقپالى اۋرۋلاردان ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىرتۇتاس جوسپارلاپ ىلگەرىلەتۋىنە، كەدەيلىكتەن ارىلتۋدان قامال الۋ جەتىستىكتەرىن بەكەمدەۋىنە، ەكولوگيالىق ورتانى قورعاۋدى كۇشەيتۋىنە، ۇلتتار ىنتىماعى، العاباسارلىعىن ىلگەرىلەتۋىنە ايقىن باعدار كورسەتتى.
باس شۋجي مەملەكەتتىك ەكى ءماجىلىس اياقتاعاننان كەيىن تۇڭعىش رەت جەرگىلىكتى ورىندى كوزدەن كەشىرۋدە نيڭشيانى تاڭدادى، بۇل نيڭشيانىڭ دامۋىنا ايرىقشا ءمان بەرەتىندىگىن تولىق ايگىلەدى. ءىس جۇزىندە، 1997 - جىلى، سول كەزدە فۋجيان ولكەلىك پارتكومنىڭ ورىنباسار شۋجيى، فۋجيان ولكەسىنىڭ نيڭشياعا باعىتتامالى كومەكتەسۋ باسشىلىق گرۋپپاسىنىڭ باستىعى بولعان شي جينپيڭ نيڭشياعا تۇڭعىش رەت بارعان بولاتىن. 2008 – جىلى جانە 2016 – جىلى نيڭشياعا تاعى ەكى رەت بارىپ تەكسەرۋ - زەرتتەۋ جۇرگىزگەن. كەدەيلىكتەن ارىلتۋدان قامال الۋ، عىلىم ـ تەحنيكادا جاڭالىق اشۋ، ەكولوگيانى قورعاۋ... پارتيانىڭ 18 - قۇرىلتايىنان بەرى، نيڭشيادا ەكونوميكا مەن قوعامنىڭ باياندى، اقاۋسىز دامۋىنىڭ تاماشا جاعدايى ساقتالدى، بۇكىل رايوندا 937 مىڭ ادام كەدەيلىكتەن ارىلدى، جالپى تۇلعالىق كەدەيلىكتىڭ تۋىلۋ مولشەرى 2012 - جىلعى %22.9تەن 2019 - جىلى %0.47كە تومەندەدى. بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋعا بەرىك نەگىز قالادى. بۇرىنعى جۇتاڭ جەردەن بۇگىنگى كوركەم مەكەنگە اينالۋدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولۋىنەن، قولداۋىنان، بۇكىل اۆتونوميالى رايون حالقىنىڭ قاجىرلىلىقپەن كۇرەس جۇرگىزۋىنەن جانە تاباندىلىقپەن قۇلشىنۋىنان قول ۇزە المايدى.
نيڭشيانىڭ دامۋى تەز جولعا قادام تاستاعانىمەن، مىنانى دا كورە ءبىلۋىمىز كەرەك: قازىر كەدەيلىكتەن ارىلتۋدىڭ ونىمدىلىگىن اناعۇرلىم بەكەمدەۋ، ەكونوميكانىڭ، قوعامنىڭ جوعارى ساپالى دامۋىن اناعۇرلىم ىلگەرىلەتۋ ءالى دە كوپتەگەن اۋىر مىندەتتەر مەن سىندارعا ءدوپ كەلىپ وتىر. شيجي اۋدانىنىڭ كەدەيلىكتەن ارىلۋ قالپاعىن الىپ تاستاۋداعى قالعان 18 مىڭ 800 كەدەيدىڭ كەدەيلىكتەن ارىلۋىنداعى ەڭ سوڭعى قيىن تۇيىندەرىنە قاراتا، قايتكەندە «ەكىدەن تارىقتىرماۋ، ءۇشتى قامتاماسىزداندىرۋعا» نازار اۋدارۋعا بولادى، قايتكەندە ولقىلىقتاردى اناعۇرلىم تىڭعىلىقتى تولىقتاپ، نەگىزدى اناعۇرلىم بەرىك قالاۋعا بولادى؟ حۋاڭحى وزەنى الابىنىڭ ەكولوگياسىن قورعاۋدىڭ جانە جوعارى ساپالى دامىتۋدىڭ شۇعىل قاجەتىن نەگىز ەتە وتىرىپ، قايتكەندە جاپپاي قورعاۋدى ويداعىداي يگەرۋگە، جاپپاي جونگە سالۋدى سايكەستى ىلگەرىلەتۋگە تاباندى بولىپ، وتانىمىزدىڭ باتىس بولىگىندە جاسىل قالتقى قۇرۋعا بولادى؟ جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا قايتا كەدەيلەسۋ مەن جاڭا كەدەيلىكتىڭ الدىن قالاي ءونىمدى تۇردە الۋعا بولادى؟ قايتكەندە ىندەتتەن ساقتانۋ جانە ونى تىزگىندەۋدى ۇدايىلاندىرۋدا «التىنى ورنىقتىرۋ» قىزمەتىن تىڭعىلىقتى ىستەپ، «التىنى قامتاماسىزداندىرۋ» نىساناسىن جۇزەگە اسىرۋعا بولادى؟ بۇل ماسەلەلەردى جاقسى شەشكەندە عانا ەكونوميكا گۇلدەنگەن، ۇلتتار ىنتىماقتى، ورتاسى كوركەم، حالقى باي جاڭا نيڭشيانى ۇزدىكسىز قۇرىپ، ءار ۇلت بۇقاراسىنىڭ باقىت سەزىمىن، تابىس سەزىمىن جانە حاۋىپسىزدىك سەزىمىن ۇزدىكسىز كۇشەيتۋگە بولادى.
وسى رەتكى تەكسەرۋدە باس شۋجي شي جينپيڭ 5 جاقتاعى تالاپتى ورتاعا قويدى: «جوعارى ساپالى دامۋدى تاباندىلىقپەن ىلگەرىلەتۋ»، «رەفورما جاساپ، ەسىك اشۋدى ىلگەرىلەتۋدە تىڭ تابىستارعا قول جەتكىزۋ»، «كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ»، «تۇنىق سۋ، جاسىل تاۋ − باعالى بايلىق ۇستانىمىن بەرىك ورناتۋ»، «حالىقتى وزەك ەتكەن دامۋ يدەياسىنا تاباندى بولۋ». بۇل تالاپتار نيڭشيانىڭ دامۋ امالياتىنجانە سالىستىرمالى ابزالدىعىن تياناق ەتكەن دەۋگە بولادى، ءارى الداعى ۇزاق بولاشاقتىق دامۋ نىساناسىن دا كوزدە ۇستاعان، كۇشتى باعىتتامالىلىق، جەتەكشىلىك جانە امالياتتىق سيپاتقا يە. نيڭشياداعى ءار دارەجەلى پارتكوم مەن ۇكىمەت يدەيا مەن ارەكەتتى باس شۋجيدىڭ ماڭىزدى نۇسقاۋىنىڭ رۋحىمەن بىرلىككە كەلتىرىپ، «تياناقتاندىرۋدى يگەرۋ» سىندى ۇلكەن ماقالانى ويداعىداي جازۋ كەرەك. اناعۇرلىم زور كۇش ۇيىستىرىپ، ءتۇرلى قىزمەتتەردى مىقتى، ناقتى، ەگجەي ـ تەگجەيلى يگەرىپ، كورىكتى جاڭا نيڭشيا قۇرۋعا تاعى دا تىڭ ۇلەس قوسىپ، تاعى دا تاماشا ناتيجە جاراتۋ كەرەك. مەملەكەت بويىنشا باسقا رايوندارداعى پارتكوم مەن ۇكىمەتتەر دە سانالى تۇردە ولشەمگە تۋرالانۋ كەرەك. ءوز ءىس جۇزىندىك جاعدايىمەن ۇشتاستىرىپ، جەرگىلىكتى جاعدايعا قاراي وتىرىپ تياناقتاندىرۋدى يگەرۋ ىرىقتىلىعىن كۇشەيتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىرتۇتاس جوسپارلاۋ بارىسىندا تولىمدى جاۋاپ قايتارۋ كەرەك.
يرەلەڭدەپ اققان حۋاڭحى تەرىستىكتەگى قۇتتى مەكەنگە تىرشىلىك سيلاۋدا، بۇل بۇگىنگى نيڭشيانىڭ دۇنيە جۇزىنە ايگىلى ەكولوگيالىق تانىسقىسى بولۋمەن بىرگە، ۇلتتار ىنتىماعى، العاباسارلىعىنىڭ ۇلگىسى دەۋگە بولادى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «جاپپاي دوڭگەلەك داۋلەتتى قوعام قۇرىپ شىعۋدا بىردە - ءبىر از ۇلتتىڭ قاعىس قالۋىنا بولمايدى» دەگەن نىسانانى بەلگىلەدى. «سوتسياليزم ەڭبەكپەن كەلەدى، باقىت كۇرەسپەن كەلەدى» ناقتى ىستەۋدى شىنايى يگەرىپ، تياناقتاندىرۋدى مىقتى ۇستاعاندا عانا جاڭا نيڭشيا ءسوز جوق دۇنيە ءجۇزىن تاڭداي قاقتىرادى، ءار ۇلت بۇقاراسىنىڭ تۇرمىسى دا ءسوز جوق «قۇلپىرا اشىلعان كۇنجىت گۇلىندەي» بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
