«بىردە - ءبىر از ۇلتتىڭ قاعىس قالۋىنا بولمايدى»
− باس شۋجي شي جينپيڭنىڭ نيڭشيادا كەدەيلىكتەن ارىلتۋدان قامال الۋدى كوزدەن كەشىرگەنى جونىندە
2020.06.12 16:33 كەلۋ قاينارى : حالىق تورابى
نيڭشيانىڭ سولتۇستىك بولەگى كەزىندە وزەندى ءوڭىر دەپ اتالعان، بۇل ارادان حۋاڭحى وزەنى وتەدى، جەرى بەدەرى جازىق، كولى كوپ؛ ورتا بولەگى ءشول دالا بولىپ كەلەدى، قۇرعاقشىلىق اۋىر، جاۋىن – شاشىن از، قۇمدى بوران كوپ سوعادى؛ وڭتۇستىك بولەگى ادىرلى، سۋىق بولىپ كەلەدى، بۇرىننان «قۇنارسىز جەر» دەگەن اتى بار، مەملەكەت دارەجەلى كەدەي رايونداردىڭ ءبىرى.
كەدەيلىكتەن ارىلتۋ نيڭشيانىڭ، اسىرەسە، وڭتۇستىك بولەكتەگى شيحايگۋ رايونىنىڭ مىڭ جىلدان بەرى شەشە الماي كەلە جاتقان قيىن ماسەلەسى ەدى.
20 نەشە جىلدا باس شۋجي شي جينپيڭ نيڭشياعا 4 رەت باردى. 1997 – جىلى فۋجيان ولكەسىندە قىزمەت ىستەپ جۇرگەن مەزگىلىندە ول فۋجيان مەن نيڭشيانىڭ سەلبەسىپ باعىتتامالى كومەكتەسۋىنە جاۋاپتى بولىپ، نيڭشياعا تۇڭعىش رەت قادام تاستادى. شيحايگۋدە كورگەن - بىلگەنى ونى تەرەڭ ويعا سالدى:
«مەن جوقشىلىقتىڭ نە ەكەنىن شىنايى سەزىندىم. ءبىر ۇيدە ۇستەل - ورىندىق تا، ساكى دە جوق. ىلىككە الار ‹مال - مۇلىك› ءۇيدىڭ ارقالىعىنا اسىلعان ءبىر ۋىس جەر تۇگى سانالادى. بولماشى جەر تۇگىن ساتىپ ساتىپ، وعان ماي، تۇز، سىركە سياقتىلاردى ساتىپ الادى ەكەن».
وسىدان كەيىن 2008 -، 2016 - جىلدارى ول نيڭشياعا ەكى رەت كەلدى، قىزمەت تەكسەرۋىنىڭ نەگىزگى ءتۇيىنى كەدەيلەردى سۇيەمەلدەۋ بولدى.
وسى رەت بارۋى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ شەشۋشى مەزگىلىنە تۋرا كەلدى. ول كەدەيلىكتەن ارىلا قويماعان قيىنشىلىعى بار بۇقارانى، ەندى عانا كەدەيلىكتەن ارىلعان، تۇرمىسى ءالى دە مولشىلىق بولماعان اۋىلداستاردى كوكەيىنە بۇگۋدە ەدى.
6 – ايدىڭ 8 - كۇنىنەن 10 - كۇنىنە دەيىن باس شۋجي شي جينپيڭ نيڭشيادا قىزمەت تەكسەرىپ، زەرتتەۋ جۇرگىزدى. 3 كۇندە ۋ - جۇڭ مەن يىنچۋان سىندى 2 جەردە اۋىل - قىستاققا باردى، حۋاڭحى وزەنىن تەكسەردى، الەۋمەتتىك اۋماقتاردى، اتىزداردى ارالاپ، قايراڭ رايونداردى كوزدەن كەشىردى، بۇل مەزگىل نيڭشيانىڭ شىلىڭگىر ىستىق، شاڭ - توزاڭ باسىپ تۇرعان كەزى ەدى.بارلىعى وزگەرۋدە. 20 نەشە جىلدان بەرى نيڭشيانىڭ قالا - اۋىلدارى كۇن سايىن تۇلەجىپ، بۇقارانىڭ تۇرمىسى كۇن سايىن جاقسارىپ كەلەدى.
بىردەن - ءبىر وزگەرمەگەن نارسە جۇڭگو كوممۋنيستەرىنىڭ اۋەلگى ماقساتى مەن بورىشى ەدى.
حۋاڭحى جاڭا قىستاعىنان وزگەرىسكە نازار سالۋ
1997 - جىلى نيڭشياعا كەلىپ كەدەيلەردى سۇيەمەلدەگەن شي جينپيڭ كەدەيلەردى قونىس جاڭالاپ سۇيەمەلدەۋ سىندى ماڭىزدى ينجەنەريانىڭ اتقارىلۋىن ىلگەرىلەتتى، قۇرعاقشىلىق جايلاعان حايشيگۋ تۇرعىندارى حىلا تاۋىنىڭ ەتەگىندەگى حۋاڭحى وزەنى سۋارمالى رايونىنا كوشىرىلدى. ول جاڭا قونىستاعى قىستاققا «ميننيڭ قىستاعى» دەپ ات قويدى، قىستاقتىڭ بولاشاقتا گۇلدەنىپ، ات – اتاعىنىڭ شىعۋىنا تىلەۋلەستىك ءبىلدىردى.ۋاقىت زىمىراپ وتۋدە. 20 نەشە جىلدان بەرى نيڭشياداعى ءبىر ميلليونعا جۋىق بۇقارا وڭتۇستىكتەگى تاۋلى وڭىرلەردەن كوشىپ شىقتى، ءبىر عانا مينيڭ قىستاعىنا 40 مىڭنان استام كوشپەندى تۇرعىن قابىلداندى. بۇرىندارى كوگىنەن قۇس ۇشپايتىن، جەرىنە ءشوپ شىقپايتىن مينيڭ شىت جاڭا بەينەگە ەنىپ، قالاشىق دارەجەسىنە كوتەرىلدى. وسى رەت باس شۋجي شي جينپيڭ مينيڭ قالاشىعىنىڭ جۋىرداعى جاعدايىن ارنايى ۇعىستى.
وسى ساپارىندا باس شۋجي شي جينپيڭ تاعى ءبىر ەكولوگيالىق كوشى - قون قىستاعى، حۋاڭحى وزەنىنىڭ جاعالاۋىنداعى جاڭا قىستاق − حۇڭدى قىستاعىنا بارىپ تەكسەرۋ - زەرتتەۋ جۇرگىزدى.
قىستاق ۋ - جۇڭ قالاسى حۇڭسىباۋ رايونى حۇڭسىباۋ قالاشىعىنا ورنالاسقان، نيڭشيانىڭ ورتا بولەگىنە تۋرا كەلەدى. ءاسىلى بۇل ارا دا بۇرىن ءشول دالا بولعان، جەل ازىناعان كۇندەرى تاماقتى ءتۇزۋ ءىشۋدىڭ ءوزى قيىنعا سوعاتىن. وتكەن عاسىردىڭ 90 - جىلدارىنان باستاپ توپ - توپ ناسوس پۋنكتتەرىنە سۇيەنىپ، حۋاڭحى وزەنىنىڭ سۋىن نەشە ءجۇز مەتر بيىككە شىعارىپ، جاسىل القاپ قالىپتاستىرىپتى.
حۇيزۋ كاريا ليۋ كىرۇيدىڭ وتباسى بۇرىن شيحايگۋدىڭ تاۋ قويناۋىندا تۇراتىن. 8 جىلدىڭ الدىندا ول وسى اراعا كوشىپ كەلگەن.
باس شۋجي شي جينپيڭ ونىڭ ۇيىنە بارىپ قوناق بولدى. ليۋ كىرۇي باس شۋجيگە ءۇيىنىڭ ءىشى – سىرتىن كورسەتىپ شىقتى. ەسىك الدىنا سيىر قورا سالىنعان، رەتتى اۋلاسى، كەڭ دە جارىق جاتىن بولمەسى، مۇنتازداي اسحاناسى بار. اس ۇيدە باس شۋجي قازان قاقپاعىن كوتەرىپ، توڭازىتقىشتى اشىپ، شۇمەكتى بۇراپ، ولاردىڭ تۇرمىس جاعدايىن تاپتەشتەي كوردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
