بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

شينجياڭداعى تۇڭعىش اۋىل شارۋاشىلىق قوسىمشا ونىمدەرىن ”جولاۋشى ورنىنا زات تيەۋ“ بويىنشا ۇشاق جالداپ جەتكىزۋ اۋە لەنياسى ىسكە قوسىلدى

2020.06.16 15:23     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى ما ينيڭ 6 - ايدىڭ 14 - كۇنى كورلادان حابارلايدى. 6 - ايدىڭ 14 - كۇنى 15 توننا كەلەتىن شينجياڭنىڭ اق ورىگى جالعا العان ۇشاقپەن حاڭجوۋ قالاسىنداعى ءىرى ەرەن بازارلارعا جەتكىزىلدى. 6 - ايدىڭ 13 - كۇنى ساعات 19دان 35 مينۋت وتكەندە شينجياڭداعى تۇڭعىش اۋىل شارۋاشىلىق قوسىمشا ونىمدەرىن ”جولاۋشى ورنىنا زات تيەۋ“ بويىنشا ۇشاق جالداپ جەتكىزۋ اۋە لەنياسى ىسكە قوسىلىپ، حۋاشيا اۆياتسيا جارنا شەكتى سەرىكتەستىگىنىڭ ۇشۋ مىندەتىن اتقارعان ”جولاۋشى ورنىنا زات تيەۋ“ بويىنشا جالعا العان ۇشاعى كورلادان حاڭجوۋعا ۇشتى.

  ”جولاۋشى ورنىنا زات تيەۋ“ − ءىشىنارا جۇكتەردى جولاۋشىلار ۇشاعىنىڭ ورىندىعىنا جانە جۇك سورەسىنە قويىپ، جولاۋشىلار ۇشاعىنىڭ زات تيەيتىن بولمەسىنە تيەۋ ارقىلى ”جولاۋشىلار بولمەسى + زات تيەيتىن بولمەسى“ بويىنشا زات تاسىمالداۋ جاڭا فورماسىن كورسەتەدى.

  جەر - جەردىڭ اۋىل شارۋاشىلىق قوسىمشا ونىمدەرى بازارىن كەڭەيتۋىنە اناعۇرلىم قولداۋ كورسەتۋ ءۇشىن، كورلا اۋەجايى اۋەجاي ماڭى ەكونوميكالىق اۋماعى مەملەكەتتىك سۋىق تىزبەكتى زات اينالىمى نىسانىنا سۇيەنىپ، اۋىل شارۋاشىلىق قوسىمشا ونىمدەرىن ”جولاۋشى ورنىنا زات تيەۋ“ بويىنشا جالعا العان ۇشاقپەن جەتكىزەتىن اۋە جەلىسىن شينجياڭدا تۇڭعىش ىسكە قوسىپ، اۋىل شارۋاشىلىق ونىمدەرىنىڭ اتىز باسىنان ىشكى وڭىرلەردەگى قالا تۇرعىندارىنىڭ داستارقاندارىنا تىكە جەتكىزىلۋىن ىسكە اسىردى.

  ”اۋىل شارۋاشىلىق قوسىمشا ونىمدەرىن جالعا العان ۇشاقپەن تاسىمالداۋدىڭ ۋاقىت باسىمدىعى كورنەكتى. ورىكتى مىسالعا الساق، تۇستەن بۇرىن ساعات 9دا باقتان ءۇزىپ الىنىپ، تۇستەن كەيىن ساعات 7 مولشەرىندە اۋەجايدان شىعارىلىپ، 4 ساعاتتان كەيىن حاڭجوۋعا جەتكىزىلىپ، جاس كۇيىن ساقتايدى“، - دەدى حۋاشيا اۆياتسيا جارنا شەكتى سەرىكتەستىگى شينجياڭ بازاسىنىڭ باس ديرەكتورى جاۋ شياۋبو.

  كورلا اۋەجايىنىڭ بازار جوسپارلاۋ - ساتۋ جاۋاپتىسى شي ليشۋان بىلاي دەپ تانىستىردى: بيىل كورلا اۋەجايى مەجەمەن 60 توننا جاس ورىكتى ىشكى ءوڭىر بازارلارىنا جەتكىزەدى، اۆياتسيا تاسىمال اقىسى، جەر بەتى تاسىمال اقىسى سياقتىلاردى شىعارىپ تاستاعاندا، شارۋالاردىڭ كىرىسى 3 ميلليون يۋان ارتادى. باسقا دا اۋىل شارۋاشىلىق ونىمدەرى تاسىمالىن قوسقاندا، 2020 - جىلى تۇتاس تاسىمال قاۋىرت مەزگىلىندە كورلا اۋەجايىنىڭ اۋىل شارۋاشىلىق ونىمدەرى ارقىلى كىرىستى 10 ميلليون يۋانعا جۋىق ارتتىرۋعا جەتەكتەيتىندىگى مەجەلەنۋدە.

  كورلا (چەرشەن، چارقىلىق) اۋەجايىنىڭ ورىنباسار باس ديرەكتورى ۋاڭ ۋي: ”قاشقاردىڭ شيەسى، تۇرپاننىڭ ءجۇزىمى سياقتى اۋىل شارۋاشىلىق ونىمدەرىنىڭ ىلگەرىندى - كەيىندى پىسۋىنا بايلانىستى، تاعى ۇقساس تاسىلمەن جەر - جەردىڭ اۋىل شارۋاشىلىق قوسىمشا ونىمدەرىن ىشكى ءوڭىر بازارلارىنا جەتكىزۋگە كومەكتەسەمىز“، - دەدى.

  ۇعىسۋىمىزشا، بيىل كورلا اۋەجايى جاس كۇيدەگى اۋىل شارۋاشىلىق ونىمدەرىن تاسىمالدايتىن جالعا العان ۇشاقتان 30 كەزەگىن ارتتىرۋدى جوسپارلاپ وتىر ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار