بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

كاسىپ سالاسىندا مىعىم قالاشىق قۇرىپ، ەرەكشە شوعىرلاردى دامىتادى

”جەلى مەن اۋماق بىرلەسۋ“ اۋىل شارۋاشىلىعى كاسىپ تىزبەگىن جەدەل ۇزارتۋعا دەم بەرەدى

2020.06.16 15:24     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ ي 6 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى جانە اۋىل - قىستاق مەڭگەرمەسىنەن ۇعىسۋىمىزشا، بيىل جىل باسىنان بەرى، بۇكىل رايون جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا بەلسەنە توتەپ بەرىپ، ”جەلى مەن اۋماقتى بىرلەستىرۋدىڭ“ ۇلگى كورسەتۋىن، جەتەكتەۋىن كورنەكتىلەندىرىپ، اۋىل شارۋاشىلىعىنىڭ تولىق كاسىپ سالاسى تىزبەگىن جانە تولىق قۇن تىزبەگىن كۇش سالا ورناتىپ، اۋىل - قىستاق كاسىپ سالاسىنىڭ دامۋ دەڭگەيىن جوعارىلاتىپ، اۋىل - قىستاقتى گۇلدەندىرۋگە دەم بەرگەن.

  بيىل اۆتونوميالى رايونىمىزدىڭ اۋىل شارۋاشىلىعى جانە اۋىل - قىستاق تاراۋلارى نىسانداردىڭ قولداۋىنا بەلسەنە قول جەتكىزىپ، اۋىل شارۋاشىلىعى كاسىپ سالاسىندا مىعىم قالاشىق قۇرىپ، اۋىل - قىستاق كاسىپ سالاسىن دامىتۋدىڭ ”اۋماعىن“ قالىپتاستىرعان. قورعاس اۋدانىنىڭ شىندىقوزى قالاشىعى، ياركەن اۋدانىنىڭ ارال اۋىلى قاتارلى 5 جەردىڭ اۋىل شارۋاشىلىعى كاسىپ سالاسىندا مىعىم قالاشىق قۇرۋدىڭ نىسان جوباسى مەملەكەتتىڭ ماقۇلداۋىنان ءوتىپ، ءاربىر نىسانعا ورتالىق قارجىسىنان 10 ميلليون يۋان ءوتىنىش ەتىلىپ، ءجۇزىم، بادام، ءپايزاۋات قاۋىنى سياقتى ەرەكشە كاسىپ سالالارىن ءتۇيىندى تۇردە ارقاۋ ەتىپ، بايلىق فاكتورلارىن شوعىرلاندىرىپ، ءوندىرىس بازاسى، قويمادا جاڭا كۇيدە ساقتاۋ، وڭدەۋ - ساۋدالاۋ سياقتى قۇرىلعى - جابدىقتاردىڭ دەڭگەيىن كۇش سالا جوعارىلاتىپ، ۇلگى كورسەتۋ ارقىلى اۋىل - قىستاق كاسىپ سالاسىن تيبىن وزگەرتۋگە، دارەجەسىن جوعارىلاتۋعا جەتەكتەيدى ەكەن.

  كاسىپ سالاسىن جەتىلدىرۋ جانە قۇرۋ جاعىندا بيىل بۇكىل رايونىمىز كورلا المۇرتى، شينجياڭ جۇقا قابىقتى جاڭعاعى سىندى 2 باسىمدىققا يە، ەرەكشە كاسىپ سالاسى شوعىرى قۇرىلىس نىسانىنا بەلسەنە قول جەتكىزىپ، اۋىل - قىستاق كاسىپ سالاسىنىڭ ”جەلىسىن“ قالىپتاستىرماق. كەزەكتە 2 كاسىپ سالاسى شوعىرى قۇرىلىس نىسانى اۋىل شارۋاشىلىعى جانە اۋىل - قىستاق مينيسترلىگىنىڭ بەكىتۋىنەن وتكەن. الداعى 3 جىلدا ءار شوعىردىڭ قۇرىلىس نىسانى ورتالىقتىڭ قارجىسىنان جىل سايىن 100 ميلليون يۋانعا قول جەتكىزىپ، بايلىق شوعىرلانعان اۋماق پەن زات جەتكىزۋ ءتۇيىنىن وزەك ەتىپ، كاسىپ سالاسىنىڭ الدىعا جانە كەيىنگە قاراي ۇزارۋىن، كولدەنەڭ باعىتتا سايكەسۋىن، بازارمەن جالعاسۋىن، فاكتورمەن ۇشتاسۋىن جەبەپ، وڭتۇستىك شينجياڭنىڭ تارىم ويپاتى توڭىرەگىندەگى جاڭعاق كاسىپ سالاسىندا باسىمدىعى بار 7 اۋماقتى نەگىز ەتكەن جاڭعاق كاسىپ سالاسى شوعىرىن جانە كورلا قالاسىن وزەكتى اۋماق، اقسۋ قالاسىن ۇلگى اۋماق، لوپنۇر اۋدانى، بۇگۇر اۋدانى، كۇشار قالاسى، ونسۋ اۋدانى قاتارلى 4 اۋداندى ىقپال كولەمىندەگى اۋماق ەتكەن كورلا المۇرت كاسىپ سالاسى شوعىرىن جەتىلدىرەدى ەكەن.

  تانىستىرۋعا نەگىزدەلگەندە، كەلەسى قادامدا رايونىمىزدىڭ اۋىل شارۋاشىلىعى جانە اۋىل - قىستاق تاراۋلارى مەملەكەتتىڭ زاپاس نىساندارىنا بەلسەنە قول جەتكىزىپ، اۋىل شارۋاشىلىعى ونىمدەرىن وڭدەۋ باقشا اۋماقتارىنان ءبىر توبىنىڭ جاڭادان قۇرىلۋىنا قولداۋ كورسەتىپ، ايماق، وبلىس، قالالاردى وڭىرلىك اۋىل شارۋاشىلىعى ونىمدەرىن وڭدەۋ باقشالارىن قۇرۋعا جەتەكتەپ، ايماق - وبلىس - قالا، اۋدان - قالا - رايون سىندى 2 دارەجەلى اۋىل شارۋاشىلىعى ونىمدەرىن وڭدەۋ باقشاسى جۇيەسىن قالىپتاستىرادى؛ ”باقشا اۋماعى + بازا + شارۋالار“، ”باقشا اۋماعى + زات جەتكىزۋ + ەلەكتروندى ساۋدا“ ۇلگىلەرىن دامىتۋعا قولداۋ كورسەتىپ، سورت جەتىلدىرۋدى، شيكىزات بازاسىن، وڭدەۋ - كادەگە جاراتۋدى، وسى زامانعى زات جەتكىزۋدى، ساۋدالاۋ تۇعىرىن ءبىر تۇلعادا شوعىرلاندىرعان اۋىل شارۋاشىلىعى ونىمدەرىن وڭدەۋ باقشا اۋماقتارىن قالىپتاستىرىپ، كاسىپ سالاسىن بىتىراندى ورنالاسۋدان توپتالا، شوعىرلانا دامۋعا بۇرىلىس جاساۋعا جەتەكتەيدى ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار