شينحۋا تورابىنىڭ شولۋى: بارلىعى بىردەي جيىن اشۋعا كەتسە، ساياساتتى تياناقتاندىرۋعا كىم جاۋاپتى بولادى؟
ما روحۋ
2020.06.17 13:18 كەلۋ قاينارى : حالىق تورابى
«ءۇش رايون، ءۇش وبلىستاعى» كەدەيلىك قالپاعىن الماعان اۋداندا اۋداندىق پارتكومنىڭ شۋجيى مەن اۋدان اكىمى ءبىر ايدا جيىنى 71 رەت كەسكىندى ماجىلىسكە قاتىناسىپتى، ماجىلىستەن سىرت تاعى دا ۋاقىت شىعارىپ، ولكەگە توتە قاراستى تاراۋلاردىڭ قۋزاۋ سالۋ اترەتىنىڭ سۇحباتتاسۋى مەن اڭگىمەلەسۋىن قابىلداۋى كەرەك، قاربالاستىقتان مۇرىندارىنا سۋ جەتپەيدى ...
جۋىردا «قيت ەتسە جيىن اشىپ، قۇجات شىعاراتىن ادەتتى دوعارايىق» اتتى ماقالا جۇرتتىڭ نازارىن اۋداردى، ماقالادا ايتىلعان مازمۇن كەڭ كولەمدە قولداۋعا يە بولدى. «جيىندا بولماساق، جيىنعا كەتىپ بارا جاتقان جول ۇستىندە بولۋىمىز مۇمكىن»، بۇل اسىرا ايتىلعان ءسوز ەمەس، نەگىزگى ساتىداعى كوپتەگەن كادرلەر كۇندەلىكتى قىزمەت بارىسىندا باستان كەشىرىپ جۇرگەن ءاماليات. فورماشىلدىققا ساياتىن مۇنداي بىلىققان جاعداي نەگىزگى ساتىداعى كادرلاردى قاجەتسىز جيىندارمەن شارشاتىپ قانا قويماي، ولاردىڭ جۇرتشىلىققا ناقتى ءىس ءبىتىرىپ بەرەتىن ۋاقىتتارىن يەلەيدى جانە ولاردىڭ زەيىن – زەردەلەرى تەك جيىنعا قاتىناسۋمەن زايا بولادى. ولاردىڭ ءبارى جيىن اشۋمەن ابىگەر بولسا، ساياساتتى تياناقتاندىرۋعا كىم جاۋاپتى بولادى؟
ءارقانداي قىزمەت جونىنەن ايتقاندا، تياناقتاندىرۋ ەڭ ماڭىزدى ءتۇيىن سانالادى، تەك جۇرتشىلىقپەن ارالاسىپ، ناقتى ماسەلەلەردى شەشكەن كەزدە عانا جۇمىستى تياناقتاندىردى دەپ ايتۋعا بولادى. ەگەر تياناقتاندىرۋدى مىقتى ۇستاۋعا دەن قويماي، جيىن اشۋ مەن تياناقتاندىرۋ قىزمەتىن تەڭ ساناۋعا ادەتتەنسە، جيىن اشسا بولدى، قىزمەتتى تياناقتاندىرعان ەسەپتەلەدى دەپ قاراسا، جوعارى جاق تاپسىرعان جۇمىستى ورىندادىق دەپ بىلسە، وندا نىسانا قانشالىق جاقسى بولعانىمەن، جوسپار قانشالىق تاماشا بولعانىمەن، مۇنىڭ ءبارى تەك قيالداعى ەلەس قانا بولىپ قالماق؛ ەگەر جيىندى قانشا رەت اشقانىن قىزمەتتىڭ جاقسى ىستەلگەنىنىڭ نەمەسە ناشار ىستەلگەنىنىڭ ولشەمى ەتەتىن بولساق، وندا شىنايى جۇمىس تىندىرىپ جۇرگەن كادرلار جونىنەن ايتقاندا ،تەڭسىزدىك بولادى، ۋاقىت ۇزارا كەلە، ءبىر ءتۇرلى ناشار ستيل قالىپتاسادى.
«ءماجىلىس رۋحىن ءماجىلىس اشۋ ارقىلى دايەكتىلەندىرۋ» دەرتىن تۇبىرىنەن وڭالتۋدىڭ ءتۇيىنى ماسەلەنىڭ ءتۇپ قاينارىنان سەبەبىن تاۋىپ،جاعدايعا قاراي ىستەۋ بولىپ تابىلادى. «ناق مايداندا بولۋعا مۇمكىندىك بولسا، ءماجىلىس زالىندا وتىرمايىق»، بۇل مەملەكەتتىك تاڭداۋلى كوممۋنيس لياۋ جۇنبونىڭ كوزى تىرىسىندە ۇنەمى ايتاتىن ءسوزى، بۇل ءسوز نەگىزگى ساتىداعى كوپتەگەن كادرلاردىڭ جۇرەك ءسوزى ەكەنىنە سەنەمىز. تاۋسىلماس ءماجىلىستى ەشكىم دە قالامايدى، ماندىك مازمۇنى جوق ماجىلىستەرمەن ناقتى ءىس تىندىراتىنداردىڭ قول – اياعىنا تۇساۋ بولۋدى ەشكىم دە قالامايدى. الايدا، جوعارىنىڭ ورنالاستىرۋىنا ءدوپ كەلگەندە، شاراسىزدىقتان قابىلداۋعا ءماجبۇر بولادى. ءىشىنارا كادرلار ءماجىلىس اشۋعا قۇمارتىپ الادى، مۇنىڭ تۇپكىلىكتى سەبەبى، ۇقىق كوزقاراسىنىڭ بۇرمالانۋى، قىزمەت ناتيجەسى جونىندەگى كوزقاراستىڭ جولدان تايۋى، جاۋاپكەرشىلىك تانىمىنىڭ جەتەرسىزدىگى بولىپ سانالادى. يدەيالىق جاقتاعى مۇنداي اعاتتىقتى تۇزەتۋ ءۇشىن، ەڭ جوعارى ساتىداعى جوبالاۋدا بەكىتۋ مەن قاداعالاۋدىڭ قاتاڭ ولشەمدەرىن بەلگىلەۋ كەرەك، قالاعانىنشا جيىن اشۋدى جونگە سالۋدى كۇشەيتۋ، سونىمەن بىرگە، اشۋعا ءتيىستى جيىندى ويداعىداي اشۋ، اشپاۋعا ءتيىستى جيىندى، ارتىق جيىندى ىقشامداۋ، ونىمدىلىكتى شىنايى جوعارىلاتىپ، ناتيجەگە ءمان بەرىپ، نەگىزگى ساتىداعى كادرلاردى تاۋداي قۇجات، تاۋسىلماس جيىننان ازات ەتۋ كەرەك.
ءبىر اۋىز سوزبەن ايتقاندا، تاۋداي قۇجات، تاۋسىلماس جيىندى شىنايى ءىس تىندىرۋ سىندى قىزمەت ستيلىمەن جەڭۋگە بولادى. قايراتتانا ۇمتىلىپ، ناقتى ءىس تىندىرىپ، العا ۇمتىلۋ ستيلىن ساۋلەلەندىرگەندە عانا، ءسانى بار زاتى جوق، ءىس جۇزىندىكتەن الشاقتاعان تورەشىلدىك پەن فورماشىلدىقتى جويۋعا بولادى؛ تەك، جۇرتشىلىقپەن تىعىز ارالاسىپ، حالىق ءۇشىن قۇلشىنا قىزمەت ىستەگەندە عانا، جاۋاپكەرشىلىك ارقالاپ، ناقتى ءىس تىندىراتىن ناعىز قابىلەتتى شىڭاۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
