حالىق تورابى شولۋى: وسەك – اياڭ جۇرتتى الاساپىرانعا تۇسىرەدى، وعان تيتتەي دە ورىن قالدىرماۋ كەرەك
شىن شىن
2020.06.18 14:37 كەلۋ قاينارى : حالىق تورابى
بەيجيڭدەگى شينفادي اۋىل شارۋاشىلىعى ونىمدەرىن تولايىم ساتۋ بازارىنداعى جاڭا تيپتى ايدارشا ۆيروس وكپە قابىنۋ ىندەتىنە شالدىققان ناۋقاستىڭ دياگنوزى تۇراقتاندىرىلعان سوڭ، بۇل ءىس ىندەتتەن ساقتانۋ – تىزگىندەۋ شايقاسىنىڭ دابىلىن قاقتى. سونىمەن، بەيجيڭ قالاسى ىندەتتەن ساقتانۋ جانە ونى تىزگىندەۋدى قازىرگى ەڭ ماڭىزدى، ەڭ كوكەيتەستى مىندەت رەتىندە قاراپ، بار كۇشتى جۇمىلدىرىپ، مينۋت – سەكۋندتاردى دا قولدان بەرمەي، ىندەتتىڭ تارالۋىن تىزگىندەپ جاتقان ساتتە، ءىشىنارا ينتەرنەت پەن دوستار شەڭبەرىندە «ينتەرنەت ۆيروستارى» كەڭىنەن تارالۋدا، بۇعان ءسوزسىز قىراعىلىقتى ارتتىرۋ كەرەك.
مىسالعا ايتاتىن بولساق، 6 – ايدىڭ 16 – كۇنى كەشتە، بەيجيڭ قالاسى شۇعىل جاعدايلارعا توتەپ بەرۋدىڭ ساقتىق سەگنالىن ەكىنشى دارەجەگە جوعارىلاتتى، ىلە – شالا، «بەيجيڭ قالاسىنداعى جوعارى قارقىندى بىرنەشە تاس جول قوس باعىتتا تۇيىقتالدى» دەگەن حابار ينتەرنەتتە تارالدى، تەكسەرۋگە قاراعاندا، بۇل وسەك – اياڭ مازمۇنىنداعى ادەيى قۇراستىرىلعان سۋرەت بولىپ شىققان. وسى تەكتەس وسەك – اياڭدار بىرنەشە كۇننەن بەرى تولاستامادى، «بەيجيڭ قالاسىندا كوجە – قاتىق بازارى ورنىقسىز بولۋدا» دەگەن وسەك – اياڭنان، «ۋكىسۇڭ حۋاجاۋ بازارىندا ءىس تۋىلدى» دەگەن وسەك – اياڭعا دەيىن، «بەيجيڭ مەتروسى ىندەتتەن ساقتانۋ ءۇشىن ورىندىقتارىن شىعارىپ اكەتۋدە» دەگەن جالعان اقپاراتقا دەيىن ينتەرنەتتە تارالدى. وسىنداي الۋان – ءتۇرلى وسەك – اياڭداردىڭ كەڭىنەن تارالۋى ونسىز دا ىندەتتەن ساقتانۋ قىزمەتىمەن قاربالاس بولىپ جۇرگەن قاتىستى ادامدارعا ەداۋىر اۋىرەشىلىكتەر تۋدىردى، ۇرەيلى ىندەتپەن سايىسىپ، ۋاقىتپەن تايتالاسىپ جۇرگەن ساتتەرىندە، ارنايى ۋاقىت شىعارىپ، ينتەرنەتتەگى ينفورماتسيالاردى تەكسەرىپ وتىرۋىنا تۋرا كەلەدى، بۇعان ءبىرتالاي زەيىن – زەردەسىنىڭ زايا كەتەتىنى داۋسىز. جاي عانا ايتا سالعان وسەك – اياڭ تالاي ادامعا اۋىرەشىلىك تاۋىپ بەرەدى دەيتىنىمىز وسى، ىندەتتەن ساقتانۋدىڭ كۇردەلى كەزەڭىندە وسەك – اياڭ تاراتۋ، زاڭعا قايشى، ءمورالعا ساي كەلمەيتىن، ادامگەرشىلىككە جات قىلىق.
«اقىلدىعا تاپ بولسا، وسەك - اياڭنىڭ وتى سونەر» دەگەنىمىزبەن، الەۋمەتتىك دەنساۋلىق ساقتاۋ جاعىنداعى ءىرى وقيعاعا ءدوپ كەلىپ وتىرعان ساتتە، كوپتەگەن ادامدار وسەك – اياڭدى شىن دەپ بىلەدى، بۇل وسەك – اياڭنىڭ ونان ارى كەڭىنەن تارالۋىنا اپارىپ سوعادى. بۇل وسەك – اياڭداردى باقىلايتىن بولساق، مىنانى وڭاي بايقايمىز: وسەك – اياڭ تاراتۋشىلاردىڭ كوبى ءىستىڭ جاعدايىن بىلمەيتىندىكتەن، بەتالدى جورامالعا ەرىك بەرەدى؛ كەيبىرەۋى قۇرىققا سىرىق جالعاپ، قۇرتتىڭ اتىن جاڭىلتىپ مالتا قويىپ، قاتىسى جوق ينفورماتسيالاردى الەۋمەت اڭىسىنىڭ شوعىرلانعان ورتاسىنا تاستايدى؛ مۇنان باسقا، جات نيەتتى جاندار دا بۇيرەكتەن سيراق شىعارىپ، جالعان اقپاراتتاردى ءبىلىپ تۇرىپ تاراتادى. وسەك – اياڭنىڭ وركەن جايۋى الەۋمەتتىڭ ىندەت جونىندە دۇرىس تانىم ورناتۋىنا ءتيىمسىز، اقپاراتتىڭ تەڭگەرىمسىزدىگى سەبەبىنەن تۋىلعان مازاسىزدانۋدى، ۇرەيلەنۋدى اسقىندىرادى، كەيبىر وسەك – اياڭدار ءتىپتى قوعامنىڭ ورنىقتىلىعىنا زيان جەتكىزىپ، حالىق جۇرتشىلىعىنىڭ ءومىرى مەن مال – مۇلكىنىڭ حاۋىپسىزدىگىن ناقتى زيانعا ۇشىراتادى. وسىنىڭ الدىندا، كەيبىر ساۋداگەرلەر ۇن مەن كۇرىشتى وتكىزۋ ءۇشىن كۇرىشتىڭ باعاسى وسەدى ەكەن دەگەن جالعان اقپارات تاراتىپ، قاتاڭ تەكسەرۋگە الىنىپ، ءبىرجاقتى ەتىلدى، بۇل ءىس تەرەڭ ساباق الۋعا تاتيدى.
ءومىرى مەن دەنساۋلىعى ىندەت حاۋپىنە ۇشىراعان جاعدايدا، جۇرتشىلىق ىندەتتەن ساقتانۋعا قاتىستى ينفورماتسيالارعا ايرىقشا ساق كەلەدى، ينفورماتسياعا دەگەن قاجەتسىنۋى دە كوكەيتەستى بولا تۇسەدى، مۇنى تۇسىنۋگە بولادى. الايدا، بۇل ىسكە نازار اۋدارعاندا ءامالياتتى نەگىز ەتۋ كەرەك. وسى جولى بەيجيڭدە ىندەت تۋىلعان سوڭ، اقپار جاريالاۋ جيىندارى جيى اشىلىپ، ىندەت جاعدايى جاريالانىپ وتىردى ءارى دياگنوزى تۇراقتانعان ناۋقاستاردىڭ ىندەت جۇقتىرعان ورىندارى مەن جۇرگەن جەرلەرى ەگجەي – تەگجەيلى جاريالانىپ وتىردى، ءتىپتى ءبىر كۇندە ءۇش رەت اقپار جاريالاۋ جيىنىن اشقان جاعداي دا بولدى، دەنساۋلىق ساقتاۋ تاراۋلارى، اقپارات قۇرالدارى، ماماندار مەن وقىمىستىلار قاتارلىلار دا ءتۇرلى تاسىلدەر ارقىلى ىندەتتەن ساقتانۋ بارىسىنداعى جۇرت نازار اۋدارىپ وتىرعان تۇيىندەرگە تۇسىنىك بەرىپ، جاۋاپ قايتارىپ وتىردى. ينفورماتسيانى اشىق ۇستاۋدىڭ پارمەندى بولۋىنداعى جانە قالا تۇرعىندارى نازار اۋدارىپ وتىرعان ماسەلەلەرگە دەر كەزىندە جاۋاپ قايتارۋداعى ماقسات _ ىندەتكە قاتىستى ءتۇرلى وسەك – اياڭداردىڭ ىندەتتىڭ ءىس جۇزىندىك جاعدايىن بۇركەمەلەپ كەتۋىنىڭ الدىن الۋ.
ىندەتتەن ساقتانۋ جانە ونى تىزگىندەۋدىڭ ايرىقشا مەزگىلىندە، وسەك – اياڭنىڭ لاڭ سالۋىنان بارىنشا ساقتانۋ كەرەك. وسەك – اياڭعا تيىم سالىپ جاتسا دا تيىلمايدى، مۇنداعى باستى سەبەپتەردىڭ ءبىرى _ زاڭعا قايشىلىق جاساعانداردى جازالاۋدىڭ پارمەندى بولماي وتىرعانىندا. وسەك – اياڭعا ءدوپ كەلگەندە، وعان مۇلدە ورىن بەرمەۋ پوزيتسياسىن ۇستانۋ كەرەك، زاڭ بويىنشا سوققى بەرۋ تەبىنىن كۇشەيتۋ قاجەت. وسەك – اياڭدى دەر كەزىندە اشكەرەلەۋ مەن تەكتەۋ ارقىلى وسەك – اياڭنىڭ زالالىن ازايتۋمەن بىرگە، وسەك – اياڭدى ءتۇپ قاينارىنان باستاپ جونگە سالۋ، جات نيەتپەن وسەك – اياڭ تاراتقاندارعا قاتاڭ سوققى بەرۋ كەرەك. وسەك – اياڭ شىعارۋ، وسەك – اياڭ تاراتۋ ارەكەتتەرىن زاڭ بويىنشا جازالاۋ _ زاڭمەن باسقارۋ جەلىسىندە ىندەتتەن ساقتانۋ جانە ونى تىزگىندەۋ قىزمەتىن ىلگەرىلەتۋدىڭ قاجەتتى تالابى. ساياساتتىق سەگنال وتە ايقىن، از سانداعى ادامداردىڭ زاڭدى بىلە تۇرا زاڭعا قايشى كەلمەۋىن ءۇمىت ەتەمىز.
ينتەرنەتتە شەك بولعانىمەن، اۋىزدان شىققان سوزگە تيىم بار. قالاداعى ءاربىر تۇرعىن ءارقانداي ۋاقىتتا وسەك – اياڭعا سەنبەۋى، وسەك – اياڭ تاراتپاۋى كەرەك، مۇنىڭ ءبارى ازاماتتاردىڭ تارتىپكە، زاڭعا بويسۇنۋداعى وتەۋگە ءتيىستى جاۋاپكەرشىلىگى. ىندەتكە ءدوپ كەلگەن ساتتە، باسىم كوپشىلىگىمىز شيپاگەرلەر سياقتى ىندەتتەن ساقتانۋدىڭ الدىڭعى شەبىنە كەۋدە كەرىپ اتتانا المايمىز، ءبىراق، وسەك – اياڭدى سانالىلىقپەن تەجەۋگە، وسەك – اياڭعا سەنبەۋگە ، وسەك – اياڭ تاراتپاۋعا تاباندى بولا بىلسەك، بۇل ءوزىمىزدىڭ قولىمىزدان كەلگەنىنشە ۇلەس قوسقانىمىز بولىپ ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
