بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

بالالارعا ارنالعان كىتاپتاردىڭ ساپاسىنا نەمقۇرايدى قاراۋعا بولمايدى (تىڭ ءسوز)

جاڭ حى

2020.06.18 14:50     كەلۋ قاينارى : حالىق تورابى

  بالالار ەرجەتۋ بارىسىندا كىتاپ وقۋدان قول ۇزە المايدى، بالا كەزدەگى كىتاپ وقۋ ادەتى ءبىر ادامنىڭ رۋحاني الەمىنىڭ نەگىزىن قالايتىن، بولاشاعىنا تەرەڭ ىقپال ەتەتىن ادەت. قازىر ەلىمىزدە اتا – انالار، وقىتۋشىلار جانە قوعامنىڭ ءار سالاسىنداعىلار بالالاردىڭ كىتاپ وقۋىنا ايرىقشا ءمان بەرەدى، تەكسەرۋگە قاراعاندا، اتا – انالاردىڭ جەتپىس پايىزدان استامى بالالارىمەن بىرگە كىتاپ وقۋدى ادەتكە اينالدىرعان، اتا – انانىڭ بالامەن بىرگە كىتاپ وقۋى، وتباسىمەن بىرگە كىتاپ وقۋ قوعامدىق سالتقا اينالۋدا.

  وسىنىڭ ارقاسىندا، ەلىمىزدە بالالارعا ارنالعان كىتاپتاردى شىعاراتىن باسپا ورىندارى جەدەل دامۋدا، بالالارعا ارنالعان باسىلىمدار ءتۇرى جاعىنان بولسىن، ساتىلىم مولشەرى جاعىنان بولسىن كۇرت ارتۋدا. 2018 – جىلى ەلىمىزدە بالالارعا ارنالعان كىتاپتاردان 44 مىڭ ءتۇرلى كىتاپ جارىق كورگەن، جالپى تيراجى 800 ميلليوننان اسقان، ساتىلۋ ۇستىندەگى كىتاپ تۇرلەرى 300 مىڭ تۇردەن اسقان. مازمۇنى باي بالالارعا ارنالعان كىتاپتار كىشكەنتاي وقىرمانداردىڭ رۋحاني الەمىن بايىتىپ، ولاردىڭ باقىتتى بالالىق شاقتارىنىڭ بولىنبەس ءبىر بولەگىنە اينالدى.

  الايدا، بالالارعا ارنالعان كىتاپتاردىڭ ساپاسىنىڭ ايتارلىقتاي ەمەس ەكەنىن كورە ءبىلۋىمىز، بۇعان ايرىقشا ءمان بەرۋىمىز كەرەك. جۋىردا بالالارعا ارنالعان سۋرەتتى كىتاپ اتا – انالار اراسىندا تالاس – تارتىسقا مۇرىندىق بولدى. سۋرەتتى كىتاپتىڭ مازمۇنى بىلاي: قونجىق تۋعان كۇنىن وتكىزۋ ءۇشىن قوناق شاقىرادى، ورمانداعى بارلىق بالدىرعان حايۋاناتتار قاتىناسۋعا كەلەدى، ولار بالكۇلشە جەيتىن كەزدە، قونجىق ءبىر دوسىنىڭ جوق ەكەنىن بايقايدى. «كىمنىڭ جوق ەكەنىن بايقادىڭ با؟» سۋرەتكە قاراساڭىز، ءبىر تاباق تاۋىق ەتى تۇر، بۇل شوجەنىڭ سويىلىپ، قۋىرماشقا اينالىپ كەتكەنىن اڭعارتىپ تۇرعانداي. سۋرەتتى كىتاپتىڭ ماقساتى بالالاردىڭ باقىلاۋ قابىلەتىن جەتىلدىرۋ، الايدا، كىتاپتى قۇراستىرۋشىلاردىڭ بالدىرعان بالالاردىڭ پسيحولوگيالىق تۇرعىسىن شىعار ءتۇيىن ەتپەي، وسىنداي ورەسكەل وقيعا جەلىسىن زورلاپ قوسۋى بالالاردىڭ تۇسىنىگىنە اۋىر تيەتىنى ايقىن.

  بۇل عانا ەمەس، جاقىننان بەرى ورەندەر مەن بالالارعا ارنالعان، ەداۋىر تانىمالى بولعان سۋرەتتى كىتاپ جونىندە تالاس – تارتىس تۋىلدى، كىتاپتا وزىنە قول سالۋ، «كەلبەتكە بوي ۇرۋدى» دارىپتەۋ، جالعان عىلىمي مازمۇندار قاتارلى وقيعالار بايقالعانى جاعانى ۇستاتادى. كوپتەگەن اتا – انالار بالالارعا ارنالعان كىتاپتاردا مۇنداي مازمۇنداردىڭ بولۋىن قابىلداي المايدى.

  بالالارعا ارنالعان كىتاپتاردىڭ ىشىندە ماسەلە بايقالعان كىتاپتار، ارينە، از ساندى ۇستايدى، الايدا، مۇنىڭ اتا – انالاردىڭ بالالارعا ارنالعان وتاندىق كىتاپتارعا دەگەن سەنىمىنە سەلكەۋ تۇسىرۋىنەن ساقتانۋعا بولمايدى. جۋىرداعى جىلداردان بەرى، وتاندىق اۆتورلى سۋرەتتى كىتاپتاردىڭ جاعدايى جاقسارىپ، بازاردان ۇستايتىن ارا سالماعى ۇزدىكسىز جوعارىلادى. الايدا، سونىمەن بىرگە مىنانى كورە ءبىلۋىمىز كەرەك، ءىشىنارا كىتاپ قۇراستىرۋشىلار سابيلەرگە ارنالعان ءتالىم - تاربيەنىڭ نەگىزدىك بىلىمدەرىنەن بەيحابار، سابيلەر پسيحيكاسى مەن سابيلەردىڭ تۇرمىس ورتاسى جونىندە تۇسىنىگى تاياز، بالالاردىڭ ويلاۋ ءتاسىلىن تۇسىنبەيدى، بالالاردىڭ ويلاۋ قۋاتىن قايتكەندە ۇيلەسىمدى تۇردە ىسكە قوسۋعا بولاتىنىن بىلمەيدى، سوندىقتان، بالالارعا ارنالعان كىتاپتاردا سابيلەردىڭ وقۋىنا ۇيلەسپەيتىن مازمۇندار بايقالادى. مۇنان سىرت، كەيبىر اۆتورلى سۋرەتتى جۋرنالداردىڭ وزگەلەرگە ەلىكتەگەنى، ءىس جۇزىندە باسپا ورىندارىنىڭ تەزىرەك پايداعا كەنەلۋ ءۇشىن شىعارعان ءونىمى ەكەنى ءبىلىنىپ تۇرادى، بۇل باسپا ورىندارى بالالاردىڭ باقىلاۋ قابىلەتىن جەتىلدىرۋگە ارنالعان شەتەلدىڭ سۋرەتتى جۋرنالدارىن كىرگىزۋ بارىسىندا ءوتىمدى بولعانىن بايقاپ، ەلىمىزدە جازىلعان سول تەكتەس كىتاپتاردى تەزىرەك جارىققا شىعارۋعا اسىعادى؛ بالالاردىڭ ادەت قالىپتاستىرۋىنا ارنالعان سۋرەتتى كىتاپتاردىڭ ءوتىمدى بولعانىن كورە سالا، اسىعىس – ۇسىگىس وسىنداي كىتاپتاردى شىعارادى. اسىعىپ اتقا قونعاندىقتان، سۋرەتتەرىن دە كەرەمەت دەۋگە كەلمەيدى، مازمۇنى دا بىردە جاقسى، بىردە ناشار شىعادى.

  قازىر ەلىمىزدە بالالارعا ارنالعان كىتاپتاردىڭ بازارى ءالى دە جوعارى قارقىنمەن دامۋدىڭ التىن كەزەڭىندە تۇر. بالالارعا ارنالعان كىتاپتاردىڭ ەلىمىزدىڭ باسپا سالاسىنداعى دامۋ بولاشاعى ەڭ جاقسى بولىپ وتىر، بالالارعا ارنالعان كىتاپتاردىڭ ساپاسى سانسىزداعان بالالاردىڭ اقاۋسىز ءوسىپ- جەتىلۋىنە سايادى، بۇعان شالاعايلىق ىستەۋگە، نەمقۇرايدى قاراۋعا بولمايدى!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار