حالىق تورابى شولۋى: ەسىرتكىگە تيىم سالۋ باعىتىنا تاباندى بولىپ، ەسىرتكىگە تيىم سالۋدىڭ حالىقتىق شايقاسىن ويداعىداي جۇرگىزەيىك
يۋان شى
2020.06.24 13:27 كەلۋ قاينارى : حالىق تورابى
حالىقارالىق ەسىرتكىگە تيىم سالۋ كۇنى كەلۋ قارساڭىندا، باس شۋجي شي جينپيڭ ماڭىزدى نۇسقاۋ بەرىپ، ءار دارەجەلى پارتكومدار مەن حالىق ۇكىمەتتەرىنەن ەسىرتكىگە تيىم سالۋ باعىتىنا تاباندى بولىپ، ەسىرتكىگە تيىم سالۋدىڭ حالىقتىق شايقاسىن ويداعىداي جۇرگىزۋدى، ەسىرتكىنى جونگە سالۋ جۇيەسىن كەمەلدەندىرىپ، ەسىرتكىگە تيىم سالۋ جاعىنداعى حالىقارالىق سەلبەستىكتى تەرەڭدەتۋدى، ەسىرتكىگە تيىم سالۋ قىزمەتىندە ۇزدىكسىز تىڭ ونىمدىلىكتەرگە قول جەتكىزۋدى، قوعامنىڭ جاراسىمدىلىعى مەن ورنىقتىلىعىن قورعاۋ جانە حالىقتىڭ الاڭسىز تىرشىلىك ەتۋىن قامتاماسىزداندىرۋ جاعىندا تىڭ دا اناعۇرلىم زور ۇلەستەر قوسۋدى تالاپ ەتتى.
ەسىرتكى — ادامزات قوعامىنىڭ قاس جاۋى. ءبىر ادامنىڭ جەكە باسى جونىنەن ايتقاندا، ول دەنساۋلىققا زيان جەتكىزىپ، ادامنىڭ جىگەرىن جاسىتادى؛ وتباسى جونىنەن ايتقاندا، ول داۋلەتتى سارقىپ، باقىتتى ويراندايدى؛ قوعام جونىنەن ايتقاندا، ول قىلمىستىق ىستەردى تۋدىرىپ، قوعامدىق سالتتى بۇزادى. جاستاردىڭ اۋەستەنەمىن دەپ ءجۇرىپ، قايتا قايرىلا المايتىن جولعا تۇسكەن اشتى ساباعى؛ بۇكىل وتباسىنىڭ ەڭبەك ەتۋگە شاراسىز قالىپ، ءسىڭىرى شىققان كەدەيگە اينالعانى جونىندەگى دەلو؛ ونەر جۇلدىزدارىنىڭ ۋلى شەگىمدىك شەگىپ، قوعامدا جاعىمسىز جاقتان ۇلگى كورسەتۋىنىڭ زيانى، ءبارى دە بىزگە ساق بولۋدى ەسكەرتەدى. ۋلى شەگىمدىك تەك جەكە اداممەن، ءبىر وتباسىمەن قاتىستى ءىس قانا ەمەس، ول الەۋمەتتىك حاۋىپسىزدىكتى بۇلدىرەتىن كەلەلى ماسەلە. باس شۋجي شي جينپيڭنىڭ ماڭىزدى نۇسقاۋى ەسىرتكىگە تيىم سالۋ قىزمەتىنىڭ ماڭىزدىلىعىن باسا دارىپتەۋ ءۇشىن ايتىلعان.
جاڭا جۇڭگو قۇرىلعان باستاپقى كەزدەن باستاپ ورىستەتىلگەن زور كولەمدى تەمەكىگە تيىم سالۋ قيمىلىنان تارتىپ، 1987 – جىلى جۇڭگونى قامتىعان دۇنيە جۇزىندەگى ءار ەلدىڭ ەسىرتكىگە تىزە قوسا قارسى تۇرۋىنا، ونان سوڭ، 2007 – جىلى «ەسىرتكىگە تيىم سالۋ زاڭى» ماقۇلدانىپ، ەسىرتكىگە تيىم سالۋ قىزمەتىن كۇشەيتۋگە پارمەندى كەپىلدىك ەتىلگەنگە دەيىن، جۇڭگو ەسىرتكىگە تيىم سالۋ كۇرەسىنىڭ ءبىرىنشى شەبىندە بولىپ كەلەدى. ەسىرتكىگە تيىم سالۋ تەبىنىن ۇزدىكسىز ارتتىرىپ، ەسىرتكىگە تيىم سالۋ قىزمەتىندە كورنەكتى ونىمدىلىكتەرگە قول جەتكىزۋ بارىسىندا، بارلىق ەسىرتكىگە تيىم سالۋ قىزمەتكەرلەرى اسا زور ۇلەس قوستى ءارى قۇرباندىقتار بەردى. 2019 – جىلى بۇكىل ەلىمىزدە جاڭادان بايقالعان ەسىرتكى شەگەتىندەردىڭ سانى سايكەستى مەزگىلدەگىمەن سالىستىرعاندا %11.9 تومەندەپ، ۇدايى بەس جىل تومەندەۋ بەتالىسىن جالعاستىرىپ كەلەدى.
الايدا، شەكارا ءىشى – سىرتىنداعى ەسىرتكى ماسەلەسى، ءداستۇرلى جانە جاڭا تيپتەگى ەسىرتكى بۇيىمداردىڭ زالالى، ەسىرتكى ونىمدەرىنە قاتىستى ينتەرنەت ارقىلى جانە ينتەرنەتتەن تىس تۋىلعان قىلمىستىق ىستەرى ءبىر – بىرىمەن شىرما شاتۋ بايلانىسقاندىقتان، قازىرگى كەزەڭدەگى ەسىرتكىگە تيىم سالۋ جاعدايىنىڭ ءالى دە اۋىر بولىپ تۇرعانىن كورە بىلۋىمىز كەرەك. ەسىرتكى ونىمدەرىنىڭ ءتۇرى ۇزدىكسىز جاڭالانىپ، ەسىرتكى ساۋدالاۋ تاسىلدەرى جەدەل وزگەرۋدە، شەتەلدەگى ەسىرتكى ونىمدەرىنىڭ جاسىرىن ەنۋى سىندى جاعداي اۋىرلاسۋدا، بۇل ەسىرتكىگە تيىم سالۋ قىزمەتىنە اۋىر قيىنشىلىقتار تۋدىرۋدا. ەسىرتكى ساۋدالاۋشىلار «جۇمساق ەسىرتكى»، «قوسالقى ەسىرتكى» سياقتىلاردى قۇمارلىق قالىپتاستىرمايدى دەپ جارنامالاعاندىقتان، كوپتەگەن ادامدار بۇل جاعىندا قىراعىلىعىن بوساڭسىتىپ الدى. جاڭا تيپتى ايدارشا ۆيروس وكپە قابىنۋ ىندەتى تۋىلعاننان بەرى، «ينتەرنەت + زات اينالىمى» اتكەزشىلىكپەن ەسىرتكى ساۋدالاۋشىلاردىڭ باستى تاسىلىنە اينالىپ، ساۋدالاۋ – تاسىمالداۋ ارنالارى كوبەيۋ، زەردەلى تەحنيكادان پايدالانۋ قاتارلى جاڭا ەرەكشەلىكتەر بايقالدى. وسى قۇبىلىستاردىڭ سەبەبىنەن ەسىرتكىگە تيىم سالۋ قىزمەتىنە قويىلاتىن تالاپ اناعۇرلىم جوعارىلادى.
ەسىرتكى بۇيىمدارىنىڭ تارالۋ قاقپاسىن ويداعىداي كۇزەتۋدىڭ تەتىگى — قاتاڭ جونگە سالۋ نەگىزگى پرينسيپىنە تاباندى بولۋ، ءتۇرلى ەسىرتكى بۇيىمدارىنا قاتىستى قىلمىستىق ارەكەتتەرگە قاتاڭ سوققى بەرۋ. ەسىرتكى جاساۋ جانە اتكەزشىلىك ىستەۋ قاتارلى ەسىرتكى بۇيىمدارىنا قاتىستى قاينارلىق سيپاتتاعى قىلمىستىق ارەكەتتەرگە ءتۇيىندى تۇردە سوققى بەرىپ، ەسىرتكىنى پارشا ساتۋ، ەسىرتكى شەگۋشىلەرگە ورىن دايىنداپ بەرۋ قاتارلى كوپ تۋىلاتىن دەلولاردى جونگە سالۋدى ۇدايىلاندىرۋ، ماسەلە اۋىر بولعان وڭىرلەر مەن ينتەرنەتتى باستى وبيەكتى ەتۋ ... ەسىرتكى بۇيىمدارىن جونگە سالۋ جۇيەسىن ۇزدىكسىز كەمەلدەندىرىپ، ەسىرتكى ءوندىرۋ جەلىسىن، تاراتۋ جەلىسىن ءۇزۋ — ەسىرتكىگە تيىم سالۋدىڭ ناتيجەسىن قولعا كەلتىرۋدىڭ نەگىزگى تياناعى. ەسىرتكىگە تيىم سالۋ جاعىنداعى عىلىم – تەحنيكالىق زەرتتەۋلەردى كۇشەيتىپ، ەسىرتكى ونىمدەرىن تەكسەرۋ تاكتيكاسىن جاقسارتىپ، ەسىرتكىگە تيىم سالۋ قىزمەتكەرلەرى قوسىنىن كۇشەيتۋ — ەسىرتكىگە تيىم سالۋ شايقاسىنداعى جاۋىنگەرلىك قۋاتتى ارتتىرۋدىڭ تەتىگى. ەسىرتكى جاساۋ مەن ەسىرتكىنى ساۋدالاۋدىڭ جاھاندانۋى ماسەلەسىنە باعىتتاي وتىرىپ، مەملەكەت اتتاعان، شەكارا اتتاعان بىرلەسكەن ارەكەتتەر مەن زاڭ اتقارۋ – دەلو ءبىتىرۋ ىستەرىن ۇزدىكسىز تەرەڭدەتىپ، «ءبىر بەلدەۋ، ءبىر جول» بويىنداعى مەملەكەتتەردىڭ ەسىرتكىگە تيىم سالۋ جاعىنداعى سەلبەستىگىن كۇشەيتۋ ارقىلى قىلمىستى ەلەمەنتتەردى پارمەندى تۇردە سەسكەندىرۋگە بولادى.
ەسىرتكىگە تيىم سالۋ دا — حالىقتىق شايقاس. حالىق جۇرتشىلىعى — ەسىرتكى بۇيىمدارىنىڭ تارالۋىنان زياندالۋشىلار. سوندىقتان دا، حالىق جۇرتشىلىعى ەسىرتكىگە تيىم سالۋعا قاتىناسۋشى، ۇگىتتەۋشى بولۋى كەرەك. ەسىرتكى بۇيىمدارىنا قاتىستى قىلمىستاردىڭ جاسىرىندىلىق سيپاتى كۇشتى بولاتىندىقتان، بارلاپ اشكەرەلەۋدەگى قيىندىق دارەجەسى جوعارى، جۇرتشىلىقتى بەلسەندى تۇردە اشكەرەلەۋگە، ەسىرتكىگە تيىم سالۋدى كۇش سالا قولداۋعا شابىتتاندىرۋ — قوعام حاۋىپسىزدىگى ورگاندارىنىڭ سوققى بەرۋدىڭ دالدىگى مەن ونىمدىلىگىن جوعارىلاتۋىنىڭ ماڭىزدى تۇتقاسى. ەندى ءبىر جاقتان، وتباسى مەن قوعام ەسىرتكىدەن ساقتانۋدىڭ ءبىرىنشى شەبى بولىپ تابىلادى، قامالدى العا قاراي جىلجىتۋعا، ۇگىتتەۋ مەن ءجون كورسەتۋدى كۇشەيتۋگە، ءسوزسىز، تاباندى بولىپ، ەسىرتكىنى تانۋ، ەسىرتكىدەن ساقتانۋ، ەسىرتكىدەن اۋلاق بولۋدى حالىق جۇرتشىلىعىنىڭ ورتاق تانىمىنا اينالدىرعاندا عانا، ەسىرتكى ونىمدەرىنىڭ تارالۋ توپىراعىن تۇبىرىنەن تازارتۋدان ءۇمىت كۇتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
