حالىق تورابى شولۋى: «باسقالاردىڭ اتىن جامىلىپ، ورنىن يەلەۋگە» قاتىناسۋشىلارعا، مۇلدە، جول بەرمەۋ كەرەك
جۋ يفان
2020.07.01 17:10 كەلۋ قاينارى : حالىق تورابى
6 – ايدىڭ 29 – كۇنى شاندۇڭ ولكەسىنداعى قاتىستى جاقتار جالپىعا حابالاندىرۋ جاريالاپ، «242 ادامنىڭ باسقالاردىڭ اتىن جامىلىپ، ورنىن يەلەپ، وقۋ ماعلۇماتىنا يە بولعانى» سىندى ماسەلەگە رەسمي جاۋاپ قايتارعاندا، مىنانى اتاپ كورسەتتى: بىرىنشىدەن، وزگە بىرەۋ اتىن جامىلىپ، ورنىن يەلەگەن ادام بۇل ءىستى مۇلدە بىلمەگەن. ەكىنشىدەن، ول وقۋعا ءتۇسۋ تولىمدىلىعىنان ءوز ەركىمەن باس تارتقان سوڭ، بىرەۋ ونىڭ اتىن جامىلىپ، ورنىن يەلەگەن. ۇشىنشىدەن، بىرەۋ اتىن جامىلىپ، ورنىن يەلەگەن ادام بۇل ءىستى بىلگەن سوڭ، اتىن جامىلىپ، ورنىن يەلەگەن اداممەن ساۋدالاسۋ ىستەرى بولعان، بۇل وقيعادا نەگىزىنەن وسىنداي ءۇش ءتۇرلى جاعداي ورىن تەپكەن.
قوعامدىق ادىلدىكتىڭ ەڭ نەگىزگى قۇرامداس بولەگىنىڭ ءبىرى رەتىندە، وقۋ – اعارتۋ جاعىنداعى ادىلدىك وقۋشىلاردىڭ جەكە باسىنا، سانسىزداعان وتباسىلارعا، بۇكىل ەلگە قاتىستى ايرىقشا ماڭىزدى ءمان الاتىن ءىس. وقۋ – اعارتۋدىڭ ادىلدىگىنە سۇعاناقتىق جاسايتىن ءارقانداي ارەكەت قوعامدىق ادىلدىكتىڭ ىرگە تاسىن شايقالتادى، ءبارى دە جەكەلەر مەن مەملەكەتتىڭ دامۋ بولاشاعىنا زيان سالادى. جوعارىداعى ءۇش ءتۇرلى جاعدايدا پارىق بار سياقتانعانىمەن، ءىس جۇزىندە، مۇنىڭ ءبارى ەرەجەنى ءبۇلدىرۋ، ادىلدىكتى اياققا تاپتاۋ، مۇنداي ارەكەتتەرگە، مۇلدە، جول بەرمەۋ كەرەك، بايقالعان سايىن قاتاڭ جازالاپ وتىرۋ، استە ىرقىنا جىبەرمەۋ كەرەك.
ءمان – جايدان مۇلدە حابارسىز جاعدايدا وزگە بىرەۋ اتىن جامىلىپ، ورنىن يەلەگەندىكتەن، چىن چۇنشيۋ، ۋاڭ ليليلەردى جازىقسىز دەۋگە بولادى. ولار وزدەرىنە تيەسىلى وقۋ – اعارتۋ ۇقىعىنان ماحرۇم بولدى، ونىڭ ۇستىنە، ولاردىڭ بۇكىل ومىرلەرىن باسقالار جاسىرىن الماستىرىپ جىبەرگەن. ولار بۇكىلدەي وزگەشە ءومىر جولىنا تۇسكەندىكتەن، قانشاما ورايلاردان ايرىلعان بوداۋلاردى بەردى، مۇنى ەشكىم دە انىق ەسەپتەپ شىعۋى مۇمكىن ەمەس. مۇنداي دەلولارعا باعىتتاي وتىرىپ، مەيلى، باس قىلمىسكەر بولسىن، الدە، ىلەسۋشى قىلمىسكەر نەمەسە جاندايشاپتار بولسىن، مەيلى، باسقانىڭ ورنىن يەلەۋشى بولسىن، الدە، بۇل ءىستى ءبىتىرۋشى بولسىن، «ءبىر دە بىرەۋىنىڭ قاعىس قالۋىنا بولمايدى»، ءبارى دە اۋىر بوداۋ بەرۋى كەرەك، ءبارىن دە، ءسوزسىز، قاتاڭ جازالاۋ كەرەك.
بىرەۋدىڭ وقۋعا ءتۇسۋ تولىمدىلىعىنان وزدىگىنەن باس تارتقانى سەبەپتى، وزگە بىرەۋ ونىڭ اتىن جامىلىپ، ورنىن يەلەپ العانى سىندى جاعدايعا توقتالايىق. سىرتتاي قاراعاندا، باسقا بىرەۋ اتىن جامىلىپ، ورنىن يەلەپ العان ادام وقۋعا ءتۇسۋ تولىمدىلىعىنان ءوز ەركىمەن باس تارتقاندىقتان، زياندالۋشى ەسەپتەلمەيتىن سياقتى بولىپ كورىنەدى. وقۋ ماعلۇماتىن جالعاننان جاساۋ، ارحيۆتى وزگەرتۋ سىندى ارەكەتتەردىڭ زاڭعا قايشى كۇمان قالىپتاستىراتىنىن ايتپاعاندا، ماسەلەنىڭ ءمانى — باسقا بىرەۋ اتىن جامىلىپ، ورنىن يەلەپ العان ادامنىڭ وقۋعا ءتۇسۋ تولىمدىلىعىنان ءوز ەركىمەن باس تارتۋى زاڭ – تۇزىمگە قايشى تۇردە باسقانىڭ اتىن جامىلىپ، ورنىن يەلەپ الۋدىڭ سىلتاۋى نەمەسە جاۋاپكەرشىلىكتەن قۇتىلۋدىڭ سەبەبى بولماۋى كەرەك ەكەندىگىندە، ۇيتكەنى، بۇل وقۋ – اعارتۋدىڭ ادىلدىگى مەن قوعامدىق ادىلدىكتى قالاعانىنشا ءبۇلدىرۋ بولىپ تابىلادى. ەرەجەنى ءبۇلدىرۋ، زاڭعا قايشى كەلۋ، ءسوزسىز، زاڭنىڭ جازاسىنا ۇشىراۋى كەرەك.
ءۇشىنشى تۇردەگى جاعداي ادامعا ەڭ ءدۇدامال تانىم تۋدىرادى. مۇنداي جاعدايدا، ورنىن وزگە بىرەۋ يەلەپ العان ادام ءتۇرلى سەبەپتەرمەن ءوزىنىڭ وقۋ – اعارتۋ ورايىن اقشا تابۋدىڭ بايلىق قاينارى رەتىندە قاراپ، باسقالارمەن ساۋدالاسقان. بۇل ساۋدا ەكەۋىنىڭ قالاۋىمەن جۇرگىزىلگەن، ەشكىم دە زيان تارتپاعان سياقتانادى. الايدا، ءبىز مۇنداي الدامشى بەينەمەن كوزىمىزدى كولەگەيلەپ الماۋىمىز كەرەك. بۇل ساۋدا بارىسىندا، وزگە بىرەۋ اتىن جامىلىپ، ورنىن يەلەپ العان ادام دا ەرەجە مەن ادىلدىكتى بۇلدىرۋگە قاتىناسۋشى ەسەپتەلەدى. بۇلاي ساۋدالاسۋ دا قوعامدىق ادىلدىك پەن وقۋ – اعارتۋدىڭ ادىلدىگىن اياققا تاپتاۋ بولىپ تابىلادى. ەكى جاق تا وزدەرىنىڭ قاجەتىن قاناعاتتاندىرىپ، وقۋ – اعارتۋ بايلىعىن ساۋداعا سالدى، الايدا، ەرەجەنى بۇلدىرۋدەن تۋىنداعان زيان ەڭ سوڭىندا ەرەجەگە بويسۇناتىندارعا جانە بۇكىل قوعامنىڭ ادىلدىگىنە زالالىن تيگىزەدى.
وزگە بىرەۋدىڭ اتىن جامىلىپ، ورنىن يەلەپ الۋشى مەن بۇل ءىستى اتقارۋشى جونىنە ايتقاندا، ۇقىق پەن اقشادان پايدالانىپ، وقۋ – اعارتۋدىڭ ادىلدىگى مەن قوعامدىق ادىلدىكتى اياق استى ەتكەندىكتەن، ءسوزسىز، ءتيىستى جازاعا ۇشىراۋى ابدەن ورىندى. ال، ورنىن وزگەلەر يەلەپ العاندار شى؟ ولار دا قاجەتتى جازاعا ۇشىراۋى كەرەك پە، جوق پا؟ وبيەكتيۆ تۇرعىدان ايتقاندا، وزدەرىنىڭ وقۋ – اعارتۋ ورايىن «ساۋدالاعانداردىڭ» جاعدايى ءبىر – بىرىنە ۇقسامايدى، كەيبىرەۋى شاراسىزدىقتان وسىلاي ىستەگەن بولۋى مۇمكىن نەمەسە باسقا قيىنشىلىعى بار بولۋى مۇمكىن، كەيبىرەۋىنە «ءالسىز توپ» دەگەن ات تاعىلىپ، الەۋمەتتىك اڭىستىڭ جاناشىرلىعىنا يە بولعان بولۋى دا مۇمكىن. الايدا، ەرەجە مەن ادىلدىك الدىندا، اقىلدىلىق تانىمنىڭ مۇنداي جاناشىرلىققا بولا الجاسۋىنا بولمايدى.
جۇڭگودا جوعارى مەكتەپ ەمتيحانى ءالى دە باسىم كوپ ساندى ادامنىڭ تانىمىندا ءومىر جولىنداعى ماڭىزدى باسپالداق ەسەپتەلەدى، جارلى – جاقپايلار وتباسىنداعى بالالار جونىنەن بۇل تاعى ءبىر بەلەسكە كوتەرىلۋدىڭ ەڭ ۇمىتكە تولى جولى. وقۋ – اعارتۋ ادىلدىگىن قورعاۋدىڭ تەتىگى ەرەجەنى قورعاۋ، سونىمەن بىرگە، ەرەجەگە سەنەتىن سانسىزداعان ادامداردى قورعاۋ ەسەپتەلەدى. 2020 – جىلعى جوعارى مەكتەپ ەمتيحانىنا ءبىر اپتا ۋاقىت قانا قالدى، وقۋشىلار مەن ولاردىڭ وتباسىنداعىلار ادىلدىككە دەگەن تولىق سەنىممەن جوعارى مەكتەپ ەمتيحانىنا دايىندالۋدا. وقۋ – اعارتۋ ادىلدىگىن بۇلدىرگەندەردى قاتاڭ جازالاۋ وسى سەنىمگە دەگەن قولداۋ، قوعامدىق ادىلدىكتى بەكەمدەۋ بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
