حالىق تورابى شولۋى: جاستار مەن ورەندەردىڭ جاڭالىق جاراتۋ جارىسى جونىندە كۇمان تۋدىرىپ كەلەجاتقان ماسەلەلەردى شىنايى ويلاناتىن كەز كەلدى
دۇڭ شياۋ – ۋەي
2020.07.14 15:07 كەلۋ قاينارى : حالىق تورابى
7 – ايدىڭ 13 – كۇنى تۇستەن كەيىن، جۇڭگو عىلىم اكادەمياسى كۇنميڭ حايۋاناتتاردى زەرتتەۋ بولىمشەسى «باستاۋىش مەكتەپ وقۋشىسىنىڭ راكتى زەرتتەۋ جاعىندا سيلىققا يە بولعانى» جونىندەگى اقپاراتتان كۇماندانعان وقىرماندارعا مىناداي مالىمدەمە جاريالادى: « C10orf67تىڭ تىك ىشەك راگىنىڭ پايدا بولۋى مەن اسقىنۋىندا اتقاراتىن رولى مەن ءتۇزىلىسى جونىندەگى زەرتتەۋ» اتتى ماقالاسىمەن مەملەكەتتىك جاستار مەن ورەندەردىڭ عىلىم – تەحنيكادا جاڭالىق جاراتۋ جارىسىندا سيلىققا يە بولعان چىن XX ەسىمدى وقۋشى اتالعان زەرتتەۋ بولىمشەسى قىزمەتكەرىنىڭ ۇلى، قازىر زەرتتەۋ مەكەمەسى تەكسەرۋ گرۋپپاسىن قۇرىپ، بۇل ىسكە ىشكەرىلەي تەكسەرۋ جۇرگىزۋدە ءارى قاتىستى تەكسەرۋ ناتيجەلەرىن دەر كەزىندە جاريالاپ وتىرادى.
باستاۋىش مەكتەپ وقۋشىسىنىڭ راكتى زەرتتەۋى بۇل بالانىڭ زەرەكتىگىنەن بە، الدە، بۇل ءىستىڭ شيكىلىگى بار ما؟ بۇل جايلى كوپشىلىك الدەقاشان تۇجىرىم جاساپ بولدى دەپ سەنەمىز. سونىمەن بىرگە، تەكسەرۋ گرۋپپاسى دا ءىستىڭ شىن سىرىن تولىق انىقتاپ شىعادى دەپ ۇمىتتەنەمىز.
عىلىمي جولمەن وي جۇگىرتۋگە، جاڭالىق جاراتۋ رۋحىنا جانە ءىس جۇزىندىك قابىلەتكە ءمان بەرەتىن قازىرگى تاڭدا، وقۋشىلاردىڭ راكقا قاتىستى گەندەردى زەرتتەۋى تاڭدانارلىق جاعداي سانالمايدى، الايدا، كوپشىلىكتىڭ كۇمانىنىڭ ەشقانداي نەگىزى جوق دەۋگە كەلمەيدى. اتالعان نىساننىڭ ءىشىنارا زەرتتەۋ ەستەلىكتەرىنە قاراعاندا، جوعارىدا اتى اتالعان «زەرەك بالا» 2018 – جىلى 1 – ايدىڭ 9 – كۇنى گەننىڭ نە ەكەنىن دە بىلمەيدى ەكەن، 4 كۇننەن سوڭ قاتىستى بىلىمدەردى تولىق يگەرگەن. ەگەر تىرشىلىك عىلىمىن يگەرۋ وسىنشالىق وڭاي بولسا، مەديتسينا شۋەيۋانىنداعى تولىق كۋرس وقۋشىلارى بەس جىلدىق تولىق كۇندىك وقۋدى وقىپ نە قىلادى؟ سوندىقتان، كوپشىلىكتىڭ بۇل ىسكە تاسكەنەدەي جابىسىپ الۋىنىڭ ءجونى بار.
ءىس جۇزىندە، بۇل جاستار مەن ورەندەردىڭ جاڭالىق جاراتۋ جارىسى تۋرالى تۇڭعىش رەت تۋىلعان كۇمان ەمەس. بۇل جارىس ىستەرىنە بۇرىنىنان ارالاسىپ كەلگەن كوپ ادامدار : جارىسقا قاتىناسقان ءىشىنارا عىلىمي زەرتتەۋ نىساندارىندا قارالىق ىستەۋ جاعدايى ساقتالىپ وتىرعانىن، كوپتەگەن عىلىمي زەرتتەۋ تاقىرىپتارى مەن تاجىريبەلەرىنىڭ قيىندىق دارەجەسى، ساباق وقۋمەن قاربالاس بولىپ جۇرگەن باستاۋىش مەكتەپ وقۋشىلارى مەن ورتالاۋ مەكتەپ وقۋشىلارى دەربەس ورىنداي الاتىن دەڭگەيدە ەمەس، اسپيرانتتار مەن دوكتورانتتاردىڭ ورەسىنە جەتكەنىن ايتقان بولاتىن .
پايداسىز ىسكە باسپايدى. جاستار مەن ورەندەردىڭ جاڭالىق جاراتۋ جارىسىندا اتى زاتىنا ساي بولماعان عىلىمي زەرتتەۋ نىساندارىنىڭ كوپ رەت بايقالۋى، تۇپتەپ كەلگەندە، جوعارىلاپ وقۋمەن قاتىسى بار. جوعارى مەكتەپ ەمتيحانى مەن ورتا مەكتەپ ەمتيحانىندا ءبىر ءنومىر جوعارى الۋدىڭ ءوزى وتە ماڭىزدى، مۇنداي مەملەكەت دارەجەلى عىلىمي نىسانداردا سيلىققا يە بولعان تۋىندىلارعا دەربەس وقۋشى قابىلداۋ بارىسىندا ءنومىر قوسىلادى. بيىل 1 – ايدىڭ 13 – كۇنى وقۋ – اعارتۋ مينيسترلىگى پىكىر جاريالاپ، بيىلدان باستاپ، جوعارى مەكتەپتەرگە دەربەس وقۋشى قابىلداۋدى رەسمي كۇشىنەن قالدىرۋدى ايقىندادى، جاستار مەن ورەندەردىڭ جاڭالىق جاراتۋ جارىسىنىڭ ناتيجەسىنە قاراپ، جوعارى مەكتەپ ەمتيحانىندا ءنومىر قوسۋعا بولمايتىن بولدى. الايدا، كوپتەگەن ولكە، توتە قاراستى قالالار جاڭالىق جاراتۋ جارىسىنىڭ ناتيجەسىنە قاراي وتىرىپ، ورتا مەكتەپكە قابىلداۋ ەمتيحانىندا ءنومىر قوسادى. بالاسىنا اناعۇرلىم ويداعىداي شارت – جاعداي جاراتىپ بەرۋ ءۇشىن، شارت – جاعدايى بار اتا – انالاردىڭ «ەرەجەدەن ۇيلەسىمدى پايدالانۋىن» ءتۇسىنۋ قيىنعا سوقپايدى.
ەلىمىزدەگى مەكتەپ قۇشاعىنداعى ورتا، باستاۋىش مەكتەپ وقۋشىلارىنا باعىتتاي وتىرىپ ورىستەتىلگەن كولەمى ەڭ زور، دەڭگەيى ەڭ جوعارى بولعان جاستار مەن ورەندەرگە عىلىم – تەحنيكا جاعىندا تاربيە بەرۋ قيمىلى رەتىندەگى، جاستار مەن ورەندەردىڭ جاڭالىق جاراتۋ جارىسىنىڭ ماقساتى — جاستار مەن ورەندەردىڭ جاڭالىق جاراتۋ رۋحى مەن ءامالياتتا ايگىلەۋ قابىلەتىن جەتىلدىرىپ، جاستار مەن ورەندەردىڭ عىلىم – تەحنيكالىق ساپاسىن جوعارىلاتىپ، عىلىم – تەحنيكا جاعىنداعى تاربيە ىستەرىن جالپىلاستىرۋ مەن دامىتۋدى ىلگەرىلەتۋ. اتالعان قيمىلدىڭ وتكىزىلگەنىنە 34 جىل بولدى. الايدا، قازىرگى جاعدايدان الىپ قاراعاندا، بۇل جارىس ەڭ العاش وتكىزىلگەن كەزدەگى ماقساتىنان الشاقتاپ كەتتى، سيلىققا يە بولعان نىسانداردىڭ قيىندىق دارەجەسى جوعارى بولعاندىقتان، اسپيرانتتار مەن دوكتورانتتاردىڭ ءوزى تۇسىنە المايتىن بولعانىن بىلاي قويعاندا، وقۋ – اعارتۋ تەڭدىگىن ءبۇلدىرىپ، عىلىم – تەحنيكادا جاڭالىق جاراتۋعا نەمقۇرايدى قاراۋدىڭ وشاعىنا اينالدى.
بۇل جارىسقا تۇس – تۇستان پىكىر ءتۇسىپ، جارىسقا قاتىناسقان تۋىندىلاردان قارالىق ىستەۋ جايتى قايتا – قايتا بايقالعان ساتتە، زەيىن – زەردەسىن، جاسامپازدىعىن، ءامالياتتىق قابىلەتىن سالىستىراتىن ءىس وتباسىلىق بايلىق قاينارىن، بايلانىسىن سالىستىراتىن ىسكە وزگەرگەن ساتتە، قاتىستى تاراۋلاردىڭ باسقارماي قاراپ وتىرۋىنا بولماي قالدى. جارىستىڭ بۇكىل بارىسىنا باقىلاۋ – باسقارۋ جۇرگىزۋدى، جارىسقا قاتىناسقان شاباندوزداردىڭ قاتىستى جاعدايلارىن تەكسەرۋدى كۇشەيتىپ، زەرتتەۋ ناتيجەسىنىڭ جەتكەن جەتىستىكتەرىنە عىلىمي جولمەن باعا بەرىپ، قارالىق ىستەۋ كۇمانى بارلارىن تۇگەل جارىستان شەكتەپ، قارالىق ىستەۋگە قاتىناسقان زەرتتەرمەندەردى قىزمەت ورنىنا نەمەسە مەكتەپكە دەيىن تەكسەرۋ كەرەك. ءتۇرلى شارالاردى بىردەي اتقارعاندا عانا، اناعۇرلىم ءادىل دە تاماشا جارىس ورتاسىن جاراتۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
