عالىمدار رۋحىن كۇش سالا ساۋلەلەندىرۋ كەرەك
— باس شۋجي شي جينپيڭنىڭ عالىمدارمەن وتكىزگەن اڭگىمە ماجىلىسىندە سويلەگەن ماڭىزدى ءسوزى جونىندە
حالىق گازەتىنىڭ شولۋشىسى
2020.09.15 15:21
«عىلىمي جەتىستىك رۋحاني تىرەكتەن قول ۇزە المايدى». جۋىردا عالىمدارمەن وتكىزىلگەن اڭگىمە ماجىلىسىندە، باس شۋجي شي جينپيڭ قالىڭ عىلىم – تەحنيكا قىزمەتكەرلەرىن تاريح جۇكتەگەن عىلىمي جاقتا جاڭالىق جاراتۋ اۋىر مىندەتىن ارقالاۋعا شابىتتاندىرىپ، عالىمدار رۋحىن كۇش سالا ساۋلەلەندىرۋدى باسا دارىپتەدى ءارى وتانشىلدىق رۋحى مەن جاڭالىق جاراتۋ رۋحىن ءتۇيىندى تۇردە باياندادى.
جاڭا جۇڭگو قۇرىلعاننان بەرى، قالىڭ عىلىم – تەحنيكا قىزمەتكەرلەرى وتانىمىزدىڭ بايتاق دالاسىندا عىلىمي جاقتا جاڭالىق جاراتۋدىڭ وشپەس ەڭبەكتەرىن تىكتەدى، سونىمەن بىرگە، ايرىقشا رۋحاني قاسيەتتى سومدادى. بىلتىر 5 – ايدا، پارتيا ورتالىق كوميتەتى «عالىمدار رۋحىن اناعۇرلىم ساۋلەلەندىرۋ، قىزمەت ستيلى مەن ۇيرەنۋ ستيلى قۇرىلىسىن اناعۇرلىم كۇشەيتۋ جونىندەگى پىكىردى» ارناۋلى شىعارىپ، وتاندى ءسۇيىپ، حالىققا قىزمەت وتەۋ سىندى وتانشىلدىق رۋحتى، شىڭدارعا باتىلدىقپەن ورلەپ، تاۋەكەلگە بەل بۋۋ سىندى جاڭالىق جاراتۋ رۋحىن، اقيقاتتى ىزدەپ، تىڭعىلىقتى زەرتتەۋ جۇرگىزۋ سىندى شىندىققا ۇمتىلۋ رۋحىن، اتاق – ابىرويعا بوي ۇرماي، دەن قويا زەرتتەۋ جۇرگىزۋ سىندى ءوزىن ارناۋ رۋحىن، پاراساتتى شوعىرلاندىرىپ، قامال الىپ، ىنتىماقتاسا سايكەسۋ سىندى سەلبەسۋ رۋحىن، باسقالارعا جەبەۋشى بولىپ، شاكىرتتەردى شابىتتاندىرۋ سىندى شاكىرت تاربيەلەۋ رۋحىن كۇش سالا ساۋلەلەندىرۋدى تالاپ ەتتى. عالىمدار رۋحىنىڭ باستى مازمۇنى وسى التى ءتۇرلى جاقتان قۇرالادى، بۇل ەلىمىزدەگى عىلىمي سالاداعى قىزمەتكەرلەردىڭ ۇزاق ۋاقىت بويى عىلىمي ءاماليات بارىسىندا جيناقتاعان قىمباتتى رۋحاني قازىناسى. عالىمدار رۋحىن كۇش سالا ساۋلەلەندىرىپ، بۇكىل قوعامدا ءبىلىمدى قۇرمەتتەيتىن، جاڭالىق جاراتۋعا تالپىناتىن، دارىندىلاردى قۇرمەتتەيتىن، عىلىمدى قىزۋ سۇيەتىن، عىلىمعا ءوزىن ارنايتىن تاماشا راي قالىپتاستىرۋ ءۇشىن، ءسوزسىز، قالىڭ عىلىم – تەحنيكا قىزمەتكەرلەرىن كەلەلى عىلىمي زەرتتەۋ ناتيجەلەرىن جاراتۋشى بولۋعا، عىلىم – تەحنيكادا قۇدىرەتتى ەلدى كوركەيتۋگە ۇلەس قوسۋشى بولۋعا، وسكەلەڭ يدەيالىق – ءمورالدى ءامالياتتا ايگىلەۋشى بولۋعا، تاماشا قوعامدىق سالتقا جول باستاۋشى بولۋعا، عىلىم – تەحنيكاعا كەڭ كولەمدە جانە ىشكەرىلەي شەرۋ تارتۋعا ونان ارى جىگەرلەندىرۋ جانە شابىتتاندىرۋ كەرەك.
عىلىمدا مەملەكەت شەكاراسى بولماعانىمەن، عالىمدا وتان بولادى، وتاندى ءسۇيۋ — عالىمدار رۋحىنا قويىلاتىن ءبىرىنشى تالاپ. ۇزاق ۋاقىتتان بەرى، عالىمدار وتانعا دەگەن تەرەڭ سۇيىسپەنشىلىكتى ۇرپاقتان – ۇرپاققا جالعاستىرىپ، كەمەلدى عىلىمي بىلىمدەرىنە، كەڭ عىلىمي كوز ايالارىنا سۇيەنىپ، وتان مەن حالىققا تاريحتا ماڭگى وشپەيتىندەي كەلەلى ۇلەستەر قوستى. لي سىگۋاڭ، چيان شۋەسىن، چيان سانچياڭ، دىڭ جياشيان قاتارلى ءبىر توپ اعا بۋىن عالىمداردان تارتىپ، جاڭا جۇڭگو قۇرىلعاننان كەيىن جەتىلگەن چىن جيڭرۇن، حۋاڭ دانيان، نان رىندۇڭ قاتارلى ءبىر توپ ۇزدىك عالىمدارعا دەيىن، بارلىعى دا وتانشىل عالىمداردىڭ ۇلگىسى. ولار شىن جۇرەكتەرىمەن وتاندى قىزۋ ءسۇيدى. قالىڭ عىلىم – تەحنيكا قىزمەتكەرلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، مەملەكەتتىڭ مۇددەسى مەن حالىقتىڭ مۇددەسىن بارىنەن جوعارى قويۋعا تاباندى بولىپ، اعا بۋىن عالىمداردىڭ وتاندى ءسۇيىپ، حالىققا قىزمەت ىستەيتىن تاڭداۋلى قاسيەتتەرىن جالعاستىرىپ جانە ساۋلەلەندىرپ، «ەكى بومبى، ءبىر جاساندى سەرىك» رۋحىن ساۋلەلەندىرىپ، تاريحي اۋىر مىندەتتى ىرىقتىلىقپەن ارقالاپ، وزدەرىنىڭ عىلىمعا دەگەن ۇمتىلىستارىن سوتسياليستىك وسىزاماندانعان مەملەكەت قۇرۋ ۇلى ىستەرىمەن توعىستىرسا، عىلىم – تەحنيكا جاعىندا دۇنيە جۇزىلىك قۇدىرەتتى ەل قۇرۋدىڭ ايبىندى قۋاتىن، ءسوزسىز، ءبىر ارناعا توعىستىرىپ، ءداۋىردىڭ، حالىقتىڭ، تاريحتىڭ ءۇمىتىن اقتاۋداي داڭقتى ناتيجەلەردى جاراتا الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
