بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

حالىق ءۇشىن ءارقانداي بوداۋ بەرۋدەن تايىنبايمىز (ماماندار قالامىنان)

شيە چۇنتاۋ

2020.09.18 15:06     كەلۋ قاينارى : حالىق تورابى

  ادام ءومىرى تايشان تاۋىنان دا قادىرلى، حالىقتىڭ ءومىرىن بارىنەن جوعارى قويۋ كەرەك. باس شۋجي شي جينپيڭ جاڭا تيپتى ايدارشا ۆيروسقا قارسى اتتانۋداعى بۇكىل مەملەكەتتىك ماراپاتتاۋ – سيلاۋ ماجىلىسىندە سويلەگەن ماڭىزدى سوزىندە بىلاي دەپ اتاپ كورسەتتى: «حالىقتىڭ ءومىرى — ەڭ قىمباتتى، ادام ومىرگە ءبىر – اق رەت كەلەدى، ومىردەن وتكەن ادام قايتىپ كەلمەيدى. حالىقتىڭ ءومىرىنىڭ حاۋىپسىزدىگىن قورعاۋ جاعىندا، ءبىز، ءسوزسىز، ءارقانداي بوداۋ بەرۋدەن تايىنباۋىمىز كەرەك، ارينە، ءبىز دە ءارقانداي بوداۋ بەرۋدەن تايىنباۋدى ورىنداي الامىز». جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋ — حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ سالاماتتىعىن قورعاۋ جولىنداعى قاتاڭ كۇرەس. نەلىكتەن پارتيامىز بۇكىل ەلدەگى ءار ۇلت حالقىن ىنتىماقتاستىرىپ جانە جەتەكشىلىك ەتىپ، جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋ كۇرەسىنىڭ كەلەلى ستراتەگيالىق ناتيجەسىنە قول جەتكىزە الدى؟ ۇيتكەنى، پارتيامىز بارلىق ىستە حالىق ءۇشىن ىستەۋگە، بارلىق ىستە حالىققا سۇيەنۋگە تاباندى بولدى. حالىقتى وزەك ەتۋ باستان – اياق جۇڭگو كوممۋنيستەرىنىڭ قۇن تالپىنىسى بولىپ كەلدى.

  حالىقتى وزەك ەتۋگە تاباندى بولۋدى پارتيامىزدىڭ سيپاتى مەن ماقساتى بەلگىلەگەن. جۇڭگو كوممۋنيستىك پارتياسىنىڭ ءتۇپ نەگىزى حالىق، قان تامىرى حالىق، ول حالىق ءۇشىن تۋعان، حالىقپەن كوركەيگەن، حالىقتىڭ مايدانى — جۇڭگو كوممۋنيستىك پارتياسىنىڭ ءتۇبىرلى ساياسي مايدانى. ءجۇز جىلعا جۋىق ايبىندى ساپارعا قايرىلا كوز جىبەرسەك، پارتيامىز توڭكەرىس جاساپ، قۇرىلىس جۇرگىزىپ، رەفورمانى يگەرۋ بارىسىندا بۇكىلدەي حالىقتىڭ مۇددەسىن كوزدەدى، حالىقتى تاماشا تۇرمىسقا كەنەلتتى. پارتيامىز ساتسىزدىكتەردى باستان وتكەرسە دە، ۇزدىكسىز قايراتتانىپ، جاپا – ماشاقاتتى باستان كەشىرىپ، بولاتتاي شىڭالدى، مۇنىڭ سەبەبى، باستان – اياق حالىقتى «قاينار» جانە «قان تامىر» ەتكەندىگىنەن، حالىققا تەرەڭ تامىر تارتقاندىعىنان بولىپ تابىلادى. پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتۋدى مەملەكەتتى جونگە سالۋ ءامالياتىنىڭ بۇكىل بارىسىنا سىڭىرۋدە تاباندى بولىپ، «بەستى ءبىرتۇلعالاندىرۋ» جالپى ورنالاستىرۋىن ءبىرتۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستىرە ىلگەرىلەتىپ، قالىڭ حالىق جۇرتشىلىعىنىڭ ءتۇبىرلى مۇددەسىن ويداعىداي ورىندادى، ويداعىداي قورعادى، ويداعىداي دامىتتى، حالىق جۇرتشىلىعىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.

  جاڭا تيپتى ايدارشا ۆيروس وكپە قابىنۋ ىندەتى — جاڭا جۇڭگو قۇرىلعاننان بەرى، ەلىمىز ۇشىراعان تارالۋ قارقىنى ەڭ تەز، جۇعىمدالۋ كولەمى ەڭ كەڭ، ساقتانۋ – تىزگىندەۋ قيىندىعى ەڭ زور بولعان الەۋمەتتىك دەنساۋلىق ساقتاۋ جاعىنداعى ءىرى وقيعا. وسى رەتكى داعدارىس پەن ءىرى سىناققا ءدوپ كەلگەن ساتتە، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى ءبىرتۇتاس يگەرىپ، باتىل شەشىم جاساپ، ەرەكشە وقيعاعا ەرەكشە شارا ارقىلى توتەپ بەرىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ سالاماتتىعىن ءبىرىنشى ورىنعا قويىپ، ەڭ تولىق، ەڭ قاتاڭ، ەڭ ۇزىلدى - كەسىلدى ساقتانۋ – تىزگىندەۋ شارالارىن اتقاردى. سونىمەن بىرگە، ءبىز ىندەتتەن ساقتانۋ – تىزگىندەۋ مەن ەكونوميكا – قوعام دامۋى قىزمەتىن ءبىرتۇتاس جوسپارلاپ، ءوندىرىس پەن تۇرمىس ءتارتىبىن جەدەل قالپىنا كەلتىردىك؛ دۇنيە جۇزىندەگى ءارقايسى ەلدەرمەن تىزە قوسا سەلبەسىپ، ۋاقىتتىق قيىندىقتى بىرگە جەڭىپ، دۇنيە ءجۇزىنىڭ ىندەتكە قارسى اتتانۋىنا اقىل – پاراسات جانە كۇش – قۋات باعىشتادىق. وسىنىڭ بارلىعى جۇڭگو كوممۋنيستىك پارتياسىنىڭ حالىققا دەگەن سۇيىسپەنشىلىگى مەن تاريحي جاۋاپكەرلىكتى ارقالاعانىن ايگىلەدى. وسى جولعى ىس – تۇتەكسىز ءىرى شايقاستا، پارتيامىزدىڭ حالىقتى وزەك ەتۋدەي قۇن تالپىنىسى ەڭ زور دارەجەدە ايگىلەندى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار