بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

پارتيانىڭ ۇيىمدىق ءتۇزىم جۇيەسىن ورناتۋ جانە كەمەلدەندىرۋ كەرەك

لين فەي

2020.11.12 14:42     كەلۋ قاينارى : حالىق تورابى

  پارتيانىڭ كۇش – قۋاتىنىڭ قاينارى — ۇيىم. جاڭا داۋىردەىگى پارتيانىڭ ۇيىمدىق لۋشيانىن دايەكتى تياناقتاندىرۋ ءۇشىن، ءسوزسىز، پارتيانىڭ ۇيىمدىق ءتۇزىم قۇرىلىسىن ويداعىداي ۇستاۋ قاجەت. باس شۋجي شي جينپيڭ ورتالىق كوميتەت ساياسي بيۋورسىنىڭ 21 – كەزەكتى توپتىق ۇيرەنۋىندە مىنانى باسا دارىپتەگەن: «ۇيىمدىق قۇرىلىم، ۇيىمدىق تۇرمىس، ۇيىمدىق جۇمىس جۇرگىزۋ، ۇيىمدىق باسقارۋ، ۇيىمدىق باقىلاۋ قاتارلىلاردى قامتىعان كەمەلدى ۇيىمدىق ءتۇزىم جۇيەسىن ورناتۋ جانە كەمەلدەندىرۋ كەرەك». باس شۋجي شي جينپيڭنىڭ ماڭىزدى بايىمداۋلارى ءبىزدىڭ ۇيىمدىق جاقتان پارتيانىڭ باسشىلىعىنا تاباندى بولۋ جانە ونى كەمەلدەندىرۋىمىزگە، پارتيا قۇرىلىسى سىندى تىڭ دا ۇلى ينجەنەريانى ىلگەرىلەتۋىمىزگە العا باسۋ باعدارىن ايقىن نۇسقاپ، تۇپكىلىكتى نەگىز ازىرلەدى.

  پارتيامىز تاريحتان بەرى پارتيانىڭ ۇيىمدىق ءتۇزىم قۇرىلىسىنا ايرىقشا ءمان بەرىپ كەلەدى. پارتيا 18 – قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ىشىندەگى زاڭ – ءتۇزىم قۇرىلىسى جەدەل جولعا ءتۇستى، پارتيانىڭ ۇيىمدىق ءتۇزىم قۇرىلىسىندا كەلەلى ىلگەرىلەۋشىلىكتەرگە قول جەتكىزىلىپ، ماڭىزدى تاجىريبەلەر جيناقتالدى. پارتيا ورتالىق كوميتەتى ىلگەرىندى – كەيىندى پارتيا ىشىندەگى ساياسي تۇرمىستىڭ ءبىرقانشا ولشەمى، پارتگرۋپپالارىنىڭ قىزمەت ەرەجەسى، جەرگىلىكتى پارتكومدار قىزمەت ەرەجەسى، پارتيا قىزمەتى ورگاندارىنىڭ ەرەجەسى، ياچەيكا قىزمەتى ەرەجەسى، سونداي – اق، اۋىل قىستاق، مەملەكەت مەنشىگىندەگى كاسىپورىن، ورگان، جوعارى مەكتەپتەردەگى نەگىزگى ساتى پارتيا ۇيىمى قىزمەت ەرەجەسى قاتارلى ءبىرقىدىرۋ ۇيىمدىق قۇرىلىس جاعىنداعى پارتيا ىشىندەگى زاڭ – بەلگىلەمەلەردى بەكىتتى جانە ولارعا وزگەرىس ەنگىزدى، وسى ارقىلى ۇيىمدىق زاڭ – بەلگىلەمەلەردىڭ «كەرەگەسىن تىكتەدى»، پارتيانىڭ ءار دارەجەلى ۇيىمدارىنىڭ جاپپاي جۇيەگە تۇسىرىلگەن ۇيىمدىق ءتۇزىم جۇيەسى قالىپتاسۋ ۇستىندە.

  سونىمەن بىرگە، پارتيانىڭ ۇيىمدىق ءتۇزىم ەرەجەسى پارتيا مەن مەملەكەت ىستەرىندە ماڭىزدى رول اتقارىپ، پارتيانىڭ جان - جاقتىلى باسشىلىق ەتۋىنە كەپىلدىك ەتىپ قالماستان، پارتيانىڭ جاسامپازدىق قۋاتىن، ۇيىستىرعىشتىق قۋاتىن، جاۋىنگەرلىك قۋاتىن كۇشەيتتى. پارتيا ورتالىق كوميتەتىنىڭ ورتالىقتانعان ءبىرتۇتاس باسشىلىعىندا، ورتالىق كوميتەت پەن مەملەكەتتىك ورگاندار، جەرگىلىكتى پارتكومدار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتى تياناقتاندىرىپ، قالىڭ پارتيا مۇشەلەرىنىڭ اۆانگارتتىق، ۇلگىلىك رولى مەن نەگىزگى ساتىلارداعى پارتيا ۇيىمدارىنىڭ جاۋىنگەر قامالىندىق رولىن اناعۇرلىم كورنەكتىلەندىردى، پارتيا مەن مەملەكەت ىستەرىندە تاريحي سيپاتتى جەتىستىكتەرگە قول جەتكىزۋدى ىلگەرىلەتتى. وسى نەگىزدە، پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ «ۇسىنىسى» ونان ارى «جوعارىداعىلار مەن تومەندەگىلەر جالعاسقان، اتقارۋى پارمەندى بولعان ۇيىمدىق جۇيەنى كەمەلدەندىرۋدى» پارتيانىڭ ءبىرتۇتاس باسشىلىق جۇرگىزۋىن كۇشەيتۋدىڭ ماڭىزدى مازمۇنى ەتتى. جاڭا داۋىردە، ءبىز پارتيا قۇرىلىسىن اناعۇرلىم قۋاتتى دا پارمەندى ەتۋ ءۇشىن، ءسوزسىز، جاڭا داۋىردەگى پارتيانىڭ ۇيىمدىق لۋشيانىن دايەكتى تياناقتاندىرۋىمىز، پارتيانىڭ ۇيىمدىق ءتۇزىم قۇرىلىسىنىڭ ورەسىن ۇزدىكسىز جوعارىلاتۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار