بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

مادەنيەت كوركەيىپ – گۇلدەنىپ، رۋحاني كۇش – قۋات توعىستىرىلدى

— «13 – بەسجىلدىق» جوسپار مەزگىلىندەگى ەكونوميكا مەن قوعام دامۋىنان تۋعان ويلار

حالىق گازەتىنىڭ شولۋ ءبولىمى

2020.11.19 14:27     كەلۋ قاينارى : حالىق تورابى

  باي مازمۇندى، الۋان ءتۇرلى مادەني تۇرمىس، سامساعان مادەني ونىمدەر، بارلىق گۇلدەر شەشەك اتقان مادەنيەت – كوركەمونەر باقشالارى مادەنيەت ىستەرى جانە مادەنيەت شارۋاشىلىعى دامۋىنىڭ جاندى كورىنىسىن بىرگە قالىپتاستىردى

  مادەنيەت قۇرىلىسىن تۇبىرىنەن وڭاۋ، قاينارىنان تازارتۋ، دۇرىس جولدان تايماي، جاڭالىق اشۋ بارىسىندا تاريحي سيپاتتى جەتىستىكتەرگە قول جەتكىزىلىپ، تاريحي سيپاتتى وزگەرىستەر تۋىلدى، حالىق جۇرتشىلىعىنا وسكەلەڭ رۋحتى، الۋان ءتۇرلى رۋحاني ازىق ازىرلەندى

  ءبىر مەملەكەتتى، ءبىر ۇلتتى قۇدىرەتتەندىرۋ قاي – قاشان دا مادەنيەتتى گۇلدەندىرۋدى تىرەك ەتەدى. «13 – بەسجىلدىق» جوسپار مەزگىلىندەگى مادەنيەت قۇرىلىسىنا قايرىلا قاراساق، كوركەمونەر جاسامپازدىعى جاعىندا مول تابىستارعا قول جەتكىزىلدى، الەۋمەتتىك قىزمەت وتەۋ جۇيەسى قۇرىلىسىندا زور ىلگەرىلەۋشىلىكتەر بولدى، مادەني مۇرالاردى قورعاۋ ورەسى ورنىقتى جوعارىلاتىلدى، مادەنيەت پەن ساياحاتتى جانە ەكونوميكا مەن قوعامدى توعىستىرا دامىتۋ اياق الىسى جەدەلدەتىلدى، جۇڭحۋا مادەنيەتىنىڭ ىقپالى اناعۇرلىم كەڭەيدى... باي مازمۇندى، الۋان ءتۇرلى مادەني تۇرمىس، سامساعان مادەني ونىمدەر، بارلىق گۇلدەر شەشەك اتقان مادەنيەت – كوركەمونەر باقشالارى مادەنيەت ىستەرى جانە مادەنيەت شارۋاشىلىعى دامۋىنىڭ جاندى كورىنىسىن بىرگە جاراتتى.

  باس شۋجي شي جينپيڭ مىنانى باسا دارىپتەدى: «مادەنيەت — ءبىر مەملەكەتتىڭ، ءبىر ۇلتتىڭ جانى. مادەنيەت گۇلدەنسە، مەملەكەت كوركەيەدى، مادەنيەت قۋاتتى بولسا، ۇلت قۇدىرەتتى بولادى. وسكەلەڭ مادەنيەت سەنىمى بولماسا، مادەنيەت كوركەيىپ – گۇلدەنبەسە، جۇڭحۋا ۇلتىنىڭ ۇلى گۇلدەنۋى دە بولماق ەمەس». جۇڭگوشا سوتسياليزم — جاپپاي دامۋ، جاپپاي العا باسۋ ۇلى ءىسى، سوتسياليستىك مادەنيەت گۇلدەنىپ دامىماسا، سوتسياليستىك وسىزامانداندىرۋ دا بولماق ەمەس. «13 –بەسجىلدىق» جوسپار مەزگىلىندە، ۇزدىك ءداستۇرلى مادەنيەتكە مۇراگەرلىك ەتۋ جانە ونى دامىتۋدان تارتىپ، سوتسياليستىك ادەبيەت – كوركەمونەردى گۇلدەندىرۋ – دامىتۋعا دەيىن، مادەنيەت سالاسىنداعى وسىزاماندانعان قىزمەت وتەۋ جۇيەسىن قۇرۋدان تارتىپ، بۇقارالىق رۋحاني وركەنيەتتىڭ نەگىزىن قالاۋ قيمىلىن تەرەڭدەتۋگە دەيىن، ەلىمىز قوعامىنىڭ وركەنيەت ورەسى ۇزدىكسىز جوعارىلاپ، مادەنيەت سالاسىنداعى الەۋمەتتىك قىزمەت وتەۋ ورەسى ۇزدىكسىز جوعارىلاتىلىپ، وسىزامانعى مادەنيەت شارۋاشىلىعى كۇن سايىن كەمەلدەندى. مادەنيەت قۇرىلىسىن تۇبىرىنەن وڭاۋ، قاينارىنان تازارتۋ، دۇرىس جولدان تايماي، جاڭالىق اشۋ بارىسىندا تاريحي سيپاتتى جەتىستىكتەرگە قول جەتكىزىلىپ، تاريحي سيپاتتى وزگەرىستەر تۋىلدى، حالىق جۇرتشىلىعىنا وسكەلەڭ رۋحتى، الۋان ءتۇرلى رۋحاني ازىق ازىرلەندى، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋعا، پارتيا مەن مەملەكەت ىستەرىنىڭ جاڭا جاعدايىن جاراتۋعا قۋاتتى وڭ ەنەرگيا ازىرلەندى.

  مادەنيەت شارۋاشىلىعىنىڭ دامۋ ساپاسى مەن ورەسىن ولشەيتىن ماڭىزدى ولشەم دەگەندە، حالىق جۇرتشىلىعىنىڭ مادەنيەت جاعىنداعى قاجەتسىنۋىن قاناعاتتاندىرۋمەن بىرگە، حالىقتىڭ رۋحاني كۇش – قۋاتىن ارتتىراتىن مادەنيەت ونىمدەرىن اناعۇرلىم كوپ ازىرلەي العان – الماعانىنا قاراۋ كەرەك. بەيجيڭدەگى گۋگۇڭ مۇراجايى «زىجينچىڭ ىشىندە جاڭا جىلدى قارسى الۋ»، «شاڭيۋان كەشى» قاتارلى تارتىمدى قيمىلدار وتكىزىپ، كورەرمەندەرگە مادەنيەت سالتاناتىن سيلادى. ىشكى موڭعۇلدىڭ سۋنيت وڭ حوشۋنى، ۇلانمۋچۇر اترەتىنىڭ مۇشەلەرى قۇبا ءتۇز بەن ساحارادا ارالاپ ساپار شەگىپ، جەرگىلىكتى ورىندارعى ديقاندار مەن مالشىلارعا قۋانىش سيلادى. حۋنان ولكەسى شياڭشي تۋجيازۋ – مياۋزۋ اۆتونوميالى وبلىسىندا، «بەيزاتتىق مادەنيەت + كەدەيلەردى سۇيەمەلدەۋ» سىندى اۋىل – قىستاق دامۋىنىڭ جاڭا وي جەلىسىن اشىپ، جۇرتشىلىق «بالانى قاراي ءجۇرىپ كەستە تىگىپ، وزىمەن قوسا وتباسىن دا اسىراۋ» سىندى باقىتتى تۇرمىسقا كەنەلدى ... ساندى دەرەككە قاراعاندا، بيىل 6 – ايعا دەيىن، ەلىمىز نەگىزگى ساتىلاردا مادەنيەت جاعىنداعى امبەباپ قىزمەت وتەۋ ورتالىقتارىنان 560 مىڭ ورتالىقتى سالىپ، قامتۋ مولشەرى %95 تەن استى؛ 2019 – جىلى بۇكىل ەلىمىز بويىنشا ساياحاتشىلاردىڭ سانى 6 ميلليارد 6 ميلليون ادام – رەتكە جەتىپ، ءبىر جىل بۇرىنعىدان %8.4 ارتتى. ۇزدىكسىز جارىققا شىققان مادەني تۇرمىس جاڭا تاسىلدەرى، قالا مەن اۋىلدى قامتىعان جوعارى ورەدەگى الەۋمەتتىك مادەنيەت قىزمەت وتەۋ تورى حالىق جۇرتشىلىعىنىڭ كۇندەلىكتى تۇرمىسىمەن الدەقاشان توعىسىپ، تاماشا تۇرمىستىڭ ءبىر بولىگىنە اينالدى.

  مادەنيەت سەنىمى — اناعۇرلىم نەگىزدىك، اناعۇرلىم كەڭ، اناعۇرلىم مىعىم سەنىم، اناعۇرلىم ءتۇبىرلى، اناعۇرلىم تەرەڭ، اناعۇرلىم باياندى كۇش. «13 – بەسجىلدىق» جوسپار مەزگىلىندە مادەنيەت ىستەرى مەن مادەنيەت شارۋاشىلىعىنىڭ گۇلدەنىپ دامۋىنىڭ ءتۇپ نەگىزى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ مادەنيەت قۇرىلىسىن تىڭ تاريحي بيىك ورەگە كوتەرىپ، مادەنيەت سەنىمىن جول سەنىمىمەن، نازاريا سەنىمىمەن، ءتۇزىم سەنىمىمەن بىرگە جۇڭگوشا سوتسياليزم «ءتورت سەنىمى» قاتارىنا قوسىپ، ماركسيزمدى يدەيالوگيا سالاسىندا جەتەكشى ورىنعا قوياتىن ءتۇزىمدى جۇڭگوشا سوتسياليستىك ءتۇزىم جۇيەسىندەگى ءتۇبىرلى ءتۇزىم ەتۋگە تاباندى بولۋىندا، سوتسياليستىك وزەكتى قۇن كوزقاراسى جۇيەسىن جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋدىڭ ءتۇبىرلى باعىتى جانە ءتاسىلى ەتۋدە تاباندى بولۋىندا. اماليات مىنانى ايگىلەدى: تەك مادەنيەت سەنىمىندە تاباندى بولعاندا عانا، جۇڭحۋا ۇلتىنىڭ تاڭداۋلى ءداستۇرلى مادەنيەتىندە جاسامپازدىق سيپاتتى بۇرىلىس جاساۋدى، جاڭالىق اشۋ سيپاتىندىق دامىتۋدى ىلگەرىلەتۋگە بولادى، توڭكەرىستىك مادەنيەتكە مۇراگەرلىك ەتىپ، سوتسياليستىك ۇزدىك مادەنيەتتى دامىتقاندا عانا، جۇڭحۋا مادەنيەتىنىڭ تىڭ شۇعىلاسىن ۇزدىكسىز جاراتىپ، سوتسياليستىك مادەنيەت جاعىنداعى قۇدىرەتتى مەملەكەتتى كوركەيتە الامىز.

  رۋحسىز ادام بولمايدى، رۋحسىز مەملەكەت تە قۇدىرەتتەنبەيدى. «13 – بەسجىلدىق» جوسپاردىڭ سىرگە جيار جىلىندا، توساتتان تۋىلعان جاڭا تيپتى ايدارشا ۆيرۋس وكپە قابىنۋ ىندەتى اۋىر سايىس الا كەلدى. بۇل رەتكى ۆيرۋسپەن بولعان بەلدەسۋ ماتەريالدىق جاقتاعى قارىم سىناسۋ عانا بولىپ قالماستان، رۋحاني كۇش – قۋاتتى دا وياتتى. جۇڭگو حالقى جانە جۇڭحۋا ۇلتى باتىلدىقپەن كۇرەسۋ، باتىلدىقپەن جەڭىسكە جەتۋ سىندى ەشتەڭەدەن تايسالمايتىن ەرلىكپەن ادام ءومىرىن ءبىرىنشى ورىنعا قوياتىن، بۇكىل ەل ءبىر نيەتتە بولاتىن، ولىمنەن تايسالمايتىن، عىلىمعا قۇرمەت ەتەتىن، تاعدىرىن كوپپەن بىرگە قوياتىن، ىندەتكە قارسى اتتانۋداعى ۇلى رۋحتى سومدادى، ادامدى قاتتى تەبىرەنتەتىن، جۇرت جۇرەگىن جۇمىلدىرىپ، كۇش – قۋاتتى توعىستىراتىن ۇزدىك مادەنيەت – كوركەمونەر تۋىندىلارى جارىق كوردى. وسىعان نەگىزدەلە وتىرىپ، مىنانى تەرەڭ تۇسىنۋگە بولادى: «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىرتۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدە مادەنيەت ماڭىزدى مازمۇن سانالادى. جوعارى ساپالى دامۋدى ىلگەرىلەتۋدە مادەنيەت ماڭىزدى تياناق ەسەپتەلەدى. حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدا مادەنيەت ماڭىزدى فاكتور سانالادى. العا باسۋ جولىنداعى ءتۇرلى حاۋىپ – قاتەر مەن سايىستاردى جەڭۋدە مادەنيەت ماڭىزدى كۇش – قۋات قاينارى ەسەپتەلەدى.

  قازىرگى تاڭدا، ءبىز جۇڭحۋا ۇلتىنىڭ ۇلى گۇلدەنۋى نىساناسىن ورىنداۋعا تاريحتاعى ءارقانداي مەزگىلدەگىدەن دە جاقىنبىز، جۇڭحۋا مادەنيەتىنىڭ تىڭ شۇعىلاسىن جاراتۋعا اناعۇرلىم سەنىمدىمىز جانە قابىلەتتىمىز. جاڭا باستامادا تۇرىپ، جاڭا ساپارعا ۇدەرە تارتقان ساتتە، مادەنيەت سەنىمىن اناعۇرلىم بەكەمدەپ، مادەنيەت جاعىنداعى سانانى كۇشەيتىپ، حالىق جۇرتشىلىعىنىڭ رۋحاني – مادەني تۇرمىس جاعىنداعى جاڭا ٴۇمىتىن ۇزدىكسىز قاناعاتتاندىرعاندا، ءبىز جۇڭگوشا سوتسياليستىك مادەنيەت قۇرىلىسىنىڭ جاڭا جاعدايىن، ءسوزسىز، جاراتا الامىز، پارتيا مەن مەملەكەتتىڭ ءتۇرلى قىزمەتتەرىن ويداعىداي ىستەۋگە قۇن كوزقاراسىندىق جەتەكشى كۇشتى، مادەنيەت جاعىنداعى ۇيىستىرۋ كۇشىن جانە رۋحاني جاقتاعى قوزعاۋشى كۇشتى ازىرلەي الامىز. (بۇل شولۋ وسى ارادا اياقتايدى)

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار