جاڭا دامۋ جۇيەسىن قالاي قۇرۋ كەرەك؟ مامانداردىڭ ايتقانىنا قۇلاق تۇرەلىك
2020.11.24 15:17 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 23 – كۇنى بەيجيڭنەن بەرگەن حابارى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە الداعى 5 جىلداعى جانە 15 جىلداعى دامۋدىڭ جاڭا جوباسى جاسالدى. مۇنىڭ ىشىندە «ەل ىشىندەگى زور اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن - ءبىرى جەبەيتىن جاڭا دامۋ جاعدايىن قالىپتاستىرۋ» جۇرتتىڭ نازارىن جاپپاي اۋداردى.
جاڭا دامۋ جاعدايىن قالاي ءتۇسىنۋ كەرەك؟ جاڭا دامۋ جۇيەسىن قالاي قۇرۋ كەرەك؟ 11 – ايدىڭ 23 – كۇنى وتكىزىلگەن مەملەكەتتىك كەڭەس اقپارات كەڭسەسىنىڭ حابارلاندىرۋ ماجىلىسىندە ماماندار تۇسىنىك جاسادى.
مەملەكەتتىك كەڭەس دامۋدى زەرتتەۋ ورتالىعىنىڭ دامۋ ستراتەگياسى جانە وڭىرلىك ەكونوميكانى زەرتتەۋ ءبولىمىنىڭ باستىعى حوۋ يۇڭجى بىلاي دەدى: ەلىمىزدىڭ جان سانى مەن ەڭبەككۇش قۇرىلىمىنىڭ وزگەرىسىنە بايلانىستى، حالىقارالىق اينالىستى سۇيەنىش ەتۋگە قاتىناسۋ ابزالدىلىعى وزگەرۋدە. سونىمەن بىرگە، ءىرى ەلدەر ەكونوميكاسىنىڭ حالىقارالىق اينالىمعا شەكتەن تىس يەك سۇيەۋى مۇمكىن ەمەس، جۇڭگونىڭ ەكونوميكالىق كولەمى 100 تريلليون يۋانعا جەتىپ، ەل ىشىندەگى زور اينالىمدى جەبەۋ شارت - جاعدايى اناعۇرلىم تولىق بولادى. جاڭا دامۋ جاعدايىن جاراتۋ ەلىمىزدىڭ ەكونوميكالىق دامۋ ساتىسىنىڭ، ورتاسىنىڭ، شارت - جاعدايىنىڭ وزگەرىسىنە، ءىرى ەل ەكونوميكاسىنىڭ دامۋ زاڭدىلىعىنا سايكەسۋدىڭ ستراتەگيالىق تالعامى.
جاڭا دامۋ جاعدايىن ورناتۋدا، الدىمەن، ەل ىشىندەگى ۇلكەن اينالىمدى ىركىلىسسىزدەندىرۋ كەرەك. حوۋ يۇڭجى بىلاي دەپ قارايدى: ءوندىرىس، ءبولىس، اينالىم، تۇتىنۋ بۋىندارىن تۇتاستىرىپ، حالىق شارۋاشىلىعىنىڭ تاماشا اينالىمىن قالىپتاستىرۋ كەرەك. قامداۋ جاعىنداعى قۇرىلىمدىق رەفورما ارقىلى جوعارى ساپالى ونىمدەرمەن جانە قىزمەت وتەۋمەن قامداپ، تۇتىنۋدىڭ جاڭا قاجەتىنە ۇيلەسۋ كەرەك. كىرىس ءبولىسى رەفورماسىن تەرەڭدەتىپ، تۇرعىندار كىرىسىن ورنىقتى قاداممەن جوعارىلاتۋ كەرەك. كاسىپ تىزبەگىنىڭ ورنالاسۋىن ساپالىلاندىرىپ، كاسىپ تىزبەگىن كۇشەيتۋ كەرەك. بۇكىل ەل بويىنشا بىرلىككە كەلگەن ءىرى بازار قۇرىپ، اينالىم جۇيەسىن كەمەلدەندىرۋ كەرەك. ءداستۇرلى تۇتىنۋدى جوعارىلاتىپ، جاڭاشا تۇتىنۋدى جەتىلدىرىپ، الەۋمەتتىك تۇتىنۋدى لايىقتى ارتتىرۋ كەرەك.
ەل ىشىندەگى زور اينالىمدى نەگىزگى تۇلعا ەتۋ دەگەنىمىز استە ەسىكتى جاۋىپ الىپ تۇيىق اينالىم بولۋ دەگەندىك ەمەس. حوۋ يۇڭجىنىڭ قاراۋىنشا، جۇڭگونىڭ جاڭا دامۋ جاعدايىن ورناتۋدى ورتاعا قويۋى «ٶزىنىڭ عانا قامىن ويلاۋ»، «تۇيىقتالعان اينالىم بولۋ» دەگەندىك ەمەس، قايتا ەل ىشىندەگى جانە حالىقاراداعى اشىق قوس اينالىمدى قالىپتاستىرۋ. جاڭا دامۋ جاعدايىن ورناتۋ جۇڭگونىڭ ورنىقتى دامۋىنا ءتيىمدى بولۋمەن بىرگە، ءار ەلدىڭ جۇڭگو ەكونوميكاسىنىڭ جوعارى ساپالى دامۋ جەتىستىكتەرىنەن بىرگە يگىلىكتەنۋىنە ءتىپتى دە كوپ وراي اكەلەدى.
جاڭا دامۋ جاعدايىن ورناتۋدا، ءسوز جوق، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتۋ كەرەك. مەملەكەتتىك كەڭەس دامۋدى زەرتتەۋ ورتالىعىنىڭ سىرتقى ەكونوميكانى زەرتتەۋ ءبولىمىنىڭ باستىعى جاڭ چي بىلاي دەدى: ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ىلگەرىلەتۋ كەرەك. ەركىن ساۋدا سىناق رايونى، ەركىن ساۋدا پورتى سياقتى جوعارى دەڭگەيدەگى ەسىك اشۋ تۇعىرىن قالىپتاستىرۋ كەرەك؛ ساۋدا ورتاسىن جاقسارتىپ، ءبىلىم مەنشىك ۇقىعىن اناعۇرلىم ويداعىداي قورعاۋ كەرەك؛ ەكى جاقتى، كوپ جاقتى، وڭىرلىك سەلبەستىكتى تەرەڭدەتىپ، ءتۇزىلىستى قورعاپ، الەمدىك ەكونوميكانى جونگە سالۋ جۇيەسىن كەمەلدەندىرۋدى ىلگەرىلەتۋ كەرەك.
جاڭ چي بىلاي دەپ قارادى: جاڭا دامۋ جاعدايىن ورناتۋ بارىسىندا، ەلىمىز ەسىك اشۋ، سەلبەستىك جاساۋ ارقىلى اناعۇرلىم جاقسى سىرتقى ورتا جاراتىپ، دامۋ پايداسىنان دۇنيە جۇزىمەن بىرگە يگىلىكتەنۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
