ەڭبەك وزاتتارى رۋحىن بارىنشا ساۋلەلەندىرەيىك (باسماقالا)
2020.11.24 16:01 كەلۋ قاينارى : حالىق تورابى
ەڭبەك − ادامزات قوعامىنىڭ العا باسۋىن جەبەيتىن ءتۇبىرلى كۇش. ەڭبەك جاسامپازدىعى بولعاندىقتان ءبىز تاريحي شۇعىلالى تابىستارعا قول جەتكىزدىك؛ ەڭبەك جاسامپازدىعى بولعاندىقتان دا ءبىز بۇگىنگى تابىستارعا قول جەتكىزدىك.
پارتيانىڭ 18 - قۇرىلتايىنان بەرى اۋىر دا كۇردەلى حالىقارالىق جاعداي، جاپالى دا قات - قابات ىشكى رەفورما، دامۋ، ورنىقتىلىق مىندەتى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇدىرە العا تارتىپ، ءورىس اشا جاڭالىق جاراتتى، پارتيا مەن مەملەكەتتىڭ ءتۇرلى ىستەرىن قاجىرلىلىقپەن ىلگەرىلەتتى، ءتۇرلى حاۋىپ - قاتەر مەن سىن - سايىستى جەڭىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزدى، كەدەيلىكتەن ارىلتۋدان قامال الۋدىڭ تابىستارىمەن كۇللى دۇنيەنى جالت قاراتتى، جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ - تىزگىندەۋدە ماڭىزدى ستراتەگيالىق تابىسقا قول جەتكىزدى، جۇڭحۋا ۇلتىنىڭ ۇلى گۇلدەنۋى العا قاراي ارشىندى قادام تاستادى، سوتسياليستىك جۇڭگو اناعۇرلىم ايبىندى بەينەمەن دۇنيەنىڭ شىعىسىندا ەڭسە كوتەرىپ تۇر. وسى ۇلى اماليات بارىسىندا ءار سالا، ءار كاسىپتە جۇمىس ورنىن سۇيەتىن، كاسىبىن قاستەرلەيتىن، بەلدى بەكەم بۋىپ جاڭالىق جاراتاتىن، جاۋاپكەرلىكتى باتىلدىقپەن ارقالايتىن، قالتقىسىز ۇلەس قوساتىن ءبىر توپ العاباسار ۇلگى جارىققا شىقتى، ولار − جۇمىسشى تابى مەن قالىڭ ەڭبەكشى بۇقارانىڭ ۇزدىك ۋاكىلى، ءداۋىر ۇلگىسى، رەسپۋبليكانىڭ ارداگەرلەرى. تاياۋدا وتكىزىلگەن 2020 – جىلى ماراپاتتالاتىن مەملەكەتتىك ەڭبەك ۇلگىلەرى مەن العاباسار قىزمەتكەرلەردىڭ كانديداتتارىن جاريالاۋ قيمىلى قوعامنىڭ نازارىن كەڭ كولەمدە اۋدارىپ، بۇكىل قوعامنىڭ ەڭبەك قۇنىن شىنايى مويىندايتىنىن، وزات ۇلگىلەردى قاستەرلەيتىنىن ايگىلەدى. ەڭبەك ۇلگىلەرى مەن العاباسار قىزمەتكەرلەر وزدەرىنىڭ ونەگەلى ارەكەتىمەن جانە وسكەلەڭ بىتىمىمەن جۇڭگو حالقىنىڭ ۇلى جاسامپازدىق رۋحىن، ۇلى كۇرەس رۋحىن، ۇلى ىنتىماق رۋحىن، ۇلى ارمان رۋحىن جاندى بەينەلەپ، وتانشىلدىقتى وزەك ەتكەن ۇلتتىق رۋح پەن رەفورما جاساپ، جاڭالىق جاراتۋدى ۇيىتقى ەتكەن داۋىرلىك رۋحتى تولىق ايگىلەدى.
باس شۋجي شي جينپيڭ بىلاي دەپ اتاپ كورسەتتى: «حالىق تاريحتى جاراتادى، ەڭبەك بولاشاققا جول اشادى». قازىر دۇنيە ءجۇزى عاسىردا بولماعان زور وزگەرىستەردى باستان كەشىرىپ وتىر، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. «14 - بەسجىلدىق» مەزگىلىندە ەلىمىز جاڭا دامۋ ساتىسىنا وتەدى. بۇل − جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا جورىق جاساۋ ساتىسى، ەلىمىزدىڭ دامۋ اياق الىسىندا بەلەستىك مانگە يە. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ەلىمىزدىڭ جاڭا دامۋ ساتىسىنا قادام تاستاۋىنىڭ ايبىندى جوباسى جاسالدى، بۇدان بىلايعى 5 جىلداعى، ءتىپتى، ونان دا ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋى تۋرالى ارەكەت قىبلاناماسى جاسالدى. ۇلى جوبانى جۇزەگە اسىرۋدا، سايىپ كەلگەندە، ەڭبەك جاسامپازدىعىنا سۇيەنۋ كەرەك. جاڭا داۋىردە ەكپىندەي ىلگەرىلەپ، جاڭا جورىقتى باستاۋدا، ءسوز جوق، حالىققا بەرىك سۇيەنىپ، باستان - اياق حالىق ءۇشىن ىستەۋ، قاجىرلى ەڭبەككە، ادال ەڭبەككە، جاسامپازدىق ەڭبەككە سۇيەنىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ ءۇشىن قۇدىرەتتى وڭ ەنەرگيا توپتاۋ كەرەك. بۇكىل پارتيا، بۇكىل ەلدەگى ءار ۇلت حالقى ەڭبەك ۇلگىلەرى رۋحىن، ەڭبەك رۋحىن، شەبەرلەر رۋحىن زور كۇشپەن ساۋلەلەندىرىپ، كۇش ۇستىنە كۇش قوسىپ، ارىنداي ءتۇسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە كەپىلدىك ەتىپ، ۋاعىندا جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرۋعا كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەرىك نەگىز قالاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
