نورۋ ۆيرۋسىنان ساقتانۋ ءۇشىن، وتباسىلىق زارارسىزداندىرۋدا قانداي تۇيىندەرگە كوڭىل ءبولۋ كەرەك
2020.12.01 15:49 كەلۋ قاينارى : حالىق تورابى
جۋىردا، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە، مەملەكەتتىك ازىق – تۇلىك حاۋىپسىزدىگى جاعىنداعى حاۋىپ – قاتەرلەردى ساراپتاۋ ورتالىعىنىڭ ورىنباسار مەڭگەرۋشىسى لي نيڭ مىنانى ءبىلدىردى: قىس مەزگىلى نورۋ ۆيرۋسى كوپ تارالاتىن مەزگىل، نەگىزىنەن مەكتەپتەردە، بالالار باقشالارىندا نەمەسە ساياحات رايوندارىندا تارالۋ فورماسىندا تۋىلادى. جۋىردا، كوپ جەرلەردە مەكتەپتە نورۋ ۆيرۋسىمەن جۇعىمدالۋ جاعدايى تۋىلعانى حابارلاندى، بۇل ۆيرۋس نەگىزىنەن تىنىس جولى ۇشپا كوبىگى، لاستانعان ازىق – تۇلىك جانە سۋ ارقىلى تارالادى. ودان ساقتانۋدا تومەندەگىدەي ءۇش ءتۇرلى تۇيىنگە نازار اۋدارۋ كەرەك.
ءبىرىنشى، تاماشا قول جۋۋ داعدىسىن قالىپتاستىرۋ، تاماقتان بۇرىن، دارەتتەن كەيىن، ءسوزسىز، قولدى ۇنەمى جۋۋ، ەڭ جاقسىسى، سابىنمەن نەمەسە قول جۋۋ سۇيىقتىعىمەن قول جۋۋدى ەستەن شىعارماعان ءجون.
ەكىنشى، ازىق – تۇلىك جاعىنداعى تازالىققا ەرەكشە ءمان بەرۋ، كوكونىس، جەمىس جيدەكتى تازالاپ جۋىپ جەۋ، قوس قابىرشاقتىلاردى شيكىدەي جەمەۋ، قايناماعان سۋ ىشپەۋ، پىسقان زاتتار مەن شيكى زاتتاردى بولەك قويۋ، ابدەن پىسىرىپ جەۋ كەرەك.
ۇشىنشىدەن، مەكتەپ، بالالار باقشالارى قاتارلىلار اۋىز سۋ مەن ازىق – تۇلىك تازالىعىن باسقارۋدى كۇشەيتۋدەن سىرت، قىزمەتكەرلەر مەن وقۋشىلاردىڭ دەنساۋلىعىن قاداعالاۋدى كۇشەيتۋى كەرەك. ۆيرۋسقا شالدىققاندار بايقالسا، دەرەۋ اۋاشالاۋى كەرەك، ناۋقاستاردىڭ ناۋقاس بەلگىسى جوعالىپ ءۇش كۇن وتكەن سوڭ، تولىق جازىلعاندا مەكتەپكە قايتا بارۋىنا بولادى، ونىڭ ۇستىنە، مەكتەپ مەن بالالار باقشالارى ءتۇيىندى الاڭدار مەن ءتۇيىندى ورىنداردى تازالاۋ، زارارسىزداندىرۋدى كۇشەيتۋى كەرەك. ءتۇيىندى الاڭدار دەگەنىمىز الەۋمەتتىك ورىندارعا جاتاتىن كلاس اسحانا، تازالىق ءۇيى قاتارلىلار، ءتۇيىندى ورىندار دەگەنىمىز ەسىك تۇتقاسى، سۋ شۇمەگى، باسپالداقتىڭ سۇيەنىشى، ليفتتىڭ كنۋپكاسى، دارەتحاناداعى سۋ تۇسىرەتىن كنۋپكا قاتارلىلاردى قامتيدى.
قاتىستى مازمۇن:
نورۋ ۆيرۋسىنا قاتىستى وتباسىلىق زارارسىزداندىرۋدا كوڭىل بولۋگە ءتيىستى تۇيىندەر
بەيجيڭ قالالىق اۋرۋدان ساقتانۋ – تىزگىندەۋ ورتالىعى مىنانى ەسكەرتەدى: وتباسىندا ءىشى ءوتۋ، قۇسۋ سىندى اۋرۋ بەلگىلەرى بايقالعان، نورۋ ۆيرۋسىنا شالدىعۋ كۇمانى بار ناۋقاستار بولسا، دەرەۋ زارارسىزداندىرۋ شاراسىن قولدانۋ كەرەك. نورۋ ۆيرۋسىن زارارسىزداندىرۋدا، ادەتتە حلورلى زارارسىزداندىرعىشتى قولدانۋعا بولادى، كوڭىل بولۋگە تاتيتىنى، نورۋ ۆيرۋسىنا سپيرتتىڭ ەشقانداي ءونىمى جوق. زارارسىزداندىرۋ وبيەكتىلەرى نەگىزىنەن ناۋقاس ادامنىڭ ءناجىسى، قۇسىعى جانە ول ىستەتكەن ىدىستار، اس – سۋ جابدىقتارى، دارەتحانا جانە ناۋقاس ۇنەمى ۇستايتىن زاتتار، ءۇيدىڭ ەدەنى، قابىرعاسى، ءۇي جيھازادارىنىڭ بەتى، كيىم، زات قاتارلىلار. وتباسىلىق زارارسىزداندىرۋ مەزگىلىندە، مىناداي 6 تۇيىنگە كوڭىل ءبولۋ قاجەت.
1. زارارسىزداندىرۋ ءتاسىلىن تاڭداۋ. نورۋ ۆيرۋسىنىڭ قارسىلىق قۋاتى ءبىرشاما كۇشتى بولعاندىقتان، حلورلى زارارسىزداندىرعىشتى تاڭداعان ءجون، مىسالى، 84 زارارسىزداندىرعىش سۇيىقتىعى، حلورلى زارارسىزداندىرعىش تابلەتكاسى قاتارلىلار، تەڭشەگەن كەزدە زارارسىزداندىرعىشتىڭ مولشەرىنە كوڭىل ءبولۋ كەرەك.
2. زارارسىزداندىرۋدان بۇرىن، قاتىستى جوق ادامداردى كەتىرۋ كەرەك. زارارسىزداندىرۋ جانە تازالاۋ بارىسىندا اەروزول مەن شاڭ – توزاڭنىڭ قالىپتاسۋىنان ساقتانۋ كەرەك.
3. زارارسىزداندىرۋ ونىمدىلىگىنە كەپىلدىك ەتۋ ءۇشىن، تۇرلىشە زارارسىزداندىرۋ وبيەكتىسىنە، ۇقساماعان قويۋلىقتا، ۇقساماعان ۋاقىتتا جانە ۇقساماعان زارارسىزداندىرۋ ءتاسىلى ارقىلى زارارسىزداندىرۋ كەرەك.
4. دارەتحانا، تازالىق بولمەسىندەگى سۇرتكىش، ەدەن جۋعىش قاتارلىلاردى سول جەردە ارنايى ىستەتۋ، باسقا بولمەلەرگە ىستەتپەۋ كەرەك.
5. زارارسىزداندىرعىشتىڭ بەلگىلى دەڭگەيدە تىتىركەندىرۋ رولى بولادى، تەڭشەگەن كەزدە نەمەسە پايدالانعان كەزدە جەكەلىك ساقتانۋ – قورعانۋدى ويداعىداي ىستەۋ، ساقتانۋ – قورعانۋ كوز اينەگى، ماسكى جانە قولعاپ قاتارلىلاردى تاعۋ كەرەك، سونىمەن بىرگە، زارارسىزداندىرعىش بەلگىلى دەڭگەيدە ءشىرىتۋ رولىنا يە، زارارسىزداندىرعاننان كەيىن تازا سۋمەن ءسۇرتىپ، زارارسىزداندىرعىشتىڭ بۇلدىرۋىنەن ساقتانۋ كەرەك.
6. قولدانعان زارارسىزداندىرعىش كۇشكە يە ۋاقىتىنان ءوتىپ كەتپەگەن بولۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
