تۇتىنۋدىڭ دارەجەسى جوعارىلاپ، ومىرشەڭدىك كۇش قاۋلادى
شينجياڭ گازەتى جالپىلىق اقپارات قۇرالدارى ءتىلشىسى حي حۇڭۋي
2020.12.15 17:27 كەلۋ قاينارى : شينجياڭ گازەتى
12 - ايدىڭ 10 - كۇنى تاڭعا جۋىق ءۇرىمجى قالاسى ميدۇڭ رايونى لۋساۋگوۋ اۋىلىنا ورنالاسقان شينجياڭ اييوۋەي ازىق - تۇلىك شەكتى سەرىكتەستىگىنىڭ شامدارى سامالاداي جامىراپ، قاۋىرت قاربالاستىق ءجۇرىپ جاتىر. ”قوس 11“ كەزىندە ساتىلىم سوماسىن 4 ميلليون يۋانعا جەتكىزگەن سەرىكتەستىگىمىز ”قوس 12نى“ قارسى الۋ ءۇشىن، زاتتى جەتكىلىكتى دايىنداپ، اناعۇرلىم كوپ جەڭىلدىك قيمىلدار شىعارىپ، جاقسى ناتيجەگە قول جەتكىزسەك دەپ وتىرمىز“، - دەيدى سەرىكتەستىكتىڭ باس ديرەكتورىنىڭ كومەكشىسى جىن شيياڭ.
”13 - بەسجىلدىق“ مەزگىلىندە رايونىمىزدىڭ تۇتىنۋ سۇرانىسى ۇزدىكسىز ءوسىپ، تۇتىنۋ قۇرىلىمىنىڭ دارەجەسى جەدەل جوعارىلاپ، تۇتىنۋدىڭ جەتەكتەۋ رولى ايتارلىقتاي كۇشەيىپ، تۇتىنۋ ەكونوميكالىق ارتۋدىڭ قوزعاۋشى كۇشىنە اينالىپ، شينجياڭ ەكونوميكاسىنىڭ جوعارى ساپالى دامۋى ءۇشىن پارمەندى تىرەك ازىرلەدى.
بازاردىڭ ومىرشەڭدىك كۇشىن تولىق قاۋلاتتى
12 - ايدىڭ 9 - كۇنى اپتا سوڭىنداعى قوس دەمالىس كۇنى بولماسا دا، ءۇرىمجى جوعارى - جاڭا تەحنيكا كاسىپ سالاسىن اشۋ رايونى (جاڭا قالا رايونى) شانشان اۋتلەتس ساۋدا الاڭىندا الارمانداردىڭ اياعى ۇزىلمەدى.
ءىرى تيپتى ساۋدالىق كەشەن تۇتىنۋعا جەتەكتەپ قويماي، قالانىڭ ومىرشەڭدىگىن كۇشەيتىپ، ەڭ ىقپالدى قالا جەر بەلگىسىنە اينالدى. ءۇرىمجى قالاسى سياقتى تيانشان الابىنداعى ءارقايسى قالالاردا ءىرى تيپتى ساۋدا ورتالىقتارى سالىنىپ، قالا تۇرعىندارىنىڭ تۇتىنۋداعى تاماشا جەرلەرىنە اينالدى.
”13 - بەسجىلدىق“ مەزگىلىندە رايونىمىزدىڭ تۇتىنۋ كولەمى تىڭ سەرپىلىستى جۇزەگە اسىردى. ساناققا نەگىزدەلگەندە، 2016 - جىلى رايونىمىزدا قوعامدىق تۇتىنۋ بۇيىمدارىنىڭ بولشەك ساتىلىم جالپى سوماسى 305 ميلليارد 520 ميلليون يۋانعا جەتكەن؛ 2019 - جىلى قوعامدىق تۇتىنۋ بۇيىمدارىنىڭ بولشەك ساتىلىم جالپى سوماسى 361 ميلليارد 700 ميلليون يۋانعا جەتىپ، 2016 - جىلداعىدان 56 ميلليارد 180 ميلليون يۋان كوبەيگەن.
بيىل ىندەت ىقپالىن ەڭسەرۋ ءۇشىن رايونىمىز «ىشكەرىلەگەن تۇردە ىندەتكە توتەپ بەرىپ، سەنىمدى سەرپىلتىپ، ساۋدالىق تۇتىنۋدى جەبەۋ جەتەكشى پىكىرى» سياقتى ءبىرسىپىرا حۇجاتتاردى شىعارىپ، اس - سۋ، ساۋدا سارايلارى سياقتى تۇرمىستىق قىزمەت وتەۋ كاسىپتەرىنىڭ قالپىنا كەلۋى مەن دامۋىنا قولداۋ كورسەتتى، جەر - جەر تۇتىنۋ بەلەتتەرىن تاراتۋ سياقتى شارالاردى ىركەس - تىركەس ورتاعا قويىپ، تۇتىنۋدىڭ قايتا تولىقتاۋى مەن كومەسكى كۇشىنىڭ ىسكە قوسىلۋىن جەبەدى.
رايونىمىز ”ءجۇز كۇندە مىڭ كاسىپورىن شينجياڭعا تيىمدىلىك جەتكىزۋ“ تۇتىنۋ ماۋسىمى قيمىلىن ورىستەتىپ، وتباسى ەلەكتر جابدىقتارى، اۆتوموبيل، مۇناي ونىمدەرى، اس - سۋ سياقتى ءتۇيىندى كاسىپتەردى قامتىپ، تۇتىنۋدىڭ قىزۋ تۇيىندەرىن جەتىلدىرىپ، تۇتىنۋدىڭ دارەجەسىن جوعارىلاتۋعا جەتەكتەپ، تۇتىنۋ بازارىنىڭ جەدەل ورلەۋىنە دەم بەردى.
اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى ليۋ بين رايونىمىزدا ىندەتتەن ساقتانۋ - تىزگىندەۋدى ۇدايىلاندىرۋدىڭ ءتۇرلى قىزمەتتەرىنىڭ ورنىقتى قاداممەن ءتارتىپتى ىلگەرىلەتۋىنە سايكەس، بازاردىڭ ومىرشەڭدىك قۋاتى تولىق قاۋلاعاندىعىن ءبىلدىردى.
تۇتىنۋ قۇرىلىمى ساپالىلانىپ، دارەجەسى جوعارىلادى
ءۇرىمجى قالاسىنىڭ تۇرعىنى دۇڭ سىيۇي اق جاعالىلار قاتارىنان، ونىڭ جىفۋباۋ ەسەبىندە ساپالى تۇرمىستىڭ ۋاكىلى بولعان ەڭلىك بۇيىم، القا - مونشاق، كىتاپ - جۋرنال باستى تۇتىنۋ تۇرىنە اينالعان.
ۇعىسۋىمىزشا، ”13 - بەسجىلدىق“ مەزگىلىندە رايونىمىز تۇرعىندارىنىڭ تۇتىنۋىندا سانعا قاناعاتقا ءمان بەرۋدەن ساپاعا تالپىنۋعا ءوتۋ، ءپىشىندى زاتتىق بۇيىمداردان قىزمەت وتەۋدى كوبىرەك تۇتىنۋعا ءوتۋ سياقتى ءبىرسىپىرا بۇرىلىستار جارىققا شىققان. تۇتىنۋدىڭ قامداۋ جاعىنداعى بازار تۇلعالارى تۇتىنۋدىڭ جاڭارۋ اۋقىمىنا بەلسەنە ۇيلەسىپ جانە ونى يگەرىپ، قامداۋعا جاڭالىق ەنگىزۋ، ءونىمدى قامداۋدى ارتتىرۋ ارقىلى تۇتىنۋدىڭ اناعۇرلىم زور كومەسكى كۇشىن قاۋلاتقان. سونىمەن قاتار، دارالىق سيپاتقا يە، الۋان ءتۇرلى تۇتىنۋ سۇرانىسى كەڭ اۋقىمدا قانات جايىپ، سىناپ كورۋ تۇرىندەگى تۇتىنۋ، قىزمەت وتەۋ تۇتىنۋى، مادەنيەت - ساياحات تۇتىنۋى سياقتى تۇتىنۋ ۇلگىلەرى دە اۋقىمعا قاراي پايدا بولعان.
بۇدان سىرت، بۇكىل رايونداعى قالا مەن اۋىلدىڭ تۇتىنۋ بازارلارىندا قاتار، توعىسا دامۋ اۋقىمى جارىققا شىققان. ”13 - بەسجىلدىق“ مەزگىلىندە ساياساتتىڭ دەم بەرۋىندە، قالا مەن اۋىلداعى تۇتىنۋدىڭ كومەسكى قۋاتى ونان ارى ىسكە قوسىلعان. ساندى مالىمەتتەردىڭ كورسەتۋىنشە، بيىل 1 - ايدان 10 - ايعا دەيىن بۇكىل رايونداعى قالا - قالاشىق بازارلارىندا شەكتى سومادان جوعارى ورىندار تۇتىنۋ بۇيىمدارىنىڭ بولشەك ساتىلىم جالپى سوماسىن 95 ميلليارد 565 ميلليون يۋانعا جەتكىزىپ، قالا، اۋىل بازارىنىڭ ارتۋ جىلدامدىعى قوس - قوستان قايتا ورلەپ، اۋىل - قىستاقتىڭ ارتۋ جىلدامدىعى قالا - قالاشىقتان جوعارى بولعان.
ليۋ بين مىنالاردى ءبىلدىردى: ىندەت تۇتىنۋشىلاردىڭ ءبىر ءبولىم تۇرمىس سالتى مەن تۇتىنۋ ادەتىن بايقاتپاي وزگەرتكەنىمەن دە، سىناپ كورۋگە ءمان بەرۋ جانە دارالىققا تالپىنۋ وزگەرمەس تاقىرىپ بولىپ قالا بەرەدى. تۇتىنۋشىلاردى باۋراۋ جانە ۇستاپ قالۋ ءۇشىن، ءسوز جوق، تۇتىنۋشىلاردىڭ ساپا، مادەنيەت جانە كوڭىل اشۋ سياقتى قوسىمشا قۇننان ءلاززات الۋعا دەگەن تالپىنىسىن ۇزدىكسىز قاناعاتتاندىرىپ، دارالىق سيپاتقا يە قىزمەت وتەۋ جانە ونىمدەر شىعارىپ، حاۋىپسىز ءارى سالاماتتى، قىزىققا باتاتىن زات ساتىپ الۋ سىناپ كورۋىن ۇسىنۋ كەرەك.
جاڭا ۇلگىلەر، جاڭا قىزۋ تۇيىندەر كوپتەپ جارىققا شىقتى
”13 - بەسجىلدىق“ مەزگىلىندە ەلەكتروندى ساۋدا، ينتەرنەتتەن ساتىپ الۋ شاپشاڭ دامىپ، جاڭا تيپتى تۇتىنۋ ۇزدىكسىز مولىنان جارىققا شىعىپ، تۇتىنۋدىڭ دارەجەسىن جوعارىلاتۋ ۇزدىكسىز كەڭەيدى، كەزدەسپەي جەتكىزىپ بەرۋ، ساتۋشىسىز بولشەك ساتۋ، تىكە تاراتۋدا بولشەك ساتۋ سياقتى تۇتىنۋدىڭ جاڭا ۇلگىلەرى، جاڭا تاسىلدەرى جەدەل دامىپ، تۇتىنۋ بازارىندا جاڭا ۇلگىلەر، جاڭا قىزۋ تۇيىندەر جارىققا شىقتى. بىلتىر شينجياڭ اۋماعىنداعى كاسىپورىنداردىڭ ينتەرنەتتەگى ساتىلىمىندا بولشەك ساتۋ سوماسى 37 ميلليارد 170 ميلليون يۋانعا جەتتى.
ناقتى ساۋدا دۇكەندەرى جەلىلىك ارنالاردى بەلسەنە كەڭەيتىپ، ينتەرنەتتەگى ساۋدا سارايى، ۋيچات توپتارى، شاعىن باعدارلامالار، تىكە تاراتۋدا زات ساتۋ سياقتىلار ارقىلى تۇتىنۋ ۇلگىسىندە ۇزدىكسىز جاڭالىق اشىپ، ءداستۇرلى بولشەك ساتۋ كاسىبىنىڭ ينتەرنەت جەلىسى مەن جەلىدەن تىسقارى توعىسۋىن جەبەدى.
دىحۇي توبىنىڭ ۇنەمىلىك ىستەرگە جاۋاپتى ورىنباسار باس جوراسى، شينجياڭ دىحۇي شارۋاشىلىق توبى شەكتى سەرىكتەستىگىنىڭ باس ديرەكتورى ۋاڭ جياننىڭ تانىستىرۋىنشا، سەرىكتەستىك ناقتى ساۋدا كاسىبىنىڭ سيفرلى باعىتقا قاراي تيبىن وزگەرتۋىن بەلسەنە ىلگەرىلەتىپ، ينتەرنەت جەلىسى مەن جەلىدەن تىسقارىنى توعىستىرعان كوپ نەگىزدى زەردەلى ساۋدالىق جاعداي قالىپتاستىرىپ، ينتەرنەت، شاعىن باعدارلاما، تىكە تاراتۋ سياقتىلارعا سۇيەنىپ، الارمانداردىڭ ينتەرنەت جەلىسىندە تاڭداپ ساتىپ الۋىنا مۇمكىندىك جاساپ، جەدەل جولدامالارمەن ۇيگە جەتكىزىپ بەرىپ، ”بۇلتتان ساتىپ الۋدى“ ەركىن جۇزەگە اسىرعان.
اسىرەسە، ينتەرنەتتى نەگىز ەتكەن قاشىقتان ەمدەۋ، ينتەرنەت جەلىسىندەگى وقۋ - اعارتۋ، بۇلتتىق تاسىلمەن دەنە شىنىقتىرۋ، ينتەرنەت جەلىسىندەگى كينو - فيلمدەر سياقتى قىزمەت وتەۋلەر ۋاقىت - كەڭىستىك شەكاراسىن تالقانداپ، تۇتىنۋ سۇرانىسىن ىسكە قوسىپ، ەكونوميكانىڭ ارتۋىنىڭ اناعۇرلىم كوپ مۇمكىندىكتەرىن الىپ كەلدى.
بيىل شينجياڭ جۇڭگۇڭ وقۋ - اعارتۋى تۇتىنۋشى بايلىعى مەن ماركا باسىمدىعىنا سۇيەنىپ، ينتەرنەت جەلىسىندە تاربيە كۋرستارىن ورىستەتتى. اتالعان قۇرىلىمنىڭ جاۋاپتىسى شياۋ شىڭتاۋدىڭ تانىستىرۋىنشا، سەرىكتەستىك ەلدەن وزىق ينتەرنەت جەلىسىندەگى كولەمدەنگەن زەرتتەۋ - اشۋعا جانە ينتەرنەت جەلىسىندەگى جالپىلىق قىزمەت وتەۋ قابىلەتىنە سۇيەنىپ، جەلى مەن جەلىدەن تىسقارىنى توعىستىرعان جاڭاشىل ونىمدەردى كۇش سالا دامىتقان، مەجەمەن بيىل جەلىدە تاربيەلەگەن ادامدار سانى مەن كىرىسى ونان ارى جوعارىلايدى ەكەن.
”ينتەرنەت +“دىڭ وركەندەۋىنە مەڭزەس، اس - سۋ جەتكىزىپ بەرۋ ايرىقشا قارسى الىنىپ، ”مەيتۋان“، ”ى - لىمى“ سياقتى تۇعىرلاردى جۇرگىزۋشىلەر باعادان جەڭىلدىك بەرۋ، ايىرماشىلىقتى باعا بەلگىلەۋ سياقتى دارا باسىمدىققا يە تيجارات جۇرگىزۋ ۇلگىسى ارقىلى كوپتەگەن تۇتىنۋشىلاردى باۋرادى.
2017 - جىلى قۇرىلعان كۇشار قالاسى ۋيۋي جەدەل جەتكىزۋ ەلەكتروندى ساۋدا تۇعىرى جاس، جاڭا ونىمدەر، اس - سۋ جەتكىزىپ بەرۋ سياقتى ينتەرنەت جەلىسىندە جانە جەلىدەن تىسقارىدا ساتۋدى قامتىپ وتىر. جاڭا كاسىپ كۇيى اكەلگەن پايدانىڭ ارقاسىندا اتالعان تۇعىر كولەمىن ونان ارى كەڭەيتە تۇسپەك. ”قازىر ايلىق ساتىلىم سوما 3 ميلليون يۋانعا جەتىپ وتىر، ءبىز وسى جەردەگى ۇلكەن، ورتا تيپتەگى شاعىن اۋماقتاردى تياناق ەتىپ، 40تان استام جاستى شارۋاشىلىق قۇرۋعا جەتەكتەمەكپىز“، - دەيدى اتالعان كاسىپورىننىڭ جاۋاپتىسى بيڭ چيجين تانىستىرىپ.
ليۋ بين مىنالاردى ءبىلدىردى: كەلەسى قادامدا، شينجياڭ ەلەكتروندى ساۋدا تۇعىرلارىنىڭ الەۋمەتتىك جەلىدەگى ەلەكتروندى ساۋدامەن، ينتەرنەت ساۋداسىمەن سەلبەستىگىن زور كۇشپەن ىلگەرىلەتىپ، ينتەرنەت جەلىسىندە جانە جەلىدەن تىسقارىدا ونىمدەردى ءتۇرلى جولمەن جەدەلدەتىپ ساتۋ قيمىلدارىن ورىستەتىپ، ونىمدەردىڭ ساتىلىم ارنالارىن كەڭەيتىپ، قوعامدىق تۇتىنۋ سۇرانىسىن جانداندىرىپ، ەلەكتروندى ساۋدانىڭ ينتەرنەت جەلىسىندە ساتۋ قابىلەتىن جوعارىلاتادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
