زەيىن - زەردە، كۇش - قۋاتتى شوعىرلاندىرىپ، ”14 - بەسجىلدىقتىڭ“ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتەيىك
− ورتالىقتىڭ ەكونوميكالىق قىزمەت ءماجىلىسى رايونىمىزدا قىزۋ اڭىس قوزعادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
2020.12.22 15:23 كەلۋ قاينارى : شينجياڭ گازەتى
ەندى عانا جابىلعان ورتالىقتىڭ ەكونوميكالىق قىزمەت ءماجىلىسى بيىلعى ەكونوميكالىق قىزمەتتەردى مۇقيات قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، كەلەر جىلعى ەكونوميكالىق قىزمەت جونىندە جان - جاقتى ورنالاستىرۋ جاسادى، بۇل پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن كەيىن ورتالىق اشقان ءبىر ماڭىزدى ءماجىلىس. رايونىمىزداعى ءار ۇلت كادر - بۇقاراسى ءبىر اۋىزدان مىنالاردى ءبىلدىردى: ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ونان ارمان يدەيانى بىرلىككە كەلتىرىپ، تانىمدى تەرەڭدەتىپ، زەيىن - زەردە، كۇش - قۋاتتى شوعىرلاندىرىپ، شىنايى يگەرىپ، ناقتى ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتى تياناقتاندىرىپ، شينجياڭنىڭ ”14 - بەسجىلدىعىنىڭ“ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتەمىز.
”بيىل ’13 - بەسجىلدىق‘ جوبا اياقتالاتىن جىل. 5 جىل ۇزبەي كۇرەس جۇرگىزۋ ارقىلى ەلىمىزدىڭ ەكونوميكالىق، قوعامدىق دامۋى تىڭ، تاريحي جەتىستىككە قول جەتكىزدى، ’13 - بەسجىلدىق‘ جوبانىڭ باستى نىسانالارى مەن مىندەتتەرى ورىندالۋ الدىندا تۇر. ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى جانە حالىق تۇرمىسى دەڭگەيى تاعى ءبىر تىڭ ۇلكەن بەلەسكە كوتەرىلدى، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋگە تايادىق، جۇڭحۋا ۇلتىنىڭ ۇلى گۇلدەنۋى الدىعا قاراي جاڭا، ارشىندى قادام تاستادى“. اۆتونوميالى رايوندىق حالىق ۇكىمەتى زەرتتەۋ كەڭسەسى جالپىلىق باسقارماسىنىڭ باستىعى چىن دىفىڭ ماقتانىشپەن بىلاي دەدى: قاتاڭ دا كۇردەلى حالىقارالىق جاعداي، ەل ىشىندەگى رەفورمانىڭ، دامۋدىڭ، ورنىقتىلىقتىڭ ماشاقاتتى دا اۋىر مىندەتى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا جۇڭگو كوممۋنيستەرى حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ بەردىك، جۇڭگو دۇنيە ءجۇزى بويىنشا ەكونوميكانىڭ وڭ ارتۋىن جۇزەگە اسىرعان بىردەن - ءبىر نەگىزگى ەكونوميكالىق تۇلعا بولدى. بۇل ”بىردەن - ءبىر“ بىزدەي ءبىر ميلليارد 400 ميلليون جان سانى بار ءىرى ەل جونىنەن وڭاي - وسپاق قولعا كەلمەدى، جۇڭگو ەكونوميكاسىنىڭ قۋاتتى سەرپىمدىلىگى مەن قاۋلاعان ومىرشەڭدىك كۇشىن ايگىلەدى ءارى ىندەت تۇمانىندا قالعان دۇنيە جۇزىنە سەنىم اكەلدى.
اۆتونوميالى رايوندىق پارتكوم پارتيا مەكتەبى فيلوسوفيا وقىتۋ - زەرتتەۋ ءبولىمىنىڭ ورىنباسار مەڭگەرۋشىسى، پروفەسسور چىن حۇڭ بىلاي دەدى: ”13 - بەسجىلدىقتان“ بەرى شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋىندا بۇرىن بولماعان تاريحي سيپاتتى جەتىستىككە قول جەتىپ، تۇتاس رايوندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. بۇل ناتيجەلەردىڭ قولعا كەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى. ءبىز ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، زەيىن - زەردە، كۇش - قۋاتتى شوعىرلاندىرىپ، ۋاقىتتىق قيىندىقتى بىرگە جەڭىپ، ”14 - بەسجىلدىقتىڭ“ جاقسى باستاما اشۋىنا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايمىز.
”جۋىق جىلداردان بەرى شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتىپ، ’ءبىر پورت‘، ’ەكى رايون‘، ’بەس ۇلكەن ورتالىق‘، ’شەكارا وتكەلى ەكونوميكالىق بەلدەۋى‘ دامۋ ءتۇيىنىن مىقتاپ يگەرىپ، شار تاراپقا ەسىك اشۋ ارناسىن قالىپتاستىرۋدى قۇلشىنا ىلگەرىلەتتى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمە باستىعى رۇڭ جۇن بىلاي دەدى: ”ءبىز ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، جاڭا دامۋ كەزەڭىن جەتە تانىپ، جاڭا دامۋ ۇستانىمىن جالپى بەتتىك دايەكتىلەندىرىپ، جاڭا دامۋ ارناسىن قالىپتاستىرۋعا كۇش سالىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن مولايتىپ، سىرتقا ەسىك اشۋ دەڭگەيىن جوعارىلاتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداپ،’14 - بەسجىلدىقتىڭ‘ جاقسى باستاما اشۋىنا تيەسىلى ۇلەس قوسامىز“.
”ورتالىقتىڭ ەكونوميكالىق قىزمەت ءماجىلىسى جاڭا دامۋ ارناسىن قالىپتاستىرۋدا كەلەر جىلى العاشقى قادامدى جاقسى باسىپ، تىڭ بەينە كورسەتۋدى تالاپ ەتتى ءارى 2021 - جىلعى ءتۇيىندى مىندەتتەرگە ورنالاستىرۋ جاسادى“. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم مىنالاردى ءبىلدىردى: ءبىز ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، كەلەر جىلعى قىزمەتتىڭ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتىپ، ەكونوميكانىڭ جوعارى ساپالى دامۋىن ۇزدىكسىز ىلگەرىلەتەمىز.
”ءبىز ورتالىقتىڭ ەكونوميكالىق قىزمەت ءماجىلىسىنىڭ رۋحىن تەرەڭ ۇيرەنىپ، جەتە ءتۇسىنىپ، رۋحاني ءمانىن تەرەڭ ۇعىنىپ، وزەكتى مازمۇنىن دالمە - ءدال يگەرىپ، ۇيرەنۋ جەتىستىگىن جوعارى ساپالى دامۋدى ىلگەرىلەتۋدىڭ قۋاتتى قوزعاۋشى كۇشىنە شىنايى اينالدىرامىز“. ىلە قازاق اۆتونوميالى وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى ليۋ جيانلين بىلاي دەدى: ”كەلەر جىلى ءبىز ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ العى شارتىندا، ناقتى ەكونوميكانى ساپالىلاندىرىپ، كۇشەيتىپ، كاسىپ سالاسى قۇرىلىمىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتۋدى نىسانا ەتىپ، قارجى قوسۋ كولەمىن كەڭەيتۋدى، ساۋداگەر شاقىرىپ قارجى ەنگىزۋ مەن باقشا رايونى قۇرىلىسىنىڭ دەڭگەيىن جوعارىلاتۋدى ءتۇيىن ەتىپ، 10 ءىرى كاسىپ سالاسىن كورنەكتى جەتىلدىرىپ جانە زورايتىپ،’قورعاس اۋدانى، قورعاس قالاسى، قۇلجا قالاسى، قۇلجا اۋدانىن ءبىر تۇلعالاندىرۋ‘ ستراتەگياسىن اتقارۋدى بار كۇشپەن ىلگەرىلەتەمىز“.
قۇتىبي اۋدانى دافىڭ قالاشىعى تۇڭفا جەم - ءشوپ ەگۋ شارۋالار كاسىپتىك سەلبەستىك كووپەراتيۆى كوپ جىلدىق دامۋ ارقىلى سەلبەستىك كووپەراتيۆىنە 240 وتباسى مۇشە بولىپ، ماڭايداعى 1000نان ارتىق وتباسىنداعى ەگىنشى - مالشىلاردىڭ جەم - ءشوپ ەگۋ جانە مال باعىمشىلىعىن دامىتۋىنا جەتەكشىلىك ەتىپ، بىرگە كىرىس ارتتىرىپ بايۋدى جۇزەگە اسىردى. سەلبەستىك كووپەراتيۆىنىڭ القا باستىعى راشىت ياسىن بىلاي دەدى: ”ورتالىقتىڭ ەكونوميكالىق قىزمەت ءماجىلىسى سەلبەستىك كووپەراتيۆىمىزدىڭ كەلەر جىلعى دامۋىنا ايقىن بەتالىس كورسەتتى، ءبىز ءماجىلىستىڭ رۋحىن مۇقيات ۇعىنىپ، بازار سۇرانىسىن باعدار ەتىپ، ەرەكشە تاپسىرىس باعىمشىلىعى مەن ەگىنشىلىكتى دامىتىپ، ەرەكشە كاسىپ سالاسى تىزبەگىن ەگىنشى - مالشىلاردىڭ كىرىسىن ارتتىرۋ تىزبەگى ەتىپ تۇلعالايمىز“.
(ءتىلشى جاڭ يۇنمەي، قاتىناسقان تىلشىلەر يۋان لەي، جاڭ يانفاڭ، حي حۇڭۋي، جاڭ جىلي، ءجازيرا نەسىپبەك، گى يوۋجۇن)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
