ساپالى دامۋمەن «14 - بەسجىلدىق» ءۇشىن جاڭا باستاما اشايىق
− ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2020.12.24 16:11 كەلۋ قاينارى : حالىق تورابى
كەلەر جىل − ەلىمىزدىڭ وسىزاماندىرۋ قۇرىلىسىنىڭ اياق الىسىندا ەرەكشە ماڭىزعا يە ءبىر جىل، «14 - بەسجىلدىق» جوسپار باستالادى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالادى، ەكونوميكالىق قىزمەتتى ويداعىداي ىستەۋدىڭ ماڭىزى زور. ورتالىقتىڭ ەكونوميكالىق قىزمەت ءماجىلىسى دامۋدىڭ جالپى اۋقىمىن عىلمي يگەرىپ، قازىرگى ەكونوميكالىق جاعدايعا ىشكەرىلەي تالداۋ جاساپ، «14 ـ بەسجىلدىقتىڭ» جاقسى باستالۋىنا كەپىلدىك ەتۋدى كوزدە ۇستاپ، كەلەر جىلعى ەكونوميكالىق قىزمەتتىڭ جالپى تۇلعالىق تالابى مەن ساياساتتىق بەتالىسىن ايقىن العا قويىپ، كەلەر جىلعى ەكونوميكالىق قىزمەتتى ويداعىداي ىستەۋگە ايقىن العا باسۋ بەتالىسىن كورسەتىپ، ماڭىزدى تياناق ازىرلەدى.
«14 - بەسجىلدىق» كەزىندە ەلىمىز جاڭا دامۋ كەزەڭىنە قادام تاستايدى، بۇل − جاڭا، اناعۇرلىم زور دامۋدى جۇزەگە اسىرۋدىڭ شەشۋشى مەزگىلى. جاڭا دامۋ كەزەڭى دەگەنىمىز − جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىنا جورىق جاساۋ كەزەڭى، بۇل ەلىمىزدىڭ دامۋ اياق الىسىندا بەلەستىك مانگە يە. ءبىز مىنانى ىشكەرىلەي تانۋىمىز كەرەك: بۇگىنگى دۇنيە ءجۇزى عاسىردا بولماعان زور وزگەرىستى باستان كەشىرۋدە، ەلىمىز دامۋىنىڭ ىشكى شارت ـ جاعدايى مەن سىرتقى ورتاسىندا تەرەڭ دە كۇردەلى وزگەرىستەر تۋىلۋدا، ءبىرقىدىرۋ جاڭا ورايلاردى دا، ءبىرسىپىرا تىڭ سىنداردى دا الا كەلدى. تەك ەكى جالپى جاعدايدى ءبىر تۇتاس جوسپارلاپ، وراي تانىمىن، حاۋىپ ـ قاتەر تانىمىن كۇشەيتىپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، عىلمي ورنالاستىرۋ جاساپ، دالمە ـ ءدال شارا قولدانعاندا عانا ەكونوميكالىق قىزمەتتىڭ ىرىقتىلىق ۇقىعىن مىقتاپ يگەرىپ، «14 ـ بەسجىلدىق» ءۇشىن جاقسى باستاما اشا الامىز.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە «14 ـ بەسجىلدىق» جوسپار كەزىندە ەكونوميكالىق، قوعامدىق دامۋدا ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەكتىگى العا قويىلدى، بۇل − ەلىمىزدىڭ دامۋ كەزەڭىنىڭ، دامۋ ورتاسىنىڭ، دامۋ شارت ـ جاعدايىنىڭ وزگەرىسىنە ساي جاسالعان عىلمي تۇجىرىم. ورتالىقتىڭ وسى رەتكى ەكونوميكالىق قىزمەت ماجىلىسىندە مىنالار ايقىن ورتاعا قويىلدى: باعالى ۋاقىت تەرەزەسىنەن جاقسى پايدالانىپ، زەيىن - كۇشتى شوعىرلاندىرىپ رەفورما جاساۋدى، جاڭالىق جاراتۋدى ىلگەرىلەتىپ، ساپالى دامۋ ارقىلى «14 – بەسجىلدىق» ءۇشىن تاماشا باستاما اشۋ كەرەك. كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق جاراتۋدى ءتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، جۇيە كوزقاراسىندا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ تابىستارىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، «التىنى ورنىقتىرۋ» قىزمەتىن تىڭعىلىقتى، ويداعىداي ىستەپ، «التىنى قامتاماسىز ەتۋ» مىندەتىن جالپى بەتتىك تياناقتاندىرىپ، ماكرولىق ساياساتتى عىلمي، دالمە - ءدال اتقارىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىندا تاباندى بولىپ، عىلىم - تەحنيكالىق ستراتەگيالىق تىرەكتى كۇشەيتىپ، جوعارى دەڭگەيدە سىرتقا ەسىك اشۋدى كەڭەيتىپ، «14 – بەسجىلدىقتىڭ» جاقسى باستاما اشۋىنا شىنايى كەپىلدىك ەتىپ، پارتيا قۇرىلعانىنىڭ 100 جىلدىعىن ەرەن ناتيجەمەن قۇتتىقتاۋ كەرەك. جەر ـ جەر، تاراۋلار جاڭا ساپاردى ءساتتى باستاۋعا باتىلدىقپەن دايىندالىپ، حاۋىپ ـ قاتەردى ورايعا اينالدىرۋعا شەبەر بولىپ، ورايدى مىقتى يگەرىپ، سىن ـ سايىسقا توتەپ بەرىپ، شىنايى يگەرىپ، ناقتى ىستەپ، قاجىرلىلىقپەن ەڭبەكتەنىپ، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىنۋى كەرەك.
ساپالى دامۋمەن «14 – بەسجىلدىق» جوسپار ءۇشىن ءساتتى باستاما اشۋ بىزدەن كەلەر جىلعى ەكونوميكالىق قىزمەتتىڭ ساياساتتىق بەتالىسىن دۇرىس يگەرۋدى تالاپ ەتەدى. بەينە، ورتالىقتىڭ ەكونوميكالىق قىزمەت ماجىلىسىندە اتاپ كورسەتىلگەندەي، كەلەر جىلى ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاۋ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ەكونوميكانىڭ قالپىنا كەلۋىنە قاجەتتى قولداۋ كورسەتۋ سەرپىنىن ساقتاۋ، ساياساتتى مەڭگەرۋ جاعىندا اناعۇرلىم دالمە - ءدال، ءونىمدى بولۋ، شۇعىل بۇرىلماۋ، ساياساتتىڭ ۋاقىتىن، ولشەمىن، ونىمدىلىگىن ويداعىداي يگەرۋ كەرەك. بەلسەندى قازىنا ساياساتىندا ساپانى جوعارىلاتىپ، ونىمدىلىكتى ارتتىرىپ، ونى نەعۇرلىم باياندى ەتىپ، لايىقتى شىعىس كۇشەمەلىلىگىن ساقتاپ، مەملەكەتتىڭ ەلەۋلى ستراتەگيالىق مىندەتتەرىن قازىنا كۇشىمەن قامتاماسىز ەتۋدى نىعايتىپ، عىلىم - تەحنيكالىق جاڭالىق جاراتۋدى جەبەۋ، ەكونوميكالىق قۇرىلىمدى رەتتەۋدى جەدەلدەتۋ، كىرىس ءبولىسىن رەتتەۋ جاعىندا ىرىقتىلىقپەن ءىس تىندىرىپ، جەرگىلىكتى ۇكىمەتتەردىڭ كومەسكى قارىز قاتەرىن جويۋ قىزمەتىن ناقتى يگەرۋ، پارتيا، ۇكىمەت ورگاندارى ۇنەمشىلدىك ىستەۋدە تاباندى بولۋ كەرەك. ورنىقتى، اقاۋسىز اقشا ساياساتىن يكەمدى، دالمە - ءدال، ورىندى، لايىقتى جۇرگىزىپ، اقشانىڭ قامداۋ مولشەرى مەن قوعامدىق قارجى قۇراۋ كولەمىنىڭ ارتۋ جىلدامدىعىنىڭ ەكونوميكالىق ارتۋدىڭ اتاۋلى جىلدامدىعىمەن نەگىزىنەن سايكەسۋىن ساقتاپ، ماكرولىق سۇيمەن مولشەرىنىڭ نەگىزىنەن تۇراقتىلىعىن ساقتاپ، ەكونوميكانى قالپىنا كەلتىرۋ مەن حاۋىپ - قاتەر، سىن - سايىستان ساقتانۋدىڭ قاتىناسىن ويداعىداي ءبىر جاقتى ەتىپ، بانكەنىڭ كاپيتال قارجىسىن كوپ ارنامەن تولىقتىرىپ، باعالى قاعازدار بازارىنداعى زاڭ - ءتۇزىمدى كەمەلدەندىرىپ، عىلىم - تەحنيكالىق جاڭالىق جاراتۋعا، شاعىن، ۇساق كاسىپورىندارعا، جاسىل دامۋعا فينانستىق قولداۋدى ارتتىرىپ، ءوسىم مولشەرى مەن اقشا ايىرباس باعامىن بازارلاندىرۋ رەفورماسىن تەرەڭدەتىپ، حالىق اقشاسى باعامىنىڭ لايىقتى، بىركەلكى دەڭگەيدەگى نەگىزىنەن تۇراقتىلىعىن ساقتاۋ كەرەك. ءبىز ماكرولىق رەتتەۋ - تىزگىندەۋدىڭ ريتىمى مەن تەبىنىن ۇيلەسىمدى يگەرىپ، ماكرولىق ساياساتتاردى دالمە - ءدال، ءونىمدى اتقارىپ، ەڭ ساپالى ساياساتتاردى بىرىكتىرۋدى جانە ەڭ ۇلكەن تۇلعالىق ونىمدىلىكتى قۇلشىنا جۇزەگە اسىرىپ، ساپالى دامۋدى ىلگەرىلەتۋگە قۇدىرەتتى قوزعاۋشى كۇش ازىرلەۋىمىز كەرەك.
«13 - بەسجىلدىق» جوسپار اياقتالۋ الدىندا تۇر، ەندى «14 ـ بەسجىلدىق» جوسپاردىڭ شىمىلدىعى اشىلادى. جاڭا ءداۋىردىڭ ۇلى ساپارىندا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن سەلبەسىپ، ءورىس اشا ىلگەرىلەپ، العان بەتتەن قايتپايتىن كۇرەسكەرلىك بەينەمەن، بوران - شاشىننان تايسالمايتىن رۋحاني كۇيمەن ەلىمىز ەكونوميكاسىنىڭ تولقىن جارا ىلگەرىلەۋىن جەبەپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ ءۇشىن قۇلشىنۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
