شىنايى يگەرىپ، ناقتى ىستەپ، جاڭا كەزەڭدە اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەيىك
حالىق گازەتى شولۋشىسىنىڭ ماقالاسى
2021.01.04 15:25 كەلۋ قاينارى : شينجياڭ گازەتى
جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا، ەڭ كەڭ، ەڭ مىعىم نەگىزى ءالى دە اۋىل - قىستاقتا. كەلەر جىلى ەلىمىز ”14 - بەسجىلدىق“ مەزگىلىنە ءوتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايدى. ءدال وسىنداي ماڭىزدى تاريحي توعىسۋ تۇيىنىندە ورتالىقتىڭ اۋىل - قىستاق قىزمەتى ءماجىلىسىن اشۋدىڭ ۋاقىت ورايى ماڭىزدى، ءمانى زور بولىپ، بۇكىل پارتياعا، بۇكىل قوعامعا اۋىل شارۋاشىلىعى، اۋىل - قىستاق، شارۋالار قىزمەتى ءالى دە اسا ماڭىزدى، ءبىر ءسات تە بوساڭسىتۋعا بولمايدى، ءسوزسىز، مىقتى، ناقتى يگەرۋ كەرەك دەگەن ايقىن سيگنال تاراتتى.
باس شۋجي شي جينپيڭ ماجىلىستە ماڭىزدى ءسوز سويلەپ، پارتيا 18 - قۇرىلتايىنان بەرى اۋىل شارۋاشىلىعى، اۋىل - قىستاق، شارۋالار قىزمەتىندە قول جەتكىزگەن وراسان زور جەتىستىكتەردى جان - جاقتى قورىتىندىلاپ، جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدەگى كەلەلى ماسەلەلەردى ىشكەرىلەي بايىمداپ، پارتيا مەن مەملەكەتتىڭ جالپى جاعدايىن شىعار ءتۇيىن ەتىپ، كەدەيلىكتەن ارىلتۋدان قامال الۋ تابىستارىن بەكەمدەۋ جانە كەڭەيتۋ، اۋىل - قىستاقتىڭ گۇلدەنۋىن جاپپاي ىلگەرىلەتۋ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ جونىندە ماڭىزدى ورنالاستىرۋ جاسادى، بۇل بۇكىل پارتيانىڭ جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندەگى ەڭ ماڭىزدى ورىنعا قويۋعا تاباندى بولىپ، بۇكىل پارتيانىڭ، بۇكىل قوعامنىڭ كۇشىن جۇمىلدىرا وتىرىپ اۋىل - قىستاقتىڭ گۇلدەنۋىن ىلگەرىلەتىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ جونىنەن كەلەلى ءارى تەرەڭ ءمان الادى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋداعى بەلگى سيپاتتى ينجەنەريا ەتىپ، ادامزات تاريحىندا كولەمى بۇرىن بولماعان، سەرپىنى ەڭ كۇشتى، يگىلىك جەتكىزگەن حالقى ەڭ كوپ كەدەيلىكتەن ارىلتۋدان قامال الۋ شايقاسىن ۇيىمداستىرىپ ىلگەرىلەتىپ، اۋىل - قىستاقتى گۇلدەندىرۋ ستراتەگياسىن اتقارىپ، اۋىل شارۋاشىلىعىندا، اۋىل - قىستاقتا تاريحي تابىستارعا قول جەتۋىن، تاريحي وزگەرىستەر تۋىلۋىن ىلگەرىلەتتى. اۋىل شارۋاشىلىعىنىڭ جالپىلىق ءوندىرىس قۋاتى جوعارى ساتىعا كوتەرىلىپ، استىق ءوندىرىسى ءۇرتىس 6 جىل بويى ءبىر تريلليون 300 ميلليارد جىڭنان جوعارى مولشەردە ورنىعىپ، شارۋالاردىڭ كىرىسى 2010 - جىلداعىدان ءبىر قاتتالىپ، اۋىل - قىستاقتىڭ حالىق تۇرمىسى كورنەكتى جاقسارىپ، اۋىل - قىستاقتىڭ بەت - بەينەسى شىت جاڭا تۇسكە ەندى. كەدەي وڭىرلەردە وراسان زور وزگەرىستەر جارىققا شىعىپ، جۇڭحۋا ۇلتىن نەشە مىڭ جىلدان بەرى مازالاپ كەلگەن مۇلدە كەدەيلىك ماسەلەسىن شەشۋدە تاريحي جەتىستىككە قول جەتىپ، جاپپاي دوڭگەلەك داۋلەتتى قوعام ورناتۋعا كەلەلى ۇلەس قوسىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا بەرىك نەگىز قالاندى.
”14 - بەسجىلدىق“ كەزىندە ەلىمىز جاڭا دامۋ كەزەڭىنە قادام قويادى، ءدوپ كەلگەن ەل ءىشى - سىرتى ورتاسىندا تەرەڭ دە كۇردەلى وزگەرىس تۋىلۋدا. ەكىنشى 100 جىلدىق كۇرەس نىساناسىنا قاراي قادام تاستاعان تاريحي ساتتە، كەدەيلىكتەن ارىلتۋدان قامال الۋ نىساناسى مەن مىندەتى ورىندالعان جاعدايدا جاڭا تيپتى ايدارشا ۆيرۋس وكپە قابىنۋ ىندەتى ءورشىپ، دۇنيە جۇزىلىك الاساپىران وزگەرىستىڭ ەرەكشە كەزىندە كەدەيلىكتەن ارىلتۋدان قامال الۋ تابىستارىن بەكەمدەپ جانە كەڭەيتىپ، اۋىل - قىستاقتىڭ گۇلدەنۋىن جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ − بۇكىل پارتيانىڭ ايرىقشا ءمان بەرۋىن قاجەت ەتەتىن كەلەلى جاعدايعا قاتىستى كەلەلى ماسەلە. بۇكىل پارتياداعى جولداستار ۇلتتىڭ گۇلدەنۋى ءۇشىن، اۋىل - قىستاق، ءسوز جوق، كوركەيۋى كەرەك ەكەندىگىن، ءسوز جوق، جەتە تانۋ كەرەك. اۋىل شارۋاشىلىعىنىڭ، اۋىل - قىستاق، شارۋالار قىزمەتىندە كورنەكتى جەتىستىككە قول جەتكەنىمەن، اۋىل شارۋاشىلىعىنىڭ نەگىزى ءالى دە بەكەم ەمەس، قالا، اۋىلدىڭ دامۋى بىركەلكى بولماۋ، اۋىل - قىستاقتاردىڭ دامۋى تولىق بولماۋ ءالى دە قوعامنىڭ باستى قايشىلىعىنىڭ شوعىرلى بەينەسى بولۋدا. سىرتقى ورتادا ءتىپتى كوپ ورنىقسىزدىق، تۇراقسىزدىق جارىققا شىقتى، اۋىل شارۋاشىلىعىنىڭ نەگىزگى جاعدايىن ورنىقتىرۋ، اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ نەگىزىن جاقسى ساقتاۋ − وزگەرىسكە توتەپ بەرۋدىڭ، جاڭا جاعداي اشۋدىڭ ورنىقتىرعىشى. ءسوز جوق، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جالپى بەتتىك باسشىلىعىن كۇشەيتىپ، پارتيانىڭ اۋىل - قىستاق قىزمەتىنە باسشىلىق ەتۋدەگى ۇيىمدىق جۇيەسىن، تۇزىمدىك جۇيەسىن، قىزمەت مەحانيزمىن كەمەلدەندىرىپ، جاڭا داۋىردەگى پارتيانىڭ اۋىل - قىستاق قىزمەتىنە جالپى بەتتىك باسشىلىق ەتۋ قابىلەتىن جانە ورەسىن جوعارىلاتۋ كەرەك. ءار دارەجەلى باسشى كادرلار جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستى كوكەيدە ساقتاپ، زەيىن - زەردەنى، كۇش - قۋاتتى شوعىرلاندىرىپ، شىنايى يگەرىپ، ناقتى ىستەپ، جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ كەرەك.
نەشە ون جىل، اسىرەسە، 8 جىلعا جۋىق ءۇرتىس كۇرەسۋ ارقىلى ءبىز كەدەيلىكتەن ارىلتۋدان قامال الۋدىڭ نىسانا - مىندەتتەرىن ۋاعىندا ورىنداپ، دۇنيە ءجۇزىن تاڭ قالدىرعان ەلەۋلى جەڭىسكە قول جەتكىزدىك. قازىر ءبىزدىڭ بورىشىمىز اۋىل - قىستاقتىڭ گۇلدەنۋىن جاپپاي ىلگەرىلەتۋ. بۇل اۋىل شارۋاشىلىعى، اۋىل- قىستاق، شارۋالار قىزمەتىنىڭ ماڭىزدى تۇيىنىندەگى تاريحي بۇرىلىس بولىپ تابىلادى. جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدە كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى تۇردە ويداعىداي ۇشتاستىرىپ، قايتا كەدەيلەسۋدەن ساقتانۋدى يكەمدى قاداعالاۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرىپ، وتپەلى كەزەڭدە ءتۇرلى ساياساتتاردىڭ ورنىقتى تۇردە وتۋىنە شىنايى كەپىلدىك ەتىپ، كەدەيلىكتەن ارىلىپ، كەدەيلىك قالپاعىن العان وڭىرلەردىڭ اۋىل - قىستاقتى گۇلدەندىرۋىن ۇزدىكسىز ىلگەرىلەتۋ كەرەك. استىق حاۋىپسىزدىگىنىڭ ىرىقتىلىق ۇقىعىن مىقتاپ يگەرىپ، استىق حاۋىپسىزدىگىنىڭ ساياسي جاۋاپكەرشىلىگىن ارقالاپ، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قاتاڭ ساقتاپ، جوعارى ولشەمدى ەگىس اتىزىن قۇرىپ، اۋىل شارۋاشىلىعى عىلىم - تەحنيكاسىندا ءوزىن ەڭسەلەندىرۋگە، ءوزىن الۋەتتەندىرۋگە تاباندى بولىپ، اۋىل شارۋاشىلىعىنىڭ شەشۋشى وزەكتى تەحنيكالارىنان قامال الۋدى جەدەل ىلگەرىلەتىپ، شارۋالاردىڭ استىق ەگۋ بەلسەندىلىگىن جۇمىلدىرىپ، استىق ەگەتىن شارۋالارعا بەرىلەتىن قوسىمشا قاراجاتتى ورنىقتىرۋ جانە كۇشەيتۋ كەرەك. اۋىل - قىستاقتى گۇلدەندىرۋدىڭ تياناقتانىپ، ءونىم بەرۋىن جاپپاي ىلگەرىلەتىپ، اۋىل - قىستاق كاسىپ سالاسىن جەدەل دامىتىپ، سوتسياليستىك رۋحاني وركەنيەت قۇرىلىسىن كۇشەيتىپ، اۋىل - قىستاق ەكولوگيالىق وركەنيەت قۇرىلىسىن كۇشەيتىپ، اۋىل - قىستاق رەفورماسىن تەرەڭدەتىپ، اۋىل - قىستاق قۇرىلىسى ارەكەتىن اتقارىپ، قالا مەن اۋىلدىڭ توعىسا دامۋىن ىلگەرىلەتۋدە ناقتى ونىمدىلىككە قول جەتكىزىپ، اۋىل - قىستاقتى جونگە سالۋدى كۇشەيتۋ جانە جاقسارتۋ كەرەك.
كەلەر جىل ”14 - بەسجىلدىق“ جوبانى اتقارۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ العاشقى جىلى، سونداي - اق پارتيامىز قۇرىلعاندىعىنىڭ 100 جىلدىعى. بارلىق قىزمەتتى جاقسى باستاما باستاۋ، جاقسى قادام تاستاۋ توڭىرەگىندە ورىستەتۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەتپەن سەلبەسىپ، ءورىس اشا العا باسىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ ءۇشىن تىنباي كۇرەسەيىك.
(شينحۋا اگەنتتىگىنىڭ 12 - ايدىڭ 29 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
