بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

اناعۇرلىم كۇشتى ارىنمەن رەفورمانى تەرەڭدەتىپ، ەسىكتى ايقارا اشايىق

− ءتوراعا شي جينپيڭنىڭ 2021 - جىلعى جاڭا جىلدى قۇتتىقتاۋ ءسوزى تۋرالى تولعانىس ③

□ حالىق گازەتىنىڭ شولۋشىسى

2021.01.05 15:23     كەلۋ قاينارى : شينجياڭ گازەتى

  ”رەفورما جاساۋ، ەسىك اشۋ دامۋ كەرەمەتتەرىن جارىققا شىعاردى، الداعى ۋاقىتتا اناعۇرلىم كۇشتى ارىنمەن رەفورمانى تەرەڭدەتىپ، ەسىكتى ايقارا اشىپ، اناعۇرلىم كوپ ’كوكتەم حيكايالارىن‘ جازۋىمىز كەرەك“. ءتوراعا شي جينپيڭنىڭ اقىل - پاراسات پەن كۇش - قۋاتقا تولى ايبىندى ءسوزى سەنىمدى جانە اسقاق سەزىمدى ايگىلەپ، ءبىزدى جاڭا داۋىردەگى رەفورما جاساۋ، ەسىك اشۋ تۋىن بيىك ۇستاپ، العان بەتتەن قايتپايتىن كۇرەسكەرلىك بەينەمەن، بوران - شاشىننان بوگەلمەيتىن رۋحاني كۇيمەن رەفورما جاساۋ، ەسىك اشۋدى ۇزدىكسىز تەرەڭدەتە تۇسۋگە جىگەرلەندىردى.

  2020 - جىلى قىم - قۋىت، كۇردەلى حالىقارالىق، ەل ءىشى جاعدايىندا شي جينپيڭ جولداستى ۇيتقى ەتكەن پارتيا ورتالىق كوميتەتى رەفورما جاساۋ، ەسىك اشۋدى ۇزدىكسىز تاباندىلىقپەن ىلگەرىلەتتى، ورتالىق رەفورمانى جاپپاي تەرەڭدەتۋ كوميتەتى ورنالاستىرعان 50 ءتۇيىندى رەفورما مىندەتى مەن باسقا 75 رەفورما مىندەتى نەگىزىنەن ورىندالدى، ورتالىق پەن مەملەكەت ورگاندارىنىڭ قاتىستى تاراۋلارى 143 رەفورما مىندەتىن ورىنداپ، ءار جاق 268 رەفورما جوباسىن شىعاردى. وسى ءبىر جىلدا ءبىز شىنجىن قاتارلى ەكونوميكالىق ەرەكشە رايوندار قۇرىلعاندىعىنىڭ 40 جىلدىعىن، شاڭحاي پۋدۇڭدى يگەرۋ، اشۋدىڭ 30 جىلدىعىن سالتاناتپەن قارسى الدىق، رەفورمانى توقتاۋسىز ىلگەرىلەتتىك، ەسىك اشۋدى ۇزدىكسىز جەبەدىك. نانحاي تەڭىزىنىڭ جاعاسىندا كوكتەم تولقىنى كوتەرىلدى، شىنجىن − رەفورما جاساپ، ەسىك اشقاننان كەيىن پارتيا مەن حالىق ءوز قولىمەن قۇرىپ شىققان شىت جاڭا قالا، جۇڭگوشا سوتسياليزمنىڭ تىڭنان تۇسىرىلگەن تارتىمدى كارتيناسى؛ حۋاڭپۋجياڭ وزەنىنىڭ كوركەم جاعاسىندا پۋدۇڭ وتكەندەگى اۋىل شارۋاشىلىعىن نەگىز ەتكەن وڭىردەن يقۋاتتار شوعىرلانعان، فاكتورلار تولىق، قۇرىلعىلارى وزىق وسىزاماندانعان جاڭا قالاعا اينالدى. ءتوراعا شي جينپيڭ جاڭا جىلدى قۇتتىقتاۋ سوزىندە ”الدىمەن جۇرگىزىپ، الدىمەن سىناق ەتۋ ۇلگى كورسەتىپ جەتەكشىلىك ەتۋگە اينالدى، جاڭالىق اشۋ جونىندە ىزدەنىس جاساۋ جاڭالىق اشۋ ارقىلى جەتەكشىلىك ەتۋگە اينالدى“ دەپ تەرەڭ سۇيىسپەنشىلىكپەن القاپ، رەفورما جاساۋ، ەسىك اشۋدىڭ جاراتقان دامۋ كەرەمەتتەرىن تەبىرەنىسپەن تىلگە الدى.

  پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋ جونىندە كەلەلى ورنالاستىرۋ جاسادى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇرىن بولماعان بەكىم جانە سەرپىن ارقىلى يدەيالىق كوزقاراستاعى بۇعاۋلاردى تالقانداپ، مۇددەنىڭ قاساڭدانۋىنىڭ قۇرساۋىن بۇزىپ، ءار جاقتاعى تۇزىلىستىك، مەحانيزمدىك كىناراتتاردى باتىل جويىپ، سىرتقى ورتاداعى وزگەرىستەر اكەلگەن حاۋىپ - قاتەرلەر مەن سىن - سايىستارعا بەلسەنە توتەپ بەرىپ، ارىنى كۇشتى، ايبىنى اسقاق رەفورما ءۇردىسىن باستادى. 7 جىلدان استام ۋاقىتتان بەرى ءار جاقتا جالپى 2485 رەفورما جوباسىن شىعاردى، رەفورما نىسانالارى مەن مىندەتتەرى، جالپى العاندا، ۋاعىندا ورىندالدى، ءار سالاداعى نەگىزدىك ءتۇزىم جۇلگەسى نەگىزىنەن ورنادى، كوپتەگەن سالاداعى تاريحي وزگەرىستەر، جۇيەلىك قايتا سومداۋلار، جالپى تۇلعالىق قايتا قۇرۋلار جۇزەگە اسىرىلدى. وسى جىلدارداعى رەفورما قىزمەتتەرىن ەسكە الار بولساق، پارتيامىز العا قويعان ءبىر قىدىرۋ جاسامپاز نازاريالار، قولدانعان ءبىر قىدىرۋ كەلەلى شارالار، قول جەتكىزگەن ءبىر قىدىرۋ كەلەلى تىڭ ناتيجەلەردىڭ بارلىعى توڭكەرىستىك سيپات الادى، رەفورما جاساۋ، ەسىك اشۋ ارقىلى پارتيا مەن مەملەكەتتىڭ ءتۇرلى ىستەرىنىڭ تاريحي جەتىستىكتەرگە قول جەتكىزۋىن، تاريحي وزگەرىس تۋىلۋىن ىلگەرىلەتۋدىڭ جاڭا جاعدايىن اشتى. اماليات مۇنىڭ يدەيالىق، نازاريالىق تەرەڭ وزگەرىس، رەفورمانى ۇيىمداستىرۋ تاسىلىندەگى تەرەڭ وزگەرىس عانا ەمەس، سونداي - اق مەملەكەتتىڭ ءتۇزىمى مەن جونگە سالۋ جۇيەسىندەگى تەرەڭ وزگەرىس، حالىق جاپپاي ات سالىسقان تەرەڭ وزگەرىس ەكەنىن تەرەڭ ءتۇسىندىردى. اماليات رەفورما جاساۋ، ەسىك اشۋدىڭ جۇڭگوشا سوتسياليزمگە تاباندى بولۋ مەن ونى دامىتۋدا، ءسوز جوق، باسىپ وتۋگە ءتيىستى جول ەكەنىن ءارى ”قوس 100 جىلدىق“ كۇرەس نىساناسىنىڭ جۇزەگە اسۋىن، جۇڭحۋا ۇلتىنىڭ ۇلى گۇلدەنۋىنىڭ جۇزەگە اسۋىن بەلگىلەيتىن شەشۋشى شارا ەكەنىن تولىق دالەلدەدى.

  ”14 - بەسجىلدىق“ مەزگىلىندە ەلىمىز جاڭا دامۋ ساتىسىنا وتەدى، ەل ءىشى - سىرتى ورتاسىندا تەرەڭ كۇردەلى وزگەرىستەر تۋىلۋدا. ورتا قانشا كۇردەلى بولعان سايىن، سولعۇرلىم ءتىپتى دە تاباندى سەنىم، ءتىپتى دە پارمەندى شارا ارقىلى رەفورما جاساۋدى، ەسىك اشۋدى ۇزدىكسىز تەرەڭدەتۋ كەرەك. ءبىز ءبىرتالاي ماشاقاتتى تۇيىندەردى شەشتىك، دەسەدە شەشۋگە ءتيىستى ماشاقاتتى تۇيىندەر ءالى دە كوپ، ءبىرتالاي قيىن وتكەلدەردەن قامال الدىق، دەسەدە الۋعا ءتيىستى ءالى كوپتەگەن قامالدار بار. رەفورما تاعى ءبىر جاڭا تاريحي كەزەڭگە كەلدى، ءبىز رەفورما جاساۋ سەنىمىمىزدى بەكەمدەپ، رەفورما بىرىككەن كۇشىن ۇيىستىرىپ، كۇش ۇستىنە كۇش قوسىپ، قايراتتانا ىلگەرىلەپ، جاڭا دامۋ ساتىسىنداعى رەفورمادا اناعۇرلىم زور ناتيجەلەردىڭ بولۋىن ىلگەرىلەتۋىمىز، اناعۇرلىم زور ىسكەرلىك تانىتۋىمىز كەرەك. دۇنيە ءجۇزى ەكونوميكاسى قىرۋار كۇردەلى سىن - سايىستارعا ءدوپ كەلىپ وتىر، قارسى جەل مەن كەرى تولقىنعا استە بوگەلمەي، تاريحتىڭ دۇرىس جاعىندا تۇرىپ، سىرتقا ەسىك اشۋدى تاباندىلىقپەن كەڭەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىمىز، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك. جاڭا دامۋ كەزەڭىن ارقاۋ ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، داۋىرمەن بىرگە ىلگەرىلەپ، رەفورمانى جاپپاي تەرەڭدەتىپ، قايسارلىقپەن ءورىس اشىپ، ەسىكتى جاپپاي ايقارا اشساق، ءسوز جوق، داعدارىس بارىسىندا وراي جەتىلدىرىپ، وزگەرىس بارىسىندا جاڭا جاعداي اشىپ، تولقىن جارا ىلگەرىلەپ، ەرلىكپەن العا باسا الامىز.

  ”ءور اسۋدى دەمە بەينە قۇرىش قامال سوعىلعان، بۇگىن ارشىن ادىممەنەن قايتا اتتايمىز باسىنان“. جاڭا داۋىردەگى جاڭا ۇلى ساپار باستالدى، جاڭا داۋىردەگى رەفورما جاساۋ، ەسىك اشۋ جەلكەن جايىپ، تاعى ساپارعا اتتاندى، ”ۇمتىلۋ“ رۋحىن، ”قۇرۋ“ سەرپىنىن، ”ىستەۋ“ ستيلىن ماڭگى ساقتاساق، ءسوز جوق، اناعۇرلىم كوپ ”كوكتەم حيكايالارىن“ جالعاستىرىپ جازىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا دۇنيە ءجۇزىن جالت قاراتقان جاڭا دا اناعۇرلىم زور كەرەمەتتەردى جاراتا الامىز.

  (1 - ايدىڭ 3 - كۇنگى «حالىق گازەتىندە» باسىلعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار