چاڭجياڭ ەكونوميكالىق بەلدەۋىنىڭ ساپالى دامۋعا قادام تاستاۋىن كۇش سالا ىلگەرىلەتەيىك
− چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى اڭگىمە ءماجىلىسىنىڭ اشىلعانىنا 5 جىل تولۋ بايلانىسىمەن
«حالىق گازەتىنىڭ» شولۋشىسى
2021.01.05 16:41 كەلۋ قاينارى : حالىق تورابى
چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ كەلەلى شەشىمى، مەملەكەتتىڭ دامۋ جالپى جاعدايىنا ساياتىن كەلەلى ستراتەگيا.
2016 – جىلى 1- ايدىڭ 5 - كۇنى باس شۋجي شي جينپيڭ چۇڭچيڭدە چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ اڭگىمە ءماجىلىسىن اشىپ، ماڭىزدى ءسوز سويلەپ، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدىڭ كەلەلى ستراتەگيالىق يدەياسىن جان - جاقتى تەرەڭ پايىمداپ، چاڭجياڭ ەكونوميكالىق بەلدەۋىن دامىتۋدىڭ ۇلى جوباسىن جاسادى. 5 جىلدان بەرى باس شۋجي شي جينپيڭ چاڭجياڭ ەكونوميكالىق بەلدەۋىنىڭ دامۋىنا باستان - اياق كوڭىل ءبولىپ، ءوزى جوبالاپ، ءوزى ورنالاستىرىپ، ءوزى ىلگەرىلەتىپ، چاڭجياڭ وزەنى بويىندا تالاي رەت قىزمەت تەكسەرىپ، چاڭجياڭ ەكونوميكالىق بەلدەۋىنىڭ دامۋىنا تالاي رەت ماڭىزدى نۇسقاۋ بەرىپ، بەكىتۋ جازىپ، كوپ رەت ءماجىلىستى باسقارىپ اشتى ءارى ماڭىزدى ءسوز سويلەدى، ول تاريح جانە جالپى جاعداي تۇرعىسىنان جۇڭحۋا ۇلتىنىڭ ۇزاق بولاشاقتىق مۇددەسىن شىعار ءتۇيىن ەتىپ، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ ءۇشىن جاعدايعا تۇجىرىم جاساپ، باعدار نۇسقادى.
5 جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وزەن بويىنداعى ولكە، قالالار ەكولوگيالىق ورتانى رەتتەۋ - جونگە سالۋدى ىلگەرىلەتىپ، ەكونوميكالىق، قوعامدىق دامۋدا جاپپاي جاسىل ءتۇستى بولۋعا بۇرىلىس جاساۋدى جەبەدى، مۇنىڭ سەرپىنى زور، كولەمى كەڭ، ىقپالى تەرەڭ بولدى. 8 ءىرى ارناۋلى ارەكەتتى تىڭعىلىقتى ىلگەرىلەتىپ، 2020 - جىلى تۇتاس اعاردا سۋ ساپاسىنىڭ 5 تۇردەگى قيما بەتىنىڭ ناشار بولۋىن تۇڭعىش رەت جويۋدى جۇزەگە اسىرۋدان ارحيۆ تۇرعىزىپ، كارتوچكا بەرۋ ىستەرىن دالمە – ءدال ورىنداپ، بالىقشىلىق كەمەلەرى مەن بالىقشىلاردىڭ جاي - جاپسارىن انىقتاپ، چاڭجياڭ وزەنىندە «بالىق اۋلاۋعا 10 جىل تيىم سالۋدى» اتقارۋعا بەرىك نەگىز قالاۋعا دەيىن؛ ونان اۋىر مۇناي – حيميا ونەركاسىبى وزەندى لاستاۋ سىندى قيىن ماسەلەنى شەشۋدى تەزدەتىپ، چاڭجياڭ وزەنى جاسىل ەكولوگيالىق ءدالىزىن كۇش سالا قۇرۋعا دەيىن، چاڭجياڭ ەكونوميكالىق بەلدەۋىنىڭ ەكولوگيالىق ورتاسىن قورعاۋدا بۇرىلىس سيپاتتى وزگەرىس تۋىلىپ، ەكونوميكالىق، قوعامدىق دامۋدا تاريحي تابىستارعا قول جەتىپ، حالىقتىڭ تۇرمىس دەڭگەيى كورنەكتى جوعارىلاپ، دامۋ بارىسىندا قورعاۋ قورعاۋ، قورعاۋ بارىسىندا دامۋ ىسكە اسىرىلدى.
ۇلى ستراتەگيا كەلەلى جاۋاپكەرلىك ارقالاۋعا ۇندەيدى، جاڭا باستاما جاڭا بيىكتى كوزدەيدى. بىلتىر 11 - ايدىڭ ورتا شەنىندە اشىلعان چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ جونىندەگى اڭگىمە ماجىلىسىندە باس شۋجي شي جينپيڭ چاڭجياڭ ەكونوميكالىق بەلدەۋى جونىنەن ەكولوگيانى الدىمەن ەسكەرۋدىڭ، جاسىل دامۋدىڭ جاڭا داستانىن جازىپ، وڭىرلىك سايكەستى دامۋدىڭ جاڭا ۇلگىسىن قالىپتاستىرىپ، جوعارى دەڭگەيلى سىرتقا ەسىك اشۋدىڭ جاڭا بيىگىن قالىپتاستىرىپ، جاڭالىق اشۋ ارقىلى دامۋعا دەم بەرۋدىڭ جاڭا ابزالدىعىن سومداپ، تاۋ، وزەن، قالا جاراسىمدىلىعىنىڭ جاڭا كارتيناسىن سالدى، بۇل ەلىمىز ەكولوگياسىنداعى الدىمەن ويلاستىراتىن جاسىل دامۋدىڭ نەگىزگى شايقاس مايدانىنا، ەل ءىشى مەن حالىقارالىق قوس اينالىمنىڭ نەگىزگى تامىرىن ىركىلىسسىزدەندىرىپ، ەكونوميكانىڭ ساپالى دامۋىنا جەتەكشىلىك ەتۋدەگى جاڭا تاريحي بورىشقا اينالدى. بورىشتى ادا ەتىپ، ماڭىزدى تاپسىرمانى ورىنداۋ ءۇشىن، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، چاڭجياڭ ەكونوميكالىق بەلدەۋىنىڭ دامۋىنا تۇساۋ بولاتىن قولامتالى، قيىن، باس قاتىرارلىق ماسەلەلەردى ۇزدىكسىز شەشىپ، «ەڭبەك ماعان جازىلماسا دا بولادى» دەيتىن رۋحاني ورەمەن جانە «ەڭبەك سىڭىرۋگە، مەن، ءسوز جوق، قاتىناسۋعا ءتيىستىمىن» دەيتىن تاريحي جاۋاپكەرلىكپەن تاريحي سابىرلىلىقتى جانە ستراتەگيالىق تۇراقتىلىقتى ساقتاپ، جوبانى سوڭىنا دەيىن جاساپ، ءبىر - بىرلەپ ىستەپ، وزەن سۋىنىڭ ۇرپاقتان - ۇرپاققا تازا كۇيىندە جەتۋىنە، حالىقتىڭ وزەننىڭ يگىلىگىن كورۋىنە كەپىلدىك ەتۋ كەرەك.
«14 - بەس جىلدىق» كەزىندە ەلىمىز جاڭا دامۋ ساتىسىنا قادام تاستادى، جاڭا دامۋ تانىمىن امالياتتا ايگىلەپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋدە چاڭجياڭ ەكونوميكالىق بەلدەۋىنىڭ مىندەتى اۋىر، بولاشاعى زور. قايتكەندە جان - جاقتى جونگە سالۋدىڭ جۇيەلىلىگى مەن تۇتاس تۇلعالىعىن كۇشەيتىپ، چاڭجياڭنىڭ ەكولوگيالىق ورتا جۇيەسىن قورعاۋدى، قالپىنا كەلتىرۋدى ىشكەرىلەي ىلگەرىلەتۋگە بولادى؟ قايتكەندە جوعارى، ورتا، تومەنگى اعاردىڭ سايكەسە، ىقپالداسا دامۋىن ىلگەرىلەتىپ، وڭىرلىك سايكەستى دامۋدىڭ «ءبىر تۇتاس جۇيەسى» سىندى كەلەلى ءىستى ويداعىداي ىستەۋگە بولادى؟ چاڭجياڭ ەكونوميكالىق بەلدەۋىنىڭ دامۋى مەن «ءبىر بەلدەۋ، ءبىر جولدى» بىرگە قۇرۋدىڭ توعىسۋىن قايتكەندە ىلگەرىلەتىپ، سىرتقا ەسىك اشۋ دەڭگەيىن جوعارىلاتۋعا بولادى؟ قايتكەندە كاسىپ نەگىزىنىڭ دەڭگەيىن جوعارىلاتىپ، كاسىپ تىزبەگىن وسىزامانداندىرۋدى ارقاۋ ەتىپ، سايكەسە ارەكەتتەنەتىن جالپى تۇلعالىق ابزالدىقتى ساۋلەلەندىرىپ، جاڭالىق اشۋ ارقىلى دامۋعا دەم بەرۋدىڭ جاڭا ابزالدىعىن جاپپاي تۇلعالاۋعا بولادى؟ وسى تاقىرىپتارعا ويداعىداي جاۋاپ بەرىپ، چاڭجياڭ ەكونوميكالىق بەلدەۋىنىڭ جاڭا، اناعۇرلىم زور دامۋىن جۇزەگە اسىرۋدى ىلگەرىلەتۋدە ءىس جۇزىندىك جاعدايمەن ۇشتاستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىم، ورنالاستىرۋلارىن ناقتى تياناقتاندىرىپ، جاڭا دامۋ ۇستانىمىن دامۋدىڭ تۇتاس بارىسىنا جانە ءار سالاسىنا ءسىڭىرىپ، ەكولوگيانى الدىمەن ەسكەرەتىن، جاسىل داميتىن جاڭا جولمەن ءجۇرىپ، ساپالى دامۋدى ىلگەرىلەتۋدە جاقسى ۇلگى بولىپ، جاڭا دامۋ جاعدايىن جەدەل ورناتۋعا اناعۇرلىم زور ۇلەس قوسۋ كەرەك.
چاڭجياڭ وزەنى ــ جۇڭحۋا ۇلتىنىڭ انا وزەنى، سونداي - اق جۇڭحۋا ۇلتىنىڭ دامۋىنداعى ماڭىزدى تىرەك. چاڭجياڭ ەكونوميكالىق بەلدەۋىنىڭ ساپالى دامۋىن ىلگەرىلەتىپ، كەيىنگىلەرگە يگىلىك جەتكىزەتىن ەكولوگيالىق چاڭجياڭ وزەنىن بىرگە قورعاپ، جاڭا قوزعاۋشى كۇش توپتاعان، ەكونوميكا كوزىنە اينالعان چاڭجياڭ وزەنىن قالىپتاستىرىپ، تامىرى تەرەڭ مادەنيەت استارى بار چاڭجياڭ وزەنىن قۇرىپ، بويىنداعى حالىق باي – باقىتتى تۇرمىس كەشىرەتىن چاڭجياڭ وزەنىن قالىپتاستىرىپ، «حالىق چاڭجياڭ وزەنىن قورعايتىن، چاڭجياڭ وزەنى حالىققا باقىت جاراتاتىن» تاماشا اينالىمدى جۇزەگە اسىرساق، ءبىز، ءسوز جوق، «وزەن تۇنىق قالپىندا شىعىسقا قاراي جوڭكىلەتىن» جەڭىس كورىنىسىن ەرتەرەك قايتا ايگىلەپ، جۇڭحۋا ۇلتىنىڭ انا وزەنىنىڭ ومىرشەڭدىك قۋاتىن ماڭگى ساقتاي الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
