بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

اقيقات جولى كوپكە ورتاق، الەم اياسى ءبىر شاڭىراق

− ءتوراعا شي جينپيڭنىڭ 2021 - جىلعى جاڭا جىلدى قۇتتىقتاۋ ءسوزى تۋرالى تولعانىس ④

□ حالىق گازەتىنىڭ شولۋشىسى

2021.01.06 16:17     كەلۋ قاينارى : شينجياڭ گازەتى

  ”اقيقات جولى كوپكە ورتاق، الەم اياسى ءبىر شاڭىراق. ءبىر جىلدان بەرگى بوران - شاشىندى باستان وتكەرىپ، ءبىز ادامزات تاعدىرلاس ورتاق تۇلعاسىنىڭ ءمانىن ءارقانداي مەزگىلدەگىدەن دە اناعۇرلىم شىنايى سەزىندىك“. 2021 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ وتكەن ءبىر جىلداعى ىندەتتەن ساقتانۋ - تىزگىندەۋدى ىلگەرىلەتكەن حالىقارالىق سەلبەستىكتىڭ ەرەكشە بارىسىنا قايىرىلا قاراپ، ىندەتتەن ساقتانۋ - تىزگىندەۋدىڭ مىندەتى اۋىر، جولى الىس ەكەندىگىن اتاپ كورسەتىپ، دۇنيە جۇزىندەگى ءار ەل حالىقتارى قول ۇستاسىپ، قيىن - قىستاۋ جاعدايدا تىزە قوسىپ، ىندەتتىڭ تۇمانىن ەرتەرەك سەيىلتىپ، اناعۇرلىم كوركەم جەر شارىنداي مەكەندى قۇلشىنا قۇرىپ شىعۋى كەرەك دەپ دارىپتەدى. جۇڭگو سەنىمى، جۇڭگو جوباسى، جۇڭگو قۋاتى الەمدىك ىندەتكە قارسى اتتانۋدىڭ اقىرعى جەڭىسىنە جەتۋگە جانە دۇنيە ءجۇزى ەكونوميكاسىنىڭ قايتا جاندانۋىن ىلگەرىلەتۋگە قۋاتتى وڭ ەنەرگيا ۇستەدى.

  2020 - جىلى جۇڭگو حالقى جونىنەن ايتقاندا، ايرىقشا وزگەشە ءبىر جىل بولدى، دۇنيە جۇزىندەگى ءار ەل حالىقتارى ءۇشىن دە توتەنشە ءبىر جىل بولدى. ادامزات ءبىر رەتكى جان تۇرشىگەرلىك حاۋىپ - قاتەر مەن سىن - سايىستى باسىنان وتكىزدى، قارا بۇلت اسپاندى قاپتاپ، قاتتى داۋىل قۇتىرىنا سوققان شاق بولدى، بۇلت سەيىلىپ، كۇن شىعىپ، كورىكتى كەمپىر قوساق شىعاتىن شاق تا بولدى. جۇڭگونىڭ ىندەتكە قارسى اتتانۋىنىڭ اسا ماشاقاتتى كەزىندە حالىقارالىق قوعامنىڭ كوپتەگەن مۇشەلەرى بىزگە شىنايى كومەك بەرىپ جانە قولداۋ كورسەتىپ، ”ۋحان، قايراتتان“، ”جۇڭگو، قايراتتان“ دەگەن ۇندەر تۇس - تۇستان جەتتى؛ ءبىز ءوزىمىزدىڭ ىندەتتەن ساقتانۋ - تىزگىندەۋىمىز وراسان زور قىسىمعا ءدوپ كەلگەن جاعدايدا دا جاڭا جۇڭگو قۇرىلعاننان بەرگى كومەكتەسكەن ۋاقىتى ەڭ ۇزاق، قامتىعان كولەمى ەڭ كەڭ گۋمانتيارلىق شۇعىل ارەكەتتى باستاپ، الەمدىك ىندەتكە قارسى اتتانۋعا اقىل - پاراسات جانە كۇش - قۋات قوستىق. ءتوراعا شي جينپيڭ جاڭا جىلدى قۇتتىقتاۋ سوزىندە بىلاي دەپ اتاپ كورسەتتى: ”مەن حالىقاراداعى جاڭا، كونە دوستارمەن تالاي رەت تەلەفوندا سويلەسىپ، تالاي رەت ’بۇلت ماجىلىستەرگە‘ قاتىناستىم، سوندا ەڭ كوپ تىلگە العانىم ءبىر جاعادان باس، ءبىر جەڭنەن قول شىعارۋ، ىنتىماقتاسىپ ىندەتكە قارسى اتتانۋ بولدى“. الەمدىك ىندەتكە قارسى اتتانۋدىڭ بارىسى ادامزاتتىڭ تاعدىرلاس ورتاق تۇلعاسى بەينەت پەن زەينەتتى بىرگە وتكەرەتىندىگىن، ءار ەلدىڭ مۇددەسى تىعىز بايلانىسقاندىعىن، دۇنيە ءجۇزىنىڭ بولىنبەس تاعدىرلاس ورتاق تۇلعا ەكەندىگىن تاعى ءبىر رەت ءتۇسىندىردى. ءبىز حالىقتىڭ قۇت - ىرىسىن ويلاپ، ادامزاتتىڭ تاعدىرلاس ورتاق تۇلعاسى ۇستانىمىن بەرىك ۇستانىپ، ءىس جۇزىندىك ارەكەتىمىز ارقىلى تاماشا دۇنيە ءجۇزىن قۇرىپ شىعۋعا ءتيىستى ۇلەسىمىزدى قوسۋىمىز كەرەك.

  قازىر عاسىرلىق ىندەت پەن 100 جىلدىق وزگەرىس توعىسىپ، حالىقارالىق جاعدايدا تەرەڭ وزگەرىستەر تۋىلىپ، دۇنيە ءجۇزى اۋمالى - توكپەلى وزگەرىس مەزگىلىنە ءوتتى. حالىقارالىق قوعام كوپ جاقتىلىق پەن سىڭار جاقتىلىقتىڭ، ەسىك اشۋ مەن توماعا - تۇيىق قالۋدىڭ، سەلبەسۋ مەن قارسىلاسۋدىڭ ەلەۋلى سىناعىن باستان كەشىرۋدە. ”دۇنيە جۇزىنە نە بولدى، ءبىز قايتۋىمىز كەرەك“ دەگەن ءسوز داۋىرلىك ساۋالعا اينالدى. ءبىر قىدىرۋ حاۋىپ - قاتەر مەن سىن - سايىسقا ءدوپ كەلسە دە، ىندەتتىڭ ىقپالىنا ۇشىراسا دا جۇڭگونىڭ ەسىك اشۋدى كەڭەيتۋ قادامى ءالى دە جەدەلدەي تۇسۋدە. حاينان ەركىن ساۋدا پورتى قۇرىلىسىنىڭ جالپى تۇلعالىق جوباسىن، شىنجىننىڭ ەسىك اشۋدى، رەفورما جاساۋدى ىشكەرىلەي كەڭەيتۋى جونىندەگى اتقارۋ جوباسىن جاريالاۋدان 3 - كەزەكتى جۇڭگو حالىقارالىق يمپورت كورمەسىن ءساتتى وتكىزۋگە دەيىن، وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنە رەسمي قول قويۋدان جۇڭگو - ەۆروپا قارجى قوسۋ كەلىسىمى كەلىسسوزىن ۋاعىندا ورىنداۋعا دەيىن، جۇڭگو باستان - اياق ادامزاتتىڭ تاعدىرلاس ورتاق تۇلعاسى ۇستانىمىن بەرىك ۇستانىپ، سىڭار جاقتىلىق، قورعامپازدىق، زورەكەرلىك كەرى اعىسىنا توتەپ بەرىپ، بەيبىتشىلىك پەن دامۋدى جەبەۋگە بەلسەندى ۇلەستەر قوستى. ءتوراعا شي جينپيڭ باسا دارىپتەگەندەي، ”جۇڭگونىڭ بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىردى“. ءبىز ءار ەلدىڭ ەسىك اشۋعا بەت الۋ، سەلبەستىككە بەت الۋ اۋقىمى وزگەرمەگەندىگىنە سەنەمىز. مەيلى قانداي حاۋىپ - قاتەرگە، قانداي اپاتقا، قانداي كەرى اعىسقا ۇشىراسا دا ادامزات قوعامى قاشاندا العا ىلگەرىلەيدى، ونىڭ ۇستىنە، ءسوز جوق، ۇزدىكسىز العا ىلگەرىلەي بەرەدى.

  جۋىردا پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جۇڭگونىڭ كەلەشەك دامۋىن جوبالاپ، جاپپاي دوڭگەلەك داۋلەتتى قوعام ورناتۋ كۇرەس نىساناسىن ۋاعىندا جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن قولايلى جاعدايدان ۇتىمدى پايدالانا وتىرىپ باستاۋدى العا قويدى، ءبىز جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن بەلسەندىلىكپەن قالىپتاستىرامىز. ءبىزدىڭ جاڭا دامۋ ارناسىن قالىپتاستىرۋىمىز استە توماعا - تۇيىق ەل ىشىندەگى سىڭار اينالىم ەمەس، قايتا اشىق، ءبىرىن - ءبىرى جەبەيتىن ەل ءىشى، حالىقارا قوس اينالىمى. جۇڭگو سىرتقا ەسىك اشۋدى مىزعىماستان كەڭەيتىپ، ەل ءىشى، حالىقارالىق ەكونوميكانىڭ قوسىلا ارەكەت ەتۋ اسەرىن كۇشەيتىپ، ءوزىنىڭ قايتا قالپىنا كەلۋى ارقىلى دۇنيە ءجۇزىنىڭ بىرگە قايتا قالپىنا كەلۋىن جەبەيدى، دۇنيە جۇزىندەگى ءار ەل ونان يگىلىككە كەنەلەدى. كەلەشەكتى بەتكە العاندا، جۇڭگو باستان - اياق تاريحتىڭ دۇرىس جاعىندا تۇرىپ، ەسىك اشۋدى مىزعىماستان جالپى بەتتىك كەڭەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتىپ، دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، دۇنيە ءجۇزىنىڭ بەيبىتشىلىگى مەن دامۋى ءۇشىن قاجىماي - تالماي قۇلشىنادى.

  ”قالعانمەن ءبىر قايىق قايرانداپ، سان كەمە كوتەرەر جەلكەنىن. قۋراعان اعاشتان ءدۇر قاۋلاپ، سان بۇتاق جايادى وركەنىن“. ادامزات ءبىر ەرەكشە تاريحي مەزگىلدە تۇر، ءبىز بارلىعىمىز ءبىر كەمەدەمىز. داۋىل قاتتى، تولقىن اساۋ كەزدە بەتالىستى ءداپ باسىپ تاۋىپ، ريتىمدى جاقسى يگەرىپ، ىنتىماقتاسا سەلبەسسەك بولعانى، سوڭعى ىندەت داۋىرىندەگى دۇنيە ءجۇزى، ءسوز جوق، سامۇرىقتاي قايتا تۇلەپ، شىت جاڭا ءومىردى قاۋلاتىپ، تولقىن جارا العا ىلگەرىلەپ، ورنىقتى قاداممەن الىسقا بەتتەيتىن بولادى!

  (1 - ايدىڭ 4 - كۇنگى «حالىق گازەتىندە باسىلعان»)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار