باس قولباسشىنىڭ قامقورلىعىن، ماڭىزدى تاپسىرىعىن ەستە بەرىك ساقتاپ، جاڭا باستامادا اسكەري ءبولىم قۇرىلىسىندا ۇزدىكسىز جاڭا جاعداي جاراتايىق
− ءتوراعا شي جينپيڭنىڭ كوكتەم مەرەكەسى قارساڭىندا اۋە ارمياسى اۆياتسيا اسكەرلەرى بەلگىلى ديۆيزياسىن كوزدەن كەشىرىپ، حال سۇراۋى بۇكىل ارميادا كۇشتى اڭىس قوزعادى
2021.02.08 16:15 كەلۋ قاينارى : حالىق تورابى
«بيىل − پارتيامىز قۇرىلعانىنىڭ 100 جىلدىعى، ‹14 – بەسجىلدىق› باستالعان جىل، بيىلعى قىزمەتتى ويداعىداي ىستەۋدىڭ ماڭىزى زور».
جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى كەلۋ قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋە ارمياسى اۆياتسيا اسكەرلەرى بەلگىلى ديۆيزياسىن كوزدەن كەشىرىپ، اسكەري بولىمدەگى كوماندير - جاۋىنگەرلەرگە امانداسىپ، ولاردان حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعى حالىق جاساقتارىنا شىن ىقىلاستى سالەم جانە كوكتەم مەرەكەسى بايلانىسىمەن تىلەك جولدادى، بۇل بۇكىل ارمياداعى اسكەري بولىمدەردە كۇشتى اڭىس قوزعادى.
بۇكىل ارمياداعى اسكەري بولىمدەر ارناۋلى ۇيرەنۋ، تالقىلاۋ، اۋىس - كۇيىس جاساۋ سياقتى فورمالارمەن ۇيرەنۋ، دايەكتىلەندىرۋ ورلەۋىن جەدەل كوتەردى. قالىڭ كوماندير - جاۋىنگەرلەر مىنانى ءبىلدىردى: باس قولباسشىنىڭ قامقورلىعىن، ماڭىزدى تاپسىرىعىن، ءسوز جوق، ەستە بەرىك ساقتاپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى يگەرىپ، اسكەر جاتتىقتىرۋدى، سوعىسقا دايىندالۋدى جاپپاي كۇشەيتىپ، ءتۇرلى قىزمەتتى تىڭعىلىقتى ىلگەرىلەتىپ، جاڭا باستامادا اسكەري ءبولىم قۇرىلىسىنىڭ جاڭا جاعدايىن ۇزدىكسىز اشىپ، پارتيا قۇرىلعانىنىڭ 100 جىلدىعىن ەرەن ناتيجەمەن قارسى الامىز.
اسكەري جاتتىعۋدى مىقتى يگەرىپ، جاتتىعۋ ورەسى مەن جەڭىسكە جەتۋ قابىلەتىن ۇزدىكسىز جوعارىلاتامىز
ءتوراعا شي جينپيڭ كوزدەن كەشىرگەندە بىلاي دەپ دارىپتەدى: ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۋە ارمياسى بولىمدەرىنىڭ ءىس جۇزىندىگىمەن بىرلەستىرىپ، ناقتى سوعىستىق اسكەري جاتتىعۋدى مىقتاپ يگەرىپ، جاتتىعۋدىڭ دەڭگەيىن جانە سوعىستا جەڭىپ شىعۋ قابىلەتىن ۇزدىكسىز جوعارىلاتۋ كەرەك.
ءتوراعا شي جينپيڭنىڭ ماڭىزدى ءسوزىن ناق مايداندا تىڭداعان اۋە ارمياسى اۆياتسيا اسكەرلەرى بەلگىلى ديۆيزياسىنىڭ باستىعى گو شۋبيڭ مەن بەلگىلى ۇشۋ ۇلكەن اترەتىنىڭ جاڭا ۇشقىشى حۋ زىلين ايرىقشا داڭق سەزىنىپ، ەرەكشە شابىت الدى. گو شۋبيڭ مىنانى ءبىلدىردى: ءتوراعا شي جينپيڭنىڭ تاپسىرماسىن ەستە بەرىك ساقتاپ، ينفورماتسيالىق سوعىس جۇرگىزۋ، بىرلەسىپ سوعىس جۇرگىزۋ، جالپى وڭىرلىك سوعىس جۇرگىزۋ قابىلەتىن ۇزدىكسىز كۇشەيتىپ، اسكەري ءبولىمنىڭ جاڭا ساپاداعى جاۋىنگەرلىك قۋاتىنىڭ قالىپتاسۋىن جەدەلدەتىپ، اسكەري ءبولىمدى پارتيا مەن حالىقتى الاڭسىز ەتەتىن ەرەكشە شايقاس اتويشىسى ەتىپ سومداۋعا قۇلشىنامىز. حۋ زىلين بىلاي دەدى: ءسوز جوق، جاۋىنگەرلىك قابىلەت پەن ۇشۋ ونەرىن شىڭداۋعا قۇلشىنىپ، ءارى جاقسى، ءارى تەز وزگەرتىپ قۇراستىرۋعا كۇش سالىپ، ەرتەرەك تولىمدى جاۋىنگەر بولامىز.
شىعىس سولتۇستىكتىڭ جونىنا ورنالاسقان سولتۇستىك بولەك سوعىس رايونى قۇرلىق ارمياسى بەلگىلى بريگاداسىنىڭ كوماندير - جاۋىنگەرلەرى سوعىس ورنىنا قاراي زىمىراپ، قاقاعان ايازدا ءتۇرلى ينفورماتسيا ساندى مالىمەتتەرىن جيناپ، ناقتى سوعىس جاتتىعۋىنا بەرىك نەگىز قالادى. باتاليون باستىعى ۋاڭ چيڭيۇي بىلاي دەدى: ءبىرىنشى شەپتەگى جاۋىنگەر رەتىندە ءتوراعا شي جينپيڭنىڭ تاپسىرىعىن ناقتى قىزمەت ورنىمەن باتىل توعىستىرىپ، جاۋىنگەرلىك قۋاتتى جوعارىلاتۋ جاعىندا تياناقتاندىرىپ، «قىزمەت ورنى − سوعىس جۇرگىزۋ ورنى، مىلتىق اتۋ − سوعىس باستاۋ» دەگەندە تاباندى بولىپ، ءپىشىنسىز سوعىس مايدانىنىڭ اتويشىلارى، وتكىر سەمسەرلەرى بولامىز.
«قازىرگى زامانعى سوعىستا ينفورماتسيا مەڭگەرۋ ۇقىعى − سوعىستىڭ جەڭىسىنە جەتۋدىڭ شەشۋشى تەتىگى». سوعىس دايىندىعى مىندەتىن ۇستىنە العان 80 - قۇراما ارميانىڭ بەلگىلى بريگاداسىنىڭ 1 - يىڭى تۇندە بارلىق قىزمەتكەر اراسىندا تولىق قۇراستىرۋ جاتتىعۋىن ورىستەتىپ، ينفورماتسيا سوعىسىنا تۇساۋ بولاتىن 6 جاقتاعى 17 كومەسكى ماسەلەنى قايتالاي شەشتى. 74 - قۇراما ارميانىڭ «قايسار 6 – روتاسى» تۇرعان لۇي، 80 - قۇراما ارميانىڭ بەلگىلى بريگاداسى، ستراتەگيالىق كومەك اسكەري ءبولىمىنىڭ بەلگىلى ءبولىمى، سولتۇستىك بولەك سوعىستىق رايونى تەڭىز ارمياسى بەلگىلى جويعىش كەمە تارماق اترەتى چيچيحار كەمە گرۋپپاسى قاتارلىلارداعى كوماندير – جاۋىنگەرلەر مىنانى ءبىلدىردى: ءسوز جوق، كاسىپتىك دارىندىلاردى جەدەل جەتىلدىرىپ، باعىتتامالى قارسىلاسۋ جاتتىعۋىن كۇشەيتىپ، جاڭا جاۋىنگەرلىك قۋاتتىڭ جەدەل جوعارىلاۋىن ىلگەرىلەتەمىز.
پاراشوتشى اسكەرلەر بەلگىلى لۇيى سوعىس ارتقى كورىنىس ەتىلگەن سوعىس دايىندىعىن جەبەۋ جاتتىعۋىن وتكىزىپ جاتتى، شىعىس بولەك سوعىستىق رايونى اۋە ارمياسى اۆياتسيا اسكەرلەرى بەلگىلى لۇيى كۇندىز - ءتۇنى ۇشۋ جاتتىعۋىن جۇرگىزۋدە، زىمىران ارمياسىنىڭ بەلگىلى پولكى تۇنگى جاتتىعۋ ساباعىن ارقاۋ ەتە وتىرىپ ارناۋلى شابۋىلعا وتۋدە... كوماندير - جاۋىنگەرلەر مىنانى ءبىلدىردى: ءتوراعا شي جينپيڭنىڭ بۇيرىعىنا باتىل قۇلاق اسىپ، جاتتىعۋ ستيلىن دۇرىستاپ، جاۋىنگەرلىك جىگەردى شىڭداپ، ونەرگە ىسىلىپ، سوعىسقا دايىندالىپ، كەز كەلگەن ۋاقىتتا سوعىس جۇرگىزە الۋعا كەپىلدىك ەتەمىز.
ىندەتتەن ساقتانۋ - تىزگىندەۋدى مىقتى يگەرىپ، جەرگىلىكتى ورىنداردىڭ ىندەتكە قارسى اتتانۋىنا كومەكتەسۋ دايىندىعىن جاقسى ىستەيمىز
«قازىر شەتەلدەگى ىندەت جاعدايى ءالى دە اۋىر، ەلىمىزدىڭ ىندەتتەن ساقتانۋ - تىزگىندەۋ قىزمەتى ءالى دە ماشاقاتتى، اسىرەسە، كوكتەم مەرەكەسى كەزىندە ادامداردىڭ جىلجۋى مەن باس قوسۋى كوبەيىپ، ىندەتتىڭ تارالۋ قاتەرى كۇشەيەدى». ءتوراعا شي جينپيڭ بىلاي دەپ اتاپ كورسەتتى: اسكەري بولىمدەردىڭ ىندەتتەن ساقتانۋ - تىزگىندەۋدى ۇدايىلاندىرۋىن تيتتەي دە بوساڭسىتپاي ويداعىداي يگەرىپ، جەرگىلىكتى ورىننىڭ ىندەتكە قارسى اتتانۋىنا كومەكتەسۋ دايىندىعىن جاقسى ىستەپ، ەلىمىزدىڭ ىندەتتەن ساقتانۋ - تىزگىندەۋىنىڭ تاماشا جاعدايىن بەكەمدەۋىمىز جانە دامىتۋىمىز كەرەك.
بىرنەشە كۇننەن بەرى بىرىككەن قامداۋ اسكەري ءبولىمىنىڭ 910 - شيپاحاناسى، جىڭجوۋ بىرلەسپە قامداۋ ورتالىعىنا قاراستى 984 - شيپاحانا اسكەرلەرگە، سوعىسقا قىزمەت وتەۋ جانە شيپاحانانىڭ وزىندىك قورعانۋى قىزمەتىن ويداعىداي ىستەۋمەن بىرگە، وزدەرىنىڭ ەمدەۋ تەحنيكالىق ابزالدىعىن ساۋلەلەندىرىپ، ىندەتتەن ساقتانۋ - تىزگىندەۋ بىلىمدەرىن ۇگىتتەپ، وزدەرى تۇرعان جەردەگى بۇقاراعا اۋرۋدان ساقتانۋعا جەتەكشىلىك ەتۋ، ورتانى زاراسىزداندىرۋ، ىندەتتى ۇلگى الىپ تەكسەرۋ سياقتى جاقتاردان بەلسەندىلىكپەن، ىرىقتىلىقپەن قىزمەت وتەدى. ارمياداعى قالىڭ ەمدەۋ قىزمەتكەرلەرى مىنانى ءبىلدىردى: مەملەكەتتىڭ ورنالاستىرۋى مەن اسكەري ىستەر كوميتەتىنىڭ شەشىمىنە ساي، ىندەتتەن ساقتانۋ - تىزگىندەۋ، ەمدەۋ، قۇتقارۋ سياقتى قىزمەتتەردى ويداعىداي ىستەپ، ءوزىمىز تۇرعان جەردەگى بۇقارانىڭ كوكتەم مەرەكەسىن اقاۋسىز، جاراسىمدى وتكىزۋىنە مۇمكىندىك جاسايمىز.
«جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ارميامىز پارتيانىڭ قولباسشىلىعىنا قۇلاق اسىپ، بۇيرىقتى الا سالا اتتانىسقا كەلىپ، ىندەتتەن ساقتانۋ - تىزگىندەۋ كۇرەسىندە ماڭىزدى رول اتقارىپ، كورنەكتى ۇلەس قوستى». ءتوراعا شي جينپيڭنىڭ ماداقتاۋى مەن تۇراقتاندىرۋى ارمياداعى قالىڭ ەمدەۋ قىزمەتكەرلەرىنە بورىشتىڭ داڭقتى، جاۋاپكەرلىكتىڭ اۋىر ەكەنىن تەرەڭ سەزىندىردى.
ازاتتىق ارميا باس شيپاحاناسىنداعى كوماندير - جاۋىنگەرلەر مىنانى ءبىلدىردى: جاڭا داۋىردەگى حالىق اسكەري شيپاگەرلەرىنىڭ بورىشى مەن جاۋاپكەرلىگىن ارقالاپ، جەڭىسكە جەتۋدى قامتاماسىز ەتۋ جولىندا ونەرگە شىڭدالىپ، حالىق بۇقاراسى مەن اسكەري بولىمدەردەگى كوماندير - جاۋىنگەرلەردىڭ «سالاماتتىق قورعاۋشىسى» بولىپ، جايشىلىقتا سالاماتتىققا، سوعىس كەزىندە جەڭىسكە جەتۋگە كەپىلدىك ەتىپ، وتانىمىزدىڭ حالقى مەن اسكەري بولىمدەردەگى كوماندير - جاۋىنگەرلەر قاجەت ەتكەن كەزدە، كەز كەلگەن ۋاقىتتا دايىن بولىپ، اتويلاپ العا شىعىپ، قۇتقارۋ، ەمدەۋ ىستەرىن تىڭعىلىقتى ورىندايمىز.
مەرەكە كەزىندەگى سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگى مەن حالىقتىڭ باقىتىن، تىنىشتىعىن ويداعىداي قورعايمىز
ءتوراعا شي جينپيڭ كوزدەن كەشىرگەندە مىنانى بىلدىرگەن بولاتىن: كوكتەم مەرەكەسى كەزىندە بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگى مەن حالىقتىڭ باقىتىن، تىنىشتىعىن ويداعىداي قورعاۋى كەرەك.
كوكتەم مەرەكەسى تاياپ قالدى، وڭتۇستىك بولەك سوعىس رايونىنداعى اۋە ارمياسىنىڭ كوپتەگەن اۋە اسكەرلەرى مەن ۇشاقتارعا جەر بەتىنەن جول نۇسقاۋ مىندەتىن وتەيتىن بولىمشە اترەتتەر ءالى دە ەڭ الدىڭعى شەپتە، ءبىرىنشى شەپتە شايقاس جاساۋدا. كوماندير - جاۋىنگەرلەر مىنانى ءبىلدىردى: ءسوزدى ۇيرەنۋدەگى تاسقىنداعان ساياسي ىنتانى اسكەر جاتتىقتىرىپ، سوعىسقا دايىندالۋدىڭ، جەڭىسكە جەتۋگە بەل بايلاۋدىڭ ءىس جۇزىندىك ارەكەتىنە اينالدىرىپ، كۇنى – ءتۇنى سوعىسقا دايىندالىپ، كەز كەلگەن ۋاقىتتا سوعىس جۇرگىزە الاتىن جاۋىنگەرلىك بەينەمەن وتانىمىزدىڭ وڭتۇستىك قاقپاسىن قاي - قاشان دا قورعايمىز.
بەلگىلى تەڭىز ارالىندا جاتتىعۋ مىندەتىن ارقالاپ جۇرگەن شىعىس بولەك سوعىس رايونى اۋە ارمياسى رادار بەلگىلى بريگاداسىنىڭ بولىمشە اترەتىندەگى كوماندير - جاۋىنگەرلەر مىنانى ءبىلدىردى: اسقار تاۋ تەڭىز ارالدارىندا اسكەريلەردىڭ ەرىك - جىگەرىن شىڭداپ، ءتۇرلى اۋە جاعدايىن قامتاماسىزداندىرۋ مىندەتتەرىن باتىل ورىنداپ، ماڭگى وتاندى قورعايتىن، حالىقتى قورعايتىن كوك اسپان تورى بولامىز.
«ءبىز سوعىس ورنىندا تاپجىلماي تۇرامىز، وتانىمىز بەن حالقىمىز الاڭسىز بولسىن». 79 - قۇراما ارميانىڭ بەلگىلى بريگاداسى، باتىس بولەك سوعىستىق رايونى اۋە ارمياسىنىڭ بەلگىلى پولكى، زىمىران ارمياسىنىڭ بەلگىلى باسقارىلمالى بومبى بريگاداسى، تەڭىز ارمياسىنىڭ بەلگىلى سۇڭگۋىر كەمە قوسىنىنداعى كوماندير – جاۋىنگەرلەر مىنانى ءبىلدىردى: سوعىس دايىندىعىن قاي - قاشان دا جاقسى ىستەپ، حالىق ءۇشىن قىزمەت وتەپ، وتان ءۇشىن جاستىق كوكتەمدەرىمىزدى ارناپ، مەملەكەتتىڭ حاۋىپسىزدىگى مەن حالىقتىڭ باقىتىن، تىنىشتىعىن ويداعىداي قورعايمىز.
كوكتەم مەرەكەسىنىڭ تاسىمال قىزمەتى باستالعاننان بەرى قارۋلى ساقشى لياۋنيڭ باس اترەتى شىنياڭ تارماق اترەتى كەزەكشىلىك 11 - ورتا اترەتىندەگى كوماندير - جاۋىنگەرلەر شىنياڭ پويەز بەكەتىنىڭ بىرىككەن قارۋلى شارلاۋ مىندەتىن ارقالاپ كەلەدى. ورتا اترەت باستىعى لي جيان مىنانى ءبىلدىردى: كوكتەم مەرەكەسى كەزىندە ورتا اترەتتەگى كوماندير - جاۋىنگەرلەر مىندەت وتەۋ ورنىندا بەرىك تۇرىپ، قىزمەت جاۋاپكەرلىگىن مۇقيات اتقارىپ، ءىس جۇزىندىك ارەكەتتەرى ارقىلى قوعامنىڭ حاۋىپسىزدىگى مەن ورنىقتىلىعىن قورعاپ، حالىق بۇقاراسىنىڭ جول ءجۇرۋ حاۋىپسىزدىگىنە كەپىلدىك ەتەدى.
(شينحۋا اگەنتتىگى، 2 - ايدىڭ 7 - كۇنى، بەيجيڭ. تىلشىلەر مەي شىشيۇڭ، مەي چاڭۋەي، گاۋ يۇيجياۋ، حاباردى دايىنداۋعا قاتىناسقاندار: كاڭ سى، كۇڭ يۇنحى، ليۋ شياۋشۋاي، لي جيە، زوۋ شينجياڭ، جي جيانچىڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
