قالتاسى قامپيىپ، تۇرمىسى جاقساردى
2021.02.08 16:16 كەلۋ قاينارى : شينجياڭ گازەتى
1 - ايدىڭ 10 - كۇنى باركول قازاق اۆتونوميالى اۋدانى كۇيسۋ قالاشىعى كۇيسۋ قىستاعىنا بارعانىمىزدا، بىركەلكى ورنالاسقان بەيقۇت ۇيلەر، تازا دا رەتتى جولدار ەرەكشە كوز تارتتى. مادەنيەت، دەنە تاربيە قيمىل الاڭىندا قىستاق تۇرعىندارى سەيىلدەپ ءجۇر، بالالار جول شەتىندە قاردان ادام جاساپ جاتىر، كوڭىلدى كۇلكىلەردەن باقىت لەبى ەسىپ تۇر.
قىستاق تۇرعىندارىنىڭ باقىت سەزىمى تۇرمىستاعى زور وزگەرىستەردەن كەلگەن. سوڭعى جىلدارى اۋىل - قىستاقتى گۇلدەندىرۋ ستراتەگياسىنىڭ ىشكەرىلەي ىلگەرىلەۋىنە بايلانىستى، كۇيسۋ قىستاعىنىڭ كەلبەتى جاڭارىپ، قىستاقتا كاسىپ سالاسى گۇلدەنىپ، قىستاق تۇرعىندارىنىڭ جۇمىستانۋى قامتاماسىز ەتىلىپ، كىرىسى ۇزدىكسىز ارتىپ، جۇرت كورىكتى اۋىل - قىستاق قۇرىلىسىنان ناقتى يگىلىككە كەنەلدى.
”كەلىڭىزدەر، دالا سۋىق، تەزىرەك ۇيگە كىرىپ وتىرىڭىزدار“. كۇيسۋ قىستاعىنىڭ تۇرعىنى چي يۇيشيا ءبىزدى ىستىق ىقىلاسپەن ۇيگە كىرىپ وتىرۋعا ۇسىنىس ەتتى. چي يۇيشيانىڭ ءۇيى رەتتى دە تازا، تەرەزە تەكشەسىنە تۇبەك گۇلدەر قويىلعان، اپپاق تام قابىرعاسىنا ءۇي ىشىمەن تۇسكەن سۋرەت ىلىنگەن.
2020 - جىلى كۇيسۋ قالاشىعىندا جاڭادان 388 بەيقۇت ءۇي سالىنىپ، 388 وتباسى يگىلىگىن كوردى، مۇندا كۇيسۋ قىستاعىنان 98 وتباسى بار، چي يۇيشيا، انە، سولاردىڭ ءبىرى.
”بۇرىنعى كىشكەنە ەسىك - تەرەزەلەردىڭ ورنىنا قازىر ۇلكەن ەسىك - تەرەزەلەر ورناتىلىپ، كەڭ ءارى جارىق بولدى، كوڭىلىم دە جاي تاپتى“. چي يۇيشيانى تەبىرەنتكەن وزگەرىستەردەن تاعى ءبىرتالايى بار، ايتالىق، قىستاقتاعى كەزىندەگى ويلى - شۇڭقىرلى قۇم - قيىرشىقتى جولدار، لاي - باتپاقتى جولدار قازىر كوزدەن عايىپ بولدى.
سوڭعى جىلدارى كۇيسۋ قىستاعى كورىكتى اۋىل - قىستاق قۇرىلىسىن بار كۇشپەن ىلگەرىلەتىپ، قىستاقتى جاسىلداندىرۋ، كورىكتەندىرۋ، جارىقتاندىرۋ ينجەنەرياسىن جۇرگىزىپ، وتباسىلارىنىڭ تەرەزەسى جارقىراپ، اۋلاسى رەتتى دە تازا بولىپ، لاس، بىلىققان، ناشار ورتا تۇبەگەيلى وزگەردى.
”جايلى باسپاناسى بولۋمەن“ بىرگە، ”دامي الۋى“ كەرەك. قىستاق ”سەلبەستىك كووپەراتيۆى + كەدەي وتباسى +شارۋا وتباسى“ ۇلگىسى ارقىلى قىستاق تۇرعىندارىن كارتوپ سياقتى داقىلداردى كوپتەپ ەگۋگە جەتەكتەپ، كولەم قالىپتاستىرىپ، سەلبەستىك كووپەراتيۆى ساتۋعا جاۋاپتى بولىپ، دۇكەن، ەرەن بازار، الەۋمەتتىك اۋماق سياقتىلارمەن ۇشتاسىپ، بازاردا ساتۋ جولىن اشتى. قىستاق تۇرعىندارىنىڭ ءوندىرىس بەلسەندىلىگى ارتىپ، كىرىستەرى دە جىل سايىن جوعارىلادى.
قىستاق تۇرعىندارىنىڭ مادەنيەت تۇرمىسىن بايىتۋ ءۇشىن، قىستاق مادەنيەت، دەنە تاربيە ورتالىعىن قۇردى، كىتاپ وقۋ بولمەسى، ەلەكترلى وقىتۋ ءۇيى، ۇستەل دوپ ءۇيى بار، باسكەتبول الاڭىنىڭ شەتىنە ءبىرسىپىرا دەنە شىنىقتىرۋ جابدىقتارى دا ورناتىلدى. قىستاق ءار جىلى ادەبيەت - كوركەمونەر ويىندارى قيمىلىن وتكىزەدى، قىستاق تۇرعىندارىنىڭ ات سالىسۋ ىنتاسى توتەنشە جوعارى.
”قازىر ءبىزدىڭ جايلى باسپانامىز بولۋمەن بىرگە، قالتامىز دا قامپايدى، مادەنيەت تۇرمىسىمىز دا توتەنشە بايىپ، تۇرمىسىمىز بارعان سايىن جاقسارا ءتۇستى“، - دەدى قىستاق تۇرعىنى لين حۋايىن قۋانىشپەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
