بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تەمەكى شەگۋ جاڭا تيپتى ايدارشا ۆيرۋسپەن جۇعىمدالۋدىڭ الدىن الا ما؟

2021.02.09 14:12     كەلۋ قاينارى : حالىق تورابى

  2020 – جىلى : تەمەكىنىڭ ۇنتاقتارى نانومەتر دارەجەسىندەگى ۇنتاق بولاتىندىقتان، وكپە كلەتكالارىنىڭ بەتىن تولىق جاۋىپ، ءبىر قابات قورعانىس قالىپتاستىرىپ، ۆيرۋستىڭ ادام دەنەسىنە سىڭەتىن جولىن كەسەدى. سوندىقتان، تەمەكى شەگۋ ارقىلى جاڭا تيپتى ايدارشا ۆيرۋسپەن جۇعىمدالۋدان ساقتانۋعا بولادى، — دەگەن ءبىر قاۋەسەت كەڭىنەن تارالدى.

  «مۇنداي ايتىلىمنىڭ قاتە ەكەنى ايدان – ايقىن»، — دەيدى استانا مەديتسينا داشۋەسى شۋان – ۋ ەمحاناسى كوكىرەك سىرتقى اۋرۋلار ءبولىمىنىڭ باس مامانى جى شيۋ – ي بىلاي دەپ قارايدى، تەمەكى كۇيگەن كەزدە قالىپتاساتىن قۇرام ەكى ءتۇرلى: بىرەۋى — گازدەر، مىسالى، كومىر توتىعىنىڭ ۇلەسى 90 پايىزدان اسادى؛ ەندى ءبىر ءبولىمى قاتتى كۇيدەگى ۇنتاقتار، مىسالى، نيكوتين مەن شايىر ۇنتاعى، بۇل ۇنتاقتاردىڭ ۇلكەن – كىشىلىگى ءبىر ميكرومەتردەن 2.5 ميكرومەتر ارالىعىندا بولادى. تۇرلىشە ۆيرۋستاردىڭ ۇلكەن – كىشىلىگىنىڭ پارقى زور بولعانىمەن، بارلىعى دا نانومەتر دارەجەسىندەگى ۇنتاقتارعا جاتادى. ءبىر ميكرومەتر 1000 نانومەترگە تەڭ، نانومەترمەن ەسەپتەلەتىن تەمەكى ۇنتاقتارىمەن نانومەتر دارەجەسىندەگى ۆيرۋستاردى توسۋ دەگەنىمىز شۇپەرەك ارقىلى سۋدى سۇزگەنمەن بىردەي، ىسكە اسپايتىن جۇمىس.

  «تەمەكى تىنىس جولىنىڭ سىرتقى ‹جاۋعا› توتەپ بەرۋىنە كومەكتەسپەۋمەن قويماي، تىنىس جولىن زاقىمدايدى»، دەيدى جى شيۋ – ي. زەرتتەۋگە قاراعاندا، تەمەكىنىڭ قۇرامىندا 7000 نەشە حيميالىق زات بار، مۇندا راكقا شالدىقتىراتىنى ون نەشە ءتۇرلى، ولار وكپەنىڭ قالىپتى اينالىمىن ءبۇلدىرىپ، وكپەنىڭ قورعانۋ جۇيەسىن ويرانداپ، سوزىلمالى وكپە اۋرۋى، وكپە راگى، وكپەنىڭ ءىسۋى، سوزىلمالى كەڭىردەكشە قابىنۋى قاتارلى ناۋقاستاردى قوزعايدى. ا ق ش – نىڭ اسكەري قوسىننان شەگىنگەن 300 مىڭداي ادامعا ىلەسە زەرتتەۋ جۇرگىزۋ ناتيجەسىنە قاراعاندا، تەمەكى شەگەتىندەردىڭ جۇقپالى تۇماۋدان قازا بولۋ مولشەرى تەمەكى شەكپەيتىندەرمەن سالىستىرعاندا الدە قايدا جوعارى بولادى ەكەن.

  باسقاشا ايتقاندا، تەمەكى شەگۋ تەك تىنىس جولى ۆيرۋسىنا شالدىعۋ ىقتيمالدىعىن ارتتىرادى، ونىڭ ۇستىنە، جۇعىمدالۋدىڭ زاردابىن اۋىرلاستىرادى.

  «جاڭا زاتتارعا جولىققاندا، ەگەر ادامدار جاي ساۋاتتارمەن ساناسپاي، قاتە نەمەسە ارتىق قيالعا بەرىلسە، وسەك – اياڭنىڭ شىرعاسىنا ءتۇسۋى مۇمكىن»، — دەيدى لي يىڭ.

  ونىڭ كوزقاراسىنشا، «تەمەكى شەگۋ ارقىلى جاڭا تيپتى ايدارشا ۆيرۋسقا توتەپ بەرۋگە بولادى» دەگەن ايتىلىمدى ارتىق قيالعا بەرىلۋ دەپ قارايدى. وسى تەكتەس، «ۋسارىمىساق جەۋ ارقىلى جاڭا تيپتى ايدارشا ۆيرۋستان ساقتانۋعا بولادى»، «گرادۋسى جوعارى اراق ءىشۋ ارقىلى جاڭا تيپتى ايدارشا ۆيرۋستان ساقتانۋعا بولادى» دەگەن وسەك – اياڭداردىڭ بارلىعى دا قاتە قيالعا بەرىلۋ ەسەپتەلەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار