شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن تەلەفوندا سويلەستى
2021.02.09 16:30 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 8 - كۇنى، بەيجيڭ. 2 - ايدىڭ 8 – كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن تەلەفوندا سويلەستى.
شي جينپيڭ رۋان فۋجۇڭنىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ قايتا سايلانعانىن تاعى ءبىر رەت قۇتتىقتادى. شي جينپيڭ مىنانى ءبىلدىردى: ۆيەتنام كوممۋنيستىك پارتياسىنىڭ 13 - قۇرىلتايى تابىسپەن وتكىزىلدى ءارى جاڭا دامۋ ساتىسىنداعى كۇرەس نىساناسىن بەلگىلەدى، بۇل ۆيەتنام پارتياسى مەن مەملەكەت ىستەرىنىڭ دامۋ اياق الىسىندا ماڭىزدى مانگە يە. باس شۋجي رۋان فۋجۇڭ جولداس باستاعان جاڭا كەزەكتى ۆيەتنام كوممۋنيستىك پارتياسى ورتالىق كوميتەتىنىڭ باسشىلىعىندا، ۆيەتنام پارتياسى مەن حالقىنىڭ ۆيەتنام كوممۋنيستىك پارتياسىنىڭ 13 - قۇرىلتايىندا جاسالعان شەشىم، ورنالاستىرۋلاردى جاپپاي تياناقتاندىرىپ، ۆيەتنام پارتياسى مەن مەملەكەتىنىڭ دامۋ نىساناسىن قۇلشىنا جۇزەگە اسىراتىنىنا سەنەمىن.
شي جينپيڭ بىلاي دەپ دارىپتەدى: جۇڭگو مەن ۆيەتنام − ستراتەگيالىق مانگە يە تاعدىرلاس ورتاق تۇلعا. جۇڭگو - ۆيەتنام قاتىناسىنىڭ باياندى، اقاۋسىز، ورنىقتى دامۋى ەكى پارتيانىڭ، ەكى ەلدىڭ، ەكى ەل حالقىنىڭ ءتۇبىرلى مۇددەسىنە ۇيلەسەدى، سوتسياليزم ىستەرىنىڭ گۇلدەنىپ - كوركەيۋىنە، دامۋىنا، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا، دامۋدى، گۇلدەنۋدى جەبەۋگە ءتيىمدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى مەن كۇردەلى سىرتقى ورتانىڭ سايىسى الدىندا، ەكى ەلدىڭ ءار سالاداعى ناقتى سەلبەستىگى قيىن – قىستاۋ جاعدايدا نىعايىپ، كوممۋنيستىك پارتيانىڭ باسشىلىعى مەن سوتسياليستىك ءتۇزىمنىڭ كورنەكتى ابزالدىعىن ايگىلەدى، بۇل ەكى پارتيانىڭ، ەكى ەلدىڭ قاتىناسىندا وراسان زور ومىرشەڭدىك كۇش بار ەكەنىن اڭعارتىپ وتىر.
شي جينپيڭ بىلاي دەپ اتاپ كورسەتتى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى جانە «14 – بەسجىلدىق» جوسپار باستالعان جىل، سونداي - اق ۆيەتنامنىڭ ۆيەتنام كوممۋنيستىك پارتياسى 13 - قۇرىلتايىنىڭ رۋحىن دايەكتى تياناقتاندىراتىن العاشقى جىلى، جۇڭگو - ۆيەتنام قاتىناسى جاڭا تاريحي باستامادا تۇر. جۇڭگو ۆيەتناممەن بىرگە ستراتەگيالىق تىلدەسۋدى كۇشەيتىپ، ساياسي سەنىمدىلىكتى ارتتىرىپ، ەكى پارتيانىڭ جوعارى جىكتەگىلەرىنىڭ ساياسي جەتەكشىلىگى مەن تىعىز قاتىناسىن ويداعىداي ساقتاپ، جۇڭگو - ۆيەتنام قاتىناسىنىڭ ورنىقتى، باياندى بولۋىن ىلگەرىلەتۋدى قالايدى. جۇڭگو ۆيەتناممەن «ءبىر بەلدەۋ، ءبىر جول» باستاماسىن جانە «ەكى ءدالىز، ءبىر شەڭبەر» ستراتەگياسىن ۇشتاستىرۋدى جەدەلدەتىپ، ەكى ەلدىڭ شەكارا اتتاعان ەكونوميكالىق سەلبەستىك رايونى قۇرىلىسىن ىلگەرىلەتىپ، ەمدەۋ، دەنساۋلىق ساقتاۋ، سيفرلى ەكونوميكا، گۋمانيتارلىق سالالارداعى اۋىس - كۇيىس، سەلبەستىك جونىندە ىزدەنىس جاساۋدى قالايدى. ەكى جاق حالىقارالىق جانە وڭىرلىك ىستەردى سايكەستىرۋ سەلبەستىگىن كۇشەيتىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى باتىل قورعاپ، قورعانىمپازدىققا جانە سىڭار جاقتىلىققا قارسى تۇرىپ، «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنىڭ» تەز ارادا كۇشكە يە بولۋىن ىلگەرىلەتۋى ءارى تەڭىزدەگى الاۋىزدىقتاردى ۇيلەسىمدى مەڭگەرىپ، سىرتقى كۇشتەردىڭ ىرتكى سالۋىنا قارسى تۇرىپ، ءوڭىردىڭ بەيبىتشىلىگىن، ورنىقتىلىعىن، دامۋىن جەبەۋى كەرەك.
رۋان فۋجۇڭ باس شۋجي شي جينپيڭنىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانۋىنا دەگەن ىزگى تىلەگىنە العىس ايتىپ، مىنانى ءبىلدىردى: ۆيەتنام كوممۋنيستىك پارتياسىنىڭ 13 - قۇرىلتايى ۆيەتنامنىڭ كەلەسى 5 جىلداعى ەكونوميكالىق، قوعامدىق دامۋ بەتالىسىن، مىندەتىن، سونداي - اق 2030 - جىلعا جانە 2045 - جىلعا دەيىنگى دامۋ بولاشاعىن تۇراقتاندىردى. جۇڭگومەن ءداستۇرلى دوستىق قاتىناستى دامىتۋ جانە كۇشەيتۋ اۋەلدەن ۆيەتنامنىڭ پارتياسى مەن مەملەكەتىنىڭ ماڭداي الدى باعىتى بولىپ كەلەدى، ۆيەتنام جۇڭگونىڭ ىندەتتەن ساقتانۋ - تىزگىندەۋ جانە ەكونوميكانىڭ دامۋىن قالپىنا كەلتىرۋ جاعىندا قول جەتكىزگەن تابىستارىن جوعارى باعالايدى، جۇڭگونىڭ ءبىرىنشى 100 جىلدىق كۇرەس نىساناسىن تولىق جۇزەگە اسىرعانىن قۇتتىقتايدى. قازىرگى حالىقارالىق جاعدايداعى كۇردەلى وزگەرىستەر جاعدايىندا ۆيەتنام مەن جۇڭگو پارتيالارىنىڭ، ەلدەرىنىڭ، ەكى ەل حالىقتارىنىڭ دوستىق سەلبەستىك قاتىناسىن بەكەمدەۋ جانە دامىتۋ توتەنشە ماڭىزدى. ۆيەتنام جۇڭگومەن ساياسي سەنىمدىلىكتى تەرەڭدەتىپ، پارتيالار ارا بارىس - كەلىستى كۇشەيتىپ، ەكى جاقتىڭ ناقتى سەلبەستىك كەلىسىمىن جەدەل تياناقتاندىرىپ، ۆيەتنام مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ باياندى، اقاۋسىز، ورنىقتى دامۋىن ىلگەرىلەتىپ، وسى ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىنا، سەلبەسىپ دامۋىنا ۇلەس قوسۋدى قالايدى. ۆيەتنام جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايدى، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا جۇڭگونىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا تىڭ دا اناعۇرلىم زور تابىستارعا قول جەتكىزەتىنىنە كامىل سەنەدى.
شي جينپيڭ مەن رۋان فۋجۇڭ ءبىر - بىرىنە مەرەكەلىك سالەم جولداپ، ەكى ەل حالىقتارىنىڭ باقىتتى، الاڭسىز بولۋىن تىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
