شي جينپيڭ جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋىن باسقاردى ءارى ارقاۋ ءسوز سويلەدى
زەيىن - زەردەنى، كۇش - قۋاتتى شوعىرلاندىرىپ، بۇرىنعىعا مۇراگەر بولىپ، كەيىنگىگە جول اشىپ، قول ۇستاسا وتىرىپ سەلبەستىكتىڭ تىڭ داستانىن بىرگە جازايىق
2021.02.10 13:26 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 9 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 9 - كۇنى بەيجيڭدە جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋىن بەينە ەكران تاسىلىمەن باسقاردى، بوسنيا - گەرتسەگۆينيا، چەحيا، سرنا گورا، پولشا، سەربيا، البانيا، حورۆاتيا، گرەتسيا، ۆەنگريا، سولتۇستىك ماكەدونيا، سلوۆاكيا، بولعاريا، سلوۆەنيا، ەستونيا، لاتۆيا، ليتۆا، رۋمينيا قاتارلى ورتا، شىعىس ەۆروپا ەلدەرىنىڭ مەملەكەت، ۇكىمەت باسشىلارى جانە جوعارى دارەجەلى ۋاكىلدەرى ماجىلىسكە قاتىناستى. شي جينپيڭ «زەيىن - زەردەنى، كۇش - قۋاتتى شوعىرلاندىرىپ، بۇرىنعىعا مۇراگەر بولىپ، كەيىنگىگە جول اشىپ، قول ۇستاسا وتىرىپ سەلبەستىكتىڭ تىڭ داستانىن بىرگە جازايىق» دەگەن تاقىرىپتا ارقاۋ ءسوز سويلەدى. شي جينپيڭ مىنالاردى دارىپتەدى: جۇڭگو − ورتا، شىعىس ەۆروپا ەلدەرى سەلبەستىگىندە بىرگە اقىلداسۋدا، بىرگە قۇرۋدا، ناقتى، بىركەلكى بولۋدا، اشىق، سيىسىمدى بولۋدا، جاڭالىق اشا العا باسۋدا تاباندى بولۋ − كوپ جاقتىلىقتىڭ جاندى امالياتى، جۇڭگو - ەۆروپا قاتىناسىنىڭ ماڭىزدى قۇرامداس بولىگى. جۇڭگو ورتا، شىعىس ەۆروپا ەلدەرىمەن ءداۋىردىڭ جالپى اۋقىمىنا سايكەسىپ، اناعۇرلىم جوعارى دەڭگەيدەگى بىرگە دامۋدى جانە ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرىپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا وتىرىپ ىلگەرىلەتۋدى قالايدى.
شي جينپيڭ سوزىندە مىنالاردى اتاپ كورسەتتى: جۇڭگو - ورتا، شىعىس ەۆروپا ەلدەرىنىڭ سەلبەستىگى 9 جىلدىق بارىستى باسىپ ءوتتى. 9 جىلدان بەرى جۇڭگو - ورتا، شىعىس ەۆروپا ەلدەرىنىڭ سەلبەستىگى ۋاقىت پەن حالىقارالىق جاعدايداعى كۇردەلى وزگەرىستەردىڭ سىنىنان ءوتىپ، وزىندىك ەرەكشەلىككە ۇيلەسەتىن ءارى ءار جاق قابىلداعان سەلبەستىك پرينسيبىن قالىپتاستىردى.
بىرىنشىدەن، ءىس بولسا كوپشىلىك اقىلداسىپ ىستەۋ كەرەك. ءوزارا قۇرمەت ەتۋدە، سەلبەسۋدە قوسىمشا ساياسي شارت قويماۋدا، ۇلكەن، كىشى ەلدەردىڭ تەرەزەسى تەڭ بولۋدا تاباندى بولىپ، بىرگە اقىلداسىپ، بىرگە قۇرىپ، بىرگە يگىلىكتەنىپ، ءبىر - ءبىرىنىڭ كوڭىل ءبولىپ وتىرعان ماسەلەلەرىنە كوڭىل ءبولۋ كەرەك.
ەكىنشى، سەلبەسۋشى جاقتى تابىسقا جەتكىزۋ كەرەك. ناقتى سەلبەستىككە نازار اۋدارىپ، سەلبەستىكتىڭ بىركەلكى دامۋىن ىلگەرىلەتىپ، ەكونوميكا مەن گۋمانيتارلىق ۇشتاسۋعا، ساۋدا مەن قارجى قوسۋعا تەڭ ءمان بەرۋدە تاباندى بولۋ كەرەك. 9 جىلدىڭ الدىنداعىمەن سالىستىرعاندا، جۇڭگونىڭ ورتا، شىعىس ەۆروپا ەلدەرىمەن ساۋدا سوماسى %85 كە جۋىق ارتتى، قوس باعىتتى ساياحات اۋىس - كۇيىسىندەگى ادام سانى 4 ەسەگە جۋىق ارتتى، جۇڭگو - ەۆروپا كەزەكشى پويەزى كوپ ساندى ورتا، شىعىس ەۆروپا ەلدەرىن قامتىدى، ءبىر توپ سەلبەستىك نىسانىندا تابىس قۋانارلىق بولدى.
ءۇشىنشى، اشىق، سيىسىمدى بولۋ بارىسىندا بىرگە دامۋ كەرەك. ءوزارا ۇيرەنىپ، ءوزارا ۇلگى الىپ، ارتىقشىلىقتى قابىلداپ، ولقىلىقتى تولىقتاۋ كەرەك. كەڭەسۋ، سەلبەسۋ ارقىلى پارىقتاردى وزگەرتۋدە، الاۋىزدىقتاردى شەشۋدە تاباندى بولۋ كەرەك. جاپپاي قابىلداعان حالىقارالىق ەرەجەلەرگە بويسۇنۋ بازار پرينسيبىنە ۇيلەسەدى، باسقا ەلدەر مەن حالىقارالىق ۇيىمداردىڭ بەلسەنە ات سالىسۋىن، تەڭ يگىلىككە كەنەلۋىن، كوپ يگىلىككە كەنەلۋىن قارسى الۋ كەرەك.
ءتورتىنشى، جاڭالىق جاراتۋ ارقىلى ۇزدىكسىز ءوسىپ - جەتىلۋ كەرەك. ءوڭىر اتتاعان سەلبەستىكتى «ءبىر بەلدەۋ، ءبىر جولدى» بىرگە قۇرۋ باستاماسىمەن ۇشتاستىرۋ جونىندە الدىمەن ىزدەنىس جاساپ، «ءبىر بەلدەۋ، ءبىر جول» سەلبەستىك كەلىسىمىنىڭ ءوڭىردى تولىق قامتۋىن الدىمەن جۇزەگە اسىرۋ كەرەك.
شي جينپيڭ مىنالاردى اتاپ كورسەتتى: ءبىز سىن - سايىسقا تولى داۋىردە تۇرمىز. بۇرىن - سوڭدى بولماعان سىن - سايىس ءار ەلدىڭ بۇرىن سوڭدى - بولماعان ىنتىماقتاسا سەلبەسىپ، بىرگە توتەپ بەرۋىن قاجەت ەتەدى. شي جينپيڭ جاڭا جاعدايداعى جۇڭگو - ورتا، شىعىس ەۆروپا ەلدەرىنىڭ سەلبەسىپ دامۋى جونىندە مىناداي 4 ءتۇرلى ۇسىنىستى ورتاعا قويدى:
ءبىرىنشى، ىندەتتىڭ سىن - سايىسىنا بەتپە - بەت كەلىپ، قيىنشىلىقتى بىرگە جەڭەتىن سەلبەستىك سەنىمىن بەكەمدەۋ كەرەك. بىرلەسىپ ساقتانۋ، بىرلەسىپ تىزگىندەۋ جانە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ تاجىريبەلەرىن اۋىستىرۋدى كۇشەيتىپ، ءداستۇرلى ءدارى - دارمەك سەلبەستىگىن ورىستەتۋ جونىندە ىزدەنىس جاساپ، دەنساۋلىق ساقتاۋ، ەمدەۋ سەلبەستىگىنىڭ دەڭگەيىن جوعارىلاتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋ كەرەك. جۇڭگو ورتا، شىعىس ەۆروپا ەلدەرىنىڭ ۆاكسينا سەلبەستىگى قاجەتىن بەلسەنە ويلاستىرۋدى قالايدى. ساۋدا مەن قارجى قوسۋدىڭ ەركىن، قولايلى بولۋىن جەبەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ادامداردىڭ بارىس - كەلىسىن ورنىقتى، ءتارتىپتى قالپىنا كەلتىرىپ، جۇمىستى، ءوندىرىستى قالپىنا كەلتىرۋدى ىلگەرىلەتىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعاۋ كەرەك.
ەكىنشى، نازاردى بايلانىستىرۋ، تۇتاستىرۋعا شوعىرلاندىرىپ، ىقپالداسىپ دامۋدىڭ سەلبەستىك كۇرە تامىرىن ىركىلىسسىزدەندىرۋ كەرەك. اينالىم جاعدايىن ۇزدىكسىز كەمەلدەندىرىپ، «ءبىر بەلدەۋ، ءبىر جولدى» قول ۇستاسا وتىرىپ جوعارى ساپامەن بىرگە قۇرىپ، ۆەنگريا - سەربيا تەمىر جولى سياقتى ءىرى نىساندار قۇرىلىسىن جەدەل ىلگەرىلەتىپ، جۇڭگو - ەۆروپا كەزەكشى پويەزدەرىنىڭ دامۋىنا ۇزدىكسىز قولداۋ كورسەتۋ كەرەك. كەدەن ساۋدا حاۋىپسىزدىگى جانە كەدەننەن ءوتۋدى قولايلىلاندىرۋ سەلبەستىگىن تەرەڭدەتىپ، «زەردەلى كەدەن، زەردەلى شەكارا، زەردەلى بايلانىس» سەلبەستىگىن تۇيىندە سىناق ەتۋدى ورىستەتۋ كەرەك.
ءۇشىنشى، ناقتى ءىس ىستەۋ بەتالىسىندا تاباندى بولىپ، ءوزارا تيىمدىلىك جاساپ، ءوزارا پايدا جەتكىزەتىن سەلبەستىك جەتىستىكتەرىن كەڭەيتۋ كەرەك. جۇڭگو الداعى 5 جىلدا شىعىس ەۆروپا ەلدەرىنەن قۇنى 170 ميلليارد دوللاردان اساتىن تاۋار يمپورت ەتۋدى جوسپارلاپ وتىر. ورتا، شىعىس ەۆروپا ەلدەرىنىڭ اۋىل شارۋاشىلىق ونىمدەرىن جۇڭگوعا جەتكىزۋگە رۇقسات ەتۋ اياق الىسىن جەدەلدەتىپ، الداعى 5 جىلدا جۇڭگونىڭ ورتا، شىعىس ەۆروپا ەلدەرىنىڭ اۋىل شارۋاشىلىق ونىمدەرىن يمپورت ەتۋ سوماسىن ەسەلەپ ارتتىرۋعا قول جەتكىزۋ، ەكى جاقتىڭ اۋىل شارۋاشىلىق ساۋدا سوماسىن %50 ارتتىرۋ كەرەك، جۇڭگو ورتا، شىعىس ەۆروپا ەلدەرىندە اۋىل شارۋاشىلىق ونىمدەرىن تولايىم ساتۋ بازارىن سەلبەسىپ قۇرۋدى دارىپتەيدى. نيڭبو، ساڭجوۋ سياقتى جەرلەردەگى جۇڭگو - ورتا، شىعىس ەۆروپا ەلدەرىنىڭ ەكونوميكا - ساۋدا سەلبەستىگىنەن ۇلگى كورسەتۋ رايونى، كاسىپ باقشاسى قۇرىلىسىن ۇزدىكسىز ىلگەرىلەتۋ كەرەك. گۋمانيتارلىق اۋىس - كۇيىستى كۇشەيتىپ، بەيجيڭ قىسقى وليمپيادا سپورت جارىسىن وراي ەتىپ، دەنەتاربيە سەلبەستىگىن تەرەڭدەتۋ كەرەك.
ءتورتىنشى، جاسىل دامۋدى كوزدە ۇستاپ، بولاشاققا بەت العان سەلبەستىك قوزعاۋشى كۇشىن قالىپتاستىرۋ كەرەك. كليمات وزگەرىسىنە توتەپ بەرۋ جونىندەگى حالىقارالىق سەلبەستىكتى تاباندىلىقپەن ىلگەرىلەتىپ، 2021 - جىلعى «جۇڭگو - ورتا، شىعىس ەۆروپا ەلدەرى سەلبەستىگىنىڭ جاسىل دامۋى مەن قورشاعان ورتانى قورعاۋ جىلىن» وراي ەتىپ، جاسىل ەكونوميكا، تازا ەنەرگيا سياقتى سالالارداعى اۋىس - كۇيىس پەن سەلبەستىكتى تەرەڭدەتۋ كەرەك. جۇڭگو جۇڭگو - ورتا، شىعىس ەۆروپا ەلدەرىنىڭ جاڭالىق اشۋ سەلبەستىگىن زەرتتەۋ ورتالىعىن قۇرۋدى، جۇڭگو - ورتا، شىعىس ەۆروپا ەلدەرىنىڭ جاس عىلىم - تەحنيكا دارىندىلارى تالقى مىنبەسىن وتكىزۋدى، سيفرلى ەكونوميكا، ەلەكتروندىق ساۋدا، سالاماتتىق كاسىبى سياقتى سالالارداعى سەلبەستىكتى كەڭەيتۋدى دارىپتەيدى. جۇڭگو - ورتا، شىعىس ەۆروپا ەلدەرىنىڭ ەلەكتروندىق ساۋدا سەلبەستىگى بويىنشا تىلدەسۋ مەحانيزمىن جانە جۇڭگو - ورتا، شىعىس ەۆروپا ەلدەرىنىڭ الەۋمەتتىك سالاماتتىق كاسىبى وداعىن قۇرۋدى ىلگەرىلەتۋ كەرەك.
شي جينپيڭ سوڭىندا مىنالاردى دارىپتەدى: جۇڭگو جاڭا دامۋ جاعدايىن جەدەل ورناتىپ، ەسىك اشۋدى ۇزدىكسىز كەڭەيتىپ، ەكى جاقتى، كوپ جاقتى جانە وڭىرلىك سەلبەستىككە اناعۇرلىم بەلسەنە ات سالىسىپ، ءار ەلمەن اناعۇرلىم جوعارى دەڭگەيدەگى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرادى. جۇڭگونىڭ باياندى دامۋى مەن ەسىك اشۋى دۇنيە ءجۇزى ەكونوميكاسىنىڭ قالپىنا كەلۋى مەن ارتۋىنا قۇدىرەتتى قوزعاۋشى كۇش قوسادى، سونداي - اق جۇڭگو ورتا، شىعىس ەۆروپا ەلدەرىنىڭ سەلبەستىگىنە اناعۇرلىم كەڭ ءورىس اشادى. جۇڭگو ورتا، شىعىس ەۆروپا ەلدەرىمەن جاڭا ورتاق تانىم قالىپتاستىرىپ، جاڭا جوبا جاساپ، سەلبەستىك ارقىلى وزدەرىنىڭ دامۋىنا دەم بەرىپ، جۇڭگو مەن ەۆروپانىڭ جان - جاقتى ستراتەگيالىق سەرىكتەستىك قاتىناسىنىڭ مازمۇنىن بايىتىپ، اشىق دۇنيە ءجۇزى ەكونوميكاسىن قول ۇستاسا وتىرىپ قۇرىپ، جاڭاشا حالىقارالىق قاتىناس ورناتۋدى قالايدى. (ءسوزدىڭ تولىق مازمۇنىن «حالىق گازەتىنىڭ» بۇگىنگى 2 – بەتىنەن وقي الاسىزدار)
ماجىلىسكە قاتىناسقان ءار جاق ورتا، شىعىس ەۆروپا ەلدەرى مەن جۇڭگونىڭ سەلبەستىك جەتىستىكتەرىنە بەلسەندى باعا بەرىپ، بىلاي دەپ قارادى: وسى ماڭىزدى ءوڭىر اتتاعان سەلبەستىك مەحانيزمى ورتا، شىعىس ەۆروپا ەلدەرىنىڭ نەگىزدىك قۇرىلعى قۇرىلىسى مەن ەكونوميكالىق، قوعامدىق دامۋىن جەبەدى، بۇل ءار جاقتىڭ ورتاق مۇددەسىنە ۇيلەسەدى، سونداي - اق ەۆروپا مەن جۇڭگونىڭ سەلبەستىگىن كەڭەيتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىردى. قازىر ىندەت ۇزدىكسىز ءورشىپ، دۇنيە ءجۇزى ەكونوميكاسى قۇلدىراعان جاعدايدا، ءتوراعا شي جينپيڭنىڭ وسى رەتكى باسشىلار باس قوسۋىن وتكىزۋدى دارىپتەۋىنىڭ جانە باسقارىپ اشۋىنىڭ ماڭىزى زور، بۇل ورتا، شىعىس ەۆروپا ەلدەرى مەن جۇڭگونىڭ سەلبەستىگىنىڭ جاڭا ماڭىزدى بەلەسىنە اينالادى. ءارقايسى جاق وسى سەلبەستىككە ۇزدىكسىز ات سالىسىپ، تار جول، تايعاق كەشۋلەردەن بىرگە ءوتىپ، ىندەتكە قول ۇستاسا قارسى اتتانىپ، ەكونوميكانىڭ قالپىنا كەلۋىن بىرگە جەبەپ، كوپ جاقتىلىقتى امالياتتا ايگىلەپ، دۇنيە جۇزىلىك ءتۇرلى سايىستارعا بىرگە توتەپ بەرۋدى قالايدى. ءارقايسى جۇڭگونىڭ حالىقارالىق ىندەتكە قارسى تۇرۋ سەلبەستىگى ءۇشىن قوسقان ماڭىزدى ۇلەسىن القايدى، اسىرەسە، ءتوراعا شي جينپيڭ جۇڭگو ۆاكسيناسىن دۇنيە جۇزىلىك الەۋمەتتىك ءونىم ەتۋگە ۋادە بەردى، جۇڭگومەن ۆاكسينا جانە الەۋمەتتىك دەنساۋلىق ساقتاۋ سالاسىنداعى سەلبەستىكتى كۇشەيتۋدى ءۇمىت ەتەمىز. ءارقايسى جاق ءتوراعا شي جينپيڭ العا قويعان ءتۇرلى ناقتى سەلبەستىك قۋاتتامالارىن قۇپتايدى، «ءبىر بەلدەۋ، ءبىر جولدى» بەلسەندىلىكپەن بىرگە قۇرىپ، جۇڭگوعا تاۋار ەكسپورتىن كەڭەيتۋدى قالايدى، جۇڭگو كاسىپورىندارىنىڭ قارجى قوسۋ، ءوزارا بايلانىس جاساۋ، عىلىم - تەحنيكادا جاڭالىق اشۋ، سيفرلى ەكونوميكا، جاسىل دامۋ سياقتى سالالارداعى سەلبەستىكتى ىلگەرىلەتىپ، ادامداردىڭ بارىس - كەلىسىنە قولايلىلىق جاساپ، گۋمانيتارلىق اۋىس - كۇيىستى تەرەڭدەتىپ، سەلبەستىكتىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، ءار ەل حالىقتارىنا اناعۇرلىم كوپ باقىت جاراتۋىن قارسى الادى.
ءار ەل باسشىلارى جۇڭگو حالقىنا مەرەكەلىك سالەم جولداپ، جۇڭگو حالقىنىڭ كوكتەم مەرەكەسىن قۇتتىقتادى، سيىر جىلىنا قۇتتى بولسىن ايتتى.
اۆستريا، بەلورۋسسيا، ەۆروپا وداعى، شۆەتساريا جانە ەۆروپا گۇلدەندىردۋ بانكەسى سياقتى باقىلاۋشىلاردىڭ ۋاكىلدەرى باس قوسۋعا قاتىناستى.
باس قوسۋ «2021 - جىلعى جۇڭگو - ورتا، شىعىس ەۆروپا ەلدەرى سەلبەستىگىنىڭ بەيجيڭ قيمىل جوسپارى» مەن «جۇڭگو - ورتا، شىعىس ەۆروپا ەلدەرى باسشىلارى باس قوسۋىنىڭ تابىس ءتىزىمىن» جاريالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
