سيفرلى حالىق اقشاسى كەلىپ قالدى! مۇنداي اقشانى قالاي ىستەتۋگە بولادى؟
2021.02.18 14:02 كەلۋ قاينارى : حالىق تورابى
كوكتەم مەرەكەسى مەزگىلىندە، بەيجيڭدە سيفرلى حالىق اقشاسىن تۇيىندە سىناق ەتۋ قىزۋ ورىستەتىلدى، وسىعان وراي كوپتەگەن جاڭا يقۋاتتارى ىسكە قوسىلدى. سيفرلى حالىق اقشاسىمەن بەرىلگەن تارتۋ بەيجيڭدە «مەرەكەنى ءوزى تۇرعان جەردە وتكىزگەن» جۇرتتىڭ اقى تولەۋدىڭ جاڭاشا ءتۇرىن قولدانۋىنا مۇمكىندىك جاراتتى، جەرەبە تارتۋدا تالەيلى بولعاندار ينتەرنەت ارقىلى جانە ينتەرنەتتەن تىس تۇتىنۋ بارىسىندا بەلسەندىلىكپەن سىناپ كوردى.
ينتەرنەتتەن تىس اقى تولەۋ قولايلى دا ۇتىمدى بولدى
«ۇتىمدى قاپشىق» يقۋاتى ىسكە قوسىلدى
2 – ايدىڭ 10 – كۇنى ساعات 21 دەن 17 – كۇنى ساعات 24 كە دەيىن، بەيجيڭدە جەرەبە تارتۋ ارقىلى سيفرلى حالىق اقشاسىمەن تارتۋ ۇلەستىرۋ قيمىلىندا تالەيى جانعاندار ۋاڭفۋجيڭ ساۋدالىق اۋماعىنداعى بەلگىلەنگەن ساۋدا دۇكەندەرى مەن جيڭدۇڭ App ارناۋلى اۋماعىندا تۇتىنۋعا مۇمكىندىك الدى. 2 – ايدىڭ 12 – كۇنى تۇستەن كەيىن، جەرەبە تارتۋدا باعى جانعانداردىڭ ءبىرى بولعان ءتىلشى ۋاڭفۋجيڭگە بارىپ، سيفرلى حالىق اقشاسىمەن ينتەرنەتتەن تىس تۇتىنۋعا اقى تولەۋدى سىناپ كوردى.
ۋاڭفۋجيڭ اسەم بۇيىمدار سارايىنىڭ ءبىرىنشى قاباتىنداعى قىسقى وليمپياداعا بايلانىستى ارنايى رۇقسات بەرىلگەن تاۋارلاردى ساتۋ رايونىندا ءتىلشى 400 يۋاندىق تاۋاردى ساتىپ الدى. ءتىلشى وسىنىڭ الدىندا قولفونىنا ورناتقان سيفرلى حالىق اقشاسى App قولدانباسىنداعى ەكى ولشەمدى كودتى دۇكەن يەسىنە كورسەتىپ، جايمالاۋ اسپابىمەن ەكىلىكتى جايمالاپ، 200 يۋاندىق سيفرلى حالىق اقشاسىمەن اقى تولەۋدى ورىنداپ بولعان سوڭ، ءتىلشى ناق اقشامەن قالعان بولىگىن تولەدى.
بەيجيڭ قالاسى كوكتەم مەرەكەسى قارساڭىندا «سيفرلى ۋاڭفۋجيڭ، قار – مۇز زات ساتىپ الۋ مەرەكەسى» اتىنداعى سيفرلى حالىق اقشاسىن سىناق ەتۋ قيمىلىن ورىستەتىپ، بەيجيڭدەگى جەكەلەرگە «جەرەبە تارتۋ» ءتاسىلى ارقىلى 50 مىڭ دانا سيفرلى حالىق اقشاسى تارتۋىن جولدادى، ونىڭ ءاربىرىنىڭ سوماسى 200 يۋان. اتالعان قيمىلدا 2 ميلليون 520 مىڭ ادام جەرەبە تارتۋعا قاتىناستى، بۇل جۇرتشىلىقتىڭ سيفرلى حالىق اقشاسىنا دەگەن ىستىق ىقىلاسىن اڭعارتتى.
اتاپ وتۋگە تاتيتىن ءجايت، بۇل رەتكى قيمىلدا جۇڭگو بانكەسى، جۇڭگو پوچتا بانكەسى قاتارلى فينانس ورىندارى تىڭ ىزدەنىس ناتيجەسىن — سيفرلى حالىق اقشاسىنىڭ ەكراندى «ۇتىمدى قاپشىق» يقۋاتىن ىسكە قوستى.
2 – ايدىڭ 12 – كۇنى تۇستەن كەيىن، بەيجيڭ قالاسىنىڭ جاسى الپىستان اسقان تۇرعىنى چىن يۋەجين ۋاڭفۋجيڭدەگى ۋيۇيتاي شاي دۇكەنىنە باردى، ول قالتاسىنان كارتۋچكاسىن الىپ، دۇكەندەگى «جيانكاڭباۋ» اسپابىمەن جايمالاۋ ارقىلى دەنساۋلىق جاعدايىن تەكسەرتتى ءارى تىزىمگە الدىردى. ىلە – شالا، ول ساتىپ العان بۇيىمدارىنىڭ اقىسىن وسى كارتۋچكا ارقىلى تولەدى، كارتۋچكانىڭ بەتىندەگى ەكراننان تولەگەن اقشانىڭ سوماسى مەن كارتۋچكادا قالعان اقشانىڭ سوماسى كورىنىپ تۇردى.
«بۇل كارتۋچكا ارقىلى الەۋمەتتىك ورىندارعا كىرىپ – شىعۋ قولايلى بولدى، ونىڭ ۇستىنە، تەك جايمالاۋ اسپابىنا جاقىنداتساق بولعانى اقى تولەۋگە بولادى، ءبىز سياقتى زەردەلى قولفوننان پايدالانۋ قيىن سەزىلەتىن قارتتارعا وتە ۇيلەسەدى ەكەن»، — دەدى چىن يۋەجين تىلشىگە، مۇنداي ەرەكشە كارتۋچكانى ول جۇڭگو پوچتا امانات بانكەسىنىڭ ۇسىنىس ەتۋى بويىنشا بىتىرگەن، بۇل سيفرلى حالىق اقشاسىنىڭ زاريادتاۋدى قاجەت ەتپەيتىن ەكراندى كارتۋچكاسى.
جۇڭگو پوچتا امانات بانكەسىنىڭ قىزمەتكەرىنىڭ تانىستىرۋىنشا، قازىر سيفرلى حالىق اقشاسىنىڭ زاريادتاۋدى قاجەت ەتپەيتىن ەكراندى «ۇتىمدى قاپشىعى» ءالى دە ۇسىنىس ارقىلى ءبىتىرىپ، سىناپ كورۋ كەزەڭىندە تۇر، شىعىس قالا رايونىنداعى ىندەتتەن ساقتانۋدا ىزگى ىستەر ىستەگەن قارتتارعا الدىمەن تاراتىلادى.
سيفرلى حالىق اقشاسى مەن ناق اقشانى ءبىر – بىرىنە الماستىرۋعا بولادى
ATM ماشيناسى ارقىلى قالاۋىنا قاراي اقشا ساقتاۋعا جانە ساقتاعان اقشانى شىعارىپ الۋعا بولادى
ءتىلشىنىڭ ۋاڭفۋجيڭ كوشەسىندەگى جۇڭگو ونەركاسىپ – ساۋدا بانكەسى شيندۇڭ – ان بولىمشە بانكەسىنەن بىرنەشە ATM ماشيناسىنا «سيفرلى حالىق اقشاسى» دەگەن قىزىل بەلگىنىڭ جاپسىرىلعانىن كورگەن. اتالعان بانكە قىزمەتكەرىنىڭ تىلشىگە ايتۋىنشا، بۇل بىرنەشە ATM ماشيناسى تۇگەلدەي سيفرلى حالىق اقشاسىن ساقتاۋ جانە ساقتاعان اقشانى شىعارىپ الۋ يقۋاتىنا يە.
ءتىلشى ATM ماشيناسىنان سيفرلى حالىق اقشاسىن ناق اقشاعا وزگەرتۋدى تاڭداۋعا بولاتىنىن كورگەن، ونەركاسىپ – ساۋدا بانكەسىنىڭ قولفونداعى بانكە App قولدانباسى ارقىلى ATM ماشيناسىنىڭ ەكرانىنداعى ەكى ولشەمدى كودتى جايمالاپ، شىعارىپ الاتىن اقشا سوماسىن جازۋ ارقىلى ناق اقشا شىعارىپ الۋعا بولادى، ارينە، اقشا شىعارىپ الۋدان سىرت، ATM ماشيناسى ارقىلى ناق اقشانى سيفرلى حالىق اقشاسىنا اينالدىرىپ ساقتاۋعا دا بولادى، ەكەۋىن ءبىر – بىرىنە اۋىستىرۋ ءبىرشاما قولايلى.
ونەركاسىپ – ساۋدا بانكەسى شيندۇڭ – ان بولىمشە بانكەسىنىڭ قىزمەتكەرىنىڭ تانىستىرۋىنشا، بانكەنىڭ ATM ماشيناسى سيفرلى حالىق اقشاسى مەن ناق اقشانى ءبىر – بىرىنە اۋىستىرۋ يقۋاتىنا يە بولىپ، بۇل جۇرتشىلىقتىڭ پايدالانۋ ادەتىنە ۇيلەسەدى، سيفرلى حالىق اقشاسىن ادامدار تۇرمىستا اناعۇرلىم ىشكەرىلەي پايدالانۋىن ىلگەرىلەتەدى.
سيفرلى حالىق اقشاسىن اينالىمعا ءتۇسىرۋ ءارقايسى جاقتاردىڭ ورتاق ىلگەرىلەتۋىن قاجەت ەتەدى. كوپتەگەن جەرلەردىڭ سىناق قيمىلىنان الىپ قاراعاندا، ونەركاسىپ – ساۋدا بانكەسى، اۋىل شارۋاشىلىعى بانكەسى، جۇڭگو بانكەسى، قۇرىلىس بانكەسى، قاتىناس بانكەسى، پوچتا امانات بانكەسى قاتارلى 6 بانكە بۇل قيمىلعا بەلسەندى قاتىناسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
