شينجياڭ ۇيعۇر اۆتونوميالى رايونى كوكتەم مەرەكەسىن قارسى الۋ بايلانىسىمەن ارميا مەن جەرگىلىكتى ورىن اڭگىمە ءماجىلىسىن وتكىزدى
2021.02.18 15:57 كەلۋ قاينارى : شينجياڭ گازەتى
چىن چۋانگو قاتىناستى ءارى ءسوز سويلەدى
شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى
انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 2 - ايدىڭ 10 - كۇنى ۇرىمجىدەن حابارلايدى. 2 - ايدىڭ 8 - كۇنى تۇستەن كەيىن اۆتونوميالى رايوننىڭ كوكتەم مەرەكەسىن قارسى الۋ جونىندەگى ارميا مەن جەرگىلىكتى ورىن اڭگىمە ءماجىلىسى ۇرىمجىدە وتكىزىلدى.
اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو اڭگىمە ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى. اۆتونوميالى رايون مەن شينجياڭ اسكەري رايونىنىڭ باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، ليۋ ۋانلۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان قاتارلىلار قاتىناستى.
چىن چۋانگو سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان جانە بۇكىل رايونداعى ءار ۇلت كادر - بۇقاراسى اتىنان شينجياڭدا تۇراتىن حالىق ازاتتىق ارمياسى مەن قارۋلى ساقشى اسكەري بولىمدەرىندەگى بارلىق كوماندير - جاۋىنگەرلەرگە، ارميادان دەمالىسقا، زەينەتكە شىققان كادرلارعا، قۇرباندار، اسكەريلەر وتباسىلارىنا، مۇگەدەك اسكەريلەرگە، كاسىپ اۋىستىرعان، اسكەردەن قايتقان، قوسىننان بوساعان اسكەريلەرگە، حالىق جاساقتارىنا، زاپاستاعى حالىق جاساقتارىنا كوكتەم مەرەكەسى بايلانىسىمەن باقىت تىلەدى جانە ىزگى تىلەك ءبىلدىردى! مەرەكە كەزىندە قىزمەت ورىندارىنان تاپجىلماعان جانە وتانىمىزدىڭ شەكارا قورعانىسى ءبىرىنشى شەبىندە كۇزەتتە تۇرعان جولداستاردان شىنايى حال سۇرادى جانە وسكەلەڭ قۇرمەت ءبىلدىردى!
چىن چۋانگو بىلاي دەدى: وتكەن ءبىر جىلدا شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىنىڭ كوماندير - جاۋىنگەرلەرى پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن باتىل دايەكتىلەندىرىپ، ساياسي ارقىلى ارميا قۇرۋدى، رەفورما ارقىلى ارميانى قۇدىرەتتەندىرۋدى، عىلىم - تەحنيكا ارقىلى ارميانى قۇدىرەتتەندىرۋدى، دارىندىلار ارقىلى ارميانى قۇدىرەتتەندىرۋدى، زاڭ بويىنشا ارميانى جونگە سالۋدى جالپى بەتتىك ىلگەرىلەتىپ، وتاننىڭ تۇتاستىعىن قورعاۋ جانە شەكارا قورعانىسىن ورنىقتىرۋ، بەكەمدەۋ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ ءۇشىن ماڭىزدى ۇلەس قوستى، تۇتاس رايونداعى ءار ۇلت بۇقاراسىنىڭ جاپپاي القاۋىنا يە بولدى. اماليات: شينجياڭدا تۇراتىن اسكەري بولىمدەردىڭ − پارتيانىڭ قولباسشىلىعىنا قۇلاق اساتىن، جەڭىستى سوعىس جۇرگىزە الاتىن، ستيلى تاماشا، ىسىلعان اسكەري ءبولىم، شينجياڭدى ورنىقتىرىپ، شينجياڭدى گۇلدەندىرۋدەگى، شەكارانى كۇشەيتىپ، قورعانىستى بەكەمدەۋدەگى ادال قورعاۋشى، شينجياڭنىڭ قوعام ورنىقتىلىعى مەن باياندى تىنىشتىعىن قورعايتىن مىزعىماس تىرەك، پارتيا مەن حالىق بۇكىلدەي سەنەتىن، ارقا سۇيەيتىن قۇرىش قورعان ەكەندىگىن ىسپاتتادى.
چىن چۋانگو بىلاي دەپ اتاپ كورسەتتى: بيىل ”14 - بەسجىلدىق“ باستالعان جىل، پارتيامىز قۇرىلعاندىعىنىڭ 100 جىلدىعى. جەر - جەر، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، شينجياڭ قىزمەتىنىڭ جاڭا جاعدايىن ۇزدىكسىز اشۋ كەرەك. ارميا مەن جەرگىلىكتى ورىن ”ءبىر تۇتاس جۇيە“ يدەياسىن بەرىك ورناتىپ، مەملەكەت قورعانىسى مەن ارميا قۇرىلىسىنا باسا ءمان بەرىپ، قولداۋ كورسەتىپ، ارميا مەن حالىقتىڭ توعىسپالى دامۋىن ىشكەرىلەي ىلگەرىلەتىپ، اسكەري بولىمدەردىڭ رەفورماسىن، قۇرىلىسىن كۇش سالا قولداپ، كوكىرەك كەرنەگەن قىزۋ ىنتامەن قالىڭ كوماندير - جاۋىنگەرلەردى قامىنان ارىلتىپ، قيىنشىلىقتارىن شەشىپ، شىن مانىندە اسكەري بولىمدەر دامۋىنىڭ پارمەندى تىرەگى بولىپ، مەملەكەت قورعانىسىنا كوڭىل بولەتىن، مەملەكەت قورعانىسىن قولدايتىن، مەملەكەت قورعانىسىنا ات سالىساتىن قويۋ قوعامدىق راي قالىپتاستىرۋ كەرەك.
چىن چۋانگو شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىنىڭ كوماندير - جاۋىنگەرلەرىنەن پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل قۇلاق اسىپ، ساياسي جاقتان جەتەكتەۋدى كۇشەيتىپ، پارتيانىڭ شارتسىز باسشىلىعىنا تاباندى بولىپ، نازاريامەن قارۋلانۋدى كۇشەيتىپ، ارميانى قۇدىرەتتەندىرۋ، ارميانى گۇلدەندىرۋ رۋحىن بەرىك سومداپ، نازاردى اسكەر جاتتىقتىرىپ سوعىسقا دايىندالىپ، جەڭىسكە جەتۋ قابىلەتىن جالپى بەتتىك جوعارىلاتۋعا شوعىرلاندىرىپ، ساقتىق دابىلىن ۇزاق قاعىپ، لاڭكەستىككە قارسى تۇرۋ، ورنىقتىلىقتى قورعاۋ ماڭىزدى مىندەتىن باتىل ارقالاۋعا تاباندى بولىپ، ارميا مەن حالىقتىڭ توعىسۋىن، قوس قولداۋ، بىرگە قۇرۋ قىزمەتىن تەرەڭدەتۋدى ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋداعى ستراتەگيالىق قابىلەتتى جالپى بەتتىك جوعارىلاتىپ، پارتيا مەن حالىق جۇكتەگەن جاڭا داۋىردەگى بورىش پەن مىندەتتى شىنايى ارقالاپ، ۇزدىك ناتيجەمەن پارتيا قۇرىلعاندىعىنىڭ 100 جىلدىعىن قۇتتىقتاۋ كەرەك.
شينجياڭ اسكەري رايونىنىڭ سىليڭيۋانى ليۋ ۋانلۇڭ، 63650 - اسكەري ءبولىمىنىڭ سىليڭيۋانى ساۋ جينيۇن، قارۋلى ساقشى شينجياڭ باس اترەتىنىڭ جىڭۋيى ۋاڭ ايگو، اۋە ارمياسى ءۇرىمجى بازاسىنىڭ ورىنباسار جىڭۋيى چيان چاڭچيڭ، قارۋلى ساقشى بيڭتۋان باس اترەتىنىڭ جىڭۋيى شى شىپيڭ شينجياڭدا تۇراتىن اسكەري بولىمدەر اتىنان ءسوز سويلەدى. ولار ءبىز اۋىزدان مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، شي جينپيڭنىڭ ارميانى قۇدىرەتتەندىرۋ يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، ۇكىمەتتى قولداۋ، حالىقتى ءسۇيۋ داڭقتى ءداستۇرىن بارىنشا اسقاقتاتىپ، جەرگىلىكتى ورىننىڭ ەكونوميكالىق، قوعامدىق دامۋىن بەلسەنە قولداپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە اناعۇرلىم زور ۇلەس قوسۋعا قۇلشىنامىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
