شي جينپيڭ ا ق ش - تىڭ زۇڭتۇڭى بايدەنمەن تەلەفوندا سويلەستى
2021.02.18 16:37 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 11 - كۇنى، بەيجيڭ. 2 - ايدىڭ 11 - كۇنى جۇڭگو ەگىنشىلىك كالەندارى بويىنشا جاڭا جىلعا قاراعان كۇنى تۇستەن بۇرىن مەملەكەت ءتوراعاسى شي جينپيڭ ا ق ش - تىڭ زۇڭتۇڭى بايدەنمەن تەلەفوندا سويلەستى. ەكى ەلدىڭ مەملەكەت باسشىلارى جۇڭگونىڭ سيىر جىلعى كوكتەم مەرەكەسى بايلانىسىمەن ءوزارا قۇتتىقتادى، سونداي - اق ەكى جاقتى قاتىناس، كەلەلى حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىردى.
بايدەن جۇڭگو حالقىن جاڭا جىلىمەن قۇتتىقتاپ، جۇڭگو حالقىنىڭ كوكتەم مەرەكەسىنىڭ كوڭىلدى بولۋىن، گۇلدەنىپ، دامي بەرۋىن تىلەدى. شي جينپيڭ بايدەننىڭ رەسمي تۇردە ا ق ش - تىڭ زۇڭتۇڭى مىندەتىنە وتىرعانىن تاعى ءبىر رەت قۇتتىقتادى، سونداي - اق جۇڭگو مەن ا ق ش ەكى ەل حالىقتارىنىڭ كوكتەم مەرەكەلەرىنىڭ كوڭىلدى، سيىر جىلدارىنىڭ قۇتتى بولۋىن تىلەدى.
شي جينپيڭ بىلاي دەپ اتاپ كورسەتتى: وتكەن جارتى عاسىردان استام ۋاقىتتا حالىقارالىق قاتىناستاعى ەڭ ماڭىزدى ءبىر ءىس جۇڭگو - ا ق ش قاتىناسىنىڭ قالپىنا كەلۋى جانە دامۋى بولدى. ارالىقتا ءبىرتالاي بۇرالاڭدىق پەن قيىندىقتى باستان وتكەرگەنىمەن، جالپى تۇلعالىق جاقتان ۇزدىكسىز ىلگەرى باستى، سونىمەن بىرگە، مول تابىسقا قول جەتكىزىپ، ەكى ەل حالىقتارىن باقىتقا كەنەلتتى ءارى دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن جەبەدى. جۇڭگو مەن ا ق ش سەلبەسسە، ەكەۋى دە پايداعا كەنەلەدى، بەلدەسسە، ەكەۋى دە زيانعا ۇشىرايدى، سەلبەستىك − ەكى جاقتىڭ بىردەن - ءبىر دۇرىس تالعامى. جۇڭگو مەن ا ق ش سەلبەسسە، ەكى ەلگە جانە دۇنيە جۇزىنە پايدالى كوپتەگەن ۇلكەن ىستەردى تىندىرۋعا بولادى، جۇڭگو مەن ا ق ش قارسىلاسسا، ەكى ەلگە جانە دۇنيە جۇزىنە قالايدا اپات اكەلەدى.
شي جينپيڭ بىلاي دەپ دارىپتەدى: قازىر جۇڭگو - ا ق ش قاتىناسى ماڭىزدى كەزەڭدە تۇر. جۇڭگو - ا ق ش قاتىناسىنىڭ اقاۋسىز، ورنىقتى دامۋىن ىلگەرىلەتۋ − ەكى ەل حالىقتارىنىڭ جانە حالىقارالىق قوعامنىڭ ورتاق تىلەگى. ءسىز ا ق ش - تىڭ ەڭ ۇلكەن ەرەكشەلىگى مۇمكىندىك دەگەن ەدىڭىز. قازىر وسى مۇمكىندىكتىڭ ەكى ەل قاتىناسىنىڭ جاقسارۋىنا پايدالى بەتالىسقا قاراي دامۋىن ءۇمىت ەتەمىن. ەكى ەل بىرگە قۇلشىنىپ، ءبىر بەتالىسقا ىلگەرىلەپ، قاقتىعىسپاۋ، قارسىلاسپاۋ، ءوزارا قۇرمەت ەتۋ، سەلبەسىپ تەڭ يگىلىككە كەنەلۋ رۋحىن ۇستانىپ، نازاردى سەلبەستىككە شوعىرلاندىرىپ، الاۋىزدىقتاردى تەجەپ، جۇڭگو - ا ق ش قاتىناسىنىڭ اقاۋسىز، ورنىقتى دامۋىن ىلگەرىلەتىپ، ەكى ەل حالىقتارىنا اناعۇرلىم كوپ ناقتى مۇددە اكەلىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ، دۇنيە ءجۇزى ەكونوميكاسىنىڭ قالپىنا كەلۋىن جەبەۋ جانە ءوڭىردىڭ بەيبىتشىلىگى مەن ورنىقتىلىعىن قورعاۋ ءۇشىن ءتيىستى ۇلەس قوسۋعا ءتيىس.
شي جينپيڭ بىلاي دەپ دارىپتەدى: جۇڭگو مەن ا ق ش كەيبىر ماسەلەلەردە تۇرلىشە كوزقاراستا بولۋى مۇمكىن، شەشۋشى ءتۇيىنى ءوزارا قۇرمەت ەتۋ، ءوزارا تەڭ مامىلە جاساسۋ ارقىلى سىندارلى تاسىلمەن لايىقتى تەجەۋ جانە ءبىر جاقتى ەتۋ بولىپ تابىلادى. ەكى ەل سىرتقى ىستەر تاراۋلارىنىڭ ەكى جاقتى قاتىناستاعى كەڭ اۋقىمدى ماسەلەلەر مەن كەلەلى حالىقارالىق جانە وڭىرلىك ماسەلەلەر جونىندە تەرەڭدەي پىكىرلەسۋىنە بولادى، ەكى ەلدىڭ ەكونوميكا، فينانس، زاڭ اتقارۋ، ارميا قاتارلى تاراۋلارىنىڭ دا كوبىرەك بايلانىس جاساۋىنا بولادى. جۇڭگو مەن ا ق ش ەكى جاق ءتۇرلى كەڭەسۋ مەحانيزمىن قايتا ورناتىپ، ءبىر - ءبىرىنىڭ ساياساتتىق ماقساتتارىن دالمە - ءدال ۇعىنىپ، ۇعىسپاستىقتان، اعات تۇجىرىم جاساۋدان ساقتانۋعا ءتيىس. قايسىلارىنىڭ الاۋىزدىق ەكەنىن انىق اجىراتىپ، ونى ايرىقشا جاقسى تەجەۋ؛ قايسىلارىنىڭ سەلبەستىك ءمانى بار بولسا، سولاردىڭ سەلبەستىك ارناسىنا ءتۇسۋىن بىرگە ىلگەرىلەتۋ كەرەك. تايۋان ماسەلەسى، شياڭگاڭعا ساياتىن، شينجياڭعا ساياتىن ماسەلە سياقتى ماسەلەلەر − جۇڭگونىڭ ىشكى ءىسى، جۇڭگونىڭ يەلىك ۇقىعى مەن تەرريتوريا تۇتاستىعىنا سايادى، ا ق ش جاق جۇڭگونىڭ وزەكتى مۇددەسىنە قۇرمەت ەتۋگە، بايىپپەن ءىس ىستەۋگە ءتيىس.
شي جينپيڭ بىلاي دەپ دارىپتەدى: قازىرگى تۇراقسىزدىققا تولى حالىقارالىق جاعداي الدىندا جۇڭگو مەن ا ق ش بىرلەسكەن مەملەكەتتەر ۇيىمى حاۋىپسىزدىك القالار كەڭەسىنە تۇراقتى القا ەل رەتىندە ەرەكشە حالىقارالىق جاۋاپكەرلىك جانە بورىش ارقالاپ وتىر. ەكى جاق دۇنيە جۇزىلىك اعىمعا ۇيلەسىپ، ازيا - تىنىق مۇحيت ءوڭىرىنىڭ بەيبىتشىلىگى مەن ورنىقتىلىعىن بىرگە قورعاپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە تاريحي ۇلەس قوسۋى كەرەك.
بايدەن مىنالاردى ءبىلدىردى: جۇڭگو − ۇزاق تاريحقا جانە ۇلى وركەنيەتكە يە مەملەكەت، جۇڭگو حالقى − ۇلى حالىق. ا ق ش پەن جۇڭگو ەكى ەل قاقتىعىسۋدان ساقتانۋعا ءتيىس، كليمات وزگەرىسى سياقتى كەڭ اۋقىمدى سالالاردا سەلبەستىك ورىستەتۋگە بولادى. ا ق ش جاق جۇڭگو جاقپەن بىرگە ءوزارا قۇرمەت ەتۋ رۋحىن نەگىزگە الا وتىرىپ، بۇكپەسىز جانە سىندارلى كەڭەس ورىستەتىپ، ءوزارا تۇسىنىستىكتى كۇشەيتىپ، ۇعىسپاستىقتان، اعات تۇجىرىم جاساۋدان ساقتانۋدى قالايدى.
ەكى ەلدىڭ مەملەكەت باسشىلارى بىردەي بىلاي دەپ قارادى: بۇگىنگى تەلەفوندا سويلەسۋ دۇنيە جۇزىنە بەلسەندى سيگنال تاراتادى، ەكى جاق جۇڭگو – ا ق ش قاتىناسى جانە ورتاق كوڭىل ءبولىپ وتىرعان ماسەلەلەر جونىندە ءجيى بايلانىس جاساپ تۇرۋعا ماقۇل بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
