بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سىرتقى ىستەر مينيسترلىگىنىڭ مالىمدەمەشىسى —

كوكتەم مەرەكەسى مەزگىلىندە جۇڭگو 7 مەملەكەتكە جاڭا تيپتى ايدارشا ۆيرۋس ۆاكسيناسىن تاپسىرىپ بەردى

2021.02.19 13:47     كەلۋ قاينارى : حالىق تورابى

  حالىق گازەتىنىڭ ءتىلشىسى شياۋ شينشين 2 – ايدىڭ 18 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 2 – ايدىڭ 18 – كۇنى بىلاي دەدى: كوكتەم مەرەكەسى مەزگىلىندە، جۇڭگو جاقتىڭ شەتەلگە جاڭا تيپتى ايدارشا ۆيرۋس ۆاكسيناسىن بەرۋ جانە كومەكتەسۋ قادامى تولاستامادى، زيمبابۋە، تۇركيا، پەرۋ، ماروككو، سەنەگال، ۆەنگريا، اراب بىرىككەن امىرلىگى قاتارلى 7 مەملەكەتكە ۆاكسينانى تاپسىرىپ بەردى. جۇڭگو جاق الداعى جەردە ءارقايسى جاقتارمەن ۆاكسينا، ىندەتتەن ساقتانۋ – تىزگىندەۋ قاتارلى ءتۇرلى جاقتارداعى سەلبەستىكتەردى ۇزدىكسىز كۇشەيتىپ، دۇنيە ءجۇزىنىڭ ىندەتكە قارسى اتتانۋ كۇرەسىنىڭ ەڭ سوڭعى جەڭىسىنە قول جەتكىزۋىنە جۇڭگو ءوز ۇلەسىن قوسادى.

  حۋا چۇنيڭ سول كۇنى سىرتقى ىستەر مينيسترلىگىنىڭ تىلشىلەردى قابىلداۋ ماجىلىسىندە قاتىستى سۇراۋلارعا جاۋاپ بەرگەندە وسىلاي ايتتى.

  حۋا چۇنيڭ بىلاي دەدى: قازىر جاڭا تيپتى ايدارشا ۆيرۋس دۇنيە جۇزىندە ءالى دە تارالۋدا. جۇڭگو جاق ايتقان سوزىندە تۇرىپ، ءتوراعا شي جينپيڭنىڭ ماڭىزدى نۇسقاۋىن شىنايى تۇردە ءامالياتتا ايگىلەپ كەلەدى، ۆاكسينانى دۇنيە جۇزىنە ورتاق ءونىم ەتۋگە، ۆاكسينانىڭ دامۋ ۇستىندەگى ەلدەرگى قامتىمدىلىعى مەن قولجەتىمدىلىگىن ىلگەرىلەتۋگە كۇش سالادى.

  ول مىنانى ءبىلدىردى: جۇڭگو جاق دۇنيە جۇزىلىك دەنساۋلىق ساقتاۋ ۇيىمىنىڭ «دۇنيە ءجۇزى سەلبەسە وتىرىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋدىڭ جاڭا قۇرالىن زەرتتەۋى، ءوندىرۋى، ادىلدىكپەن قول جەتكىزۋى كەرەك» دەگەن ۇندەۋىنە باستاماشىلدىقپەن اتسالىسىپ، ون نەشە مەملەكەتپەن ۆاكسينانى زەرتتەۋ جاعىندا بەلسەندى سەلبەستىك جاسادى، جيىنى ۇقساماعان 100 نەشە مەملەكەت قاراستىلىعىنداعى 100 مىڭنان استام ەرىكتى بۇل شاراعا اتسالىستى. جۇڭگو «جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنا قاتىستى اتقارۋ جوسپارىنا» قاتىناستى ءارى قولداۋ كورسەتتى. دۇنيە جۇزىلىك دەنساۋلىق ساقتاۋ ۇيىمىنىڭ وتىنىشىنە ساي، جۇڭگو جاق «اتقارۋ جوسپارىن» الدىمەن 10 ميلليون دانا وتاندىق ۆاكسينامەن قامداۋدى ماقۇلدادى، بۇل ۆاكسينالار دامۋ ۇستىندەگى ەلدەردىڭ شۇعىل قاجەتىن شەشىم ەتۋگە پايدالانىلادى. جۇڭگو جاق ءوتىنىش بىلدىرگەن، دامۋ ۇستىندەگى 53 مەملەكەتكە ۆاكسينا جاعىندا كومەك كورسەتتى.

  جۇڭگو جاق قاتىستى كاسىپورىنداردىڭ ۆاكسيناعا قول جەتكىزۋدى شۇعىل قاجەت ەتىپ وتىرعان، جۇڭگونىڭ ۆاكسيناسىنا سەنىم بىلدىرگەن، ءوز مەملەكەتىندە جۇڭگونىڭ ۆاكسيناسىن شۇعىل پايدالانۋعا رۇقسات بەرگەن مەملەكەتتەرگە ۆاكسينا ەكسپورت ەتۋىن قولدايدى، 22 مەملەكەتكە ۆاكسينانى ەكسپورت ەتتى نەمەسە الدا ەكسپورت ەتپەك. سونىمەن بىرگە، جۇڭگو كاسىپ سالاسى تىزبەگىنىڭ باسىمدىلىعىن بەلسەندى ساۋلەلەندىرىپ، باسقا مەملەكەتتەردىڭ جۇڭگودا نەمەسە جەرگىلىكتى ورىندا ۆاكسينا ونىمدەرىن مانەرلەۋىن، ءوندىرۋىن قولدايدى جانە سايكەسەدى، وسى ارقىلى دۇنيە جۇزىلىك ءوندىرىس قۋاتىن جوعارىلاتۋعا دەم بەرەدى. جۇڭگو جاق بەيبىتشىلىكتى قورعاۋ قىزمەتكەرلەرىن جاڭا تيپتى ايدارشا ۆيرۋس ۆاكسيناسىمەن قامداۋ گرۋپپاسىنا قاتىناسۋدى ءارى ب م ۇ بەيبىتشىلىكتى قورعاۋ قىزمەتكەرلەرىنە ۆاكسينا تارتۋ ەتۋدى ماقۇلدادى.

  حۋا چۇنيڭ بىلاي دەدى: «كوكتەم مەرەكەسى مەزگىلىندە، ءبىز ۆاكسينامەن قامداۋ جانە كومەكتەسۋ اياق الىسىن توقتاتپادىق، زيمبابۋە، تۇركيا، پەرۋ، ماروككو، سەنەگال، ۆەنگريا، اراب بىرىككەن امىرلىگى قاتارلى 7 مەملەكەتكە ۆاكسينانى تاپسىرىپ بەردىك. ۆەنگريا قاتارلى مەملەكەتتەردىڭ باسشىلارى اۋەجايعا بارىپ قارسى الىپ، جۇڭگونىڭ كومەكتەسكەنىنە جانە جاڭا تيپتى ايدارشا ۆيرۋس ۆاكسيناسىمەن قامداعانىنا شىنايى راقىمەت ايتتى».

  حۋا چۇنيڭ مىنانى ءبىلدىردى: ءار ەل ۇكىمەتىنىڭ، كاسىپورىندارىنىڭ جانە عالىمدارىنىڭ بىرگە قۇلشىنۋىنىڭ ارقاسىندا، قازىر جاڭا تيپتى ايدارشا ۆيرۋس ۆاكسيناسى رەكوردتىق قارقىنمەن زەرتتەلۋدە جانە وندىرىلۋدە، الايدا، «ءوندىرىس قۋاتىنداعى قىزىل سيفر» جانە «بولىستەگى قىزىل سيفر» ماسەلەسىن شۇعىل شەشۋ قاجەت بولىپ وتىر. ءارقايسى جاقتار ۆاكسيناعا بايلانىستى «ۇلتشىلدىققا» تىزە قوسا قارسى تۇرىپ، ۆاكسينانى ءادىل دە ۇيلەسىمدى بولىسكە سالۋدى ىلگەرىلەتۋى قاجەت، وتە – موتە، قاقتىس تۋىلىپ جاتقان ەلدەردى قامتىعان دامۋ ۇستىندەگى ەلدەردە ۆاكسينانىڭ قامتىمدىلىعى مەن قولجەتىمدىلىگىن ورىنداۋدى ىلگەرىلەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار