”تۇنىق سۋ، جاسىل تاۋ − باعالى بايلىق“ ۇستانىمىن امالياتتا ايگىلەپ، ”ەڭ كورىكتى قارلى قالا“ تۇلعالايمىز
− التاي ايماقتىق پارتكومنىڭ شۋجيى جاڭ يانمەن سۇحبات
انار بۇلت/شينجياڭ گازەتىنىڭ ءتىلشىسى جاڭ تيڭ
2021.02.19 14:52 كەلۋ قاينارى : شينجياڭ گازەتى
”13 - بەسجىلدىققا“ قايىرىلا قاراساق، التاي ايماعى قانداي ناتيجەلەرگە قول جەتكىزدى؟ ”14 - بەسجىلدىق“ مەزگىلىندە التاي ايماعى قايسى جاقتارعا كۇش سالادى، ىلگەرىلەتەتىن نەگىزگى ءتۇيىن، كورنەكتى قىزمەتتەر قايسىلار؟ ساياحات كاسىبىن نەگىزگى تۇلعالىق كاسىپ سالاسى ەتكەن ايماق رەتىندە، قايتكەندە كورىنىسى كوركەم تۇنىق سۋ، جاسىل تاۋدى ءتىپتى دە قۇندى باعالى بايلىققا اينالدىرۋعا بولادى؟ جۋىقتا ءتىلشى التاي ايماقتىق پارتكومنىڭ شۋجيى جاڭ يانمەن سۇحباتتاستى.
جاسىل ءتۇس التايدىڭ ەڭ اجارلى تۇسىنە اينالدى
”’13 - بەسجىلدىق‘ مەزگىلىندە ءبىز جاڭا دامۋ ۇستانىمىن ىشكەرىلەي دايەكتىلەندىرىپ، شينجياڭدى ساياحات ارقىلى گۇلدەندىرۋ ستراتەگيالىق ورايىن مىقتى يگەرىپ، ’ساياحات كاسىبىن نەگىزگى تۇلعا ەتىپ، 1 - كاسىپتى ىلگەرىلەتۋگە، 2 - كاسىپتى كوتەرۋگە‘ تاباندى بولىپ، ساياحات كاسىپ سالاسىن، وسى زامانعى اۋىل شارۋاشىلىعىن، شەكارا وتكەل ەكونوميكاسىن كۇش سالا وركەندەتتىك. 500 مىڭ مۋلىق جۇڭگوشا شيپاگەرلىك ءشوپ ءدارى بازاسىن، 500 مىڭ مۋلىق شىرىندى جەمىس بازاسىن، 2 ميلليون مۋلىق جەم - ءشوپ بازاسىن قۇرۋدى جەدەلدەتىپ، ’10 مىڭ تۇيە‘، ’10 مىڭ ەسەك‘، ’10 مىڭ سيىر‘ جانە جىلقى كاسىپ سالاسى باقشاسى سياقتى كاسىپ سالاسى نىساندارىن اتقارۋدى باستاپ، ’سيىر، قوي، جىلقى، تۇيە، ەسەك، سۋ، جايلىم، ءدارى - دارمەك، جەمىس - جيدەك، ءسۇت‘ 10 ۇلكەن ەرەكشە ابزال كاسىپ سالاسىن كۇش سالا تۇلعالايمىز، دامۋ ساپاسى ءتىپتى دە جوعارى، تەبىنى ءتىپتى دە كۇشتى، ءتىپتى دە باياندى بولادى“، - دەدى جاڭ يان.
جاڭ يان مىنالاردى ءبىلدىردى: ”3 ءىرى قامال الۋ شايقاسىن“ ويداعىداي جۇرگىزۋ بارىسىندا التاي ايماعى كەدەيلىكتەن ارىلتۋدان قامال الۋ شايقاسىن بۇرىن بولماعان جوعارى دەڭگەيدە جانە تەبىنمەن ىلگەرىلەتتى، شىڭگىل، جەمەنەي 2 كەدەي اۋداننىڭ كەدەيلىك قالپاعىن ءساتتى الىپ تاستادى، ”وقيتىن مەكتەبى بولۋ، ەڭبەگىنىڭ جەمىسىن كورۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورىن بولۋ، تۇراتىن باسپاناسى بولۋ“ سىندى تاماشا تىلەكتەر قازىر ءبىر - بىرلەپ امالياتقا اينالىپ، ءار ۇلت بۇقاراسى شىن جۇرەكتەن پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەستى.
”ءبىز لاستانۋدىڭ الدىن الۋ جانە ونى وڭاۋدان قامال الۋ شايقاسىن باتىل، ويداعىداي جۇرگىزىپ، تىڭ جەر اشپاۋ، كەن اشپاۋ، سۋ - ەلەكتر ستانسياسىن اشپاۋ سىندى’3 تى اشپاۋ‘ ەكولوگيانى قورعاۋ قىزىل سىزىعىن، تومەنگى شەگىن بەلگىلەپ، ەرتىس وزەنى الابىنداعى تاۋ، سۋ، ورمان، اتىز، كول، جايلىم ەكولوگياسىن قورعاۋ، قالپىنا كەلتىرۋ ينجەنەرياسى سياقتى ءتۇيىندى ەكولوگيالىق نىسانداردى باستاپ اتقارىپ، ەكولوگيالىق ورتانىڭ باياندى جاقسارۋىن جەبەدىك، تاۋ - وزەندەر جاسىل جەلەك جامىلىپ، كورىنىسى ءتىپتى دە اسەم بولىپ، جاسىل ءتۇس التايدىڭ ەڭ اجارلى تۇسىنە اينالدى“، - دەيدى جاڭ يان.
”6635“ ستراتەگيالىق جولىن زور كۇشپەن اتقارامىز
جاڭ يان مىنالاردى ءبىلدىردى: ”14 - بەسجىلدىق“ مەزگىلىندە التاي ايماعى ”ساياحات كاسىبىن نەگىزگى تۇلعا ەتىپ، 1 - كاسىپتى ىلگەرىلەتۋ، 2 - كاسىپتى كوتەرۋ“ دامۋ وي جەلىسىنە تاباندى بولىپ، ”6635“ ستراتەگيالىق جولىن زور كۇشپەن اتقارادى.
ءبىرىنشى ”6“ شەشۋشى ءمان الادى، مەڭزەيتىنى 6 ۇلكەن قارجى قوسۋ سالاسى بولىپ، باستىسى، ءىرى ساياحات، ءىرى قاتىناس، ءىرى ەكولوگيا، ءىرى اۋىل شارۋاشىلىعى، ۇلكەن ساندى مالىمەت، زور سالاماتتىق سىندى 6 ۇلكەن سالاعا ءونىمدى قارجى قوسۋ ءورىسىن ۇزدىكسىز كەڭەيتۋ ارقىلى جوعارى ساپالى دامۋدىڭ تەبىنى مەن ساپاسىن جاپپاي جوعارىلاتامىز.
ەكىنشى ”6“ نەگىز سانالادى، مەڭزەيتىنى 6 ۇلكەن نەگىزدى بەكەمدەۋ ينجەنەرياسى بولىپ، باستىسى، قوعام ورنىقتىلىعى، ۇلتتار ىنتىماعى، شينجياڭدى مادەنيەتپەن نارلەندىرۋ، وقۋ - اعارتۋدا قۋاتتى ايماق قۇرۋ، اۋىل - قىستاقتى گۇلدەندىرۋ، قالانى جاڭالاۋ سىندى 6 ۇلكەن نەگىزدىك ينجەنەريانى اناعۇرلىم بەكەمدەۋ ارقىلى باياندى تىنىشتىقتىڭ نەگىزگى ساتىداعى نەگىزىن جاپپاي بەكەمدەيمىز.
ءبىر ”3“ وزەك سانالادى، مەڭزەيتىنى 3 ءىرى تىرەكتى كاسىپ سالاسى بولىپ، باستىسى، وسى زامانعى ساياحات كاسىبى، وسى زامانعى ەگىن، مال شارۋاشىلىعى، شەكارا وتكەلى ەكونوميكاسى سىندى 3 ءىرى تىرەكتى كاسىپ سالاسىن دامىتۋ، زورايتۋ ارقىلى وڭىرلىك ەكونوميكانى ارتتىرۋدىڭ قوزعاۋشى كۇش قاينارىنىڭ جوعارى جىلدامدىقتاعى قوزعالتقىشىن جاپپاي ورناتامىز.
ءبىر ”5“ نىسانا سانالادى، مەڭزەيتىنى ”663“نىڭ ءتۇرلى قىزمەتتەرىن ويداعىداي ىستەۋ نەگىزىندە، التاي ايماعىن مەملەكەتتىك ەكولوگيالىق وركەنيەت قۇرىلىسىنداعى ۇلگى كورسەتۋ رايونى، مەملەكەتتىك تۇتاس وڭىرلىك ساياحاتتان ۇلگى كورسەتۋ رايونى، مەملەكەتتىك قار - مۇز كاسىپ سالاسىندا جاڭالىق اشا دامۋدان ۇلگى كورسەتۋ رايونى، مەملەكەتتىك قوعام اماندىعىن جاپپاي جونگە سالۋدا ۇزدىك ايماق، مەملەكەتتىك ۇلتتار ىنتىماعى، العاباسارلىعىنداعى ۇلگى كورسەتۋ رايونى ەتىپ قۇرۋعا قۇلشىنىپ، ءتىپتى دە تىنىش، كوركەم، باقىتتى جاڭا التاي قۇرىپ شىعامىز.
شينجياڭدى ساياحات ارقىلى گۇلدەندىرۋ ستراتەگياسى ءۇشىن التاي ۇلەسىن قوسامىز
التاي ايماعى ەكولوگيانى ماڭداي الدى ورىنعا قويۋعا، جاسىل دامۋعا تاباندى بولىپ، ”تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا قىمباتتى بايلىق“ ۇستانىمىن بەرىك ورناتىپ، مول ساياحات بايلىق ابزالدىلىعىنا سۇيەنىپ، بايلىق تيبىندەگى، ۇتىمسىز ەكونوميكالىق دامۋ تاسىلىنە وزگەرىس جاساپ، ”ساياحات كاسىبىن نەگىزگى تۇلعا ەتىپ، 1 - كاسىپتى ىلگەرىلەتۋ، 2 - كاسىپتى كوتەرۋ“ دامۋ وي جەلىسى بويىنشا ساياحات كاسىبىن نەگىزگى تۇلعالى كاسىپ سالاسى ەتكەن ايماققا اينالدىرامىز.
”ءبىز شينجياڭدى ساياحات ارقىلى گۇلدەندىرۋ ستراتەگيالىق ورايىن مىقتى يگەرىپ، اۆتونوميالى رايوندىق پارتكومنىڭ التايعا قويعان ’جوسپاردى ويداعىداي جاساۋ، جەلى قۇرۋ، ماركا جاراتۋ، ۇگىتتەۋدى - تانىستىرۋدى ويداعىداي ىستەۋ، كاسىپ سالاسىنا جەتەكشىلىك ەتۋ‘ سىندى 5 ءتۇيىندى تالابى بويىنشا ۇلكەن قاناس كورىنىس ءوڭىرى جوسپارىن اتقارىپ، ’ءۇش ورامدى N اينالمالى‘ جاز ماۋسىمىندىق ساياحات جەلىسىن، ءوز اۆتوكولىگىمەن ساياحاتتاۋ سارا لەنيا جەلىسىن جولعا قويىپ، التاي - كوكتوعاي - جۇندۇڭ تەمىر جولى، التاي - قوم تاس جولى، تەرەكتى - جالدىڭ ءۇيى تاس جولى سياقتى ساياحات ماڭىزدى جولدارىنىڭ تۇتاس جەلىسىن تۇتاستىردىق“، - دەدى جاڭ يان.
التاي ايماعى اۆتونوميالى رايوننىڭ قىس ماۋسىمىنداعى قار - مۇز ساياحاتى ەكونوميكاسىن دامىتۋ وزەكتى رايونى سىندى ورىن تۇراقتاندىرۋىن مىقتى يگەرىپ، دۇنيە جۇزىندەگى ماڭداي الدى قار - مۇز بايلىعى ابزالدىلىعىن تياناق ەتىپ، ورەلى باستامامەن قار - مۇز ءىرى رايونى جوباسىن جاساپ، ”4 اۋماق، ءبىر بەلدەۋ“ قىسقى ساياحات جەلىسىن جولعا قويىپ، ەل ىشىندە تەڭىز دەڭگەيى پارقى ەڭ زور كوكتوعاي حالىقارالىق شاڭعى الاڭىن، مەملەكەتىمىزدەگى بىردەن - ءبىر قالاداعى قار شاڭعى الاڭى − گەنەرال تاۋى قار شاڭعى الاڭىن قۇرىپ، ازياداعى كولەمى ەڭ ۇلكەن، قار ساپاسى ەڭ جاقسى ەكى اشا حالىقارالىق قار شاڭعى دەمالىس رايونى قۇرىلىسىن باستادىق، كوكتوعاي حالىقارالىق قار شاڭعى الاڭى، گەنەرال تاۋى قار شاڭعى الاڭى، سارقوبى دالالىق قار شاڭعى الاڭى مەملەكەت قۇراماسىنىڭ قىسقى قار ءۇستى ويىن تۇرلەرىنە جاتتىعۋ بازاسى قاتارىنا ەندى. ”تازا قاناس، قارلى قالا التاي“ وزەكتى ماركاسى، ”ادامزاتتىڭ شاڭعى تەبۋى باستالعان جەر“ سىندى مادەنيەت ماركاسىنىڭ، جاسىل تاۋ، تۇنىق سۋ، قار جامىلىپ، مۇز قۇرسانعان ەكولوگيا ماركاسىنىڭ اتاعى بارعان سايىن تانىلىپ، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا التايدىڭ قىسقى ساياحاتى ءتيىمسىز جاعدايدا ارتۋدى جۇزەگە اسىردى.
”كەلەسى قادامدا ءبىز ساياحات كاسىبىنىڭ نەگىزگى تۇلعالىق ورنىنان اۋىتقىماۋعا تاباندى بولىپ، جوبانى كەمەلدەندىرۋ جاعىندا جالعاستى كۇش سالىپ، ۇگىتتەۋ، تيجارات جاعىنا دەن قويىپ، بۇقاراعا تيىمدىلىك جاساۋ جاعىنا بار كۇشىمىزدى سالىپ، شينجياڭدى ساياحات ارقىلى گۇلدەندىرۋ ستراتەگياسى ءۇشىن التاي ۇلەسىن قوسامىز“، - دەدى جاڭ يان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
