2020 - جىلى بيڭتۋاننىڭ ءوندىرىس جالپى ءونىم قۇنى سايكەس مەزگىلدەگىدەن ％4.5 ارتتى
ماقتانىڭ جالپى ءونىمى تاريحتاعى ەڭ جوعارى ورەگە جەتتى
2021.02.19 14:56 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاڭ شياۋيان 2 - ايدىڭ 7 - كۇنى ۇرىمجىدەن حابارلايدى. 2 - ايدىڭ 7 - كۇنى بيڭتۋاننىڭ اقپارات كەڭسەسى 2020 - جىلعى بيڭتۋاننىڭ ەكونوميكالىق اينالىم جاعدايى جونىندە اقپار جاريالاۋ ءماجىلىسىن اشىپ، مىنانى حابارلاندىردى: بىلتىر بيڭتۋاننىڭ ەكونوميكالىق اينالىمىندا ”توقساندار بويىنشا بىرتىندەپ ءوسۋ، ۇزدىكسىز جاقسارۋ“ سىندى تاماشا جاعداي جارىققا شىقتى، تۇتاس جىلداعى ورىندالۋ جاعدايى مەجەدەگىدەن جاقسى بولدى؛ تۇتاس جىلدا ءوندىرىس جالپى ءونىم قۇنى 290 ميلليارد 514 ميلليون يۋانعا جەتىپ، سالىستىرمالى باعا بويىنشا ەسەپتەگەندە الدىڭعى جىلداعىدان ％4.5 ارتتى.
بيڭتۋان ساناق مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى لي ۋانماۋدىڭ تانىستىرۋىنشا، 2020 - جىلى بيڭتۋاننىڭ اۋىل شارۋاشىلىعى ءوندىرىسى ايتارلىقتاي بولىپ، استىق پەن ماقتا ءونىمى بىردەي ارتقان. اۋىل شارۋاشىلىعىنىڭ جالپى ءونىم قۇنى 149 ميلليارد 446 ميلليون يۋانعا جەتىپ، الدىڭعى جىلداعىدان ％6.4 ارتقان. استىقتىڭ جالپى ءونىمى 2 ميلليون 414 مىڭ 400 تونناعا جەتىپ، تاياۋداعى 4 جىلداعى ەڭ جوعارى ورەگە جەتكەن. ماقتانىڭ جالپى ءونىم مولشەرى 2 ميلليون 134 مىڭ 100 تونناعا جەتىپ، تاريحتاعى ەڭ جوعارى ورەگە كوتەرىلىپ، بۇكىل ەلدىڭ ％36.1ىن، اۆتونوميالى رايوننىڭ ％41.3ىن ۇستاعان.
ونەركاسىپ ءوندىرىسىنىڭ قارقىنى ارتىپ، جاڭادان گۇلدەنگەن كاسىپ سالالارى تەز جەتىلدى. كولەمدەنگەن ونەركاسىپتىڭ ارتقان قۇنى الدىڭعى جىلداعىدان ％7.7 ارتتى، ارتۋ قارقىنى تاياۋ 4 جىلداعى ەڭ جوعارى ورەگە جەتتى. كولەمدەنگەن ونەركاسىپتەگى ستراتەگيالىق جاڭادان گۇلدەنگەن كاسىپ سالالارىنىڭ ارتقان قۇنى الدىڭعى جىلداعىدان ％24.1 ارتىپ، كولەمدەنگەن ونەركاسىپتىڭ ارتۋ قارقىنىنان 16.4 پايىز تەز بولدى، كولەمدەنگەن ونەركاسىپتىڭ ارتقان قۇنىندا ۇستاعان ۇلەسى ％8.6بولدى.
ناقتى ەكونوميكا ۇزدىكسىز زورايىپ، ونەركاسىپ كاسىپورىندارىنىڭ ونىمدىلىگى كورنەكتى ارتتى. تۇتاس جىلدا جاڭادان 34 مىڭ 906 بازار تۇلعاسى قوسىلدى. كولەمدەنگەن ونەركاسىپ كاسىپورىندارىنىڭ ىسكە اسىرعان پايدا جالپى سوماسى 13 ميلليارد 643 ميلليون يۋانعا جەتىپ، الدىڭعى جىلداعىدان ％56.9 ارتتى. تۇراقتى مۇلىككە قوسىلعان قارجى الدىڭعى جىلداعىدان ％22.4 ارتىپ، ارتۋ قارقىنى سوڭعى 7 جىلداعى ەڭ جوعارى ورەگە جەتتى؛ حالىقتىق قارجى قوسۋ ％23.6 ارتتى.
بيڭتۋان تۇرعىندارىنىڭ جان باسىندىق قولداعى تابىسى 34 مىڭ 435 يۋاننان اينالىپ، الدىڭعى جىلداعىدان ％3.1 ارتتى، باعا فاكتورىن شىعارىپ تاستاعاندا، ناق ％1.6 ارتتى. مۇنىڭ ىشىندە ليان - دۇي تۇرعىندارىنىڭ جان باسىندىق قولداعى تابىسى 24 مىڭ 516 يۋاننان اينالىپ، الدىڭعى جىلداعىدان ％11.5 ارتتى، باعا فاكتورىن شىعارىپ تاستاعاندا، ناق ％9.3 ارتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
