يىڭىسار اۋدانى ساعان قالاشىعى:
”اشتى كوكونىس ەكونوميكاسى“ كىرىستى ارتتىرۋدىڭ ۇتىمدى ادىسىنە اينالدى
انار بۇلت / شينجياڭ گازەتىنىڭ ءتىلشىسى حان چينيان
2021.02.20 14:39 كەلۋ قاينارى : شينجياڭ گازەتى
2 - ايدىڭ 16 - كۇنى، يىڭىسار اۋدانى ساعان قالاشىعى اقياق قىستاعىنىڭ تۇرعىنى مايحان روزى وتباسىنىڭ ەگىستىك جەرىندە اق ءتۇستى سۋلياۋ جارعاقتىڭ استىنان كوكتەپ كەلە جاتقان ۋسارىمساق مايسالارى كوزگە شالىنادى، قانىق كوك ءتۇستى ۋسارىمساق جاپىراعى الداعى مول ءونىمدى ەلەستەتىپ تۇرعانداي. ”بۇل ۋسارىمساقتى بيىل 5 - ايدىڭ اياق شەنىندە قازىپ الىپ ساتۋىمىزعا بولادى“. قىستاق تۇرعىندارىن باستاپ ۋسارىمساقتىڭ ءوسۋىن باقىلاپ جۇرگەن شاندۇڭنان شينجياڭعا كومەككە كەلگەن كادر، ساعان قالاشىق پارتكومنىڭ ورىنباسار شۋجيى لي شياۋچاڭ بىلاي دەدى: ”ۋسارىمساقتى جيىپ العاننان كەيىن، ىلە - شالا ءبىز قىزىل بۇرىش ەگەمىز“.
”ۋسارىمساق پەن قىزىل بۇرىش الما - كەزەك ەگىلەدى. تاجىريبەلى قىستاق تۇرعىندارىنىڭ بارلىعى ەگىس داقىلداردى الما - كەزەك ەككەندە عانا جاقسى ءونىم بەرەتىندىگىن ابدەن بىلەدى.
مايحان روزىنىڭ وتباسى ارحيۆ تۇرعىزىلىپ، كارتچكالاندىرىلعان كەدەي وتباسىنان دوڭگەلەك داۋلەتتى تۇرمىسقا جەتتى، مۇنداي پارىقتان كەيىن ول: ”تۇرمىس پەن ەگىن ەگۋ ءبىر قاعيدا سانالادى، الما - كەزەك ەگۋدى دۇرىس مەڭگەرۋ كەرەك، وتباسىمىز كوكونىس ەگىپ كەدەيلىكتەن ارىلدى، شاندۇڭنان شينجياڭعا كومەككە كەلگەن كادرلاردىڭ باستاماشى بولعانىنا ەرەكشە العىس ايتامىز“، - دەيدى ەرەكشە تەبىرەنىسپەن.
مايحان روزى وتباسىنداعى 3 جاندا 5. 4 مۋ ەگىستىك جەر بار، بىلتىر تەك ەرەكشە اشتى (پيگمەنت) قىزىل بۇرىش ەگۋدىڭ وزىنەن - اق 15 مىڭ يۋان كىرىس كىرگىزگەن.
يىڭىسار اۋدانى بۇرىن كەدەي جان سانى كوپ، كەدەيلەسۋ سالماعى اۋىر، كەدەيلەسۋ سەبەبى كۇردەلى، كەدەيلىكتەن ارىلۋدىڭ قيىندىعى زور بولعاندىقتان كەدەيلىكتەن ارىلتۋدان قامال الۋ شايقاسىنداعى ءبىر ماشاقاتتى تۇيىنگە اينالىپ قالعان ەدى. بۇل كۇندەرى كاسىپ سالاسى قۇرىلىمىن رەتتەۋگە ىلەسىپ، كەدەي وتباسىلارى ەرەكشە ەگىس داقىلدارىن ەگۋ ارقىلى جاڭاشا تۇرمىس وتكىزە باستادى.
وتكەندە مايحان روزى وتباسى ءبيداي، جۇگەرى ەگەتىن، ەگىس جۇمىسى سايابىرلاعاندا اۋدان قالاشىعىنا بارىپ كۇندىك جۇمىس ىستەيتىن، ءبىراق كەدەيلىك بەينەسى وزگەرمەگەن ەدى.
”بۇلاي كەتە بەرسەك بولمايدى، وي جەلىسىن وزگەرتۋ كەرەك “. 2020 - جىلى 3 - ايدا شينجياڭعا كومەككە كەلگەن كادر لي شياۋچاڭ ساعان قالاشىعى پارتكومىنىڭ ورىنباسار شۋجيلىگى مىندەتىنە تاعايىندالا سالا، بار نازارىن قىستاق تۇرعىندارىن تاماشا تۇرمىسقا باستاۋعا اۋداردى.
ساعان قالاشىعىنا كەلگەننەن كەيىن، لي شياۋچاڭ تۇتاس قالاشىقتاعى 21 قىستاقتى ارالاپ شىعىپ، شاندۇڭ جاقتاعى پىسىپ - جەتىلگەن كوكونىس ەگۋ تەحنيكاسىن ساعان قالاشىعىنا اكەلىپ ، ”ۋسارىمساق + ەرەكشە اشتى قىزىل بۇرىشتى“ الما - كەزەك ەگۋ ءتاسىلى ارقىلى ”اشتى كوكونىس ەكونوميكاسىن“ دامىتىپ، شارۋالاردىڭ كىرىسىن ارتتىرۋعا دەم بەردى.
”ەرەكشە اشتى قىزىل بۇرىشتى ءبىز ەگىپ كورمەگەمىز، كىم ەگە الادى؟“
”ەرەكشە اشتى قىزىل بۇرىشتى ەكسەك اقشا تابا الامىز با؟“
قىستاق تۇرعىندارىن ۋايىمنان ارىلتۋ ءۇشىن، لي شياۋچاڭ ۇنەمى قىستاقتارعا بارىپ، وتباسىلارىن ارالاپ، قىستاق تۇرعىندارىنا قىزمەت ىستەدى، جانە دە شاندۇڭنان تەحنيكتەردى ۇسىنىس ەتىپ، ساعان قالاشىعىندا 800 مۋ جەرگە ەرەكشە اشتى قىزىل بۇرىشتى سىناق رەتىندە ەكتى.
”سىناق رەتىندە ەگىلگەن 800 مۋ جەردەگى ەرەكشە اشتى قىزىل بۇرىشتىڭ مۋ باسىندىق كىرىسى 3000 يۋاننان استى. قىزىل بۇرىش ەگىپ اقشا تابۋعا بولاتىنىن كورگەن قىستاق تۇرعىندارى ۋايىمنان ارىلىپ، تالاسا - تارماسا قىزىل بۇرىش ەگۋ تالابىن ايتا باستادى“، - دەدى لي شياۋچاڭ.
”ءبىز شاندۇڭداعى ءبىر كاسىپورىنمەن ەرەكشە اشتى قىزىل بۇرىشتى ساتىپ بەرۋ - ساتىپ الۋ توقتامىنا قول قويدىق، ءار كيلوگرامىنىڭ ساتىپ الۋ باعاسى 10 يۋاننان تومەن بولمايدى“، - دەدى ساعان قالاشىق اۋىل - قىستاق كەڭسەسىنىڭ مەڭگەرۋشىسى وبۇلقاسىم احمەت.
قىزىل بۇرىش پەن ۋسارىمساقتى الما - كەزەك ەگۋ ارقىلى مايحان روزى وتباسىنىڭ تۇرمىسى بارعان سايىن جاقساردى. ”بىلتىر قىزىل بۇرىشتى جيناپ العاننان كەيىن، اۋىل سۋلياۋ جارعاقپەن ۋسارىمساق ەكتىردى، مەن ۋسارىمساق ەكتىم“، - دەدى مايحان روزى قۋانىشپەن.
بىلتىر 7 - ايدا ساعان قالاشىعى شاندۇڭنان 150 توننادان استام ۋسارىمساق ۇرىعىن ساتىپ الادى، ۇسىنىس ەتكەن 3 تەحنيك ۋسارىمساق ەگۋدىڭ بارلىق بارىسىنا جەتەكشىلىك ەتەدى.
”ەرەكشە اشتى قىزىل بۇرىش + ۋسارىمساقتى“ الما - كەزەك ەگۋ ءتاسىلى بويىنشا ۋسارىمساق ەككەندە قالىپتى جاعدايدا جىل سايىن مۋ باسىنان 2000 كيلوگرامنان استام ۋسارىمساق الۋعا بولادى، ءار كيلوگرامىنىڭ باعاسى 5. 2 يۋان، ءبىر مۋ جەردەن 5000 يۋان كىرىس كىرگىزۋگە بولادى“. مايحان روزى: ۋسارىمساقتى جيىپ العاننان كەيىن قىزىل بۇرىش ەگىلەدى، سوندا ءبىر مۋ جەردىڭ ءبىر جىلدىق كىرىسى 8000 يۋانعا جەتەدى، - دەدى شاتتانا.
”قىستاق تۇرعىندارىنىڭ تۇرمىسىنىڭ بارعان سايىن جاقسارۋى شاندۇڭنان شينجياڭعا كومەككە كەلگەن كادرلاردىڭ ارقاسى!“، - دەدى وبۇلقاسىم.
بۇل كۇندەرى يىڭىساردا ۋسارىمساق، ەرەكشە اشتى قىزىل بۇرىش ەگىلەتىن جەر اۋدانى بارعان سايىن كەڭەيۋدە، ”اشتى كوكونىس ەكونوميكاسىن“ ارقاۋ ەتكەن كاسىپورىندار دا ارت - ارتىنان ىرگە تەپتى، ءسويتىپ، ۇستەمە قۇنى جوعارى كوكونىس كاسىپ سالاسى تىزبەگى قالىپتاسىپ كەلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
