بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

وسەك - اياڭ تاراتۋ، پالە جابۋ شينجياڭنىڭ دامۋ، گۇلدەنۋ ۇدەرىسىنە كەدەرگى بولا المايدى

سانجى حۇيزۋ اۆتونوميالى وبلىستىق پارتكومنىڭ تۇراقتى مۇشەسى ابدىرەيىم حالىق

2021.02.20 14:40     كەلۋ قاينارى : شينجياڭ گازەتى

  جۋىقتا امەريكانىڭ بۇرىنعى مەملەكەت ىستەرى حاتشىسى پومپەو شينجياڭعا ساياتىن ساندىراق جاريالاپ، شىندىقپەن ساناسپاي، دۇرىس پەن بۇرىستى، اق پەن قارانى شاتاستىرىپ، شينجياڭداعى ادامدىق ۇقىق جاعدايىن ورشەلەنە داتتاپ، شينجياڭنىڭ اسا تاماشا جاعدايى مەن ءار ۇلت حالىق بۇقاراسىنىڭ باقىتتى تۇرمىسىنا كۇيە جاعىپ، شينجياڭ قوعامىنىڭ ورنىقتىلىعىن قاساقانا بۇلدىرۋگە ۇرىندى. پومپەونىڭ شىلعي وتىرىكتەرى ونىڭ ايتىلمىس ”شينجياڭ ماسەلەسىن“ جەلەۋ ەتىپ ەلىمىزدى شاۋجايلاۋعا، بولشەكتەۋگە سۇقتانعان ارام نيەتىن تولىق پاش ەتتى، حالىقارالىق ادىلەت پەن ادامزاتتىڭ ادامگەرشىلىگىنەن ورەسكەل بەت بۇردى، ىزگى جانە ادىلەتتى بارلىق ادام ودان جيىركەنەدى. شينجياڭدا تۋىپ - وسكەن ۇيعۇر كادر رەتىندە، مەن پومپەونىڭ ارام نيەتى مەن پاسىق قىلىعىن قاتاڭ جازعىرامىن جانە وعان باتىل قارسى تۇرامىن.

  كەزەكتە شينجياڭنىڭ قوعامدىق كەلەلى جاعدايى ۇزدىكسىز جاراسىمدى، ورنىقتى بولىپ، ۇدايى 4 جىلدان استام ۋاقىت زورلىقتى كۇش لاڭكەستىك دەلوسى تۋىلمادى، ەكونوميكالىق، قوعامدىق دامۋ ۇزدىكسىز جاقساردى. مەن اۋدان - قالالاردا، اۋىل - قالاشىقتاردا، قىستاقتاردا (الەۋمەتتىك اۋماق) ىشكەرىلەي تەكسەرۋ - زەرتتەۋ جۇرگىزۋ، ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلىن ورىستەتۋ جانە نەگىزگى ساتىداعى كادر - بۇقارامەن سويلەسۋ، پىكىرلەسۋ بارىسىندا شينجياڭنىڭ ورنىقتىلىق جاعدايىنىڭ بارعان سايىن جاقسارىپ، ءتۇرلى ىستەردىڭ گۇلدەنىپ، شالقىپ كەلە جاتقاندىعىن، ءار ۇلت بۇقاراسىنىڭ ىنتىماقتى، بەرەكەلى، سيلاسىمدى، اناردىڭ دانىندەي تىعىز ۇيىسقاندىعىن تەرەڭ سەزىندىم. بۇل − قازىرگى شينجياڭنىڭ شىنايى كەلبەتى ءارى شينجياڭداعى ءار ۇلت بۇقاراسىنىڭ ەڭ تىكە، ەڭ شىنايى اسەرى.

  جاقىنعى جىلداردان بەرى پارتيا ورتالىق كوميتەتىنىڭ پارمەندى باسشىلىعىندا، ءار ۇلت كادر - بۇقاراسىنىڭ بىرگە قۇلشىنۋىندا، سانجى حۇيزۋ اۆتونوميالى وبلىسىنىڭ قوعامى ورنىقتى بولىپ، ەكونوميكالىق دامۋى ۇزدىكسىز جاقسارىپ، حالىقتىڭ تۇرمىس دەڭگەيى ۇزدىكسىز جوعارىلاپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ايتارلىقتاي كۇشەيدى. ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە بار كۇشىمىزدى سالدىق، كەدەي بۇقارانى ”ەكىدەن تارىقتىرماۋ، ۇشتە قامتاماسىز ەتۋ“ ماسەلەسى تولىقتاي شەشىلىپ، كەدەي قىستاقتاردا ”بەستى جەتكىزۋ، جەتى بولۋ“ تولىق جۇزەگە اسىپ، كەدەيلىك ماسەلەسى تاريحي تۇرعىدا شەشىلدى. ءبىز اۋىل - قىستاقتى گۇلدەندىرۋ ستراتەگياسىن زور كۇشپەن اتقارىپ، قازىنانىڭ اۋىل - قىستاقتاعى الەۋمەتتىك قىزمەت وتەۋدى قامتاماسىز ەتۋ دەڭگەيىن جوعارىلاتىپ، اۋىل - قىستاق الەۋمەتتىك ەمدەۋ، دەنساۋلىق ساقتاۋ، قوعامدىق قامتاماسىزداندىرۋ، الەۋمەتتىك اۋماقتاعى زەينەتكەرلىك سياقتى قوعامدىق سيپاتتاعى الەۋمەتتىك قىزمەت وتەۋلەرگە ۇسىنىلىم تەبىنىن ارتتىرىپ، اۋىل - قىستاق قونىس ورتاسىن رەتتەۋ - جونگە سالۋدى كۇشەيتىپ، اۋلالاردى تازارتۋ، قىستاقتاردى جاسىلداندىرۋ، كورىكتەندىرۋ، قوقىستاردى جونگە سالۋ سياقتى ارناۋلى ارەكەتتەردى بەلسەنە ورىستەتتىك، اۋىل - قىستاقتىڭ جالپىلىق بەت - بەينەسى مۇلدە جاڭاردى. ءبىز ءار ۇلت بۇقاراسىنىڭ ءدىني سەنىم ەركىندىگىن زاڭ بويىنشا قامتاماسىز ەتۋگە، دىنگە سەنۋدى نەمەسە دىنگە سەنبەۋدى ازاماتتار بۇكىلدەي وزدەرى تاڭداۋعا تاباندى بولىپ، ءدىني وقىتۋشى - قىزمەتكەرلەردى تاربيەلەۋدى، باۋلۋدى كۇشەيتىپ، ءدىني قيمىل ورىندارىنىڭ شارت - جاعدايىن جاقسارتتىق، دىنگە سەنەتىن بۇقارانىڭ ءدىني سۇيىسپەنشىلىگى، سەنىم قاجەتى تولىق قۇرمەتتەلدى.

  جۋىقتا شينجياڭداعى ءار ۇلت بۇقاراسى، اسىرەسە، ۇيعۇر بۇقاراسى باستان كەشكەندەرىن سويلەۋ ارقىلى شينجياڭنىڭ كەزەكتەگى ورنىقتى، باقىتتى تۇرمىسىن تولىق جايىپ سالىپ، پومپەونىڭ ”عاسىرلىق وسەك - اياڭىنا“ پارمەندى تويتارىس بەردى. پومپەونىڭ ويدان قۇراستىرعان شىلعي وتىرىگى تەك ونىڭ ءوزىنىڭ جامان قۇلقى مەن جۇڭگونىڭ ىشكى ىسىنە كيلىكپەك بولعان ارام نيەتىن عانا دالەلدەيدى، استە ادامداردى الداي المايدى، شينجياڭعا كۇيە جاعا المايدى، ءتۇپتىڭ تۇبىندە تەك ونىڭ وزىمەن بىرگە تاريحتىڭ كۇرەسىنىنە سىپىرىلىپ تاستالادى.

  وسى ارادا مەن پومپەو سياقتى اۋمەسىر ەسەرسوقتارعا مىنانى قاتاڭ ەسكەرتەمىن: ءارقانداي وسەك - وتىرىك، پالە جابۋ، بۇرمالاۋ، كۇيە جاعۋ جانە دورەكىلىكپەن كيلىگۋ شينجياڭداعى ءار ۇلت حالقىنىڭ ىنتىماقتاسا ەكپىندەي العا باسقان قادامىن بوگەي المايدى، شينجياڭداعى ادامدىق ۇقىق ىستەرىنىڭ دامىعان، العا باسقان شىندىعىن بۇركەمەلەي المايدى، شينجياڭنىڭ دامۋ، گۇلدەنۋ ۇدەرىسىنە كەدەرگى بولا المايدى. شينجياڭنىڭ جاراسىمدى، ورنىقتى تاماشا جاعدايىن بۇلدىرۋگە سۇقتانعان ءارقانداي ءىس - ارەكەت، ءسوز جوق، جەڭىلىسپەن تىنادى. شينجياڭنىڭ ەرتەڭى، ءسوز جوق، اناعۇرلىم جارقىن بولادى!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار