بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 18 - رەتكى ءماجىلىسىن باسقارىپ اشقاندا مىنانى دارىپتەدى

جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، رەفورمانىڭ جاڭا دامۋ جاعدايىن قالىپتاستىرۋداعى شەشۋشى رولىن ساۋلەلەندىرۋ كەرەك

لي كىچياڭ، ۋاڭ حۋنيڭ، حان جىڭ ماجىلىسكە قاتىناستى

2021.02.20 15:55     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 19 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 2 - ايدىڭ 19 - كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 18 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: رەفورمانى جاپپاي تەرەڭدەتۋ جاڭا دامۋ ۇستانىمىن دايەكتىلەندىرۋمەن، جاڭا دامۋ جاعدايىن قالىپتاستىرۋمەن تىعىز بايلانىستى، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن ورناتۋدىڭ نىسانا - مىندەتتەرىن مىقتى يگەرىپ، رەفورما جوباسىن اناعۇرلىم دالمە - ءدال شىعارىپ، رەفورمانىڭ اناعۇرلىم تەرەڭ ساتىعا كوتەرىلۋىن ىلگەرىلەتىپ، رەفورمانى جاپپاي تەرەڭدەتۋدىڭ جاڭا دامۋ جاعدايىن قالىپتاستىرۋداعى شەشۋشى رولىن ساۋلەلەندىرۋ كەرەك.


  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.


  ءماجىلىس «ورتالىقتىڭ رەفورمانى جاپپاي تەرەڭدەتۋ كوميتەتىنىڭ 2020 - جىلعى قىزمەت قورىتىندىسى بايانداماسىن»، «ورتالىقتىڭ رەفورمانى جاپپاي تەرەڭدەتۋ كوميتەتىنىڭ 2021 - جىلعى ماڭىزدى قىزمەت تۇيىندەرىن» قاراپ ماقۇلدادى.


  ءماجىلىس «حالىق تۇرمىسىنا قاتىستى ماڭىزدى تاۋارلاردىڭ باعاسىن رەتتەۋ - مەڭگەرۋ مەحانيزمىن كەمەلدەندىرۋ جونىندەگى پىكىردى»، «ۇكىمەت باسقارۋىنداعى شيپاحانالاردىڭ ساپالى دامۋىن ىلگەرىلەتۋ جونىندەگى پىكىردى»، «اۋداننان تومەنگى ءىسورىنداردىڭ باسقارۋ ورنىنداعى قىزمەتكەرلەردىڭ دارەجەسىن ءوسىرۋ ءتۇزىمىن ورناتۋ جونىندەگى پىكىردى»، «ءدارى - دارمەكتى باقىلاۋ - باسقارۋ قابىلەتى قۇرىلىسىن جاپپاي كۇشەيتۋ جونىندەگى اتقارۋ پىكىرىن»، «ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ جانە كەمەلدەندىرۋ جونىندەگى پىكىردى»، «‹قىستاق زورەكەرلەرى› ماسەلەسىنەن ۇزدىكسىز ساقتانۋ جانە ونى جونگە سالۋ جونىندەگى پىكىردى»، «ارىز - شاعىم قاينارىن جونگە سالۋدى كۇشەيتىپ، قايشىلىقتاردى تۋ باستان شەشۋدى ىلگەرىلەتۋ جونىندەگى پىكىردى» قاراپ ماقۇلدادى.


  ءماجىلىس بىلاي دەپ اتاپ كورسەتتى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتى جاعدايدىڭ دامۋ وزگەرىسىن تەرەڭ يگەرىپ، رەفورمادا قامال الۋ جانە جەتەكشىلىك ەتۋ رولىن تولىق ساۋلەلەندىرىپ، رەفورمانى وزگەرىس جاعدايىنا توتەپ بەرۋدىڭ، جاڭا جاعداي اشۋدىڭ ماڭىزدى تۇتقاسى ەتىپ، پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى ورنالاستىرىلعان رەفورما مىندەتتەرىنىڭ تياناقتانۋىن ىلگەرىلەتۋدى «13 - بەسجىلدىق» جوسپارداعى باستى نىسانا - مىندەتتەردى ورىنداۋمەن، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋمەن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋمەن تىعىز ۇشتاستىرىپ، حاۋىپ - قاتەردەن ساقتانۋ، نەگىز قالاۋ، حالىق تۇرمىسىنا تيىمدىلىك جاساۋ، ۇزاق بولاشاققا تيىمدىلىك جاساۋ رەفورمالارىن ورگانيكالى تۇردە بىرلىككە كەلتىرىپ، جۇڭگوشا سوتسياليستىك تۇزىمدە تاباندى بولۋدى جانە ونى كەمەلدەندىرۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى تىعىز ارقاۋ ەتىپ، اناعۇرلىم تەرەڭ قاتپارلى رەفورما، اناعۇرلىم جوعارى دەڭگەيدەگى ەسىك اشۋ ارقىلى ەكونوميكالىق، قوعامدىق دامۋدىڭ جالپى جاعدايىنا قىزمەت ەتىپ، حاۋىپ - قاتەر مەن سىن - سايىستىڭ سوققىسىنا ءتۇزىم ابزالدىعىمەن توتەپ بەرىپ، رەفورمانى جاپپاي تەرەڭدەتۋدە كەلەلى ىلگەرىلەۋشىلىككە قول جەتكىزىلۋىن ىلگەرىلەتتى.


  ءماجىلىس مىنالاردى دارىپتەدى: رەفورمانى جاپپاي تەرەڭدەتۋدىڭ جاڭا دامۋ جاعدايىن قالىپتاستىرۋداعى شەشۋشى رولىن ساۋلەلەندىرۋ ءۇشىن، جوعارى دەڭگەيلى ءوز كۇشىنە سۇيەنىپ الۋەتتەنۋ رەفورماسىن جۇزەگە اسىرۋدى ارقاۋ ەتىپ، پارتيانىڭ عىلىم - تەحنيكا قىزمەتىنە باسشىلىق ەتۋ ءتۇزىلىس، مەحانيزمىن كەمەلدەندىرىپ، عىلىم - تەحنيكادا جاڭالىق اشۋ كۇشتەرىن ورنالاستىرۋدى، فاكتورلاردى ورنالاستىرۋدى، دارىندىلار قوسىنىن جۇيەلىلەندىرۋدى، سايكەستىرۋدى، بىرلىككە كەلتىرۋدى ىلگەرىلەتىپ، بۇكىل ەل بولىپ ارەكەتتەنۋ سىندى جاڭاشا ءتۇزىلىس ابزالدىعىن ساۋلەلەندىرىپ، عىلىم - تەحنيكانىڭ وزەكتى باسەكەلىك قۋاتىنىڭ جوعارىلاۋىنا ىقپال جاسايتىن جانە ونى تەجەيتىن تۇزىلىستىك، مەحانيزمدىك كەدەرگىلەردى باتىل الاستاپ، ماڭىزدى سالالارداعى شەشۋشى تەحنيكالاردان جەدەل قامال الىپ، كاسىپ سالاسىنداعى كەدەرگىلەردى ءونىمدى تۇردە بۇزىپ، جاڭالىق اشا دامۋدىڭ ىرىقتىلىق ۇقىعىن مىقتى يگەرۋ كەرەك. ەكونوميكالىق اينالىمدى ىركىلىسسىزدەندىرۋدى ارقاۋ ەتىپ، رەفورمانى تەرەڭدەتىپ، ءادىل باسەكە ءتۇزىمىن كەمەلدەندىرۋ، مال - مۇلىك ۇقىعى مەن ءبىلىم مەنشىك ۇقىعىن قورعاۋدى كۇشەيتۋ، بازار تۇلعالارىنىڭ ومىرشەڭدىك كۇشىن تاسقىنداتۋ، كاسىپ تىزبەگى مەن قامداۋ تىزبەگىنىڭ ساپاسىن، دارەجەسىن جوعارىلاتۋدى ىلگەرىلەتۋ، وسى زامانعى اينالىم جۇيەسىن قۇرۋ، بۇكىل ەل بويىنشا بىرلىككە كەلگەن ءىرى بازار قۇرۋ سياقتى جاقتاردا اناعۇرلىم باعىتتامالى رەفورما شارالارىن العا قويىپ، ءتۇرلى رەفورمالاردىڭ توعىسۋىن، جۇيەلى شوعىرلانۋىن جەبەۋ كەرەك. ىشكى سۇرانىمدى ۇلعايتۋدى ارقاۋ ەتىپ، رەفورمانى تەرەڭدەتىپ، ىشكى سۇرانىم جۇيەسىن جەدەل جەتىلدىرىپ، وڭىرلىك سايكەستى دامۋ ءتۇزىلىس، مەحانيزمىن، قالا مەن اۋىلدىڭ توعىسپالى دامۋ ءتۇزىلىس، مەحانيزمىن اقاۋسىزداندىرىپ، ادامدى وزەك ەتكەن جاڭاشا قالا - قالاشىقتاندىرۋدى جەدەل ىلگەرىلەتىپ، جەر ءتۇزىمى، نوپوس ءتۇزىمى رەفورماسىن تەرەڭدەتىپ، كەدەيلىكتەن ارىلتۋدان قامال الۋدىڭ تابىستارىن اۋىل - قىستاقتى گۇلدەندىرۋمەن ءونىمدى ۇشتاستىرۋ مەحانيزمىن ورناتىپ جانە كەمەلدەندىرىپ، قايتالاي ءبولىستى رەتتەۋ مەحانيزمىن اقاۋسىزداندىرىپ، بىرگە اۋقاتتانۋدى تىڭعىلىقتى ىلگەرىلەتۋ كەرەك. جوعارى دەڭگەيدە سىرتقا ەسىك اشۋدى ارقاۋ ەتىپ، رەفورمانى تەرەڭدەتىپ، تاۋار، قىزمەت وتەۋ، قارجى، دارىندى سياقتى فاكتورلارداعى جىلجىمالى ەسىك اشۋدى تەرەڭدەتىپ، ەرەجە، ءتۇزىم، باسقارۋ، ولشەم سياقتى ءتۇزىم قۇرىلىسىن ورنىقتى ىلگەرىلەتىپ، بازارعا كىرۋگە رۇقسات ەتۋ جانە باقىلاۋ - باسقارۋ، مال - مۇلىك ۇقىعىن قورعاۋ، سەنىمدىلىك جۇيەسى سياقتى جاقتارداعى زاڭ - تۇزىمدەردى كەمەلدەندىرىپ، بازارلانعان، زاڭمەن جونگە سالىناتىن، حالىقارالانعان تيجارات - ساۋدا ورتاسىن جەدەل قالىپتاستىرىپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ءتۇزىلىسىن ورناتۋدى ىلگەرىلەتۋ كەرەك. جاپپاي جاسىل دامۋعا قاراي بۇرىلىس جاساۋ رەفورماسىن تەرەڭدەتۋدى ارقاۋ ەتىپ، ەكولوگيالىق وركەنيەت ءتۇزىلىسى رەفورماسىن ىشكەرىلەي ىلگەرىلەتىپ، جاراتىلىستىق بايلىق مال - مۇلىك ۇقىعى ءتۇزىمىن جانە زاڭ - ەرەجەلەردى اقاۋسىزداندىرىپ، بايلىق باعاسىن قالىپتاستىرۋ مەحانيزمىن كەمەلدەندىرىپ، جاسىل، تومەن كومىرتەكتى، اينالمالى داميتىن ەكونوميكالىق جۇيەنى ورناتىپ جانە كەمەلدەندىرىپ، 2030 - جىلدان بۇرىن كومىرتەگىنىڭ ىعىستىرىلۋىن جوعارى شەككە جەتكىزۋ ارەكەت جوسپارىن ءبىر تۇتاس جاساپ، دامۋدى بايلىقتان ۇتىمدى پايدالانۋ، ەكولوگيالىق ورتانى قاتاڭ قورعاۋ، جىلىجاي گازىن ىعىستىرۋدى ءونىمدى تىزگىندەۋ نەگىزىندە جۇرگىزىپ، ەلىمىزدىڭ جاسىل دامۋىنىڭ تىڭ ساتىعا كوتەرىلۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: رەفورمانىڭ جۇيەلى شوعىرلانۋىن كۇشەيتۋدى، رەفورمانىڭ تياناقتانىپ، ناتيجە بەرۋىن ىلگەرىلەتۋدى اناعۇرلىم كورنەكتى ورىنعا قويۋ كەرەك. ءبىرىنشى، جۇيەلى كوزقاراس ورناتىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن جوعارىلاتىپ، وزگەرىستى ىرىقتىلىقپەن تانىپ، وزگەرىسكە توتەپ بەرىپ، جالپى جاعداي كوز اياسى مەن جۇيەلى ويلاۋدى كۇشەيتىپ، رەفورما ساياساتىن ءبىر تۇتاس جوسپارلاۋدى، اياق الىسىن ءبىر تۇتاس جوسپارلاۋدى، ونىمدىلىگىن ءبىر تۇتاس جوسپارلاۋدى كۇشەيتىپ، رەفورمانىڭ جالپى تۇلعالىق اسەرىن ساۋلەلەندىرۋ كەرەك. ەكىنشى، ديالەكتيكالىق تۇرعىدان وي جۇگىرتىپ، ەكى ءتۇيىن نازارياسى مەن ماڭىزدى ءتۇيىن نازارياسىنىڭ بىرلىگىندە تاباندى بولىپ، ماسەلەنى نىشان ەتۋدەن جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرۋگە، جاڭا دامۋ جاعدايىن قالىپتاستىرۋعا ىقپال جاسايتىن كورنەكتى ماسەلەلەردى شەشىپ، حالىق بۇقاراسىنىڭ ءوندىرىسى مەن تۇرمىسىنا ىقپال جاسايتىن كورنەكتى ماسەلەلەردى شەشىپ، ماڭىزدى تۇيىننەن قامال الۋ ارقىلى رەفورمانىڭ ىشكەرىلەي ىلگەرىلەتىلۋىنە جەتەكشىلىك ەتۋ كەرەك. ءۇشىنشى، جاڭالىق اشۋ تانىمى بولۋ كەرەك، رەفورما جۇيەسىن شوعىرلاندىرۋدا كەيبىر جاق ورتالىق دەڭگەيىنەن بىرلىككە كەلتىرۋ تەبىنىن ارتتىرىپ، كۇشتى شوعىرلاندىرا وتىرىپ جالپى تۇلعالىق ىلگەرىلەتۋدى قاجەت ەتەدى، كەيبىر جاق جەرگىلىكتى نەگىزگى ساتىدان الدىمەن قامال الىپ، الدىمەن اۋقىم قالىپتاستىرىپ، ءىس جۇزىندىك جاعدايعا قاراي ىلگەرىلەتۋدى قاجەت ەتەدى. ءتورتىنشى، شەگە قاعۋ رۋحى بولۋ، رەفورمانىڭ تۇلعالىق جاۋاپكەرلىگىن تياناقتاندىرۋ، ەگجەي - تەگجەيلى تياناقتاندىرۋ، ءتۇزىم قۇرىلىسى سىندى وسى نەگىزگى جەلىنى ويداعىداي يگەرۋ، ءارى بۇرىنعى ءتۇزىم نەگىزىندە ۇزدىكسىز كەرپىش بولىپ قالانۋ، ءارى قازىرگى ءتۇزىم جۇلگەسى نەگىزىندە ويداعىداي «اشەكەيلەۋ»، ءتۇزىمنىڭ بوگەلۋ تۇيىندەرىن اشۋ، ءتۇزىمنىڭ اتقارىلۋىن مىقتى يگەرۋ، ءىس جۇزىندىك ماسەلەلەردى شەشۋدى ىلگەرىلەتۋ كەرەك.

  ءماجىلىس مىنانى دارىپتەدى: حالىق تۇرمىسىنا قاتىستى ماڭىزدى تاۋارلاردىڭ باعاسىن تىزگىندەۋ مەحانيزمىن كەمەلدەندىرۋدە حالىقتى وزەك ەتكەن دامۋ يدەياسىندا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، نازاردى نەگىزگى حالىق تۇرمىسىنا قاتىستى ماڭىزدى تاۋارلارعا شوعىرلاندىرىپ، ءوندىرىس، اينالىم، تۇتىنۋ سياقتى كوپ بۋىندى ىركىلىسسىزدەندىرۋدى تىعىز ارقاۋ ەتىپ، ۇكىمەت، بازار، قوعام سياقتىلاردىڭ رولىن ساۋلەلەندىرىپ، ەكونوميكا، زاڭ، اكىمشىلىك سياقتى كوپ ءتۇرلى تاسىلدەردەن پايدالانىپ، باعانى رەتتەۋ - مەڭگەرۋ قابىلەتى مەن دەڭگەيىن جوعارىلاتىپ، حالىق تۇرمىسىنا قاتىستى ماڭىزدى تاۋارلارمەن ءونىمدى قامداۋدى جانە باعانىڭ جالپى تۇلعالىق ورنىقتىلىعىن پارمەندى قامتاماسىزداندىرۋ كەرەك.

  ءماجىلىس مىنانى اتاپ كورسەتتى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا ۇكىمەت باسقارۋىنداعى شيپاحانالار ەڭ شۇعىل، ەڭ قاتەرلى، ەڭ جاپالى ەمدەۋ، قۇتقارۋ قىزمەتىن ۇستىنە الىپ، نەگىزگى قوسىندىق رولىن ساۋلەلەندىردى. ۇكىمەت باسقارۋىنداعى شيپاحانالاردىڭ ساپالى دامۋىن ىلگەرىلەتۋدە حالىقتىڭ سالاماتتىعىن وزەك ەتۋدە تاباندى بولىپ، نەگىزگى ەمدەۋ، دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىندا تاباندى بولىپ، ەمدەۋ مەن ساقتانۋدى توعىستىرۋدا، جايشىلىقتاعى جاعداي مەن شۇعىل جاعدايدى ۇشتاستىرۋدا، جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرۋدە تاباندى بولىپ، وسى زامانعى شيپاحانا باسقارۋ ءتۇزىمىن كەمەلدەندىرۋدى نىسانا ەتىپ، جۇيەدە، تەحنيكادا، ۇلگىدە، باسقارۋدا جاڭالىق اشۋدى كۇشەيتىپ، ساپالى ەمدەۋ بايلىعىن كەڭەيتۋ مەن وڭىرلەر ارا تەپە - تەڭ ورنالاستىرۋدى جەدەلدەتىپ، ساپالى، جوعارى ءونىمدى ەمدەۋ، دەنساۋلىق ساقتاۋ قىزمەت وتەۋىمەن اناعۇرلىم ويداعىداي قامداۋعا، سالماقتى ىندەت پەن توسىن تۋىلعان الەۋمەتتىك دەنساۋلىق ساقتاۋ حاۋىپ - قاتەرىنەن ساقتانۋعا جانە ونى جويۋعا، سالاماتتى جۇڭگو قۇرۋعا پارمەندى تىرەك ازىرلەۋ كەرەك.

  ءماجىلىس مىنالاردى دارىپتەدى: اۋداننان تومەنگى ءىسورىنداردا باسقارۋ قىزمەت ورىندارىنداعى قىزمەتكەرلەردىڭ دارەجەسىن ءوسىرۋ ءتۇزىمىن جاپپاي اتقارۋدا كادرلاردى پارتيا باسقارۋدا، دارىندىلاردى پارتيا باسقارۋدا تاباندى بولىپ، ساپالى، ماماندانعان ءىسورىندار كادرلار قوسىنىن قۇرۋدى كوزدە ۇستاپ، قازىرگى قىزمەتكەرلەردىڭ دارەجەسىن وزگەرتىپ، اۋداننان تومەنگى ءىسورىندارداعى قىزمەتكەرلەردىڭ دارەجەسى مەن قىزمەت ورنىنىڭ دارەجەسىن لايىقتى ايىرىپ، باستىسى ءمورالىن، قابىلەت ساپاسىن، جەكە ستاجىن، قىزمەت ناتيجەسىن ايگىلەيتىن دارەجە ءوسىرۋ ءتۇزىمىن ورناتىپ، اۋداننان تومەنگى ءىسورىندارداعى باسقارۋشىلاردىڭ كاسىپتىك جاقتان دامۋ اياسىن كەڭەيتۋ كەرەك.

  ءماجىلىس مىنالاردى اتاپ كورسەتتى: ءدارى - دارمەك باقىلاۋ - باسقارۋ قابىلەتى قۇرىلىسىن جاپپاي كۇشەيتۋدە حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، باعالاۋ، تەكسەرىپ بەكىتۋ ءتۇزىمى رەفورماسىن تەرەڭدەتىپ، باقىلاۋ - باسقارۋدا جاڭالىق اشۋدى ىلگەرىلەتىپ، باقىلاۋ - باسقارۋ قوسىنى قۇرىلىسىن كۇشەيتىپ، ءدارى - دارمەك باقىلاۋ - باسقارۋدىڭ عىلمي، جوعارى ءونىمدى، بەدەلدى جۇيەسىن ورناتىپ جانە كەمەلدەندىرىپ، ءدارى - دارمەك حاۋىپسىزدىگىنىڭ تومەنگى شەگىن باتىل ساقتاۋ كەرەك. وسى رەتكى ىندەتكە قارسى اتتانۋدىڭ تاجىريبەلەرىن، ادىستەرىن جۇيەلى قورىتىندىلاپ، توسىن تۋىلعان اۋىر، ەرەكشە اۋىر الەۋمەتتىك دەنساۋلىق ساقتاۋ وقيعالارىنداعى تەكسەرۋ - ولشەۋ، جۇيەنى تەكسەرۋ، تەكسەرىپ - باعالاۋ، تەكسەرىپ - بەكىتۋ، باقىلاۋ - باعالاۋ، شۇعىل پايدالانۋ سياقتى قىزمەت مەحانيزمىن اقاۋسىزداندىرىپ، كەمەلدەندىرىپ، ءدارى - دارمەكتى باقىلاۋ - باسقارۋدىڭ شۇعىل جاعدايعا توتەپ بەرۋ، ءبىر جاقتى ەتۋ قابىلەتىن جوعارىلاتۋ كەرەك.

  ءماجىلىس مىنالاردى دارىپتەدى: ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ كەرەك، مۇنىڭ تەتىگى − تۇنىق سۋ، جاسىل تاۋ باعالى بايلىققا اينالدىرىلعان ساياساتتىق ءتۇزىم جۇيەسىن ورناتىپ، قورعاۋدى ماڭداي الدى ورىنعا قويۋدا، ۇيلەسىمدى پايدالانۋدا تاباندى بولىپ، ەكولوگيالىق ورتانى قۇربان ەتۋ ارقىلى ءبىر مەزەت، ءبىر جەردە ەكونوميكانىڭ ارتۋىنا قول جەتكىزەتىن ادىستەردەن تۇبەگەيلى ارىلىپ، ەكولوگيالىق ورتانى قورعاۋشىلار يگىلىككە كەنەلەتىن، پايدالانۋشىلار اقى تولەيتىن، بۇلدىرۋشىلەر تولەم بەرەتىن مۇددە ارقىلى جەتەكشىلىك ەتىلەتىن مەحانيزم ورناتىپ، ۇكىمەت جەتەكشىلىك ەتەتىن، كاسىپورىندار مەن قوعامنىڭ ءار سالاسى ات سالىساتىن، بازارلاندىرۋ نەگىزىندە جۇمىس جۇرگىزەتىن، ەكولوگيالىق ونىمدەردىڭ قۇنىن جۇزەگە اسىرۋدىڭ باياندى جولىن قاراستىرىپ، ەكولوگيانى كاسىپ سالالاندىرۋدى جانە كاسىپتەردى ەكولوگيالاندىرۋدى ىلگەرىلەتۋ كەرەك.

  ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرگى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىندەگى «قىستاق زورەكەرلەرى» سياقتى كورنەكتى ماسەلەلەردى رەتتەۋ - جونگە سالۋداعى تابىستى تاجىريبەلەر مەن ءونىمدى ادىستەردى قورىتىندىلاپ، قابىلداپ، سوققى بەرۋ مەن قۇرۋدى قاتار جۇرگىزۋدە، ۇستىنەن وڭاۋ مەن تۇبىرىنەن وڭاۋدى ۇشتاستىرۋدا تاباندى بولىپ، ءار دارەجەلى پارتكومداردىڭ، اسىرەسە، اۋدان، اۋىل پارتكومدارىنىڭ پارتيانى جاپپاي قاتاڭ جونگە سالۋداعى تۇلعالىق جاۋاپكەرلىگىن قاتاڭ تياناقتاندىرىپ، «قىستاق زورەكەرلەرى» ماسەلەسىنەن ساقتانۋدىڭ جانە ونى جونگە سالۋدىڭ باياندى مەحانيزمىن قالىپتاستىرۋدى ۇيىمدىق جاقتان ىلگەرىلەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە حاۋىپسىز، ورنىقتى قوعامدىق ورتا ازىرلەۋ كەرەك.

  ءماجىلىس مىنالاردى دارىپتەدى: زاڭمەن جونگە سالۋ قۇرىلىسىندا ءارى سوڭعى بۋىندى يگەرۋ، اۋرۋدى ەمدەۋ، ونان دا ماڭىزدىسى، الدىڭعى جاقتى يگەرۋ، اۋرۋدى ەمدەتۋ كەرەك. جاڭا داۋىردەگى «فىڭچياۋ تاجىريبەسىندە» تاباندى بولىپ جانە ونى دامىتىپ، ارىز - شاعىمعا جاتپايتىن داۋ - شارلاردى شەشۋ مەحانيزمىن ماڭداي الدى ورىنعا قويىپ، ءتىپتى دە كوپ زاڭمەن جونگە سالۋ كۇشتەرىنىڭ جەتەكتەۋىن جانە سالالاپ جول نۇسقاۋىن ىلگەرىلەتىپ، قايشىلىقتار مەن داۋ - شارلاردان تۋ باستان ساقتانۋدى، الدىن الا شەشۋدى، وتكەلدى مەڭگەرۋدى كۇشەيتىپ، ساقتانۋ سيپاتىنداعى زاڭ - تۇزىمدەردى كەمەلدەندىرىپ، ارىز - شاعىمنىڭ ارتۋ مولشەرىن تۋ باستان ازايتۋ كەرەك.

  ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار