لي جانشۋ ۆەنگريا پارلامەنتىنىڭ ءتوراعاسى كوۆەرمەن كەڭەس وتكىزدى
2021.02.20 16:16 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 19 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 2 - ايدىڭ 19 - كۇنى حالىق سارايىندا بەينە ەكران تاسىلىمەن ۆەنگريا پارلامەنتىنىڭ ءتوراعاسى كوۆەرمەن كەڭەس وتكىزدى.
لي جانشۋ بىلاي دەدى: جۇڭگو مەن ۆەنگريا جان - جاقتى ستراتەگيالىق سەرىكتەستىك قاتىناس ورناتقاننان بەرى ساياسي ءوزارا سەنىمدىلىك ۇزدىكسىز تەرەڭدەپ، ءار سالاداعى سەلبەستىكتە سۇبەلى تابىستارعا قول جەتىپ، ەكى ەل قاتىناسى تاريحتاعى ەڭ جاقسى مەزگىلگە قادام تاستادى. جاڭا تيپتى ايدارشا ۆيرۋس وكپە قابىنۋ ىندەتىنىڭ سىناعى الدىندا ءتوراعا شي جينپيڭ مەن وربان زۇڭليدىڭ ستراتەگيالىق جەتەكشىلىگىندە ەكى ەل تار جول، تايعاق كەشۋدەن بىرگە ءوتىپ، ءبىر - بىرىنە قارايلاسىپ، ءبىر - ءبىرىنىڭ ىندەتكە قارسى اتتانۋىن جانە جۇمىستى قالپىنا كەلتىرۋىن بەلسەنە قولداپ، ەكونوميكا - ساۋدا سەلبەستىگىندە قيىن – قىستاۋ جاعدايدا تىڭ ورەگە ۇمتىلىپ، كەلەلى سەلبەستىك نىساندارى ىركەس - تىركەس تياناقتانىپ، ۆاكسينا سەلبەستىگى بەلسەندى ىلگەرىلەۋشىلىككە قول جەتكىزدى، جۇڭگو - ۆەنگريا قاتىناسى تاعى دا سەرپىمدىلىك پەن ىشكى ومىرشەڭدىك كۇشتى ايگىلەپ، تار جول، تايعاق كەشۋلەردەن بىرگە ءوتۋدىڭ، دوستىق سەلبەستىكتىڭ تىڭ داستانىن بىرگە جازدى.
لي جانشۋ بىلاي دەپ اتاپ كورسەتتى: تاياۋدا اشىلعان جۇڭگو − ورتا، شىعىس ەۆروپا ەلدەرى باسشىلارىنىڭ باس قوسۋى تابىستى بولدى. ءتوراعا شي جينپيڭ باسشىلار باس قوسۋىندا ارقاۋ ءسوز سويلەپ، وربان زۇڭليدى قامتىعان ورتا، شىعىس ەۆروپا ەلدەرىنىڭ باسشىلارىمەن سەلبەسىپ دامۋ ۇلى جوسپارىن اقىلداستى، بۇل بولاشاقتاعى سەلبەسىپ دامۋدى جوسپارلاپ، ىندەتتەن كەيىنگى ەكونوميكانىڭ قالپىنا كەلۋىن، دامۋىن بىرگە جۇزەگە اسىرۋدا ماڭىزدى مانگە يە. جۇڭگو حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، اشىق، جاريالى بولۋ، جاۋاپكەرلىك ارقالاۋ پوزيتسياسىمەن حالىقارالىق بورىشىن بەلسەنە اتقارىپ، ىندەتتەن ساقتانۋ – تىزگىندەۋ جانە ەمدەۋ تاجىريبەلەرىن ءبولىسىپ، ءىس جۇزىندىك ارەكەتى ارقىلى ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتەدى. جۇڭگو ەكى ەل قاتىناسىنا ستراتەگيالىق جانە ۇزاق بولاشاقتىق تۇرعىدان ۇزدىكسىز مامىلە جاسايدى جانە ونى دامىتادى، ۆەنگريامەن بىرگە ەكى ەل باسشىلارىنىڭ ماڭىزدى ورتاق تانىمىن ىشكەرىلەي تياناقتاندىرىپ، ءار سالاداعى اۋىس - كۇيىستى، سەلبەستىكتى تەرەڭدەتىپ، ەكى ەل مەن ەكى ەل حالىقتارىنا باقىت جاراتۋدى قالايدى.
لي جانشۋ مىنالاردى دارىپتەدى: زاڭ شىعارۋ قۇرىلىمدارىنىڭ بارىس - كەلىسى − جۇڭگو - ۆەنگريا قاتىناسىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى ۆەنگريا پارلامەنتىمەن دوستىق بارىس - كەلىستى تەرەڭدەتىپ، ەكى ەل باسشىلارى كەلىسكەن ماڭىزدى ورتاق تانىم مەن ەكى جاقتى سەلبەستىك كەلىسىمىنىڭ تياناقتانۋىن ىلگەرىلەتۋدى قالايدى. ەكى جاق جوعارى جىكتەگىلەردىڭ ءجيى بارىس - كەلىسىن ساقتاپ، ارناۋلى كوميتەتتەر مەن دوستىق گرۋپپالاردىڭ باعىتتامالى اۋىس - كۇيىسىن جەبەۋى كەرەك. ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، «ءبىر بەلدەۋ، ءبىر جولدى» بىرگە قۇرۋدى، سونداي - اق ءار سالاداعى ناقتى سەلبەستىكتى زاڭدىق كەپىلمەن قامداۋ كەرەك. مەملەكەتتى زاڭمەن جونگە سالۋ، ەكونوميكانى دامىتۋ، حالىق تۇرمىسىن جاقسارتۋ سياقتى جاقتارداعى تاجىريبە اۋىسۋدى كۇشەيتىپ، بىرگە دامۋدى جەبەۋ كەرەك.
كوۆەر بىلاي دەدى: ۆەنگريا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسى ەكى ەل قاتىناسىنىڭ جوعارى دەڭگەيىنىڭ سيمۆولى بولدى ءارى جاڭا سەلبەستىك ورىستەتۋدىڭ بولاشاعىن اشتى. جۇڭگونىڭ ىندەتكە بىرگە سوققى بەرۋ بارىسىندا كورسەتكەن زاتتىق جانە ۆاكسينا سياقتى جاقتارداعى كومەگىنە العىس ايتامىن. ۆەنگريا «ءبىر بەلدەۋ، ءبىر جول» قۇرىلىسى مەن ورتا، شىعىس ەۆروپا ەلدەرى - جۇڭگو سەلبەستىگىن باتىل قولدايدى جانە وعان بەلسەنە ات سالىسادى، ءتىپتى دە كوپ نىسان سەلبەستىگىن ىشكەرىلەي ىلگەرىلەتەدى. زاڭ شىعارۋ قۇرىلىمدارىنىڭ بەلسەندى رولىن ساۋلەلەندىرىپ، ەكى ەل دوستىعىنىڭ قوعامدىق جانە حالىق رايى نەگىزىن كۇشەيتۋگە ۇلەس قوسۋعا پەيىل.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار مۇشەسى بايماچىلين كەڭەسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
