ماماندار وقۋشىلارعا قىسقى دەمالىستا الپەت تۇزەتۋگە البىرتتىقپەن شەشىم جاساماۋدى ەسكەرتتى
2021.02.22 12:57 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شۋاي ساي، ياۋ يۇي 2 – ايدىڭ 21 – كۇنى چاڭشادان حابارلايدى. جۋىرداعى جىلداردان بەرى، الپەتىن تۇزەتۋگە، سىمباتىن وزگەرتۋگە ءمان بەرەتىندەر قاتارىنىڭ مولايۋىنا بايلانىستى، وقۋشىلاردىڭ اراسىندا قىستىق دەمالىستان پايدالانىپ الپەتىن تۇزەتۋ بىرتىندەپ ەتەك الدى، وسىنىڭ سالدارىنان الپەتىن تۇزەتۋگە قاتىستى داۋ – شارلاردىڭ سانى ارتا ءتۇستى.
جۋىردا ءتىلشى حۋنان ولكەسىندەگى ەمدەۋ قۇرىلىمدارىنىڭ الپەت تۇزەۋ، اجارلاندىرۋ بولىمدەرىنەن ۇعىسۋىنشا، قىسقى دەمالىس مەزگىلىندە الپەت تۇزەتۋ، اجارلاندىرۋ ىستەرىنە قاتىستى كەڭەس سۇرايتىن وقۋشىلاردىڭ قاتارى مولايعان. ماماندار وقۋشىلارعا الپەت تۇزەتۋدە كوزسىزدىكپەن اۋقىمعا ىلەسپەۋدى، ءارقانداي وپەراتسيانىڭ دا حاۋىپ – قاتەرى بولاتىنىن، الپەت تۇزەتۋ وپەراتسياسىنىڭ قوسالقى اۋرۋلاردى تۋىنداتۋى مۇمكىن ەكەنىن تولىق ويلاستىرۋدى ەسكەرتەدى.
جۇڭنان داشۋەسى شياڭيا 2 – ەمحاناسى كۇيىك جاراسىنا بايلانىستى الپەت تۇزەۋ، اجارلاندىرۋ ءبولىمىنىڭ مەڭگەرۋشىسى ۋاڭ شيانچىڭنىڭ تانىستىرۋىنشا، ءار جىلى دەمالىس بولعان سايىن، كوپتەگەن وقۋشىلار ەمحاناعا كەلىپ تەكسەرىلىپ، اجارلاندىرۋ، الپەت تۇزەۋ وپەراتسياسىن جاساۋدى تالاپ ەتەدى ەكەن. وقۋشىلار الپەت تۇزەتۋدە بەس مۇشەسىن تۇزەۋگە باسا ءمان بەرەدى، مىسالى، كوز قاباعىن قوس قىرتىستى ەتۋ وپەراتسياسى، مۇرىندى بيىكتەتۋ وپەراتسياسى، استىڭعى يەكتى تولىقتاۋ وپەراتسياسى، ومىراۋدى ۇلكەيتۋ وپەراتسياسى، دەنەدەگى مايدى سورعىزۋ وپەراتسياسى قاتارلىلارعا اۋەس. مۇنداي جاستار «بولماشى وپەراتسيا» ارقىلى ءوزىنىڭ بەت – الپەتىن تۇزەتىپ، تۇلعاسىن اجارلاندىرۋدى ويلايدى.
ۋاڭ شيانچىڭ مىنانى ەسكەرتەدى: «بولماشى وپەراتسيا» دەگەنىمىز «جاراقاتسىز وپەراتسيا» دەگەنمەن ۇقسامايدى، كوز قاباعىن قوس قىرتىستى ەتۋ، دەنەدەگى مايدى سورعىزۋ قاتارلى بولماشى وپەراتسيالاردىڭ بارلىعى مەديتسينالىق ەمدەۋدىڭ كولەمىنە جاتادى، حاۋىپ – قاتەرى مەن قوسالقى اۋرۋلاردى تولىق ويلاستىرۋ قاجەت. كوپتەگەن وقۋشىلاردىڭ اقىل – ويى ءالى تولىق جەتىلمەگەن، الپەت تۇزەتۋدەگى ماقساتى ايقىن ەمەس، كەيبىر وقۋشىلار ءوزىن دە، الپەت تۇزەتۋ وپەراتسياسىن دا تولىق تۇسىنبەۋمەن بىرگە، مەزەتتىك البىرتتىقپەن الپەت تۇزەتۋگە بەكيدى، الپەت تۇزەتكەننەن كەيىن تۋىندايتىن زارداپتار جونىندە تانىمى جەتەرسىز.
ۋاڭ شيانچىڭ مىنانى اتاپ كورسەتتى: الپەت تۇزەتكەندە، ءسوزسىز، رەسمي ەمحانالارعا بارۋ، كاسىپتىك شيپاگەرلەردەن كەڭەس سۇراۋ كەرەك، باعاسى ارزان ەكەن دەپ شاعىن ەمحانالارعا بارىپ الپەت تۇزەتۋ وپەراتسياسىن جاساتۋعا بولمايدى. بارلىعىن وي ەلەگىنەن وتكىزىپ، رەسمي ەمدەۋ قۇرىلىمدارىنا بارىپ تولىق كەڭەس سۇراپ، ساراپتاۋ جۇرگىزگەن سوڭ بارىپ، الپەت تۇزەتۋىمنىڭ قاجەتى بار ما، جوق پا دەگەن بەكىمدى بايسالدىلىقپەن جاساعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
