ولكەلەر ۇكىمەت قىزمەتكەرى ەمتيحانىنا تىزىمدەۋدى شوعىرلى تۇردە باستاپ كەتتى! مىناداي وزگەرىستەرگە نازار اۋدارعانىڭىز ءجون
2021.02.22 15:03 كەلۋ قاينارى : حالىق تورابى
اسىلگى تاقىرىبى: 2021 – جىلعى ۇكىمەت قىزمەتكەرى ولكەلىك ەمتيحانىنا تىزىمدەۋ شوعىرلى تۇردە باستالدى، نەگىزگى ساتىلارداعى قىزمەت ورىندارىنا قابىلداۋ سانى ارتتى
جۇڭگو اقپارات تورابىنىڭ 2 – ايدىڭ 21 – كۇنى بەيجيڭنەن بەرگەن حابارى. كوكتەم مەرەكەسىنىڭ دەمالىسىنان كەيىن، كوپتەگەن ولكەلەر 2021 – جىلعى ۇكىمەت قىزمەتكەرى ەمتيحانى جونىندەگى ۇقتىرۋىن شوعىرلى جاريالادى، ولكەلەردىڭ ەمتيحانعا تىزىمدەۋ قىزمەتى دە ىلە – شالا باستالىپ كەتتى. بيىل جەر – جەردەگى ولكەلىك ەمتيحاننىڭ جازباشا ەمتيحان ۋاقىتى جىلداعىدان ەداۋىر ەرتەرەك بولدى، قىزمەتكەر قابىلداۋ جاعىندا، نەگىزگى ساتىلارداعى قىزمەت ورىندارىنىڭ سانى ارتىپ، دارەجەگە، تۇرگە ءبولىپ ەمتيحان الۋ جاعىندا ىزدەنىس جاساۋ دا كورنەكتى ەرەكشەلىك قالىپتاستىردى.
جەر – جەر ۇكىمەت قىزمەتكەرى ولكەلىك ەمتيحانىنا تىزىمدەۋدى باستادى، بىرلەسپە ەمتيحان ۋاقىتى بۇرىنعى جىلدارداعىدان ەرتە بولىپ، 3 – ايدىڭ سوڭىنا ورنالاستىرىلدى
2 – ايدىڭ 18 – كۇنىنەن 20 – كۇنىنە دەيىنگى ءۇش كۇن ىشىندە، حەيلۇڭجياڭ، فۋجيان، يۇننان، حۋبەي، گۇيجوۋ، نيڭشيا، گۋاڭشي قاتارلى ولكەلەر جاڭا ءبىر جىلداعى ۇكىمەت قىزمەتكەرى ەمتيحانى جونىندەگى ۇقتىرۋىن شوعىرلى تۇردە جاريالادى.
ءارقايسى ولكەلەردەگى بىرلىك ەتىپ ۇيىمداستىرىلعان ۇكىمەت قىزمەتكەرى ەمتيحانى «ولكەلىك ەمتيحان» دەپ تە اتالادى، بىلتىر جىل سوڭىنان بەرى، شاڭحاي، جياڭسۋ، شاندۇڭ، بەيجيڭ، جىجياڭ، سانشي قاتارلى ولكەلەر 2021 – جىلعى ۇكىمەت قىزمەتكەرىن قابىلداۋدى باستاعان.
جۋىرداعى بىرنەشە جىلدان بەرى، كوپ ساندى ولكەلەر ۇكىمەت قىزمەتكەرىن قابىلداۋ قىزمەتىندە ءار جىلى 4 – ايدا شوعىرلى تۇردە جازباشا ەمتيحان الاتىن، ەمتيحانعان قاتىناسۋشىلار ونى «بىرلەسپە ەمتيحان» دەپ تە اتايتىن. الايدا، قازىر ءارقايسى ولكەلەر جاريالاعان جازباشا ەمتيحان ۋاقىتىنا قاراعاندا، بيىل كوپ جەر ولكەلىك ەمتيحاننىڭ جازباشا ەمتيحان ۋاقىتىن بۇرىنعىدان ەرتە ۋاقىتقا ورنالاستىرىپ، 3 – ايدىڭ سوڭىندا شوعىرلى الاتىن بولعان.
قازىر جازباشا ەمتيحان ۋاقىتىن جاريالاعان ولكەلەردەن سانشي، حىنان، جيلين، فۋجيان، يۇننان، حۋبەي، گۇيجوۋ، نيڭشيا، گۋاڭشي قاتارلى جەرلەردىڭ جازباشا ەمتيحان ۋاقىتى 3 – ايدىڭ 27 – كۇنىنەن 28 – كۇنىنە شوعىرلانعان.
ۋاقىت جاعىنان بايقاۋعا قاراعاندا، بيىلعى ۇكىمەت قىزمەتكەرى ولكەلىك ەمتيحانىنىڭ ۋاقىتى بۇرىنعى جىلدارداعىدان جالپى بەتتىك ەرتە بولعان، كوپتەگەن جەرلەر جوعارى مەكتەپتەردەگى سوڭعى جىلدىقتاعىلاردىڭ وقۋ تاۋىساتىن ۋاقىتىمەن ۇشتاستىرىپ، وقۋ تاۋىسقانداردىڭ دەرەۋ تىزىمدەلىپ، قىزمەتكە قاتىناسۋىنا مۇمكىندىك جاراتۋدى ايقىن ويلاستىرعان.
مىسالى، سانشي ولكەسى وسىدان بۇرىن : جوعارى مەكتەپتەردەن وقۋ تاۋىسقانداردىڭ ەرتەرەك كاسىپتەنۋىن، ورنىقتى كاسىپتەنۋىن ىلگەرىلەتۋ ءۇشىن، سانشي ولكەسىنىڭ ۇكىمەت قىزمەتكەرى ەمتيحانىن ەرەتەرەك باستاپ، 6 – ايدىڭ ورتا شەنىنە دەيىن بەتپە – بەت ەمتيحاندى ورنالاستىرىپ، 7 – ايدىڭ ورتا شەنىنە دەيىن قىزمەتكە قابىلداۋ رەسميەتتەرىن وتەپ بولۋدى جوسپارلاعانىن تانىستىرعان بولاتىن.
اتاپ وتۋگە تاتيتىن جايت، بىلتىر 11 – ايدا وقۋ – اعارتۋ مينيسترلىگى «2021 – جىلى بۇكىل ەلىمىزدەگى جاي جوعارى مەكتەپتەردەن وقۋ تاۋىساتىنداردى كاسىپتەندىرۋ، شارۋاشىلىق قۇرۋعا جەتەلەۋ قىزمەتىن ويداعىداي ىستەۋ جونىندەگى ۇقتىرۋىن» جاريالاعان. ۇقتىرۋدا: پارتيا – ۇكىمەت ورگاندارى، ءىس ورىندارى، مەملەكەت مەنشىگىندەگى كاسىپورىندار قاتارلىلار بيىلعى، كەلەسى جىلعى ەكى جىلداعى بوس تۇرعان قىزمەت ورىندارىنا نەگىزىنەن جوعارى مەكتەپتەردەن وسى كەزەك وقۋ تاۋىسقانداردان قىزمەتكەر قابىلداۋ قاتارلى ساياساتتى ويداعىداي تياناقتاندىرىپ، قىزمەتكەر قابىلداۋ قىزمەتىن ءبىرتۇتاس جوسپارلاپ، سايكەستى ورنالاستىرىپ، 2021 – جىلى 6 – ايدان بۇرىن بارلىق ساياساتتىق قىزمەت ورىندارىنا قىزمەتكەر قابىلداۋ قىزمەتىن ورىنداپ بولۋ ورتاعا قويىلعان.
دالمە – ءدال سارالاۋعا ءمان بەرىلەدى، كوپ جەرلەر دارەجەگە، تۇرگە ءبولىپ ەمتيحان الادى
ەمتيحان جونىندەگى ساياسات جاعىنان بايقاعاندا، 2021 – جىلعى مەملەكەتتىك ەمتيحاندا دالمە – ءدال، عىلىمي بولۋ، ادام سارالاۋدا ساپاعا اناعۇرلىم ءمان بەرۋ تالاپ ەتىلىپ، تۇرگە ءبولىپ ەمتيحان الۋدى تىڭعىلىقتى ىلگەرىلەتۋ باسا دارىپتەلگەن. جەر – جەردەگى ولكەلىك ەمتيحان جونىندەگى ساياسات جاعىنان بايقاۋعا قاراعاندا، دارەجەگە، تۇرگە ءبولىپ ەمتيحان الۋدىڭ ءوزى دە كورنەكتى ەرەكشەلىك بولىپ سانالادى.
مىسالى، بيىل يۇنناننىڭ ولكەلىك ەمتيحانىنداعى بايانداۋ – ىسپاتتاۋ ەمتيحانىنىڭ سىناق سۇراۋلارى ولكە، وبلىس، اۋدان دارەجەلى ورگاندارداعى قىزمەت ورىندارى، اۋىل – قالاشىق دارەجەلى ورگاندارداعى قىزمەت ورىندارى سىندى 2 تۇرگە ءبولىپ دايىندالعان، ولكە دارەجەلى توتە قاراستى قۇرىلىمدارداعى قىزمەت ورىندارىنىڭ بايانداۋ – ىسپاتتاۋ ەمتيحانىنىڭ سىناق ەمتيحانى ولكە، وبلىس، اۋدان دارەجەلى ورگاندارداعى قىزمەت ورىندارىنا ارنالعان بايانداۋ – ىسپاتتاۋ ەمتيحانىنىڭ سىناق سۇراۋلارىن ءبىرتۇتاس قولدانعان.
حەيلۇڭجياڭ ولكەسىندە بيىل ولكەلىك ەمتيحانداعى بايانداۋ – ىسپاتتاۋ ءپانىنىڭ سىناق ەمتيحان سۇراۋلارى ولكە دارەجەلى، قالا – اۋدان دارەجەلى، اۋىل – قالاشىق دارەجەلى سىندى ءۇش دارەجە بويىنشا دايىندالعان. جازباشا ەمتيحان اياقتاعان سوڭ، ولكە دارەجەلى باسقارۋشى تاراۋلار ولكە دارەجەلى، قالا – اۋدان دارەجەلى، اۋىل – قالاشىق دارەجەلى ەمتيحانداردىڭ ەڭ تومەنگى تولىمدىلىك ءنومىر شەگىن جاريالايدى.
حۋاتۋ وقۋ – اعارتۋ سەرىكتەستىگىنىڭ ۇكىمەت قىزمەتكەرى ەمتيحانى مامانى لي مانچين اقپارات قۇرالدارىنا: «جۋىرداعى جىلداردان بەرى، كوپتەگەن جەرلەر ۇكىمەت قىزمەتكەرىن قابىلداۋدا دارەجەگە، تۇرگە ءبولىپ ەمتيحان الۋ جاعىندا ىزدەنىس جاساۋدا، ۇكىمەت قىزمەتكەرى ەمتيحانىندا بىرتىندەپ ۇيىمدىق جاقتان ساي كەلۋدەن، قىزمەت ورنىنا ساي كەلۋگە قاراي بۇرىلىس جاسالدى، وسى ارقىلى دارىندىلاردى اناعۇرلىم ويداعىداي سارالاپ، دارىندىنىڭ قىزمەت ورنىنا سايكەس كەلۋىنە ءمان بەرۋگە كۇش سالىندى»، — دەدى.
كوپ جەرلەردە نەگىزگى ساتىلارداعى قىزمەت ورىندارىنا قابىلدايتىن ادام سانى ارتقان
جەر – جەردىڭ قىزمەتكەر قابىلداۋ جاعدايىن بايقاۋعا قاراعاندا، جەر – جەردىڭ ۇكىمەت قىزمەتكەرىن قابىلداۋدا نەگىزگى ساتىلارعا بەيىمدەلۋ بەتالىسى دا ءبىرشاما كورنەكتى بولعان.
مىسالى، 2021 – جىلعى جىجياڭنىڭ ولكەلىك ەمتيحانىندا اۋدان دارەجەلىدەن تومەنگى ورگاندارعا قابىلداناتىن قىزمەتكەر سانى 5277 ادام بولادى، بۇل ولكە بويىنشا قابىلداناتىن ادام سانىنىڭ %87.95 ىن ۇستايدى دەپ جوسپارلاعان.
تاعى ءبىر مىسال، شاندۇڭ ولكەسىنىڭ 2021 – جىلعى ۇكىمەت قىزمەتكەرىن قابىلداۋ جوسپارىندا، اۋدان دارەجەلىدەن تومەن ورگاندارعا جيىنى 5142 قىزمەتكەر قابىلداۋ جوسپارلانعان، بۇل ولكە بويىنشا قابىلداناتىن جالپى ادام سانىنىڭ %82 ىن ۇستايدى.
«نەگىزگى ساتىلارداعى قىزمەت ورىندارىنا قابىلداۋ سانىن ارتتىرۋ، ءبىر جاعىنان ايتقاندا، ءار دارەجەلى پارتيا – ۇكىمەت ورگاندارىنىڭ ‹التىنى ورنىقتىرۋدى›، ‹التىنى قامتاماسىزداندىرۋدى› تياناقتاندىرىپ، كاسىپتەنۋدى قامتاماسىزداندىرۋدى ورىنداعاندىعى، ەندى ءبىر جاعىنان ايتقاندا، جۋىرداعى جىلداردان بەرى ەلىمىزدىڭ ۇكىمەت قىزمەتكەرىن قابىلداۋدا نەگىزگى ساتىلارعا بەيىمدەلۋ سىندى تۇتاس تۇلعالىق ساياساتتىق جەتەكشى باعدارىنا ۇيلەسەتىن جاعداي»، — دەپ ساراپتادى لي مانچين.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
