شي جينپيڭ قىرعىزستاننىڭ زۇڭتۇڭى جاپاروۆپەن تەلەفوندا سويلەستى
2021.02.23 14:10 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 22 - كۇنى كەشتە قىرعىزستاننىڭ زۇڭتۇڭى جاپاروۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن قىرعىزستان ديپلوماتيالىق قاتىناس ورناتقان 29 جىلدان بەرى ەكى ەل قاتىناسى حالىقارالىق اۋمالى - توكپەلى جاعدايدىڭ سىنىنان ءوتىپ، اقاۋسىز، ورنىقتى دامۋ جاعدايىن ساقتادى. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، «ءبىر بەلدەۋ، ءبىر جولدى» بىرگە قۇرۋدا قوماقتى تابىسقا قول جەتكىزىپ، حالىقارالىق ىستەردە تىعىز سايكەسىپ جانە سەلبەسىپ وتىردى. جۇڭگو قىرعىزستاننىڭ ورنىقتى دامۋدى جۇزەگە اسىرۋىن شىن جۇرەكتەن ءۇمىت ەتەدى، قىرعىزستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، قىرعىزستان ۇكىمەتىنىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن قورعاۋىن قولدايدى. جۇڭگو قىرعىزستانمەن بىرگە ەكى ەل قاتىناسىنىڭ دامۋ اۋقىمىن يگەرىپ، جۇڭگو مەن قىرعىزستاننىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ دارىپتەدى: جۇڭگو جاڭا دامۋ جاعدايىن جەدەل قالىپتاستىرىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋدە، بۇل قىرعىزستاندى قامتىعان دۇنيە جۇزىندەگى ەلدەرگە اناعۇرلىم كوپ دامۋ ورايىن ازىرلەيدى. جۇڭگو مەن قىرعىزستان ەكى ەلدىڭ ناقتى سەلبەستىگىنىڭ باياندى، ورنىقتى دامۋىن ىلگەرىلەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، ەكونوميكا - ساۋدا، ءوزارا بايلانىس، اۋىل شارۋاشىلىعى سياقتى سالالارداعى سەلبەستىكتى تەرەڭدەتىپ، كەلەلى سەلبەستىك نىساندارىنىڭ ءساتتى ىلگەرىلەۋىنە كەپىلدىك ەتۋى كەرەك. جۇڭگو جۇڭگو كاسىپورىندارىن قىرعىزستانعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى، قىرعىزستاننىڭ ساپالى اۋىل شارۋاشىلىق ونىمدەرى سياقتىلاردىڭ جۇڭگوعا ەكسپورت ەتىلۋىن قارسى الادى. ەكى جاق حاۋىپسىزدىك سەلبەستىگىن كۇشەيتىپ، ەكى ەلدىڭ جانە وسى ءوڭىردىڭ حاۋىپسىزدىگى مەن ورنىقتىلىعىن ويداعىداي قورعاۋى كەرەك. جۇڭگو قىرعىزستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قولداۋ كورسەتىپ، ۆاكسينا سياقتى سالالارداعى سەلبەستىكتى تەرەڭدەتۋدى قالايدى.
جاپاروۆ مىنالاردى ءبىلدىردى: قىرعىزستان جۇڭگونىڭ قىرعىزستاننىڭ ەكونوميكالىق، قوعامدىق دامۋىنا قاستەرلى كومەك كورسەتكەنىنە ءارى قىرعىزستاننىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىنە شىنايى قولداۋ كورسەتكەنىنە العىس ايتادى. جۇڭگو − قىرعىزستاننىڭ سەنىم ارتاتىن ماڭگىلىك تاتۋ كورشىسى، ابزال دوسى، جاقسى سەرىگى. قىرعىزستان جۇڭگونىڭ شياڭگاڭعا، شينجياڭعا، تايۋانعا ساياتىن وزەكتى مۇددە ماسەلەلەرىندەگى تۇرعىسىن باتىل قولدايدى، ءبىر جۇڭگو پرينسيبىنە باتىل بويسۇنادى. قىرعىزستان جۇڭگو كاسىپورىندارىنىڭ قىرعىزستانعا بارىپ قارجى قوسۋىن قارسى الادى، جۇڭگومەن بىرگە قۇلشىنىپ، تەمىر جول سياقتى ءىرى نىساندار سەلبەستىگىن ىلگەرىلەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى قالايدى. ءتوراعا شي جينپيڭنىڭ تاياۋدا «داۆوس كەڭەستىك تارتىبىندە» كوپ جاقتىلىقتا تاباندى بولۋ، اشىق دۇنيە ءجۇزى ەكونوميكاسىن قۇرۋ جونىندە العا قويعان دارىپتەمەسى توتەنشە ماڭىزدى، قازىرگى جاعدايدا ەرەكشە رەال مانگە يە. قىرعىزستان جۇڭگومەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ءتوراعا شي جينپيڭنىڭ پارمەندى باسشىلىعىندا، جۇڭگو حالقىنىڭ اناعۇرلىم زور تابىسقا جەتەتىنىنە سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
